যিশাইয় 10:4 - Chakma Bible

⁴ তুমি দঅ বন্দীগুনো ভিদিরে থেবা বা মরাগুনোর্ সমাজ্যে অবা; তমার্ গুরিবার আর্ কিচ্চু ন থেবঅ। ইয়েনি অলেয়ো তা রাগ্‌কান ন-থামেব; এজঅ তা আঢ্‌তান তুল্যে আঘে।

যিশাইয় 10:4 Iomraidhean Croise

যিশাইয় 22:2

ও যাগুলুগে ভরা শঅরান্, ও কোজ্যে বাজেয়্যে আর রঅ ছাজ্যে শঅরান্, তঅ মরা মানুচ্চুনে দঅ তলোয়ার আঘাতে ন-মরন্ বা যুদ্বোত্অ ন-মরন্।

যিশাইয় 24:22

জেলখানা গাদত্ যেধোক্ক্যেন গুরি বন্দিগুনোরে একসমারে রাগা অয় সেধোক্ক্যেন গুরি তারারে একসমারে রাগা অবঅ। তারারে বানি রাগা অবঅ জেলখানাত্ আর ভালোক্ দিন পরে তারারে সাজা দিয়্যে অবঅ।

যিশাইয় 34:3

তারার্ মুরি যেইয়্যে মানুচ্চুনোরে বারেদি ফেলেই দিয়্যে অবঅ। তারার্ মরা কিয়্যেনিত্তুন্ পজাবাজ্ নিগিলিবো আর তারার্ লোগানিলোই মুড়ো-মুড়ি ধোই যেবঅ।

যিশাইয় 5:25

সেনত্তে লগেপ্রভুর রাগ্‌‌কান তা মানুচ্চুনো বিরুদ্ধে জুলি উঠ্যে; তে আঢ্ তুলিনে তারারে আঘাত্ গোজ্যে। মুড়ো-মুড়ি গির্‌‌গিরাদন্ আর মরাকিয়্যেনি পধত্ পেজা কুড়ো ধোক্ক্যেন্ পোজ্যে আঘে। ইয়েনর্ পরেদিয়ো তা রাগ্‌‌কান্ ন-থামায়, তে আঢ্ তুলি রাগেয়্যে।

যিশাইয় 66:16

লগেপ্রভু আগুন আর তলোয়ারলোই বেক্ মানুচ্চুনো উগুরে তা বিচেরর্ কামান চালেব; তে যিগুনোরে মারে ফেলেব তারার্ জনেদি ভালোক্কুন্।

যিশাইয় 9:11

মাত্তর্ লগেপ্রভু দঅ রৎসীনোর্ বিরুদ্ধে তা শত্রুগুনোরে দরমর গোজ্যে আর তা বিরুদ্ধে তারারে উত্তেজিত গোজ্যে।

যিশাইয় 9:12

পূগেত্তুন্ ধুরি অরামীয়গুনে আর পোজিমেত্তুন্ ধুরি পলেষ্টীয়গুনে মুয়োনি আ গুরিনে ইস্রায়েলরে গিলি ফেলেব। ইয়েনি অলেয়ো তা রাগ্‌কান ন-থামেব। এজঅ সং তা আঢ্‌‌‌‌তান তুল্যে আঘে।‌

যিশাইয় 9:16

যিগুনে এ জাদ মানুচ্চুনোরে পথ দেগান্ তারা তারার্ ভুল্ পধেদি নেযান্; যিগুনে তারার্ পিজেদি চলন্ তারা বুঝি ন-পারন্ তারা কুদু যাদন্।

যিশাইয় 9:17

সেনত্তে প্রভু গাবুজ্যেগুনোরে নিইনে কনঅ ফুত্তি ন-পেবঅ, আর মা-বাপ নেইয়্যেগুনোরে, রানি মিলেগুনো উগুরে তে কনঅ দোয়্যে ন-গুরিবো; কিত্তে বেক্কুনে গোজেন উগুরে ভোক্তি নেইয়্যে আর পাজি, বেক্কুনে বজং কধা কন্। ইয়েনি অলেয়ো তা রাগ্‌কান ন-থামেব; এজঅ সং তা আঢ্‌তান তুল্যে আঘে।‌‌

যিশাইয় 9:20

এ ডাগেদি যিয়েনি আঘে সিয়েনি তারা গিলিবাক্, মাত্তর্ তো পেট্‌পরা থেবঅ; উ ডাগেদি যিয়েনি আঘে সিয়েনি হেই পারিবাক্, মাত্তর্ ঈল্ ন-অবঅ। যেরেদি পত্তিজনে নিজো মানুচ্চুনোর্ য়েরা হেবাক্-

যিশাইয় 9:21

মনঃশি ইফ্রয়িমর আর ইফ্রয়িম মনঃশির য়েরা হেবাক্, আর তারা এক সমারে যিহূদা বিরুদ্ধে উদিবাক্। এজঅ সং তা আঢ্‌‌‌‌তান তুল্যে আঘে।

যিরমিয় 15:2

আর যুনি তারা তরে পুযোর্ গরন, ‘আমার কি অবঅ?’ সালে তারারে কবে, ‘লগেপ্রভু এ কধাগান কোইয়্যেদে, মরণত্তে যিগুনে ঠিগ্ ওই আগন তারার মরণ অবঅ; তলোয়ারত্তে যিগুনে ঠিগ্ ওই আগন তারা যুদ্ধোত্ মুরি যেবাক্; ভাদরাদত্যে যিগুনে ঠিগ্ ওই আঘন্ তারা ভাদরাদত্যে মুরি যেবাক্; আর বন্দী অবাত্তে যিগুনে ঠিগ্ ওই আগন তারা বন্দী অবাক্।’ ”

যিরমিয় 37:10

যে বাবিলীয় সৈন্যগুনে তমারে আক্রমণ গোজ্যন্ তুমি যুনি তারারে বেক্কুনোরে ওদেই দুয়ো আর বানা তারার আহত মানুচ্চুনে তাম্বুলোত্ পড়ি থান, সালে তারা নিগিলি এইনে এ শঅরান পুড়ি ফেলেই দিবাক্।’ ”

যিরমিয় 4:8

সেনত্তে বস্তাপাদা উরিনে আবিলেচ্ আর হাহাকার গরঅ, কিত্তে লগেপ্রভুর জ্বোল্‌‍‍‍জোল্যে রাগ্‌‌‍‍কান আমান্দিত্তুন ফিরি ন-যায়।” ‍‍‍‍‍‍‍

হোশেয় 9:12

যুনি বা কনজনে পুয়ো-ছা পালান্ তো সেই পুয়ো-ছাগুনোরে মুই মারে ফেলেম; তারার্ একজনঅ ন-থেবাক্। অভিশাব্ পোড়োক্ তারার্, যেক্কেনে মুই তারাত্তুন্ যেম্বোই।

লেবীয় 26:17

মুই তমান্দিত্তুন্‌ মুয়োন ফিরেই নেযেম্‌ আর তুমি তমার শত্রুগুনো ইদু উদি যেবা। তমারে ঈচ্ গরন্দেগুনে তমারে শাজন গুরিবাক্ আর কনজনে তমারে ন-লোড়েলেয়ো তুমি ধেই যেবা।

দ্বি’লম্বর বিররণ 32:30

কেন্‌জান্ গুরি একজনে আজার জনরে ধাবেই-দে, কেন্‌জান্ গুরি দ্বিজনরে দেগিনে দশ আজার মানজ্যে ধেই যান, যুনি তারার জিরেবার-মুড়োবো শত্রুগুনোর আদত্‌ তারারে বেজা দিইনে থান, যুনি লগেপ্রভু শত্রুগুনোর আদত্‌ তারারে তুলি দিইনে থায়?