যিশাইয় 13:11 - Chakma Bible

¹¹ লগেপ্রভু কোইয়্যেদে, মুই ভান্ন্যেয়ানত্তে পিত্‌থিমীগানরে সাজা দিম্; পাজিগুনোর অন্যেয়ানিত্তে তারারে সাজা দিম্। মুই বাড়্‌বো গুরিয়্যেগুনোরে বাড়্‌বো গরানাগানি শেজ্ গুরি দিম্ আর চিৎনেইয়্যেগুনোর অহংকারানি ভাঙি দিম্।‌

যিশাইয় 13:11 Iomraidhean Croise

ইয়োব 40:12

বেক্ বাড়্‌‌বো মানুচ্চুনোরে তর্ চোগো ইজিরেলোই তলেদি লামা; শদানুনে যিয়েনত্ আগন্ সিয়েনদই তারারে গুড়ি গর্।

গম্ উপদেজ্ 11:31

এ জগদত্ যুনি গোজেন ভক্তগুনোর্ পাওনা পেবাত্তে অয়, সালে পাজি আর পাপিগুনে হামাক্কায় তারার পাওনা পেবাক্।

গম্ উপদেজ্ 8:13

লগেপ্রভুরে ভোক্তি গুরিনে দরানা মানে পাজি কামানিরে ঘিনেনা; বার্‌বো গরানা, বার্‌বো কধা, বজং বেবহার আর বেঙা টেরা কধানি মুই ঘিনেং।

যিশাইয় 11:4

মাত্তর্ নাঢা মানুচ্চুনো উগুরে গম্ বিচের্ গুরিবো, আর পিত্‌থিমীর নাঢা মানুচ্চুনো পৌইদ্যেনে গমেডালে মীমাংসা গুরিবো।‌ লুদিগো ধোক্ক্যেন্ গুরি তে মুয়ো কধালোই পিত্‌‌থিমীগানরে আঘাত্ গুরিবো, আর পাজিগুনোরে মারে ফেলেব তা মুয়ো নিজেস্‌‌ছোই।

যিশাইয় 14:21

তারার্ পুরোণি মানুচ্চুনোর্ পাপত্তে তারার্ ঝি-পুয়োগুনোরে মারে ফেলেবাত্তে এক্কান জাগা ঠিগ্ গরঅ। দেজ্‌‌ছান গজক্ গুরিবাত্তে তারা আর্ ন-উদিবাক্; তারা পিত্‌থিমীগানরে আর তারার্ শঅরান্দোই পরিপুরোন্ গুরি ন-পারিবাক‌্।”

যিশাইয় 14:5

পাজিগুনোর্ লুদিক্কো আর শাজন্‌গুরিয়্যেগুনোর শাজন লুদিক্কো লগেপ্রভু ভাঙি দিবো।

যিশাইয় 2:11

বাড়্‌বো গোজ্যে মান্‌জ্যর রিনি চানাগান্ তলে গরা অবঅ আর বার্‌বোগান্ তলে লামা অবঅ। সেদিন্যে বানা লগেপ্রভুরে সর্মান গরা অবঅ।

যিশাইয় 2:12

বেগত্তুন্ খেমতাবলা লগেপ্রভু অহংকারী আহ্ বাড়্‌বো গোজ্যে মানুচ্চুনোরে আর যিগুনে গম্ পোজিশনত্ আগন্ বেক্কুনোত্তে এক্কো দিন ঠিগ্ গোজ্যে; সেদিন্যে তারারে বেক্কুনোরে তলে ফেলা অবঅ।

যিশাইয় 2:17

মান্‌জ্যর্ বাড়্ গরানাগানরে তলে লামেই দিয়্যে অবঅ আর অহংকারানরে ভস্ত গরা অবঅ। সেদিন্যে বানা লগেপ্রভুরে সর্মান গরা অবঅ,

যিশাইয় 22:14

বেগত্তুন্ খেমতাবলা প্রভু লগেপ্রভু মঅ ইদু এ কধাগান ফগদাং গোজ্যে, “ তমার্ মরণ সময়োত্অ এ পাপ্পান খেমা গরা ন-অবঅ। মুই বেগত্তুন্ খেমতাবলা প্রভু লগেপ্রভু এ কধাগান কঙর্।”

যিশাইয় 23:9

তার বেক্ দেমাগ্‌কানে ভস্ত গুরিবাত্তে আর পিত্‌থিমীর নাঙ-গোজ্যে মানুচ্চুনোরে তলে ফেলেবাত্তে বেগত্তুন্ খেমতাবলা লগেপ্রভু এ পরিকল্পনাগান গোজ্যে।

যিশাইয় 24:21

সেদিন্যে লগেপ্রভু আগাজ উগুরে বেগত্তুন্ খেমতাবলাগুনোরে সাজা দিবো, আর পিত্‌থিমীত্ রাজাগুনোরে সাজা দিবো।‌‌

যিশাইয় 25:3

সেনত্তে খেমতাবলা জাদ্‌তুনে তরে বাঈনী গুরিবাক‌্ আর চিৎগিলে নেইয়্যে জাদ্‌‌‌‌তুনোর শঅরানি তরে ভোক্তি গুরিনে দোরেবাক্।

যিশাইয় 26:21

চঅ, জগদ মানুচ্চুনোরে পাপর্ সাজা দিবাত্তে লগেপ্রভু তা থেবার জাগানত্তুন্ নিগিলি এজের্। পিত্‌থিমীগান উগুরে যে লো যোজ্যে সিয়েনি ফগদাং গরা অবঅ; মারে ফেলেয়্যে তা মানুচ্চুনোরে আর্ তে লুগেই ন-রাগেব।‍ ‌

যিশাইয় 29:20

চিৎনপুজ্যেগুনে আর্ ন-থেবাক্; ঠাট্টা-মশ্‌কারী গুরিয়্যেগুনে শেজ্ ওই যেবাক্, আর যিগুনে ভান্ন্যেই কাম্ গুরিবার্ চান্ তারারে ভস্ত গুরি ফেলা অবঅ।

যিশাইয় 29:5

মাত্তর্ তর্ সেই শত্রুগুন ধূল্যে ধোক্ক্যেন্ গুড়ি অবাক্, সেই চিৎনপুজ্যে দলুন্ অবাক্ উড়ি যেইয়্যে তুজো ধোক্ক্যেন্। আদিক্ক্যেন্‌গুরি, এক সময়োত্ বেগত্তুন্ খেমতাবলা লগেপ্রভু মেঘ গুজুরোনি, ভূজোল্, দাঙর্ রঅ, তুট্ট্যে বোইয়্যের্, বড়্ ঝড় আর আগুনো লেবেয়্যে জিল্লোই তারারে সাজা দিবো।

যিশাইয় 3:11

হায়! পাজিগুন্! তারা উগুরে দজা এবঅ। তারা যিয়েনি গোজ্যন্ তারা সিয়েনির পাওনাগান্ পেবাক্।

যিশাইয় 5:15

অজল্-নিযো বেক্কুনোরে লোঙেই দিয়্যে অবঅ, আর বাড়্‌বো গুরিয়্যেগুনোর্ চোগ্‌কুন তলে লামেই দিয়্যে অবঅ।‌

যিরমিয় 48:29

মোয়াব্‌‌পুনে অমকদ চেদেয়্যে। আমি তার চেদেয়্যে কধা, বদ্‌রাগী, মান্‌জ্যরে ঠোগেয়্যে আর মনর্ বাড়্‌বো কধানি হবর্ পেই।

দানিয়েল 4:34

সে সময়ান শেজ্ ওই গেলে পরেদি মুই নবূখদ্‌নিৎসর স্বর্গ ইন্দি রিনি চেলুং আর মর্ মনান্ গম্ পেলুং। সেক্কে মুই মহান গোজেনরে বাঈনী গুরিলুং; যিবে উমরত্যে বাঁজি আঘে মুই তারে সর্মান দেগেলুং আর তারে নাঙ্ গিনিলুং। মুই কলুং, “গোজেনর রেজ্যগান উমরর্ রেজ্য; তাঁর রাজাগিরি যুগে যুগে থিদেবর্ গোজ্যে।

হবক্‌‌‌‌কূক 2:4

বাড়্‌‌‌‌বো গুরিয়্যে বাবিলান্ গম্ নয়, মাত্তর্ যিবেরে নিদ্দুজি বিলিনে মানি লুয়ো অর্ তে তার বিশ্বেজ্‌‌‌চান্দোই বাঁজি থেবঅ।