যিশাইয় 10:33 - Chakma Bible

³³ চঅ, বেগত্তুন্ খেমতাবলা গোজেন প্রভু লগেপ্রভু দাঙর্ খেমতালোই ডেলাগুন্ ভাঙি ফেলেব। অজল্ অজল্ গাজ্‌চুন কাবি ফেলা অবঅ; সিগুন মাঢিত্ পড়িবাক্।

যিশাইয় 10:33 Iomraidhean Croise

২ বংশধর 32:21

সেক্কে লগেপ্রভু এক্কো স্বর্গদূতোরে পাধেই দিলো যিবে আসিরিয়ার রাজার তাম্বুলো ভিদিরেত্তুন্‌ বেক্‌ যোদ্ধাগুরিয়্যেগুনোরে, নেতাগুনোরে আর সেনাপতিগুনোরে পুরোপুরি গুরিনে ভস্ত গুরি ফেলেল। সেক্কে সন্‌হেরিবে লাজে নিজো দেজত্‌ ফিরি গেলঅ। তে তার্‌ দেবেদাবোর্‌ মন্দিরোত্‌ যানার্‌ পরেন্দি তার্‌ কয়েক্কো পুয়ো তারে মারে ফেলেল।

যিশাইয় 18:5

খেত্-খেত্তি কাবিবার আগেদি যেক্কে ফুল আর ন-থেবঅ আর সে ফুল্লো আংগুর ওইনে পাগিবো সে অক্তত্ ছুরিলোই তে কুজি ডেলাগুন কাবি ফেলেব আর ছিদি পোজ্যে ডেলাগুন সোরেই দিবো।

যিশাইয় 32:19

শিলোঝড়ে ঝারর্ গাজ্‌‌চুনোরে মাদিত্ ফেলেই দিবো আর শঅরানি পুরোপুরি মাদি লগে মিজেইনে সং সং ওই যেবঅ।

যিশাইয় 33:3

তঅ মুয়ো রবোলোই মানুচ্চুনে ধেই যান্; তুই উদিলে জাদ্‌তুনে ছিদি পড়ন্।‌

যিশাইয় 37:38

একদিন্যে সন্‌হেরীবে যেক্কে তা দেবেদা নিষ্রোকর মন্দিরোত্ পূজো গরের্ সেক্কে অদ্রম্লেলক আর শরেৎসর নাঙে তার্ দ্বিবে পুয়ো তারে তলোয়ার্‌‌‌লোই মারে ফেলেইনে অরারট দেজত্ ধেই গেলাক্। সন্‌হেরীবর জাগানত্ তার পুয়ো এরস-হদ্দোনে রাজা অলঅ।

যিশাইয় 5:15

অজল্-নিযো বেক্কুনোরে লোঙেই দিয়্যে অবঅ, আর বাড়্‌বো গুরিয়্যেগুনোর্ চোগ্‌কুন তলে লামেই দিয়্যে অবঅ।‌

যিরমিয় 22:7

মুই তঅ বিরুদ্ধে ভস্তগুরিয়্যেগুনোরে পাদেম; তারার পত্তিজন আঢত্ আত্যের্ থেবঅ। তারা তর্ গম্ গম্ এরস গাজ্‌চুন কাবিনে আগুনোত্ ফেলেবাক।

যিহিষ্কেল 31:3

আসিরিয়ার কধা চিন্তে গুরি চাহ্, তে একদিন লেবাননর্ এরস গাজ্ এলঅ। তার দোল্ দোল্ ডেলাগুন ঝারত্ ঘন ছাবা ফেলেদ; সিবে অমকদ অজল্ এলঅ, তার মাঢাবো যেন আগাজ ইধু লুম্মেগোই।

দানিয়েল 4:37

ইক্কিনে মুই নবূখদ্‌নিৎসর সেই স্বর্গ রাজারে নাঙ্ গিনোং, সর্মান গরং আর বাঈনী গরং, কিত্যে তে যিয়েনি গরে সিয়েনি ঠিগ্, আর তার বেক্ পথ্‌‌‌‌‌তানি ন্যায়ে ভর্‌‌‌‌‌পুনং। যিগুনে বাড়্‌বো গুরিনে চলন তারারে তে তলেদি ফেলেই পারে।

আমোষ 2:9

ও ইস্রায়েলর মানুচ্চুন, ইমোরীয়গুনে যুনিয়ো এরস গাজ ধোক্ক্যেন লাম্বা আর এলোন গাজ ধোক্ক্যেন দরমর এলাক্ তো তমা মুজুঙোত্ সেই ইমোরীয়গুনোরে মুয়ই ভস্ত গোজ্যং। মুই তারার্ ফল আর শিঙোরানি ভস্ত গোজ্যং।

নহূম 1:12

লগেপ্রভু কত্তে, “ও যিহূদা, যুনিয়ো আসিরিয়গুনে বলেদি ঠিগ্ আগন্ আর জনেদি বেশ্ তো তারারে মারে ফেলা অবঅ। মুই তরে দুঘ্ দৈং ঠিগ, মাত্তর্ আর্ দুঘ্ ন-দিম।

লূকে লেখ্যে গম্ হবর্ 14:11

যে নিজরে অজল্ গরে তারে তলে ফেলা অবঅ, আর যে নিজরে তলে গরে তারে অজলত্ তুলো অবঅ।”