যিশাইয় 11:3 - Chakma Bible

³ তে লগেপ্রভু উগুরে ভোক্তিবলা দর্‌‌‌লোই হুজি অবঅ। তে চোগেদি যিয়েনি দেগিবো সিয়েনিলোই বিচের্ ন-গুরিবো, বা কানেদি যিয়েনি শুনিবো সিয়েনিলোই মীমাংসা ন-গুরিবো;

যিশাইয় 11:3 Iomraidhean Croise

২ শমূয়েল 14:17

“ইক্কিনে তঅ চাগরানিবো মুই কঙর্‌, মঅ মহারাজর কধাগানে যেনে মরে শান্তি দে, কিত্যে গম্‌-বজং বিচের গুরিবাত্তে মঅ গিরোজ্‌ মহারাজে গোজেনর এক্কো দূতো ধোক্ক্যেন্‌। তঅ গোজেন লগেপ্রভু তঅ সমারে থোক্‌।”

২ শমূয়েল 14:8

রাজা মিলেবোরে কলঅ, “তুই ঘরত্‌ যাহ্। মুই তমা পৌইদ্যেনে এক্কান বেবস্থা গুরিম।”

১ রাজাবলী 3:28

রাজার দিয়্যে রায়য়ান শুনিনে ইস্রায়েলর বেক্কুনোর মনত্‌ রাজার্ উগুরে ভোক্তিপূর্ণ দর্‌ জাগি উদিলো, কিত্যে তারা দেগিলাক্, দোলবিচের্‌ গুরিবাত্তে তার মনত্‌ গোজেনর দিয়্যে জ্ঞান রোইয়্যে।

১ রাজাবলী 3:9

সেনত্তে তঅ মানুচ্চুনোরে শাজন্ গুরিবাত্তে আর কুবোন্‌ ঠিগ্ বা কুবোন্‌ ভুল সিয়েনি জানিবাত্তে তুই তঅ চাগর্‌বোর্‌ মনানত্‌ বুঝিবার খেমতা দে; কিত্যে কার সাধ্য আঘে তর্‌ এ দাঙর্‌ জাদ্‌তোরে শাজন্ গরে?”

ইয়োব 12:11

জিলানে যেধোক্ক্যেন্ হানার্‌ সুয়োত্‌তানি নেযায় সেধোক্ক্যেন্ কানানেয়ো কধানি জগা যায়।

ইয়োব 34:3

জিলানে যেধোক্ক্যেন গুরি খাইদ্যে জিনিস্‌‌চানি সুয়োত্ পায় সেধোক্ক্যেন গুরি কানানে মান্‌জ্যর কধানি জগা চায়।

গম্ উপদেজ্ 2:5

সালে লগেপ্রভু উগুরে ভোক্তিবলা দরানাগান্ কি, সিয়েন তুই বুঝি পারিবে আর গোজেন পৌইদ্যেনে জ্ঞান পেবে;

গম্ উপদেজ্ 2:9

যুনি তুই মঅ কধাগান শুনোচ্, সালে বুঝি পারিবে কুবোন্ যগাজ্যে, দোল্ আর গম আর বুঝি পারিবে ভালেদির্ বেক পধ্‌তানি;

যিশাইয় 33:6

যুগে যুগে তেয়ই তারার্ রোক্ষ্যে গরানা, উদ্ধোর্, জ্ঞান আর বুঝিবার খেমতার ভান্ডাল্ ওই এজের্। লগেপ্রভু উগুরে ভোক্তিবলা দরান্ অলঅ তারার্ ধন।

যিহিষ্কেল 45:8

এ জাগায়ান ইস্রায়েল দেজর্ শাজন্‌ গুরিয়্যেবোর্ অধিকারত্ থেবঅ। মর্ শাজন্‌গুরিয়্যেগুনে মঅ মানুচ্চুনো উগুরে আর্ অত্যেচার ন-গুরিবাক্, বরং ইস্রায়েল জাদরে তার গুট্টিগুন অনুসারে ভূই ভোগ্ গুরিবাত্যে দিবা।

মীখা 4:3

তে জাদ্‌তুুনো ভিদিরে বিচের্ গুরি দিবো আর দূরোর্ খেমতাবলা মানুচ্চুনো ভিদিরে মিলেমিলি গুরিবো। তারা তারার্ তলোয়ারানি ভাঙিনে নাঙল ফাল্ বানেবাক্ আর যাদিগুন্ ভাঙিনে ঢাল ছাজিবার ছুরি বানেবাক্। এক জাদে অন্য জাদর্ বিরুদ্ধে আর লাম্বাছুরি ন-তুলিবো; তারা আর যুদ্ধো গুরিবাত্তে ন-শিগিবাক্।

লূকে লেখ্যে গম্ হবর্ 2:52

যীশু জ্ঞানে, বয়জে আর গোজেনর আহ্ মান্‌জ্যর্ কোচ্‌পানায় দাঙর্ উয়ো ধুরিলো।

যোহন 2:25

মান্‌জ্য পৌইদ্যেনে কারঅ সাক্ষির দরকার্‌অ তার ন-এলঅ, কিয়া মান্‌জ্য মনত্ যিয়েনি আঘে সিয়েনি তার্ জানা এলঅ।

যোহন 7:24

বারেদি চেঙারা দেগিনে বিচের্ ন-গুরিনে বরং গমেডালে বিচের্ গরঅ।”

ইব্রীয় 5:14

যিগুনোর্ বয়চ্ ওইয়্যে বানা সিগুনে দরঅ হানা হেই পারন্, অত্তাৎ গোজেন কধানির্ আঘাত্যে শিক্ষ্যেনি বুঝি পারন্। বোউত্ অভ্যেজর্ কারনে তারা গম্-ভান্ন্যেই বিচের গুরিবাত্যে শিক্ক্যন্।

১ শমূয়েল 16:7

মাত্তর্‌ লগেপ্রভু শমূয়েলরে কলঅ, “তার চেঙারাগান কেধোক্ক্যেন বা তে কু্‌দ্দুর লাম্বা সিয়েন তুমি চেবাত্তে ন-যেয়ো, কিত্যে মুই তারে এলাফেলা গোজ্যং। মান্‌জ্যে যিয়েন দেগিদাক সাৎ সিয়েন্দোই কিচ্ছু ন-অবঅ, কিত্যে মান্‌জ্যে দেগন্দে বারেন্দি চেঙারাগান্‌ মাত্তর্‌ লগেপ্রভু চাইদে মনান্‌।”