যিশাইয় 11:12 - Chakma Bible

¹² তে জাদ্‌তুনোত্তে এক্কান বাবতা তুলিবো আর বিদেশত্ বানি থোইয়্যে ইস্রায়েলীয়গুনোরে এগত্তর্ গুরিবো; যিহূদার্ ছিদি পড়ি থেইয়্যে মানুচ্চুনোরে তে পিত্‌থিমীর চেরো কিত্তেত্তুন্ এগত্তর্ গুরিবো।‌‌

যিশাইয় 11:12 Iomraidhean Croise

গীতসংহিতা 107:3

তে অন্য দেজত্তুন্ তারারে এক জাগাত্ আন্যে, আন্যে পূগ-পোজিমেত্তুন্ আর উত্তোর-দোগিনেত্তুন্।

গীতসংহিতা 147:2

লগেপ্রভু যিরূশালেমানরে গড়েই তুলিবো; দূর্ গুরি দিয়্যে ইস্রায়েলীয়গুনোরে তেয়ই এগত্তর্ গরে।

গীতসংহিতা 60:4

যিগুনে তরে ভোক্তি গরন্ তারারে তুই এক্কান বাবতা দুয়োচ্, যেনে সিয়েন তুলিলে ধরা যায় সত্যর্ পক্কে।

গীতসংহিতা 68:22

প্রভু কোইয়্যেদে, “মুই বাশন দেজত্তুন্ তারারে আনিম; দোজ্যে সাগরর তলাত্তুন্ তারারে তুলি আনিম,

যিশাইয় 11:10

সেদিন্যে যিশয়র গড়াগান্ বেক্ জাদ্‌তুনোত্তে বাবতা ধোক্ক্যেন্ ওইনে থিয়্যেব; বেক জাদ্‌তুনে তাইদু এগত্তর্ অবাক্ আর তার জিরেবার জাগায়ান্ বাঈনী গরে পারা অবঅ।

যিশাইয় 18:3

ও জগদর্ মানুচ্চুন্, ও পিত্‌‍‍‍‍থিমীত বজত্তিগুরিয়্যে বেক্ মানুচ্চুন্, তুমি চঅ, কক্কে মুড়ো-মুড়ি উগুরে বাবতা তুলো অবঅ, আর শুনো, কক্কে তূরী বাজা অবঅ।

যিশাইয় 24:16

পিত্‌থিমীর শেজ্ দুযিত্তুন্ আমি এ গান্নো শুনির্, “ন্যায়বলা গোজেনর বাঈনী ওক্!” মাত্তর্ মুই কলুং, “হায়! মুই দজাত্ পড়ি আগং, কিত্তে বেঈমানীগুনে বেঈমানী গোজ্যন্; অয়, তারা জদবদে বেঈমানি গোজ্যন্।”

যিশাইয় 27:13

সেদিন্যে এক্কো দাঙর্ শিংগা বাঁজিবো। সেক্কে যিগুনে আসিরিয়া দেজত্ ভস্ত ওই যাদন্ আর যিগুনোরে মিসর দেজত্ ধাবেই দিয়্যে ওইয়্যে তারা এবাক্ আর যিরূশালেমর্ পবিত্র মুড়োবোত্ লগেপ্রভুর্ উবোসনা গুরিবাক্।

যিশাইয় 43:6

মুই উত্তোরেদি দেজ্‌চানিরে কোম্, ‘তারারে ইরি দে,’ আর দোগিনে দেজ্‌‌চানিরে কোম্, ‘তারারে আক্‌সোই ন-রাগেয়ো‌‌।’ মুই তারারে কোম্, ‘তুমি দূরোত্তুন্ মঅ পুয়োগুনোরে আর পিত্‌‌‌থিমীর শেজ্ দুযিত্তুন্ মঅ ঝিগুনোরে আন্।‍‌‌‌‌‌

যিশাইয় 49:22

প্রভু লগেপ্রভু কোইয়্যেদে, “চঅ, মুই আঢ ইজিরেলোই অন্য জাদ্‌‍‌তুনোরে ডাগিম আর মর্ বাবতাগান তারারে দেগেম্। সেনত্তে তারা করত্ গুরিনে তমা পুয়োগুনোরে আনিবাক্ আর কানাত্ গুরিনে তমা ঝিগুনোরে বুয়োবাক্।‌

যিশাইয় 49:5

লগেপ্রভু তা চাগর্ অবাত্তে মরে পেদ ভিদিরে বানেয়্যে যেনে মুই যাকোবরে তাইদু ফিরেই নেযে পারং আর ইস্রায়েলরে তাইদু আনি পারং। মুই লগেপ্রভুর চোগেদি সর্মানিত আর মর্ গোজেনে মর্ বল্।

যিশাইয় 54:7

এক মুহূত্তত্ত্যে মুই তরে ছাড়ি দুয়োং, মাত্তর্ গভিন্ কোচ্‌পানালোই মুই তরে ফিরেই আনিম।‍

যিশাইয় 56:8

প্রভু লগেপ্রভু, যিবে বিদেজত্ ছিদি পড়ি থেইয়্যে ইস্রায়েলীয়গুনোরে এগত্তর্ গরে তে এ কধাগান ফগদাং গরেত্তে, “যিগুনোরে আগে এগত্তর্ গরা ওইয়্যে তারা সমারে অন্য জাদ মানুচ্চুনোরেয়ো মুই এগত্তর্ গুরিম।”

যিশাইয় 59:19

পোজিমেদি মানুচ্চুনে লগেপ্রভুরে ভোক্তিগুরিনে দোরেবাক্ আর পূগেদি মানুচ্চুনে তার মহিমাগান দেগিনে গমেডালে দোরেবাক্, কিত্তে লগেপ্রভু তার নিজেজ্‌‌চোই গদা ভাঙেদে বান পানি ধোক্ক্যেন এবঅ।

যিশাইয় 60:4

তুই চোগ্‌কোলোই চেরোকিত্তে রিনি চাহ্,‌‌‌ তারা বেক্কুনে এগত্তর্ ওইনে তইদু এত্তন্; তঅ পুয়োগুনে দূরোত্তুন এত্তন্ আর তঅ ঝিগুনোরে করত্ গুরি আনা অর্।

যিশাইয় 62:10

তুমি উজেই যঅ, গেদো ভিদিরেদি উজেই যঅ, মানুচ্চুনোত্তে পথ যুক্কোল্ গরঅ। তুমি রাজপথ যুক্কোল্ গরঅ, যুক্কোল্ গরঅ। বেক্ পাত্তরুন সোরেই দুয়ো; জাদ্‌‌তুনোত্তে এক্কান বাবতা তুলো।‌

যিশাইয় 66:19

লগেপ্রভু আরঅ কত্তে, “মুই তারা ইদু এক্কান চিহ্নো থিদেবর্ গুরিম আর যিগুনে বাঁজি থেবাক্ তারা ভিদিরেত্তুন্ কয়েকজনরে মুই জাদ্‌তুনো ইদু পাদেম্-তর্শীশ, পূল আর নাঙ্-গোজ্যে ধনুবলা লূদ, তূবল আর গ্রীস ইদু আর যেদক্কানি দূরো দেজ্ মর্ সুনাঙান ন-শুনে আর মর্ মহিমায়ো ন-দেগন্ তারা ইদু পাদেম্। তারা জাদ্‌তুনো ভিদিরে মর্ মহিমার কধাগান ফগদাং গুরিবাক্।‌‌‌‍‌‌‌‍

যিরমিয় 23:3

যেদক্কানি দেজত্ মুই মঅ পালর্ ভেড়াগুনোরে ধাবেই দুয়োং সিয়োত্তুন মুই নিজেই তারার বাদবাগিগুনোরে তারার বামত্ ফিরেই আনিম; সিয়েনত্ তারার বংশ বাড়িবাক্ আর সোংখ্যেদি বাড়িবাক্।

যিরমিয় 30:17

মাত্তর্ তো মুই তর্ কিয়্যেগান ফিরেম্ আর তঅ ঘা গান গম্ গুরি দিম।’ ”

যিরমিয় 50:4

সে অক্তত্ ইস্রায়েল আর যিহূদার মানুচ্চুনে এক সমারে চোগো পানিয়ে তারার গোজেন লগেপ্রভুরে গভীনগুরি হবর্ পেবাত্তে আওজি অবাক্।

যিরমিয় 51:12

বাবিলরে আক্রমণ গুরিবাত্তে এক্কান বাবতা তুলো। রোক্ষীদলরে আরঅ দরমর গরঅ, চুগিদার্ বজঅ, গুমুরো জাগাত্ সৈন্যগুনোরে যুক্কোল্ রাগঅ। লগেপ্রভু বাবিল মানুচ্চুনো বিরুদ্ধে তার উদ্দেশ্যগান্ আর উগুম মজিম্ কাম গুরিবো।

যিহিষ্কেল 28:25

“নানান্ জাদত্ ছিদি পোজ্যে ইস্রায়েলীয়গুনোরে মুই যেক্কে এগত্তর্ গুরিম সেক্কে জাদ্‌তুনো চোগো মুজুঙোত্ তারা ভিদিরে মুই নিজোর পবিত্রতাগান ফগদাং গুরিম। সেক্কে তারা নিজোর্ সেই দেজত্ বজত্তি গুরিবাক্ যে দেজচান মুই মর্ চাগর্ যাকোবরে দুয়ো‌‌‌‌‌‌‌‌‌‌‌ঙ্।

হোশেয় 1:11

যিহূদা আর ইস্রায়েল মানুচ্চুনে আরঅ মিজেবাক্ আহ্ তারা উগুরে এক্কো নেতারে নেযেবাক্। তা আগেদি যে দেজত্ তারা বন্দী এলাক্ সিয়েনত্তুন্ তারা এবাক্, কিত্যে যিষ্রিয়েলর সেই দিন্নো অবঅ মহৎ।

হোশেয় 2:2

তমা মাবোরে গেইল্ দুয়ো, গেইল্ দুয়ো তারে, কিত্যে তে মর্ মোগ্ নয় আর মুইয়ো তার নেক্ নয়। তে তার্ চোগো টার্ মারানাত্তুন্ বেশ্যেগিরি আর তা বুগোত্তুন্ বেভিচের্ দূর গোরোক্।

সফনিয় 3:10

কূশ দেজর্ গাঙ উপারত্তুন্ মর্ উবোসনাগুরিয়্যেগুন, মর্ ছিদি পোজ্যে মানুচ্চুন্ মঅ নাঙে উৎসর্বর জিনিস আনিবাক্।

সখরিয় 10:6

“মুই যিহূদার মানুচ্চুনোরে বোলী বানেম্ আর যোষেফর, অত্তাৎ ইস্রায়েলর মানুচ্চুনোরে উদ্ধোর গুরিম। মুই তারারে ফিরেই আনিম, কিত্যেই তারা উগুরে মর্ দোয়্যে-মেয়্যে আঘে। সেক্কে তারা এমন অবাক্ যেন মুই তারারে এলাফেলা ন-গরং, কিত্যেই মুই তারার গোজেন লগেপ্রভু; মুই তারার্ ডাগনিলোই শমক্ দিম।

সখরিয় 8:7

মুই আরঅ কঙর্, পূগেদি আর পোজিমেত্তুন্ মুই মঅ মানুচ্চুনোরে উদ্ধোর্ গুরিম।

যোহন 7:35

যীশুর এ কধাগান্দোই যিহূদী নেতাগুনে নিজো ভিদিরে কুয়ো কি গরা ধুরিলাক্, “এ মানুচ্চো কুধু যেবঅ যে, আমি তারে তোগেই ন-পেবং? অযিহূদীগুনো ভিদিরে যে যিহূদীগুন্ ছিদি পোজ্যে আগন্, তে কি সিধু যেইনে অযিহূদীগুনোরে শিক্ষ্যে দিবো?

দ্বি’লম্বর বিররণ 32:26

মুই কোইয়োং, মুই তারারে কট্টা কট্টা গুরি ফেলেম, তারার কধানি মান্‌জ্যর মনত্তুন পুঝি ফেলেম্‌।

যাকোব 1:1

মুই গোজেন আর প্রভু যীশু খ্রীষ্টর চাগর্ যাকোব পিত্‌থিমীর বেক্‌ জাগানি ইধু ছিদি পোজ্যে যিহূদী জাদর্ বারবো গুট্টির মানুচ্চুনোরে ভালেদি জানাঙর্।

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।

ফগদাং পেইয়্যে 7:1

ইয়েনর্ পরেদি মুই চেরজন স্বর্গদূতোরে পিত্‌থিমীর চের্ কোণাত্ থিয়্যেই থাগদে দেগিলুং। তারা পিত্‌থিমীত চের্ কোণাত্ বৈয়্যেরানরে আক্‌সোই রাগেয়োন, যেন পিত্‌থিমী, সাগর বা কনঅ গাজ উগুরে বৈয়্যের্ ন-বায়।