যিশাইয় 11:16 - Chakma Bible

¹⁶ মিসরত্তুন্ নিগিলি এবার্ অক্তত্ যেবাবোত্যে ইস্রায়েলীয়গুনোত্তে এক্কান্ পথ ওইয়্যে সেবাবোত্যে তার্ বাঁজি থেইয়্যে মানুচ্চুনোত্তে আসিরিয়াত্তুন্ এক্কান রাজপথ অবঅ।

যিশাইয় 11:16 Iomraidhean Croise

যাত্রা 14:22

ইস্রায়েলীয়গুনে বড়গাঙর্‌ সংমোধ্যেদি শুগুনো মাদির্‌ পথতান্‌ বেইনে আঢা মারিলাক্। তারার্‌ ডেনে-বাঙেদি বড়গাঙর্‌ পানিগান দেবাল ধোক্ক্যেন ওইনে দ্বিডাগেদি ঠিয়্যেই রলঅ‌।

যিশাইয় 1:9

বেগত্তুন্ খেমতাবলা লগেপ্রভু আমাত্তে যুনি কয়েক জনরে জেদা ন-রাগেদ সালে আমা অবস্থা সদোম আর ঘমোরা শঅর ধোক্ক্যেন্ অদঅ।

যিশাইয় 10:20

সেদিন্যে ইস্রায়েলর বাঁজি থেইয়্যে মানুচ্চুন্, অত্তাৎ যাকোব বংশর বাদ-বাগি মানুচ্চুন্ তারারে আঘাত্ গুরিয়্যেগুনো উগুরে আর্ বিশ্বেজ্ ন-গুরিবাক্, মাত্তর্ লগেপ্রভু উগুরে, ইস্রায়েলর সেই পবিত্র মানুচ্চো উগুরে ঘেচ্চেক্‌গুরি বিশ্বেজ্ গুরিবাক্।

যিশাইয় 11:11

সেদিন্যে তার্ বাঁজি থেইয়্যে মানুচ্চুনোরে আসিরিয়াত্তুন্, মিসর আর পথ্রোষত্তুন, কূশ, এলম, বাবিল, হমাৎ আর দ্বিব্‌পুনোত্তুন্ উদ্ধোর্ গুরি আনিবাত্তে দ্বিবার তা আঢ্‌তান বাড়েই দিবো।‌‌

যিশাইয় 19:23

সেদিন্যে মিসরত্তুন্ ধুরি আসিরিয়া সং এক্কান রাজপথ অবঅ। আসিরিয়গুনে মিসরত্ আর মিসরীয়গুনে আসিরিয়াত এজানা-যানা গুরিবাক্। মিসরীয় আর আসিরিয়গুনে এক সমারে উবোসনা গুরিবাক্।

যিশাইয় 27:13

সেদিন্যে এক্কো দাঙর্ শিংগা বাঁজিবো। সেক্কে যিগুনে আসিরিয়া দেজত্ ভস্ত ওই যাদন্ আর যিগুনোরে মিসর দেজত্ ধাবেই দিয়্যে ওইয়্যে তারা এবাক্ আর যিরূশালেমর্ পবিত্র মুড়োবোত্ লগেপ্রভুর্ উবোসনা গুরিবাক্।

যিশাইয় 49:11

মর্ বেক মুড়োগুনোরে মুই পথ বানেম; মঅ পথ্‌তানি বানা অবঅ।

যিশাইয় 49:12

চঅ, তারা দূরোত্তুন এবাক্; কেউ উত্তোরেত্তুন, কেউ পোজিমেত্তুন আর কেউ সীনীম দেজত্তুন এবাক্।”

যিশাইয় 51:10

তুই কি সাগরর গভীন্ পানিগান শুগেই ন-ফেলাচ্? তুই কি সাগর ভিদিরে পথ ন-বানাচ্ যেনে তর্ উদ্ধোর গোজ্যে মানুচ্চুনে পার্ ওই যেই পারন্?

যিশাইয় 57:14

লগেপ্রভু কবঅ, “পথ্‌তান বানঅ, বানঅ, সিয়েন যুক্কোল্ গরঅ। মঅ মানুচ্চুনো মুজুঙোত্তুন্ বেক্ যাগুলুক্কানি সোরেই ফেলঅ‌‌‌‌‌।”

যিশাইয় 62:10

তুমি উজেই যঅ, গেদো ভিদিরেদি উজেই যঅ, মানুচ্চুনোত্তে পথ যুক্কোল্ গরঅ। তুমি রাজপথ যুক্কোল্ গরঅ, যুক্কোল্ গরঅ। বেক্ পাত্তরুন সোরেই দুয়ো; জাদ্‌‌তুনোত্তে এক্কান বাবতা তুলো।‌

সফনিয় 2:7

সেই চাগালাগান যিহূদা-বংশর বাঁজি থেইয়্যে মানুচ্চুনোর অধিকারত্ থেবঅ; সিয়েনত্ তারা পাল চোড়েবার জাগা পেবাক্; সাজোন্যে অক্তত্ তারা অস্কিলোনর ঘরত্ ঘুম্ যেবাক্; তারার্ গোজেন লগেপ্রভু তারারে দেগাশুনো গুরিবো, তে তারার্ অবস্থাগান ফিরেব।