যিশাইয় 13:14 - Chakma Bible

¹⁴ শিগের্ গুরিবাত্তে লড়া হেইয়্যে উরিঙো ধোক্ক্যেন্, গরক্ বাদে ভেড়া ধোক্ক্যেন্ পত্তিজনে তার নিজো মানুচ্চুনো ইদু ফিরি যেবাক্, পত্তিজনে তার্ নিজো দেজত্ ধেই যেবাক্।

যিশাইয় 13:14 Iomraidhean Croise

১ রাজাবলী 22:17

জোবত্‌ মীখায় কলদে, “মুই চেলুং, ইস্রায়েলীয়গুনে বেক্কুনে গরক্‌নেইয়্যে ভেড়া ধোক্ক্যেন্ মুড়োবো উগুরে ছিদি পোজ্যন্‌। সেনত্তে লগেপ্রভু কলঅ, ‘ইগুনোর্‌ কনঅ গিরোজ্‌ নেই, সেনত্তে তারা গমেডালে যে যার্‌ ঘরত্‌ যাদোক্‌।’”

১ রাজাবলী 22:36

বেলান্‌ ডুবিবার্‌ অক্তত্‌ সৈন্যদল ভিদিরে এ কধাগান ফগদাং গরা অলঅ, “তুমি বেক্কুনে যে যার্‌ আদামত্‌ আর ঘরত্‌ ফিরি যঅ।”

যিশাইয় 17:13

দর্‌‍‍গরেপারা বান পানি রঅ ধোক্ক্যেন যুনিয়ো মানুচ্চুনে গুজুরোদন্, তো তে ধমক্ দিলে তারা দূরোত্ ধেই যেবাক্। বোইয়্যের মুয়োত্ মুড়ো-মুড়ি উগুরেগান তুজো ধোক্ক্যেন, ঝড় মুয়োত্ ধূল্যে ধোক্ক্যেন তারারে ধাবেই দিয়্যে অবঅ।‍

যিশাইয় 21:15

তারা তলোয়ার মুজুঙেত্তুন্, খুলো তলোয়ার মুজুঙোত্তুন্, বেঙা ধনু মুজুঙোত্তুন্ আর দর্‌গরেপারা যুদ্ধোর মুজুঙোত্তুন্ ধেই যাদন্।‌‌

যিশাইয় 47:15

যিগুনো লগে তুই কাম্ গোজ্যস্ আর চিগোনত্তুন্ ধুরি বেবসা গোজ্যস্ তারা সেবাবোত্যে অবাক্। তারা পত্তি জনে নিজো নিজো পধেদি চলদন্; একজন্অ নেই যে তরে রোক্ষ্যে গুরি পারে।”

যিরমিয় 25:12

মাত্তর্ সত্তুর বজর্ অলে পরেদি মুই বাবিলোর রাজা আর তা জাদ্‌তুনোরে তারার অন্যেয়ত্তে সাজা দিম আর বাবিলীয়গুনোর দেজ্‌‌‌চান উমরত্তে ভস্তর্ জাগা বানেম।

যিরমিয় 50:16

বাবিলত্ যিগুনে বীজ ফেলান্ আর অক্ত মজিম্ ফসল কাবন্ তারারে বেক্কুনোরে শেজ্ গুরি দুয়ো। অত্যেচারির্ তলোয়ারর্ দরে পত্তিজনে তা নিজো মানুচ্চুনো ইধু ফিরি যেবাক্, পত্তিজনে তা নিজো দেজত্ ধেই যেবাক্।

যিরমিয় 51:9

মান্‌‌‌‌জ্যে কন্, “আমি বাবিলরে গম্ গুরিবাত্তে চেরেস্‌‌‌‌টা গুরির্, মাত্তর্ তে গম্ ন-অয়। আঢঅ, আমি তারে ছাড়িনে যে যার্ দেজত্ যেই, কিত্তে তার্ সাজাগান আগাজত্ সং লুম্বেগোই, সিয়েন মেঘ সং অজলত্ উঠ্যেগোই।”

নহূম 3:18

ও আসিরিয়ার রাজা, তঅ নেতাগুনে ঘুমোদন্; তঅ রাজ্‌কামগুরিয়্যেগুনে পড়ি আগন্। তঅ মানুচ্চুনে মুড়োই মুড়োই ছিদি পোজ্যন্, তারারে এগত্তর্ গুরিবার কনজন নেই।

মথি লেখ্যে গম্ হবর্ 9:36

মানুচ্চুনোর গেজাঘেস্যে দেগিনে তারাত্তে তার্ মেয়্যে অলঅ, কিয়া তারা গরক্ নেইয়্যে ভেড়া ধোক্ক্যেন্ অরান্ আর অসহায় এলাক্।

মার্ক 6:34

যীশু নৌকোত্তুন্ লামিনে সয়-সাগোজ্যে মানুচ্ দেগিলো। এ মানুচ্চুনোত্তে যীশুর ভারী মেয়্যে অলঅ কিয়া ইগুনোর দশাগান গরক্ নেইয়্যে ভেড়া ধোক্ক্যেন এলঅ। যীশু তারারে ভালোক্কানি পৌইদ্যেনে শিক্ষ্যে দিয়্যে ধুরিলো।

১ পিতর 2:25

ভুল পধত্ যেইয়্যে ভেড়া ধোক্ক্যেন তুমিয়ো ভুল পধেদি যর্, মাত্তর্ যে পালক তমা মন ভিদিরে দেগাশুনো গরে তুমি তা ইধু ফিরি এচ্চ্য।