যিশাইয় 12:4 - Chakma Bible

⁴ সেদিন্যে তুমি কবা, “লগেপ্রভুরে ভালেদি জান, তা গুণোর্ কধানি ফগদাং গরঅ; তে যিয়েনি গোজ্যে সিয়েনি বেক্ জাদ্‌তুনোরে জানঅ‌‌ আর ফগদাং গরঅ, তে দাঙর্।

যিশাইয় 12:4 Iomraidhean Croise

১ বংশধর 16:8

লগেপ্রভুরে ভালেদি জানঅ, তা গুণোর্‌ কধানি ফগদাং গরঅ; তা কামর্‌ কধানি অন্য জাত্‌তুনোরে জানঅ।

১ বংশধর 29:11

ও লগেপ্রভু, মহিমা, খেমতা, সয়-সাগোজ্যে, জিদেনা আর বাঈনী পানা তর্‌, কিত্তে স্বর্গর আর পিত্‌থিমীর বেক্কানি তর্‌। ও লগেপ্রভু, তুয়ই বেক্কানি উগুরে রাজাগিরি গরর্‌; তর্‌ জাগায়ান্‌ বেক্কানি উগুরে।

নহিমিয় 9:5

পরেন্দি লেবীয়গুনো ভিদিরেত্তুন্‌ যেশূয়, কদ্‌মীয়েল, বানি, হশব্‌নিয়, শেরেবিয়, হোদিয়, শবনিয় আর পথাহিয় কলদে, “তুমি উদিনে তমার্‌ গোজেন্‌ লগেপ্রভুর বাঈনী গরঅ, যিবে পুরোণিকালত্তুন্‌ ধুরিনে জীংকানিবর্‌ আঘে।” সে পরেন্দি তারা ইয়েন্‌ কোইনে তবনা গুরিলাক্‌, ও লগেপ্রভু, তর্‌ মহিমাবলা নাঙর্‌ বাঈনী ওক্‌; আমার্‌ দিয়্যে বেক্‌ ভালেদিগানি আর নাঙ্ গিনেনাত্তুন্‌ তুই দাঙর্।

গীতসংহিতা 105:1

লগেপ্রভুরে ভালেদি জানঅ, তা গুণো কধা ফগদাঙ্ গরঅ; তা কাম কধা অন্য জাদ্‌তুনোরে জানঅ।

গীতসংহিতা 107:22

তারা ভালেদি জানেবার-উৎসর্ব গোরোদোক্, রঙ্গ-ফুত্তির্ গীদ্ গেইনে তার বেক কামানির কধা কোদোক্।

গীতসংহিতা 113:5

আর কন্না আঘে আমা গোজেন লগেপ্রভু ধোক্ক্যেন্? তে আগাজত্তুন্‌অ বোউত্ উগুরে বজত্তি গরে

গীতসংহিতা 148:13

ইগুনে বেক্কুনে লগেপ্রভুরে নাঙ্ গিনোদোক্, কিত্তে বানা তেয়ই দাঙর্; পিত্‌থিমী আর আগাজ্‌চান উগুরেয়ো তারে বাঈনী গরন্।

গীতসংহিতা 18:46

লগেপ্রভু জেদা। মর্ আশ্রয়-মুড়োবোর বাঈনী ওক্। মর্ উদ্ধোর্ গুরিয়্যে গোজেন সর্মানান্ বাড়োক্।

গীতসংহিতা 21:13

ও লগেপ্রভু, তর্ বল্লোই তুই ফগদাং অ; আমি তর্ খেমতাগানরে নাঙ্ গিনিবোং আর গান গেবং।

গীতসংহিতা 22:31

যিগুনোর্ এজঅ জর্ম ন-অয়, তারা ইদু যেইনে মানুচ্চুনে তার্ ন্যায্য কধাগানি ফগদাঙ্ গুরিবাক্; কবাক্কে, তেয়ই এ কামানি গোজ্যে।

গীতসংহিতা 34:3

তুমি মঅ লগে লগেপ্রভুর মহিমার কধা কঅ; এজঅ, আমি একসমারে তার্ বাঈনী গুরিই।

গীতসংহিতা 40:5

ও মর্ গোজেন লগেপ্রভু, গুণি ন-পুরেইয়্যে তর্ আমক্ অবার কামানি! কেধোক্ক্যেন সল্লা গোজ্যস্ আমাত্তে! মুই দঅ ফগদাং গুরিলে, কবাত্তে গেলে, কনদিন্‌অ থুম্ ন-অবঅ। কন্না আঘে তঅ ধোক্ক্যেন্?

গীতসংহিতা 46:10

লগেপ্রভু কয়দে, “তুমি থাম; তুমি এ কধাগান জানি লঅ, মুয়ই গোজেন; বেক্ জাদ্‌তুনে মরে বাঈনী গুরিবাক্, বাঈনী দান গুরিবো পিত্‌থিমীগানে।”

গীতসংহিতা 57:5

ও গোজেন, তর্ মহিমাগান দেবাবো সং উদোক্; তর্ বাঈনীগান পিত্‌থিমীগান উগুরে দেঘা দোক্।

গীতসংহিতা 68:5

গোজেনে তার পবিত্র থেবার জাগানত্ মা-বাপ নেইয়্যেগুনোর বাপ্ আর রানিমিলেগুনোর পক্কে গুজিলোইয়্যে।

গীতসংহিতা 73:28

মাত্তর্ গোজেন সমারে থানা মত্তে মংগল; প্রভু লগেপ্রভুরে মুই মর্ আশ্রয়র জাগা বানেয়োং, যেন তার কামর কধানি মুই ফগদাং গুরি পারং।

গীতসংহিতা 9:11

লগেপ্রভু সিয়োনত্ আঘে; তুমি তার্ নাঙ্ গিনেদে বাবোত্যে-গান গঅ। তে যিয়েনি গোজ্যে সিয়েনি অন্য জাদ ইদু ফগদাং গরঅ;

গীতসংহিতা 96:3

নানান্ জাদর ইদু তার মহিমার কধানি ফগদাং গরঅ; বেক মানুচ্চুনো ইদু তার বেক আমক্ অবার কামানি ফগদাং গরঅ।

গীতসংহিতা 97:9

ও লগেপ্রভু, তুই বেক দুনিয়েগানর দাঙর্ গোজেন; বেক দেবেদাগুনোত্তুন্ ভালোদ্দুর্ উগুরে তর্ জাগায়ান।

যাত্রা 15:2

লগেপ্রভুই মর্‌ বল্‌, তেয়ই মর্‌ গীদ্; মর্‌ উদ্ধোরান্ তা ভিদিরে আঘে। লগেপ্রভুই‌ মর্‌ গোজেন; মুই‌ তাঁরই‌ বাঈনী গরেদে-গীদ্ গেইম্। তে মর্‌ বাবার্‌ গোজেন; মুই তাঁর মহিমার্ গীদ্ গেইম্‌।

যাত্রা 33:19

লগেপ্রভু কলঅ‌, “মুই মর্‌ বেক্‌ আওজ্‌‌চানি তঅ মুজুঙোত্‌ তুলি ধুরিম। তর্‌ মুজুঙোত্‌ মুই মর্‌ ‘লগেপ্রভু’ নাঙান্‌ ফগদাঙ্‌ গুরিম্‌। মর্‌ যিবে গম্‌‌ লাগে তারে দোয়্যে গুরিম্‌, যিবেরে গম্‌‌ লাগে তারে মেয়্যে গুরিম্‌।

যিশাইয় 12:1

সেদিন্যে তুই কবেদে, “ও লগেপ্রভু, মুই তরে বাঈনী গুরিম্, কিত্তে তুই মঅ উগুরে রাগ্‌কান ফগদাং গোজ্যস্;‌ মাত্তর্ ইক্কিনে তঅ রাগ্‌কান থামেয়্যে‌ আর তুই মরে বুঝোর্।

যিশাইয় 2:11

বাড়্‌বো গোজ্যে মান্‌জ্যর রিনি চানাগান্ তলে গরা অবঅ আর বার্‌বোগান্ তলে লামা অবঅ। সেদিন্যে বানা লগেপ্রভুরে সর্মান গরা অবঅ।

যিশাইয় 2:17

মান্‌জ্যর্ বাড়্ গরানাগানরে তলে লামেই দিয়্যে অবঅ আর অহংকারানরে ভস্ত গরা অবঅ। সেদিন্যে বানা লগেপ্রভুরে সর্মান গরা অবঅ,

যিশাইয় 24:15

সেনত্তে পুগেদি মানুচ্চুনে লগেপ্রভুরে বাঈনী গোরোদোক্ আর দূর দেজর মানুচ্চুনে ইস্রায়েলর গোজেন লগেপ্রভুরে নাঙ্ গিনোদোক্।

যিশাইয় 25:1

ও লগেপ্রভু, তুয়ই মর্ গোজেন; মুই তর্ বাঈনী গুরিম আর তরে নাঙ্ গিনিম। যেদক্কানি আমক্ অবার্ কাম ভালোক্ দিন আগে তুই পরিকল্পনা গোজ্যস্ সিয়েনি তুই বেক্কানি গমেডালে গোজ্যস্।

যিশাইয় 26:8

অয়, লগেপ্রভু, আমি তর্ ন্যায় পধেদি আঢিনে তত্তে বাজ্জেই আগিই; আমি চেই যেন তুই তঅ কামর্ মাধ্যমে ফগদং অ।

যিশাইয় 33:5

লগেপ্রভু কত্তমান্ দাঙর্! তে স্বর্গত্ বজত্তি গরে; তে সিয়োনানরে ন্যায়বিচের আর সততালোই ভর্‌পুনোং গোজ্যে।

যিশাইয় 42:12

তারা লগেপ্রভুর বাঈনী গোরোদোক্; দূরো দেজ্‌ছানি ভিদিরে তারে নাঙ্ গিনেনাগান্ ফগদাং গোরোদোক্।‌

যিশাইয় 48:20

তুমি বাবিলান ছাড়িনে যগোই, বাবিলীয়গুনো ইত্তুন্ ধেই যঅ। তুমি হুজিয়ে রঅ ছাড়িনে জানঅ, ফগদাং গরঅ। পিত্‌‌‌থিমীর শেজ্ ধুজি সং এ কধাগান কঅ, “লগেপ্রভু তা চাগর্ যাকোবরে উদ্ধোর্ গোজ্যে।”

যিশাইয় 66:19

লগেপ্রভু আরঅ কত্তে, “মুই তারা ইদু এক্কান চিহ্নো থিদেবর্ গুরিম আর যিগুনে বাঁজি থেবাক্ তারা ভিদিরেত্তুন্ কয়েকজনরে মুই জাদ্‌তুনো ইদু পাদেম্-তর্শীশ, পূল আর নাঙ্-গোজ্যে ধনুবলা লূদ, তূবল আর গ্রীস ইদু আর যেদক্কানি দূরো দেজ্ মর্ সুনাঙান ন-শুনে আর মর্ মহিমায়ো ন-দেগন্ তারা ইদু পাদেম্। তারা জাদ্‌তুনো ভিদিরে মর্ মহিমার কধাগান ফগদাং গুরিবাক্।‌‌‌‍‌‌‌‍

যিরমিয় 50:2

তুমি জাদ্‌‌‌‌তুনো ভিদিরে প্রচার আর ফগদাং গরঅ, বাবতাগান তুলি ধরঅ আর জানেই দুয়ো। কিচ্চু গুমুরোত্ ন-রাগেয়ো, বরং কঅ, অন্যগুনে বাবিলরে অধিকার গুরিবাক্; বেল দেবেদারে লাজত্ ফেলা অবঅ, মরোদক দেবেদাবোরে চুর্‌‌মার্ গরা অবঅ। বাবিল মূত্তিগুনোরে লাজত্ ফেলা অবঅ আর তার মূত্তিগুনোরে চুর্‌‌মার্ গরা অবঅ।

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।

যোহন 17:26

মুই তারা ইধু তরে ফগদাং গোজ্যং আহ্ আরঅ ফগদাং গুরিম্, যেন তুই মরে যেধোক্ক্যেন্ কোচ্‌পাচ্ সেধোক্ক্যেন্ কোচ্‌পানা তারা মনত্ থায়, আর মুই যেন তারা সমারে এগত্তর্ থাং।”