যিশাইয় 11:11 - Chakma Bible

¹¹ সেদিন্যে তার্ বাঁজি থেইয়্যে মানুচ্চুনোরে আসিরিয়াত্তুন্, মিসর আর পথ্রোষত্তুন, কূশ, এলম, বাবিল, হমাৎ আর দ্বিব্‌পুনোত্তুন্ উদ্ধোর্ গুরি আনিবাত্তে দ্বিবার তা আঢ্‌তান বাড়েই দিবো।‌‌

যিশাইয় 11:11 Iomraidhean Croise

পত্থম 10:10

শিনিয়র দেজর বাবিল, এরক, অক্কদ আর কল্‌নী নাঙে জাগায়ানি লোইনে তে রাজাগিরি গরানা আরাম্ভ গুরিলো।

পত্থম 10:22

শেম পুয়োগুন অলাক্ এলম, অশূর, অর্ফক্‌ষদ, লূদ আর অরাম।

পত্থম 11:2

পরেদি তারা পুগেদি উজেই যাদে যাদে শিনিয়র দেজত্‌ এক্কান্‌ সংজাগা পেইনে সিয়েনত্ বজত্তি গরা ধুরিলাক্।

পত্থম 14:1

শিনিয়র দেজর্ রাজা অম্রাফল, ইল্লাসরর রাজা অরিয়োক, এলমর রাজা কদর্লায়োমর আর গোয়ীমোর রাজা তিদিয়ল-

পত্থম 2:13

দ্বি-লম্বর গাঙান নাঙান্ গীহোন। এ গাঙান্‌ কূশ দেজর চেরোকিত্তেন্দি ছিদি পোজ্যেগোই।

২ রাজাবলী 17:24

আসিরিয়ার রাজা ইস্রায়েলর মানুচ্চুনোর জাগায়ানি পূরেই দিবাত্তে বাবিল, কূথা, অব্বা, হমাৎ আর সফর্বয়িমত্তুন্‌ মানুচ্‌ আনিনে শমরিয়ার শঅর্‌ আর আদামানিত্‌ বোজেই দিলাক্। তারা সেই বেক্‌ জাগায়ানিত্‌ বজত্তি গরা ধুরিলাক।

ইষ্টের 10:1

রাজা অহশ্বেরশে তার্ পুরো রেজ্যগান্‌, এমন্‌ কি, দূরোর্‌ দেজ্‌ছানিত্‌অ কর্‌ বোজেল।

গীতসংহিতা 68:22

প্রভু কোইয়্যেদে, “মুই বাশন দেজত্তুন্ তারারে আনিম; দোজ্যে সাগরর তলাত্তুন্ তারারে তুলি আনিম,

যিশাইয় 1:9

বেগত্তুন্ খেমতাবলা লগেপ্রভু আমাত্তে যুনি কয়েক জনরে জেদা ন-রাগেদ সালে আমা অবস্থা সদোম আর ঘমোরা শঅর ধোক্ক্যেন্ অদঅ।

যিশাইয় 10:20

সেদিন্যে ইস্রায়েলর বাঁজি থেইয়্যে মানুচ্চুন্, অত্তাৎ যাকোব বংশর বাদ-বাগি মানুচ্চুন্ তারারে আঘাত্ গুরিয়্যেগুনো উগুরে আর্ বিশ্বেজ্ ন-গুরিবাক্, মাত্তর্ লগেপ্রভু উগুরে, ইস্রায়েলর সেই পবিত্র মানুচ্চো উগুরে ঘেচ্চেক্‌গুরি বিশ্বেজ্ গুরিবাক্।

যিশাইয় 10:9

কল্‌নোর অবস্থা কি কর্কমীশ ধোক্ক্যেন্ নয়? হমাৎ কি অর্পদ ধোক্ক্যেন্ নয়? আর শমরিয়া কি দামেস্ক ধোক্ক্যেন্ নয়?

যিশাইয় 11:16

মিসরত্তুন্ নিগিলি এবার্ অক্তত্ যেবাবোত্যে ইস্রায়েলীয়গুনোত্তে এক্কান্ পথ ওইয়্যে সেবাবোত্যে তার্ বাঁজি থেইয়্যে মানুচ্চুনোত্তে আসিরিয়াত্তুন্ এক্কান রাজপথ অবঅ।

যিশাইয় 19:21

এবাবোত্যেগুরি লগেপ্রভু মিসরীয়গুনো ইদু নিজোরে ফগদাং গুরিবো আর সেদিন্যে তারা লগেপ্রভুরে স্বিগের্ গুরিবাক্। তারা এ্যামান-উৎসর্ব আর শোজ্য উৎসর্ব গুরিনে তারে উবোসনা গুরিবাক্ আর লগেপ্রভু ইদু মানত্ গুরিনে সিয়েনি ছিড়েবাক্।

যিশাইয় 19:22

লগেপ্রভু মিসরানরে আঘাত্ গুরিবো; তে তারারে আঘাত্ গুরিবো আর গম্‌অ গুরিবো। তারা লগেপ্রভু ইন্দি ফিরিবাক্, আর তে তারার কোজোলীগান্দোই রিনি চেবঅ আর তারারে গম্ গুরিবো।

যিশাইয় 21:2

এক্কান দর্‌গরেপারা দর্শন মরে দেগা ওইয়্যে-বেঈমান্নো বেঈমানি গোজ্যে, আর লুদেয়্যেবো লুদেয়্যে। ও এলম, আক্রমণ গর্; মাদিয়া, ঘিরি ফেলা। বাবিলে যেদক্কানি দুঘ্-কষ্ট ঘোদেয়্যে সিয়েন মুই বন্ধ গুরি দিম্।

যিশাইয় 22:6

এলমর মানুচ্চুনে সেল্ থবার্ কাল্লোঙো তুলি নেযেয়োন; তারা সমারে রথ আর ঘড়া চালেয়্যেগুনোর দল্লো আঘে। কীরোর মানুচ্চুনে ঢাল্লোই যুক্কোল্ ওইয়োন।

যিশাইয় 24:15

সেনত্তে পুগেদি মানুচ্চুনে লগেপ্রভুরে বাঈনী গোরোদোক্ আর দূর দেজর মানুচ্চুনে ইস্রায়েলর গোজেন লগেপ্রভুরে নাঙ্ গিনোদোক্।

যিশাইয় 37:31

যিহূদা-গুট্টির যে মানুচ্চুনে সেক্কেয়ো বাঁজি থেবাক্ তারা আর একবার ফোলেবাক্। তারা গাজ ধোক্ক্যেন্ তলেদি শিঙোর্ বোজেবাক্ আর উগুরেদি ফল ফোলেবাক্।

যিশাইয় 42:10

ও সাগরত্ আঢাউদো গোজ্যেগুন্, সাগর ভিদিরে বেক্ প্রাণিগুন, ও দূরোর্ দেজ্‌ছানি আর সিয়েন ভিদিরে আদাম্মেগুন্,‌‍‍‍ তুমি বেক্কুনে লগেপ্রভুর্ নাঙে এক্কো নূয়ো গীদ্ গঅ, পিত্‌‌থিমীর শেজ্ ধুজিত্তুন্ তার নাঙ্ গিনেদে গীদ্ গঅ।

যিশাইয় 42:12

তারা লগেপ্রভুর বাঈনী গোরোদোক্; দূরো দেজ্‌ছানি ভিদিরে তারে নাঙ্ গিনেনাগান্ ফগদাং গোরোদোক্।‌

যিশাইয় 42:4

পিত্‌থিমীত ন্যায়বিচের থিদেবর্ ন-অনা সং তে বল্‌‌‌পোজ্যে ন-অবঅ বা ভাঙি ন-পুরিবো। দূরো মানুচ্চুনে তা উগুমান বাজ্জেই থেবাক্।”

যিশাইয় 45:14

লগেপ্রভু ইস্রায়েল জাদরে কত্তে, “মিসরর পেইয়্যে সোম্বোত্তিগানি আর কূশর বেবসার পযাপিরানি তইদু এবঅ। লাম্বা লাম্বা সবায়ীয়গুনে নিজে তইদু এবাক্; তারা তর্ অবাক্ আর তঅ পিজে পিজে আঢিবাক্। তারা শিগোল্লোই বান্যে অবস্থায় তইদু এবাক্। তারা তঅ মুজুঙোত্ মাদিত্ মাঢা নিগিরিনে কোজোলি গুরিনে কবাক্, ‘গোজেনে ঘেচ্চেকগুরি তমা সমারে আঘে। বানা এক্কো তেয়ই গোজেন, আর কনঅ গোজেন নেই।’ ”

যিশাইয় 49:12

চঅ, তারা দূরোত্তুন এবাক্; কেউ উত্তোরেত্তুন, কেউ পোজিমেত্তুন আর কেউ সীনীম দেজত্তুন এবাক্।”

যিশাইয় 66:19

লগেপ্রভু আরঅ কত্তে, “মুই তারা ইদু এক্কান চিহ্নো থিদেবর্ গুরিম আর যিগুনে বাঁজি থেবাক্ তারা ভিদিরেত্তুন্ কয়েকজনরে মুই জাদ্‌তুনো ইদু পাদেম্-তর্শীশ, পূল আর নাঙ্-গোজ্যে ধনুবলা লূদ, তূবল আর গ্রীস ইদু আর যেদক্কানি দূরো দেজ্ মর্ সুনাঙান ন-শুনে আর মর্ মহিমায়ো ন-দেগন্ তারা ইদু পাদেম্। তারা জাদ্‌তুনো ভিদিরে মর্ মহিমার কধাগান ফগদাং গুরিবাক্।‌‌‌‍‌‌‌‍

যিরমিয় 25:25

সিম্রী, এলম আর মাদীয়গুনোর বেক রাজাগুনোরে;

যিরমিয় 31:10

“ও জাদ্‌তুন, মঅ কধানি শুনো; তুমি দূরোর দেজ্‌ছানিত এ কধাগান ফগদাং গরঅ, ‘যিবে ইস্রায়েলরে ছিদি দিয়্যে তে তারারে তুবেব আর গরগ ধোক্ক্যেন গুরি তা পাল্লো রোক্ষ্যে গুরিবো।’‌‌‌‍‌‌‌‍

যিরমিয় 44:1

মিসর দেজত্ যিদুক্কুন যিহূদী মিগ্‌দোল, তফন্‌হেষ, নোফ আর পথ্রোষ চাগালাত্ বজত্তি গুরিদাক্ তারা পৌইদ্যেনে লগেপ্রভুর এ কধাগান যিরমিয় ইধু ফগদাং অলঅ,

যিরমিয় 49:23

দামেস্ক পৌইদ্যেনে লগেপ্রভু কোইয়্যেদে, “হমাৎ আর অর্পদে দরে থির্‌‍‍‌‌‌‌‌নেইয়্যে ওইয়্যে, কিত্তে তারা ভান্ন্যেই হবর্ শুন্নোন্। তারা আশানেইয়্যে ওইয়োন, থির্ নেইয়্যে সাগর ধোক্ক্যেন ওলোঝোলো ওইয়োন্।

যিহিষ্কেল 27:6

তারা বাশন দেজর্ এলোন গাজত্তুন্ বানেয়োন তর্ পাঙেইয়ানি; সাইপ্রাসত্তুন্ তাশূর গাজ আনিনে তারা তর্ তক্তা বানেইনে এদো দাত্তোই সাজেয়োন্।

যিহিষ্কেল 29:14

মুই তারার অবস্থাগান ফিরেইনে তারার পূরোণি মানুচ্চুনো দেজত্ পথ্রোষত্ নেযেম। সিদু তারার্ রেজ্যগান অবঅ খেমতানেইয়্যে।

যিহিষ্কেল 30:14

মুই পথ্রোষরে উগুজ্যে ভূইয়ো ধোক্ক্যেন ফেলেই রাগেম, সোয়নত্ আগুন বাজেই দিম আর নো শঅরানরে সাজা দিম।

যিহিষ্কেল 32:24

এলম সিয়েনত্ আঘে; তা গোরর্ চেরোকিত্তে আঘন্ তার বেক মানুচ্চুন। তারারে বেক্কুনোরে যুদ্ধোত্ মারে ফেলা ওইয়্যে। তারা জেদাগুনোর দেজত্ দর্‌‌বুক ছোরেয়োন, মাত্তর্ যেরেদি বেক্কুনে সুন্নত-ন-গোজ্যে অবস্থায় পিত্‌থ‌ীমির গভীনোত্ লামি যেইয়োন। যিগুনে মরণ জাগাত্ লামি যেইয়োন তারা লগে এ মানুচ্চুনে অসর্মান ওইয়োন্।

যিহিষ্কেল 38:8

ভালোক্ বজর্ পরেদি তরে যুদ্ধোত্তে ডাগা অবঅ। সেক্কে তুই এমন এক্কান দেজ্ আক্রমণ গুরিবে যে দেজ্‌‌‌‌‌‌চান যুদ্ধোত্তুন্ রেহাই পেইয়্যে, যার মানুচ্চুনে ভালোক্ জাদ ভিদিরেত্তুন্ ইস্রায়েলর্ মুড়ো-মুড়িত্ এগত্তর্ ওইয়োন। সেই দেজ্‌‌‌‌‌‌চান ভালোক্ দিন ধুরিনে মানুচ্ নেইয়্যে এলঅ, মাত্তর্ তর্ আক্রমনর্ আগেদি নানান্ জাদ ভিদিরেত্তুন্ তা মানুচ্চুনোরে নিগিলেই আনা অবঅ, আর সেক্কেনে তারা বেক্কুনে গমেডালে বজত্তি গুরিবাক্।

দানিয়েল 1:2

প্রভু তা আঢত্ যিহূদার রাজা যিহোয়াকীমরে তুলি দিলো আর তা লগে গোজেন ঘরর্ কয়েক্কো লদায়ো তুলি দিলো। তে সেই লদাগুন বাবিলোত্ তা দেবেদাগুনো মন্দিরোত্ নেযেইনে সিদুগোর্ ধনভান্ডালত্ থোই দিলো।

দানিয়েল 11:18

সে পরেদি উত্তর রাজা দূরোর দেজ্‌‌‌‌‌চানি ইন্দি মনযোগ দিবো আর ভালোক্কানি দেজ্ গজক্ গুরি নিবো, মাত্তর্ এক্কো সেনাপতি তার সেই জিদেনার বাড়্‌বোগান্ শেজ্ গুরি দিবো আর তার্ ঈচ্ গরানাগান তা উগুরে ফিরেই দিবো।

দানিয়েল 8:2

সেই দর্শনানত্ মুই নিজোরে এলম রেজ্যর্ শূশন তাম্বুলোত্ দেগিলুং। সেই দর্শনান ভিদিরে মুই ঊলয় গাঙ পারত্ এলুং।

হোশেয় 1:11

যিহূদা আর ইস্রায়েল মানুচ্চুনে আরঅ মিজেবাক্ আহ্ তারা উগুরে এক্কো নেতারে নেযেবাক্। তা আগেদি যে দেজত্ তারা বন্দী এলাক্ সিয়েনত্তুন্ তারা এবাক্, কিত্যে যিষ্রিয়েলর সেই দিন্নো অবঅ মহৎ।

হোশেয় 11:10

তঅ মানুচ্চুনে মঅ পিজে পিজে যেবাক্, কিত্যে মুই সিংহ ধোক্ক্যেন ডাগিম। মুই ডাগানার্ পরেদি মঅ পুয়ো-ছাগুনে পোজিমেত্তুন্ গির্‌‌‌গিরাদে গির্‌‌‌গিরাদে এবাক্।

হোশেয় 11:11

মিসরত্তুন্ পেগো ধোক্ক্যেন, আসিরিয়াত্তুন্ কঅ ধোক্ক্যেন তারা গির্‌‌‌গিরাদে গির্‌‌‌গিরাদে এবাক্। মুই তারার্ ঘরত্ তারারে বোজেই দিম। মুই লগেপ্রভু এ কধাগান কঙর্।”

মীখা 7:12

সে অক্তত্ আসিরিয়া আর মিসর শঅরানিত্তুন্ মানুচ্চুনে তইধু এবাক্; এন্ কি, মিসরত্তুন্ ইউফ্রেটিস গাঙ্, এক সাগরত্তুন্ আর এক সাগর আহ্ এক মুড়োত্তুন্ আর এক মুড়ো সং মানুচ্চুন এবাক্।

সফনিয় 2:11

লগেপ্রভু তারা ইধু অমকদ দর্‌‌গরেপারা অবঅ; তে পিত্‌‌থিমীর বেক দেবেদাগুনোরে বল্‌‌পোজ্যে গুরিবো। সেক্কে দূর দেজর্ বেক জাদর্ মানুচ্চুনে নিজো নিজো দেজত্তুন্ তার্ উবোসনা গুরিবাক্।

সখরিয় 5:11

জোবত্ তে কলঅ, “তারা সিবে শিনিয়র দেজত্ নেযাদন্। সিয়েনত্ সেই মিলেবোত্তে এক্কান্ ঘর বানা অবঅ। ঘর বানা অলে পরেদি তারে তা জাগানত্ বজা অবঅ।”

সখরিয় 8:7

মুই আরঅ কঙর্, পূগেদি আর পোজিমেত্তুন্ মুই মঅ মানুচ্চুনোরে উদ্ধোর্ গুরিম।

সখরিয় 9:2

হমাৎ, যিয়েন হদ্রকর দুযি কুরে আঘে সিয়েন্‌অ বিরুদ্ধেয়ো লগেপ্রভুর কধানি পূরোন অবঅ। যুনিয়ো সোর আর সীদোন মানুচ্চুনে অমকদ জ্ঞানী, তো তারার্ বিরুদ্ধে সিয়েন পূরোন অবঅ।

রোমীয় 11:15

গোজেনে যিহূদীগুনোরে এলাফেলা গোজ্জ্যে বিলি যুনি গোজেন সমারে জগদর্ অন্য মানুচ্চুনোর্ মিলেমিলি অলঅ মাত্তর্ তে যেক্কে যিহূদীগুনোরে মানি লবঅ সেক্কে অবস্থাগান্ কি অবঅ? সিয়েন কি মরা মান্‌জ্যর্ জিংকানি পাইদ্যে ধোক্ক্যেন্ অবস্থা ন-অবঅ?

রোমীয় 11:26

আর এবাবোত্যেগুরি গোদা ইস্রায়েল জাদ্‌তো উদ্ধোর্ পেবঅ। পবিত্র বোইবোত্ লেঘা আঘে, সিয়োনত্তুন্ উদ্ধোর্ গুরিয়্যেবো এবঅ; তে যাকোব গুট্টির্ মানুচ্চুনো ভিদিরেত্তুন্ মঅ উগুরে ভোক্তি নেইয়্যেগান্ দূর্ গুরিবো।

২ করিন্হীয় 3:16

মাত্তর্ তারা ভিদিরেত্তুন্ কেঅ যেক্কে প্রভু ইন্দি ফিরোন্ সেক্কে সেই পদ্দাগান্ সুরি যায়।

দ্বি’লম্বর বিররণ 9:29

মাত্তর্‌ ইগুনে দঅ তরই মানুচ্‌, তরই সোম্বোত্তি যিগুনোরে তুই তর্‌ আত্‌তান বাড়ে দিইনে দাঙর্‌ বল্লোই নিগিলেই আন্যচ্‌।