যিশাইয় 11:6 - Chakma Bible

⁶ চিদিরে বাঘে ভেড়া ছঅ লগে বজত্তি গুরিবো, হোক্ক্যেবাগে ‌‌ঘুম যেবাক্ ছাগল ছঅ লগে; গোরু ছঅ, দামাড়া সিংহ আর পক্তামক্তা মাদামুনে এক সমারে থেবাক্, আর চিগোন পুয়োগুনে তারারে চোড়েবাক্।

যিশাইয় 11:6 Iomraidhean Croise

ইয়োব 5:23

তঅ‌ ভূইয়োত্‌ কনঅ পাত্তর্‌ ন-থেবঅ‌; ঝার্‌বো এ্যমানুনে তরে আক্রমণ ন-গুরিবাক্‌।

যিশাইয় 2:4

তে জাদ্‌তুুনো ভিদিরে বিচের্ গুরি দিবো; ভালোক্ দেজর মানুচ্চুনো ভিদিরে মিলেমিলি অবাক্। তারা তারার্ তলোয়ারানি ভাঙিনে নাঙ্গল ফাল্ বানেবাক্ আর যাদিগুন্ ভাঙিনে ঢাল ছাজিবার ছুরি বানেবাক্। এক জাদে অন্য জাদর্ বিরুদ্ধে আর লাম্বাছুরি ন-তুলিবো; তারা আর যুদ্ধো গুরিবাত্তে ন-শিগিবাক্।

যিশাইয় 65:25

হোক্ক্যে বাঘে আর ভেড়া ছঅ এক সমারে হেবাক্, সিংহ গোরু ধোক্ক্যেন ঘাস হেবঅ আর সাপর্ হানা অবঅ ধূল্যে। সিগুনে মর্ সুদ্ধো-সাংগ মুড়োবোত্ কনঅ জাগাত্ কনঅ খেতি ন-গুরিবাক্ বা ভস্ত ন-গুরিবাক্।”

যিহিষ্কেল 34:25

“‘মুই তারাত্তে ভালেদির্ এক্কান বেবস্থা থিদেবর্ গুরিম আর দেজত্তুন্ চিৎনপুজ্যে য়েমানুনোরে শেজ্ গুরিম যেনে তারা গমেডালে ধূল্যেচর-চাগালাত্ বজত্তি গত্তে আর ঝার-জংগলত্ ঘুমেই পারন্।

হোশেয় 2:18

সেদিন্যে মুই তাত্তে য়েমান, পেগ্ আর বুগেদি আঢি বেড়েয়্যে প্রাণিগুনো লগে মিজেম। মুই দেজত্তুন্ ধনু, লাম্বাছুরি আর যুদ্ধো দূর্ গুরি দিম যেনে বেক্কুনে গমেডালে ঘুম যেই পারন্।

রোমীয় 14:17

গোজেন রেজ্যত্ হানা-দানা দাঙর্ কধা নয়; দাঙর্ কধা অলঅ, পবিত্র আত্মার্ মাধ্যমে গম্ পধেদি চলানা আর সেক্কে সুগ্-শান্দি, মন হুজি থায়।