যিশাইয় 11:5 - Chakma Bible

⁵ সততাগান্ অবদে তার কমর্-বিজোনি আর বিশ্বেজ্‌চান অবদে তার কমরত্ বানিবার্ ফিতে।‌

যিশাইয় 11:5 Iomraidhean Croise

গীতসংহিতা 109:19

সেই অভিশাব্‌পানে কাবড় ধোক্ক্যেন তারারে ঘিরি রাগোক্ আর কমর বিজোনি ধোক্ক্যেন আমিঝে বানি রাগোক্।

গীতসংহিতা 45:4

সত্য, নম্রতা আর ন্যায়র পক্ষে তুই নিজোর মহিমালোই বিজয়ি ধোক্ক্যেন্ যাত্রা গর্; তর্ ডেন্ আঢ্‌‌তানে দর্‌‌বুক্-লাগাইদে ধোক্ক্যেন দাঙর্ দাঙর্ কাম গোরোক্।

গীতসংহিতা 89:9

ফুলি উঠ্যে সাগরর তুবোলানে তর্ শাজনত্ থায়; তার তুবোলান্ উদিলে তারে তুয়ই বুঝোচ্।

গীতসংহিতা 93:1

লগেপ্রভু রাজা; তে জোল্‌জোল্যে রাজ্‌পোজাক উজ্যে, তে বল্লোই কমর্‌বো বান্যে; পিত্‌থিমীগান দরমরগুরি থিদেবর্ ওইয়্যে; সিয়েন কনদিন্‌অ ন-লুড়িবো।

যিশাইয় 25:1

ও লগেপ্রভু, তুয়ই মর্ গোজেন; মুই তর্ বাঈনী গুরিম আর তরে নাঙ্ গিনিম। যেদক্কানি আমক্ অবার্ কাম ভালোক্ দিন আগে তুই পরিকল্পনা গোজ্যস্ সিয়েনি তুই বেক্কানি গমেডালে গোজ্যস্।

যিশাইয় 32:1

চঅ, এক্কো রাজা গমেডালে রাজাগিরি গুরিবো আর শাজন্‌গুরিয়্যেগুনে ন্যায়বিচের্ গুরিবাক্।

যিশাইয় 59:17

তে বুগ্‌‌কো রোক্ষ্যে গুরিবাত্তে ন্যায্যতাগান গুরিলো আর মাঢাবো রোক্ষ্যে গুরিবাত্তে উদ্ধোরান মাঢাত্ দিলো। তে হেনা সুজিবার কাবড়ানি উরিলো আর চাদর ধোক্ক্যেন গুরি আওজ্‌‌চান কিয়্যেত্ উরিলো।

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

হোশেয় 2:20

মুই বিশ্বেজ্ গুরিনে সেই মিজেনাগান পাক্কা গুরিম আর সেক্কে তুই লগেপ্রভুরে গভীন গুরিনে জানি পারিবে।

সখরিয় 8:16

এই বেক্ উগুমানি তমাত্তুন্ মানা পুরিবো-তুমি একজন আর একজন ইধু সত্য কধা কবা আর তমা আদালদত্ ন্যায়বিচের্ গুরিবাক্ যেনে মানুচ্চুনো ইধু শান্তি অয়;

২ করিন্হীয় 6:7

সত্যগান্ ফগদাঙত্যে আর গোজেনর্ খেমতালোই আমি প্রমাণ দিত্তে যে, আমি গোজেনর্ সেবাগুরিয়্যে। আরঅ দ্বি আঢে ন্যায়র্ অাত্যের্ তুলি লোইনে আমি প্রমাণ গুরিত্তে, আমি গোজেনর্ সেবাগুরিয়্যে।

ইফিষীয় 6:14

ইয়েনত্যে সত্যলোই কমর্ বানিনে, বুগ্ রোক্ষ্যে গুরিবাত্যে গম্ জিংকানিলোই বুগ্‌কো ঢাগিনে,

ইব্রীয় 2:17

সেনত্যে যীশুত্তুন্ বেক্কানিন্দি তা ভেইয়ুনো ধোক্ক্যেন উয়ো পল্ল, যেনে তে এক্কো দোয়্যেলু আর বিশ্বেজি দাঙর্ ধর্মগুরু ইজেবে গোজেনর্ সেবা গুরি পারে। ইয়েনর উদ্দেচ্চ্যগান অলঅ, তে যেন নিজোর্ মরণানরে দিইনে মান্‌জ্যর পাপ্পানি দূর্ গুরিনে গোজেনরে হুজি গরে।

১ পিতর 4:1

সেনত্যে খ্রীষ্ট কিয়্যেদি দুঘ্ সোজ্জ্য গোজ্জ্যে বিলিনে তুমিয়ো নিজো মনভিদিরে সেই একই মনভাব গরঅ, কিয়া কিয়্যেদি যে দুঘ্ ভোগ্ গোজ্জ্যে তে পাপর্ অভ্যেচ্চান ছাড়ি দিয়্যে।

১ যোহন 1:9

আমি যুনি আমার পাপ্পানি স্বিগের্ গুরিই সালে তে সেক্কেনে আমার পাপ্পানি ক্ষেমা গরে আর বেক্‌ অন্যেয়ত্তুন্ আমারে সিজি গরে, কিয়া তে বিশ্বেজ্‌বলা আর কনদিনঅ অন্যেয় ন-গরে।

ফগদাং পেইয়্যে 1:13

সেই চেরাগ টগ্‌কুনোর সংমোধ্যে মান্‌জ্যপুয়োবো ধোক্ক্যেন কেঅ একজন এলঅ। তার্ কিয়্যেত্ টেং সং লাম্বা পজাক্ এলঅ আর তা বুগোত্ সনার্ ফিটে বান্ন্যে এলঅ।

ফগদাং পেইয়্যে 3:14

লায়দিকেয়া শঅরর্ মন্ডলী দূত্‌তো ইধু এ কধাগান লেগ- যিবে আমেন, যে বিশ্বেজি আর সত্য সাক্ষী, যিবে গোজেনর্ সৃট্টির গড়াগান, তে এ কধাগান কর্: মুই তর্ কামর কধানি কোই পারং।