যিশাইয় 11:15 - Chakma Bible

¹⁵ লগেপ্রভু সুয়েজ সাগরান্ শুগেই ফেলেব; তে গরম শুগুনো বোইয়্যের্‌লোই ইউফ্রেটিস গাঙ উগুরে তা খেমতাগান্ দেগেব। তে সিয়েন ভাগ্ গুরিনে সাত্‌তো নালা বানেব, যেন মান্‌জ্যে জদা পিনিনে পার্ ওই পারন্।

যিশাইয় 11:15 Iomraidhean Croise

যাত্রা 14:21

পরেদি মোশি বড়গাঙ উগুরে তার্‌ আত্তান্‌ বাড়েই দিলো; আর লগেপ্রভু গোদা রেত্তো ধুরিনে এক্কান পূগেন্দিত্তুন্ বোইয়্যের্‌ জোরে বেঈনে বড়গাঙর্‌ পানিগানরে দ্বিকিত্তেদি সোরেই দিলো। তে পানিগানরে দ্বিভাগ্‌ গুরিনেই বড়গাঙর্‌ ভিদিরেদি এক্কান্‌ শুগুনো পথ বানেই দিলো।

যাত্রা 14:22

ইস্রায়েলীয়গুনে বড়গাঙর্‌ সংমোধ্যেদি শুগুনো মাদির্‌ পথতান্‌ বেইনে আঢা মারিলাক্। তারার্‌ ডেনে-বাঙেদি বড়গাঙর্‌ পানিগান দেবাল ধোক্ক্যেন ওইনে দ্বিডাগেদি ঠিয়্যেই রলঅ‌।

যাত্রা 14:29

মাত্তর্‌ ইস্রায়েলীয়গুনে বড়গাঙর্‌ সংমোধ্যেদি শুগুনো পথ ধুরিনেই যেয়োন্দোই। তারার্‌ ডেনে-বাঙেদি পানিগান্‌ দেবাল ধোক্ক্যেন ওই ঠিয়্যেই রলঅ‌।

যিশাইয় 19:16

সেদিন্যে মিসরীয়গুনে মিলে ধোক্ক্যেন অবাক্। তারা বিরুদ্ধে বেগত্তুন্ খেমতাবলা লগেপ্রভু আঢ্ তুলিবো আর সিয়েন দেগিনে তারা দরে গির্‌গিরেবাক্।‍

যিশাইয় 43:16

লগেপ্রভু সাগর ভিদিরেদি পথ বানেয়্যে, সেই গভীন্ সাগর ভিদিরেদি পথ গোজ্যে।

যিশাইয় 44:27

মুই গভিন্ পানিগানরে কঙর্, ‘তুই শুগেই যাহ্; মুই তর্ গঙারানরে শুগেই ফেলেম।’

যিশাইয় 50:2

মুই এজানার্ পরেদি কনজনে সিয়েনত্ ন-এলঅ কিত্তে? মুই ডাগানার্ পরেদি জোব্ দিবাত্তে কনজন ন-এলঅ কিত্তে? তমারে উদ্ধোর্ গুরিবাত্তে মঅ আঢ্‌‌‌তান কি বেশ্ বাদি? তমারে উদ্ধোর্ গুরিবাত্তে মর্ কি খেমতার্ অভাব ওইয়্যে? বানা ধমক্ দিইনে মুই সাগরান শুগেই ফেলাং আর গাঙানি ধূল্যেচর গুরি দুয়োং; সিদুগোর মাছ্‌‌‌‌চুন পানি অভাবে পুযি যান আর পানি তিরেজে মুরি যান।

যিশাইয় 51:11

লগেপ্রভুর্ রোক্ষ্যে গুরিয়্যে মানুচ্চুনে ফিরি এবাক্ আর গীদ্ গাদে গাদে সিয়োনত্ চোমেবাক্। উমরত্তে হুজি অবঅ তারার মাঢাবোর মুকুট্‌তো। তারা অমকদ হুজি অবাক্ আর দুঘ্ আহ্ বঅ নিজেস্ ফেলানাগান্ ধেই যেবঅ।

যিশাইয় 63:12

যিবে মোশিরে সাহায্য গুরিবাত্তে তার বাঈনী গুরিবার খেমতাবলা মানুচ্চোরে দিয়্যে, যিবে নিজোর সুনাঙান্ উমরর্ গুরিবাত্তে তারা মুজুঙোত্ পানিগানরে দ্বিভাগ গোজ্যে,

যিশাইয় 7:20

সেদিন্যে প্রভু তমার্ মাঢা চুলানি, টেঙ কেশ্‌চানি আর দাড়ি মুড়ে দিবাত্তে ইউফ্রেটিস গাঙর্ উপারত্তুন্ এক্কান ক্ষুরে, অত্তাৎ আসিরিয়ার রাজারে লোড়েইনে আনিবো।‍‍

যিশাইয় 8:7

সেনত্তে প্রভু ইউফ্রেটিস গাঙানরে জদবদে বান পানি ধোক্ক্যেন্ সয়সাগজ্যে গুরি আসিরিয়ার রাজারে তারার্ বিরুদ্ধে খুব যাদিমাদি আনিবো। সে পানিগানে গাঙানির্ বেক ছড়াগানি আর কাজাকুরেদি জদবদে বেঈ যেবঅ,

যিহিষ্কেল 29:10

সেনত্তে মুই তর্ আর তঅ গাঙানর্ বেক পানিগান বিরুদ্ধে। মুই মিগ্‌দোলত্তুন্ সিবেনী, অত্তাৎ কূশের দুযি সং মিসর দেজ্‌‌‌চানরে মানুচ্ নেইয়্যে আর ভস্তর্ জাগা গুরি দিম।

যিহিষ্কেল 30:12

মুই নীল্ গাঙানর্ পানিগান শুগেই ফেলেম আর পাজি মানুচ্চুনো ইধু দেজ্‌‌‌‌চান বিজি দিম; বিদেশীগুনো আঢ্‌‌‌‌তোই দেজ্ আর সিয়েন ভিদিরে বেক্কানি মুই ভস্ত গুরি দিম। মুই লগেপ্রভু এ কধাগান কঙর্।

সখরিয় 10:11

মুই দুঘো-সাগরর ভিদিরেদি যেম্ আর সাগরর তুবোলানরে দোঙেম্ আর সেক্কে য়্যেল্ গাঙর্ বেক গভীন্ জাগায়ানি শুগেই যেবঅ। আসিরিয়ার অহংকার ভাঙি দিয়্যে অবঅ আর মিসরর রাজলুদিক্কো দূর্ ওই যেবঅ।

ফগদাং পেইয়্যে 16:12

সে পরেদি ছ লম্বর স্বর্গদূত্‌তো বড়্‌গাঙ ইউফ্রেটিস উগুরে তা কদরাবো উবোত্ গুরিলো। সেক্কে পুগেদি দেজর্ রাজাগুনোর যেবার পধ্‌তান যুক্কোল অবাত্যে সেই গাঙান পানিগান শুগেই গেলঅ।