যিশাইয় 13:13 - Chakma Bible

¹³ সেনত্তে মুই আগাজ্‌‌চানরে গির্‌‌‌গিরে দিম্; বেগত্তুন্ খেমতাবলা লগেপ্রভুর অমকদ রাগে তার জোল্‌জোল্যে রাগর্ দিন্নোত্ পিত্‌থিমীগানে তা জাগানত্তুন্ লুড়িবো।‌

যিশাইয় 13:13 Iomraidhean Croise

ইয়োব 9:6

তে পিত্‌থিমীগানরে তা জাগানত্তুন্‌ ইজেরে দে, তা খুদোগুনোরে গির্‌গিরে তুলে।

গীতসংহিতা 18:7

সেক্কে পিত্‌‌‌থিমীগান গির্‌গিরে উদিলো আর লুরিলো, গির্‌গিরে উদিলো বেক্ মুড়োগুনোর্ গড়াগানি; তা রাগে সিগুন্ গির্‌গিরেলাক্।

গীতসংহিতা 88:16

তর্ দর্‌গরেপারা রাগ্‌কান মঅ উগুরেন্দি বুয়োই যেইয়্যে; তর্ দর্‌বুগ্ লাগেয়্যে আঘাত্‌তানে মরে শেজ্ গুরি দিয়্যে।

যিশাইয় 2:19

লগেপ্রভু যেক্কে পিত্‌থিমীর মানুচ্চুনোরে দর্‌বুক্ দেগেবাত্তে এবঅ সেক্কে তার্ দর্‌গরেপারা আর মহিমার্ জোল্‌জোল্যেগান আঢত্তুন্ রোক্ষ্যে পেবাত্তে মান্‌জ্যে সেদিন্যে মোন্-মুড়ো সেরে সুরুঙোত্ আর মাঢি গাদত্ ধেই যেবাক্।

যিশাইয় 21:1

ধূল্যেচর-দাঙর্ সাগর পৌইদ্যেনে আগাম্ কধা: নেগেভত্ যেবাবোত্যে গুরি তুঠ্যে বোইয়্যের্ বেঈ যায় সেবাবোত্যেগুরি ধূল্যেচর-চাগালাত্তুন্, সেই দর্‌‌গরেপারা দেজ্‌‌ছানত্তুন্ এক্কান দজা এজের্।

যিশাইয় 23:11

লগেপ্রভু বড়্ সাগর উগুরে তা আঢ্‌তান বাবেই দিয়্যে আর রেজ্যগানিরে ভূজোল ধোক্ক্যেন গোজ্যে। তে কনান দেজ পৌইদ্যেনে এক্কান উগুম জারি গোজ্যে যেনে তার ঘরানি ভস্ত গরা অয়।

যিশাইয় 24:1

চঅ, লগেপ্রভু পিত্‌থিমীগানরে এক্কুবারে খালি গুরিবাত্যে আর ভস্ত গুরিবাত্যে যার্। তে তার্ উগুরে ভাগ্‌কান উল্ল্যে ফেলেইনে তা আদাম্মেগুনোরে ছিদি দিবো।

যিশাইয় 24:18

যে মানুচ্চো দরে ধেবঅ তে গাদত্ পড়িবো, আর যে গাদত্তুন্ উদি এবঅ তে ফালত্ ধরা পড়িবো। আগাজত্ ফাদামাড়া অবঅ আর পিত্‌‌থিমীর গড়াগান্ গির্‌গিরেব।‌

যিশাইয় 24:19

পিত্‌থিমীগান কট্টা কট্টা অবঅ, পিত্‌‌‌থিমীগান ভাঙি পুরিবো, পিত্‌‌‌থিমীগান অমকদ গির্‌গিরেব।

যিশাইয় 34:4

আগাজর্ বেলান-চানান্-তারাগুন্ ভস্ত ওই যেবাক্ আর আগাজ্‌ছান বুদি থোইয়্যে কাবোজ্ ধোক্ক্যেন বুদি যেবঅ। যেবাবোত্যেগুরি আংগুর লুদি আর ডোমোর্ গাজত্তুন্ শুগুনো পাদানি পড়ি যায় সেধোক্ক্যেন্ গুরি বেক্ তারাগুন্ পড়িবাক্।

যিশাইয় 47:1

লগেপ্রভু কত্তে, “ও গাবুজ্যে মিলে বাবিল, তুই তলেদি লামিনে ধূল্যেত্ বস্; ও বাবিল, তুই সিংহাসনান্ ছাড়িনে মাদিত্ বস্। তরে আর নরম আহ্ সুগী বিলিনে কুয়ো ন-যেবঅ।

যিশাইয় 51:6

তুমি আগাজ ইন্দি রিনি চঅ আর তলেদি পিত্‌থিমীগান ইন্দি রিনি চঅ। আগাজ্‌‌‌চান ধূমো ধোক্ক্যেন অদাদত্ লুগিবো, পিত্‌‌‌‌থিমীগান কাবড় ধোক্ক্যেন পুরোণ ওই যেবঅ আর তা আদাম্মেগুনেয়ো মুরি যেবাক্। মাত্তর্ মর্ দিয়্যে উদ্ধোরান উমরত্তে থিদেবর্ অবঅ আর মর্ সততাগান উমরত্তে থেবঅ।‌

যিশাইয় 9:19

বেগত্তুন্ খেমতাবলা লগেপ্রভুর অমকদ রাগে দেজ্‌‌‌চান জুলি যেবঅ, আর মানুচ্চুন্ আগুনোত্তে দার্‌বো গাজ ধোক্ক্যেন অবাক্। কনজনে তা ভেইবোরেয়ো দোয়্যে ন-গুরিবো।‌‌

যিরমিয় 51:1

লগেপ্রভু কোইয়্যেদে, চাহ্, লেব্‌-কামাই, অত্তাৎ বাবিল আর তা মানুচ্চুনো বিরুদ্ধে ভস্তগুরিয়্যে বোইয়্যেরানরে মুই আনঙর্।

আবিলেচ্ 1:12

তুমি যিগুনে মঅ কায়-কুরেদি যঅ তমাত্তুন্ কি কনঅ কিজু গুরিবার নেই? এক্কানা ঘুরিনে রিনি চঅ। মরে যে যন্ত্রনা দিয়্যে ওইয়্যে সেধোক্ক্যেন্ যন্ত্রনা কি আর কাররে দিয়্যে ওইয়্যে, যিয়েন্ লগেপ্রভু তার জোল্‌‌জোল্যে রাগর্ দিনোত্ মরে দিয়্যে?

যোয়েল 3:16

লগেপ্রভু সিয়োনত্তুন্ গুজুরিবো, যিরূশালেমত্তুন্ জোরে কধা কবঅ; পিত্‌‌‌থিমীগান আর আগাজ্‌‌‌চানে গির্‌‌‌গিরে ধুরিবো। মাত্তর্ লগেপ্রভু অবদে তা মানুচ্চুনোত্তে আশ্রয়র্ জাগা, ইস্রায়েল মানুচ্চুনোত্তে এক্কান ঘর্।

মথি লেখ্যে গম্ হবর্ 24:29

সেই সময়োত্ দুঘোর্ ঠিগ্ পরেদি বেলান্ আন্ধার্ ওই যেবঅ, চানানে আর পহর্ ন-দিবো, তারাগুন্ আগাজত্তুন্ খুয়োই পড়িবাক্ আর চানান্-বেলান্-তারাগুন্ আর থির্ ন-থেবাক্।

মথি লেখ্যে গম্ হবর্ 24:35

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

২ পিতর 3:10

মাত্তর্ প্রভুর দিন্নো চুরো ধোক্ক্যেন গুরি এবঅ। সেই দিন্নো দাঙর্ আগাজ্‌চান হু হু রঅ গুরিনে শেজ্ ওই যেবঅ আর চানান-বেলান্-তারাগুন বেক্কুন পুড়িনে ভস্ত ওই যেবাক্। পিত্‌থিমীগান আর সিয়েন ভিদিরে যিয়েনি আঘে সিয়েনি বেক্কানি পুড়ি যেবঅ।

ফগদাং পেইয়্যে 20:11

সিয়েন পরেদি মুই এক্কান দাঙর্ ধুব্ সিংহাসন আর সিয়েন উগুরে একজনরে বৈ থাগদে দেগিলুং। তা মুজুঙোত্তুন্ পিত্‌থিমীগান আর আগাজ্‌চান ধেই গেলঅ, তারার্ জাগায়ান আর কনমিক্ক্যে ন-থেলঅ।