যিশাইয় 10:5 - Chakma Bible

⁵ অভিশাব্ পোড়োক্ আসিরিয়া, মঅ রাগ্‌কানর্ লুদিক্! তা আঢত্ আগেদে মর্ জদবদে রাগর্ মুগোর্‌বো।

যিশাইয় 10:5 Iomraidhean Croise

পত্থম 10:11

তে সিয়োত্তুন্‌ নিগিলিনে তা রেজ্যগান বাড়াদে বাড়াদে আসিরিয়া দেজ্‌চান সং গেলঅ। সে জাগানর নীনবী, রহোবৎ-পুরী, কেলহ আর রেষণ নাঙে শঅরানি তেয়ই বানেইয়্যে। ইয়েনি ভিদিরে রেষণ অলঅ নীনবী আর কেলহর সংমধ্যে জাগানত্‌। ইয়েনি এক সমারে মিজেনে এক্কান্‌ দাঙর্‌ শঅর বানা ওইয়্যে।

২ রাজাবলী 18:25

সিয়েন্‌ বাদে মুই কি লগেপ্রভুত্তুন্‌ অনুমতি ন-নিইনে এ জাগায়ান্‌ আক্রমণ আর ভস্ত গুরিবাত্তে এচ্চ্যং? এ দেজ বিরুদ্ধে যুদ্ধো গুরিনে সিয়েন্‌ ভস্ত গুরি ফেলেবাত্তে লগেপ্রভু নিজেই মরে কোইয়্যে। ”

২ রাজাবলী 19:25

তুই কি ন-শুনোজ্‌, বোউত্‌ আগেন্দি মুই সিয়েনি ঠিগ্‌ গুরি রাগেয়োং? ভালোক্‌দিন আগেন্দি মুই সিয়েনির সল্লা গোজ্যং। আর ইক্কিনে মুই সিয়েনি ঘোদেলুং। সেনত্তে দঅ তুই দেবাল-ঘিজ্যে শঅরানি পাত্তর কুর্‌ গুরি পাজ্যস্‌।

গীতসংহিতা 125:3

গোজেন ভক্ত মানুচ্চুনে যেনে অন্যেয় কামত্ আত্ ন-দুয়োন্ সেনত্তে গোজেনর দিয়্যে তারা দেজ্‌ছান উগুরে পাজিগুনোরে রাজাগিরি গুরিবাত্তে দিয়্যে ন-অবঅ।

গীতসংহিতা 17:14

ও লগেপ্রভু, সেই মানুচ্চুনোর্ আঢত্তুন, দুনিয়ে মানুচ্চুনো আঢত্তুন, তুই নিজো আঢে মঅ পরানান্ বাঁজা। তারার এ বক্‌শিষ্‌ছানি এ জগদত্ আঘে- তর্ ধন-সোম্বোত্তিগানিলোই তারার পেট ভরে, তারার্ পুয়ো-ছাগুন সয়-সাগোজ্যে অন্, পুয়ো-ছাগুনোত্তে তারা তারার্ ধন-সোম্বোত্তিগানি থোই যান্।

যিশাইয় 10:15

কুড়োলানে কি গাজ্ কাবিয়্যেবো উগুরে নিজোরে তুলে বা আড়াগানে কি গাজ-মিস্ত্রিবো মুজুঙোত্ বড়াই গরে? না, সিয়েন ওই ন-পারে। লুদিক্কো লুদিক্ বলাবোরে চালেই ন-পারে আর মুগোর্‌‌‌‌বো মুগোর্ বলাবোরে ঘুরেই ন-পারে, কিত্তে মুগোর্ বলাবো দঅ তক্তা জিনিস নয়।

যিশাইয় 10:25

তমা উগুরে মঅ রাগ্‌কান খুব যাদিমাদি থুম্ অবঅ, আর সিয়েনে আসিরিয়গুনোরে ভস্ত গুরিবো।”

যিশাইয় 13:5

তারা দূরোত্তুন্ এত্তন্, তারা পিত্‌‌থিমীর শেজ্ দুযিত্তুন্ এত্তন্; লগেপ্রভু তার রাগর্ আত্যের্‌লোই পুরো পিত্‌থিমীগানরে ভস্ত গুরিবাত্তে এজের্।

যিশাইয় 14:24

বেগত্তুন্ খেমতাবলা লগেপ্রভু শমক্ গুরি কোইয়্যেদে, “ঘেচ্চেকগুরি, মুই যেবাবোত্যেগুরি ঠিগ্ গোজ্যং সেবাবোত্যেগুরি ঘুদিবো, আর সিয়েন থির্ থেবঅ।

যিশাইয় 14:25

মঅ দেজ্‌‌ছান ভিদিরে মুই আসিরিয়ার্ রাজারে চুর্‌‌মার্ গুরিম আর মঅ মুড়ো-মুড়িগুনো উগুরে তারে টেঙোই উড়িম্। সেক্কে মঅ মানুচ্চুনো ইত্তুন্ তা জুঙোলান্ দূর্ ওই যেবঅ আর তারার্ কানাগানিত্তুন্ তা বুধিবো সুরি যেবঅ।”

যিশাইয় 23:13

বাবিল দেজ্‌ছান ইন্দি রিনি ছঅ‍; এক সময়োত্ তা মানুচ্চুনো পৌইদ্যেনে কনজনে হবর্ ন-পেদাক্। আসিরিয়গুনে বাবিলানরে ধূল্যেচর-চাগালার পরাণবলাগুনোর জাগা বানেয়োন, মাত্তর্ বাবিলীয়গুনে সোররে আক্রমণ গুরিবাত্তে চুগিদার-ঘর ধোক্ক্যেন অজল্ অজল্ রথ বানেয়োন, তার দাঙর্ দাঙর্ ঘরানি লুদেয়োন আর তারে এক্কান ভস্তর্ কুড়্ বানেয়োন।

যিশাইয় 26:20

ও মর্ মানুচ্চুন্, তুমি যঅ, তমা ঘুদিগুনোত্ সুমিনে দোরান্ বানঅ; তুমি নিজোরে লুগেই রাগঅ, কিত্তে কানক্কন্ পরেদি তা রাগ্‌‌কান থামেব।

যিশাইয় 29:2

মাত্তর্ মুই অরীয়েল উগুরে দজা আনিম্। তে দুঘ্ পেবঅ আর আবিলেচ্ গুরিবো; তে মইদু এক্কো অরীয়েল ধোক্ক্যেন্, অত্তাৎ এক্কো পূযো ধোক্ক্যেন্ অবঅ।

যিশাইয় 30:27

চঅ, লগেপ্রভুর্ জোল্‌‍‌জোল্যে রাগ্‌‍‌কান আর ঘুর্‌‍‌ঘুজ্যে ধূমোগান মেঘ সমারে দূরোত্তুন্ এজের্; তা মুয়োন জদবদে রাগে ভরা আর তার জিলান্ পুড়ি ফেলাইদ্যে আগুনো ধোক্ক্যেন্।

যিশাইয় 30:30

লগেপ্রভু জদবদে রাগ্, পুড়ি ফেলাইদ্যে আগুন, অমকদ ঝড় আর শিল পড়ানার্ মাধ্যমে তার্ খেমতাবলা রবো মানুচ্চুনোরে শুনেব আর তা সাজা দিবার্ আঢ্‌‍‌তান দেগেব।

যিশাইয় 30:9

এ মানুচ্চুনে উল্লোমী আর মিজে কধা কোইয়্যে; তারা লগেপ্রভুর্ শিক্ষ্যেনি শুনিবাত্তে রাজি নয়।

যিশাইয় 34:2

বেক্ জাদ্‌‌তুনো উগুরে লগেপ্রভু অমকদ বেজার্ ওইয়্যে; তারার বেক্ সৈন্যদলুনো উগুরে তার রাগ্‌কান রোইয়্যে। তে তারারে এক্কুবারে শেজ্ গুরি ফেলেব, ভস্তর্ আঢত্ তারারে তুলি দিবো।‌

যিশাইয় 66:14

ইয়েনি দেগিনে তমা মনানি হুজি অবঅ আর তুমি ঘাস ধোক্ক্যেন উদিবে। লগেপ্রভুর চাগরুনে তা খেমতাগান দেগিবাক্, আর তা শত্রুগুনে তা রাগ্‌‌‌‌কান দেগিবাক্।

যিশাইয় 7:17

যিহূদা আর ইফ্রয়িমর ফারগ্ অবার দিনুনোর্ পরেত্তুন্ ধুরি যিয়েনি কনদিন্অ ন-অয়, লগেপ্রভু তরে আর তঅ মানুচ্চুনো উগুরে আর তঅ বাবঅ বংশ মানুচ্চুনো উগুরে সেবাবোত্যে এক্কো সময় আনিবো। সে অক্তত্ তে আসিরিয়ার রাজারে আনিবো।”

যিশাইয় 7:20

সেদিন্যে প্রভু তমার্ মাঢা চুলানি, টেঙ কেশ্‌চানি আর দাড়ি মুড়ে দিবাত্তে ইউফ্রেটিস গাঙর্ উপারত্তুন্ এক্কান ক্ষুরে, অত্তাৎ আসিরিয়ার রাজারে লোড়েইনে আনিবো।‍‍

যিশাইয় 8:4

পুয়োবো ‘মা’ বা ‘বাবা’ কবার্ আগেদি দামেস্কর ধন-সোম্বোত্তিগানি আর শমরিয়ার লুদেয়্যে মালানি আসিরিয়ার রাজাবো নেযেব।”

যিশাইয় 8:7

সেনত্তে প্রভু ইউফ্রেটিস গাঙানরে জদবদে বান পানি ধোক্ক্যেন্ সয়সাগজ্যে গুরি আসিরিয়ার রাজারে তারার্ বিরুদ্ধে খুব যাদিমাদি আনিবো। সে পানিগানে গাঙানির্ বেক ছড়াগানি আর কাজাকুরেদি জদবদে বেঈ যেবঅ,

যিহিষ্কেল 22:31

সেনত্তে মঅ রাগ্‌‌‌‌‌‌‌‌‌‌‌‌‌‌‌কান মুই তারা উগুরে ঢালি দিম আর তারার আচার-বেবহারর ফল তারা মাঢা উগুরে লামেই দিইনে মর্ জোল্‌‌‌‌‌‌‌‌‌‌‌‌‌‌‌জোল্যে রাগে মুই তারারে পুড়ি ফেলেম। মুই প্রভু লগেপ্রভু এ কধাগান কঙর্।”

যিহিষ্কেল 7:10

চঅ, দিন্নো এজের্! সিগুন্ লুম্মোন্দি! সর্বনাশ্‌চান্ ফাদিনে নিগিল্যে, লুদিক্কোত্ বোল্ পোজ্যে, বাড়্‌বোগানর্ ফুল ফুট্যে।

দানিয়েল 11:36

উত্তরেদি রাজাবো নিজো আওজ্ মজিম কাম্ গুরিবো। বেক্ দেবেদাগুনোত্তুন্ তে নিজোরে দাঙর্ গুরি দেগিবো আর যিবে দেবেদগুনোর গোজেন তা বিরুদ্ধেয়ো দাঙর্ দাঙর্ কধা কবঅ। গোজেনর রাগ্‌‌কান পুরোপুরিগুরি ঢালি ন-দেনা সং তে সফল অবঅ, কিত্যে যিয়েন থির্ গরা ওইয়্যে সিয়েন ‌‌হামাক্কায় ঘুদিবো।‌‌

নহূম 1:1

নীনবী পৌইদ্যেনে লগেপ্রভুর কধা। ইল্‌কোশ আদামর নহূমে যে দর্শনান্ পেইয়্যে সিয়েন ইয়েনত্ লেগা আঘে।

হবক্‌‌‌‌কূক 1:12

ও লগেপ্রভু, মর্ গোজেন, মর্ সুদ্ধো-সাংগ মানুচ্চো, তুই কি উমরত্তে নয়? আমি এক্কুবারে ভস্ত ন-অবং। ও লগেপ্রভু, আমারে সাজা দিবাত্তে তুই বাবিলীয়গুনোরে নেযেয়োচ্; ও আশ্রয়-মুড়োবো, তুই আমারে সাজা দিবাত্তে তারারে নেযেয়োচ্।

সফনিয় 2:13

লগেপ্রভু উত্তোরেদিগুনো বিরুদ্ধে আঢ্ বাবেইনে আসিরিয়াগান ভস্ত গুরিবো আর নীনবীগানরে এক্কুবারে মানুচ্ নেইয়্যে আর ধূল্যেচর ধোক্ক্যেন শুগুনো গুরি দিবো।

গণাণা 24:24

সাইপ্রাস দ্বীবোর্ দুজিত্তুন্ জাহাজ এইনে দমন গুরিবো আসিরীয় আর এবরীয়গুনোরে; মাত্তর্‌ সাইপ্রাসর মানুচ্চুনে ভস্ত ওই যেবাক্।”