যিশাইয় 10:27 - Chakma Bible

²⁷ সেদিন্যে তমা কানাত্তুন্ তারার বুদিগুন্, তমা গত্তনাত্তুন্ তারার্ জুঙোলুন্ তুলি নিয়্যে অবঅ; তুমি পক্তা ওইয়ো বিলি সেই জুঙোলান্ ভাঙি পুরিবো।

যিশাইয় 10:27 Iomraidhean Croise

২ শমূয়েল 1:21

ও গিল্‌বোয়োর্‌ মুড়োমুড়িগুন, তমা উগুরে শিরোপানি বা ঝড় ন-পোড়োক্‌, তমা ভিদিরে বোলি শোজ্য খেদ্‌‌অ ন-থোক্‌; কিত্যে সিয়োদোই দঅ বীরমানুচ্চুনোর ঢালানি অসর্মানিত ওইয়োন, শৌলর ঢালত্‌ আর তেল গুলোনা ন-অর্‌।

গীতসংহিতা 105:15

কদঅ, “মর্ অভিষেগ্ গোজ্যে মানুচ্চুনোরে ন-ধুরিবা; মঅ ভাববাদিগুনোরে কনঅ খেতি ন-গুরিবা।”

গীতসংহিতা 132:10

তঅ চাগর দায়ূদোত্তে তঅ অভিষেগ্ গোজ্যে মানুচ্চুনোর্ তবনাগানি তুই ফিরেই ন-দিচ্।

গীতসংহিতা 2:6

লগেপ্রভু কবদে, “মুই যিবেরে রাজা বানেয়োং তারে মর্ সুদ্ধো-সাংগ সিয়োন মুড়োবোত্ বোজেয়োং।”

গীতসংহিতা 20:6

ইক্কিনে মুই হবর্ পাং, লগেপ্রভু তার্ অভিষেগ্ গোজ্যে মানুচ্চুনোরে রোক্ষ্যে গরে; তার্ ডেন্ আত্তোই রোক্ষ্যে গুরিবার বলান্দোই তে পবিত্র স্বর্গত্তুন তার্ অভিষেগ্ গোজ্যে মান্‌‌‌জ্যর্ ডাগনিলোই ইজিরে দিবো।

গীতসংহিতা 45:7

তুই ন্যায়ানরে কোচ্‌‌পাচ আর অন্যেয়রে ঘিনেচ্; সেনত্তে গোজেন, তর্ গোজেন, তর্ সমাজ্যেগুনোত্তুন্ বোউত্ হুজির্ তেল ধোক্ক্যেন্ গুরি তঅ উগুরে ঢালি দিয়্যে।

গীতসংহিতা 81:6

লগেপ্রভু কলঅ, মুই তা কানাত্তুন্ বুধিবো সোরেই দিলুং; কাল্লোং বুয়োনাত্তুন্ তে বাঁজিলো।

গীতসংহিতা 84:9

ও গোজেন, আমা ঢালানরে চাহ্; তর্ এ অভিষেগ গোজ্যে মানুচ্চো উগুরে তর্ দোয়্যের চোখ্‌কুন রাগা।

যিশাইয় 14:25

মঅ দেজ্‌‌ছান ভিদিরে মুই আসিরিয়ার্ রাজারে চুর্‌‌মার্ গুরিম আর মঅ মুড়ো-মুড়িগুনো উগুরে তারে টেঙোই উড়িম্। সেক্কে মঅ মানুচ্চুনো ইত্তুন্ তা জুঙোলান্ দূর্ ওই যেবঅ আর তারার্ কানাগানিত্তুন্ তা বুধিবো সুরি যেবঅ।”

যিশাইয় 30:23

তে তমারে ঝড়্ দিবো যেনে তুমি মাদিত্ বীজ্ ফেলেই পার আর ভূইয়োত্তুন্ যে খেত্-খেত্তিগানি এবঅ সিয়েনি গম্ আর তেল্‌তেল্যে অয়। সেদিন্যে তমার্ য়েমান পালুনো বোউত্ দাঙর্ দাঙর্ মাদত্ চড়িবাক্। ‍‌

যিশাইয় 37:35

মুই মত্তে আর মঅ চাগর্ দায়ূদোত্তে এ শঅরান্ ঘিরি রাগেনে সিয়েন রোক্ষ্যে গুরিম।’ ”

যিশাইয় 52:2

ও যিরূশালেম, উঠ্, তুই কিয়্যের্ ধূল্যেগানি ঝাড়ি ফেলেইনে সিংহাসনত্ বজ্। ও বন্দী সিয়োন-ঝি, তঅ গত্তনাবোর বেক্ শিগোলানি খুলি ফেলা।

যিশাইয় 55:2

যিয়েন কনঅ হানা নয় সিয়েনত্তে কিত্তে পোজে খরচ্ গুরিবে? যিয়েন হেলে ঈল্ ন-অয় সিয়েনত্তে কিত্তে কাম্ গুরিবে? শুন্, মঅ কধাগান শুন্, যিয়েন গম্ সিয়েনই হা; সেক্কে বেগত্তুন গম্ হানাগান পেইনে তমার পরাণানে হুজি অবঅ।

যিশাইয় 9:4

মিদিয়নর্ উদি যেবার্ দিন্নোত্ যেধোক্ক্যেন্ তুই গোজ্যস্, সেধোক্ক্যেন্ গুরি তুই চুর্‌‌মার্ গুরি দিবে সেই জুঙোলান্, যিয়েন তারা উগুরে গুয়োর্ ওই আঘে, সেই লুদিক্কো, যিবে তারারে আঘাত্ গরে, সেই জাদ্‌তো, যে তারা উগুরে অত্যেচার্ গরে।

যিরমিয় 30:8

মুই বেগত্তুন্ খেমতাবলা লগেপ্রভু কঙর্, সেদিন্যে মুই তারার গত্তনাত্তুন্ জুঙোলান্ ভাঙি ফেলেম্ আর তারার দুড়িগান ছিনি ফেলেম; বিদেশীগুনে আর তারার চাগর্ গুরি ন-রাগেবাক্।

যিহিষ্কেল 30:18

মুই যেক্কেনে মিসরর জুঙোলান্ ভাঙি ফেলেম সেক্কে তফন্‌হেষত্ দিনোত্ আন্ধার্ লামি এবঅ; সিয়েনত্ তার খেমতার বাড়্ গরানায়ো শেজ্ ওই যেবঅ। তে মেঘে নাঢা যেবঅ আর তার আদামানির মানুচ্চুন বন্দীদজাত্ যেবাক্।

লেবীয় 7:35

হারোণ আর তার্‌ পূঅগুনোরে যেদিন্যে ধর্মগুরু্‌ ইজেবে লগেপ্রভুর্ সেবা গুরিবাত্তে নেযা ওইয়্যে সেদিন্যে লগেপ্রভুর্ নাঙে আগুন্দোই-গোজ্যে উৎসর্বর য়েমানত্তুন্‌ এ ভাগ্‌কান্‌ তারার্ পাওনা বিলি ঠিগ্ গুরি রাগা ওইয়্যে।

লূকে লেখ্যে গম্ হবর্ 4:18

“গোজেন আত্মাগান্ মঅ উগুরে আঘে, কিয়া তেয়ই মরে নেযেয়্যে যেন মুই নাঢা মানুচ্চুনো ইধু গম্ হবর্ ফগদাং গরং । তে মরে বন্দীগুনো ইধু স্বাধীনতার্ কধা, কান্ মানুচ্চুনো ইধু দেগিবার্ কধা ফগদাং গুরিবাত্তে পাধেয়্যে। যিগুনো উগুরে অত্যেচার্ অর্, তে মরে সিগুনোরে উদ্ধোর্ গুরিবাত্তে পাধেয়্যে।

যোহন 1:41

আন্দ্রিয় পত্তমে তার্ ভেই শিমোনরে তোগেইনে নিগিলেল আর কলঅ, “আমি মশীহর (অত্তাৎ খ্রীষ্টর্) দেগা পেইয়্যেই।”

প্রেরিত্‌ 4:27

“তর্ পবিত্র চাগর্ যীশু, যিবেরে তুই মশীহ ইজেবে বেঈ লোইয়োচ্, রাজা হেরোদ আর পন্তীয় পীলাতে এ শঅরত্ তা বিরুদ্ধে অযিহূদীগুনো সমারে আর ইস্রায়েলীগুনো সমারে ঘেচ্চ্যেক্ গুরি আঢ্ মিলেয়োন।

১ যোহন 2:20

মাত্তর্ তুমি সেই পবিত্র মানুচ্চোত্তুন্ অভিষেক্ পেইয়ো, অত্তাৎ পবিত্র আত্মাগানরে পেইয়ো আর তুমি বেক্কুনে সত্যগান হবর্ পেইয়ো।

১ যোহন 2:27

মাত্তর্ তুমি খ্রীষ্টত্তুন্ অভিষেক্ পেইয়ো, অত্তাৎ পবিত্র আত্মাগানরে পেইয়ো। তে তমা মনভিদিরে থায়। ইয়েনত্যে অন্য কারঅ শিক্ষ্যে তমার দরকার নেই। বেক্কানি পৌইদ্যেনে পবিত্র আত্মাগানে তমারে শিক্ষ্যে দের্। তে সত্য, মিজে নয়। সেনত্যে যেধোক্ক্যেন গুরি তে তমারে খ্রীষ্ট সমারে থেবাত্যে শিক্ষ্যে দে সেধোক্ক্যেন গুরি খ্রীষ্ট সমারে থাগঅ।