যিশাইয় 13:20 - Chakma Bible

²⁰ সিয়েন ভিদিরে আর কনদিন্‌অ থেবার্ জাগা ন-অবঅ বা বংশর পর বংশ ধুরিনে কনজনে সিয়েনত্ বজত্তি ন-গুরিবাক্। কনঅ আরবীয় সিয়েনত্ তাম্বুল্ ন-ফেলেবাক্, কনঅ গরগে সিয়েনত্ তা এ্যামানুনোরে জিরেবাত্তে ন-দিবাক্।

যিশাইয় 13:20 Iomraidhean Croise

২ বংশধর 17:11

কয়েক্কো পলেষ্টীয় কর্‌ ইজেবে যিহোশাফট ইদু বক্‌শিজ্‌ আর রূবো লোই এলাক্‌ আর আরবীয়গুনে লোই এলাক্‌ সাত আজার সাতশঅ ভেড়া আর সাত আজার সাতশঅ ছাগল।

ইয়োব 3:7

সে রেত্‌তো ভাজ্‌ ওক্‌, কনঅ রঙ্গ-ফুত্তির্‌ গান তা ভিদিরে শুনো ন-যোক্‌।

পরমগীত 1:7

ও মর্ পরাণান্, তুই মরে কঅ, কুদু তঅ ভেড়া পালুন্ তুই চড়া? তঅ ভেড়াগুনোরে দ্বিবুজ্যে কুদু জিরেবাত্তে দুয়োজ্? তঅ সমাজ্যে গরক্কুনোর্ ভেড়া পালুনো ইদু কিত্তে মুই ঘঙদা দিয়্যে বেশ্যে ধোক্ক্যেন্ যেম্?

যিশাইয় 14:23

মুই তারে কুদুক্-কাদাগর্ জাগায়ান্ আর পানি জাগায়ান্ গুরি দিম্। ভস্ত অনা চোরোন্ দরালোই মুই তারে ছুরি দিম্। মুই বেগত্তুন্ খেমতাবলা লগেপ্রভু এ কধাগান্ কঙর্।”

যিশাইয় 21:1

ধূল্যেচর-দাঙর্ সাগর পৌইদ্যেনে আগাম্ কধা: নেগেভত্ যেবাবোত্যে গুরি তুঠ্যে বোইয়্যের্ বেঈ যায় সেবাবোত্যেগুরি ধূল্যেচর-চাগালাত্তুন্, সেই দর্‌‌গরেপারা দেজ্‌‌ছানত্তুন্ এক্কান দজা এজের্।

যিশাইয় 25:2

তুই শঅরানরে শিল্ পাত্তর ভিদে বানেয়োচ্ আর দেবাল-ঘিজ্যে শঅরানরে গোজ্যস্ ভস্তর্ কুড়্। বিদেশী শত্রুগুনোর ঘরানি আর্ ন-থেবঅ; সিয়েনি কনদিন্অ আর্ বানা ন-অবঅ।

যিশাইয় 34:17

তে পোরোক্ক্যে গুরিনে আর মাবেদে দুড়িলোই মাবিনে সে জাগায়ান তারারে ভাগ্ গুরি দিবো। সিয়েনি জিংকানিবর্ তারার্ থেবঅ; বংশর্ পর বংশ ধুরি তারা সিয়েনত্ বজত্তি গুরিবাক্।

যিরমিয় 49:33

হাৎসোরান অবঅ শিয়েলর থেবার জাগা আর জিংকানিবর্ মানুচ্ নেইয়্যে জাগা। কনজনে সিয়েনত্ বজত্তি ন-গুরিবাক্, সিয়েন ভিদিরে কনঅ মানুচ্ ন-থেবাক্।”

যিরমিয় 50:13

লগেপ্রভুর রাগর্ কারনে সিয়েন ভিদিরে কনজনে বজত্তি ন-গুরিবাক্, সিয়েন এক্কুবারে ভস্ত ওইয়্যে জাগা অবঅ। যিগুনে বাবিল কায়-কুরেদি যেবাক্ তারা বেক্কুনে আমক্ অবাক্ আর সিয়েনর বেক্ আঘাত্‌‌তানি দেগিনে ঠাট্টা-মশ্‌‌কারি গুরিবাক্।

যিরমিয় 50:21

“ও বাবিল শত্রুগুন, মুই লগেপ্রভু কঙর্, তুমি মরাথয়িম দেজ্‌‌‌‌‌‌চানরে আর যিগুনে পকোদত্ বজত্তি গরন তারারে আক্রমণ গরঅ। তারারে লড়অ, মারে ফেল আর পুরোপুরি ভস্ত গুরি দুয়ো; মুই তমারে যে যে উগুমানি দুয়োং সিয়েনি বেক্কানি তুমি পালেবে।

যিরমিয় 50:3

উত্তোরেত্তুন্ এক্কো জাদে তারে আক্রমণ গুরিবো আর তা দেজ্‌‌‌‌‍চানরে ফেলা যেইয়্যে ভূই গুরি রাগেব। কনজনে সিয়েন ভিদিরে বজত্তি ন-গুরিবাক্; মানুচ্ আর য়েমানে দ্বিবে ধেই যেবাক্।

যিরমিয় 50:39

সেনত্তে ধূল্যেচরর্ য়েমান আর শিয়েলুনে সিয়েনত্ বজত্তি গুরিবাক্, আর সিয়েনত্ উটপেগ্ থেবাক্। সিয়েনত্ আর কনদিন্‌অ মানুচ্ ন-থেবাক্, বংশর পর বংশ কনজনে সিয়েনত্ বজত্তি ন-গুরিবাক্।

যিরমিয় 50:45

সেনত্তে বাবিল বিরুদ্ধে লগেপ্রভু কি পরিকল্পনা গোজ্যে, বাবিলীয়গুনো বিরুদ্ধে তে কি ঠিগ্ গোজ্যে সিয়েন শুনো-পাল ছঅগুনোরে টানি নেযা অবঅ; তারার কামানিত্তে তারার চোড়েয়্যে ভূইয়ানি তে এক্কুবারে ভস্ত গুরি দিবো।

যিরমিয় 51:25

লগেপ্রভু কোইয়্যেদে, ও ভস্তগুরিয়্যে মুড়ো, তুই বেক্ পিত্‌‌‌থিমীগানর ভস্তগুরিয়্যে; মুই তঅ বিরুদ্ধে। মঅ আঢ্‌তান মুই তঅ বিরুদ্ধে বাবেইনে অজল্ মুড়োত্তুন্ তরে গোজ্যেই দিম আর তরে এক্কো পুড়ি যেইয়্যে মুড়ো বানেম্।

যিরমিয় 51:29

দেজ্ গির্‌‌‌‌‌গিরের্ আর মজরা খার্, কিত্তে বাবিলরে মানুচ্ নেইয়্যে আর উগুজ্যে ভূই গুরি রাগেবার লগেপ্রভুর যে উদ্দেশ্য সিয়েন ঠিগ্ রোইয়্যে।

যিরমিয় 51:37

বাবিলান অবঅ এক্কান ভস্ত ওইয়্যে কুর্, শিয়েলুনোর্ থেবার জাগা আর ঠাট্টা-মশকারির্ জাগা। সিয়েনত্ কনজন বজত্তি ন-গুরিবাক্; তা অবস্থা দেগিনে মানুচ্চুনে আমক্ অবাক্।

যিরমিয় 51:43

তার শঅরানি ভস্ত ওই যেবঅ। সিয়েনি অবঅ শুগুনো আর ধূল্যেচর দেজ্; সেই দেজত্ কনজনে বজত্তি ন-গুরিবাক্, সিয়েন ভিদিরেদি কনজনে যানা-এযানা ন-গুরিবাক্।