যিশাইয় 10:24 - Chakma Bible

²⁴ সেনত্তে বেগত্তুন্ খেমতাবলা প্রভু লগেপ্রভু কোইয়্যেদে, “ও মঅ মানুচ্চুন্, তুমি যিগুনে সিয়োনত্ থাগঅ, যুনিয়ো আসিরিয়গুনে মিসর দেজ ধোক্ক্যেন্ গুরি তমারে লুদিক্কোই পিদোন্ আর তমা বিরুদ্ধে গদা তুলোন্ তো তুমি তারারে ন-দোরেবা।

যিশাইয় 10:24 Iomraidhean Croise

যাত্রা 14:9

তার্‌ বেক্‌ ঘোড়াগুন, রথ্‌তানি, ঘোড়াবাহিনীগুন আর সৈন্যদলুন্‌ নেযেইনে মিসরীয়গুনে তারার্‌ পিজেদি লোড়েইনে তারার্ কায়কুরে লুমিলাক্। ইস্রায়েলীয়গুনে এই সময়োত্‌ বড়গাঙর্‌ পারত্‌ বাল্‌-সফোনর মুজুঙেদি পী-হহীরোত ইধু এলাক্।

যাত্রা 5:14

পরেদি একদিনোত্ ফরৌণর সেই সদ্দারুনে তারার্‌ কাম দিয়্যে ইস্রায়েলীয় পরিচালক্কুনোরে পিদিনে কলাক্, “যিদুক্কুন ইট দিনপত্তি তমার্‌ বানেবার্‌ কধা তুমি আগঅ ধোক্ক্যেন সিদুক্কুন্‌ ন-গরর্‌ কিত্তে? তুমি এচ্ছ্যেয়ো সিয়েন ন-গরঅ আর তা আগঅ দিন্নোত্‌‌অ ন-গরঅ।”

যিশাইয় 10:5

অভিশাব্ পোড়োক্ আসিরিয়া, মঅ রাগ্‌কানর্ লুদিক্! তা আঢত্ আগেদে মর্ জদবদে রাগর্ মুগোর্‌বো।

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিশাইয় 12:6

ও সিয়োন মানুচ্চুন্, তুমি দাঙর্ গুরিনে রঅ ছাড় আর হুজিয়ে গীদ্ গঅ, কিত্তে ইস্রায়েলর সেই পবিত্র মানুচ্চো তমা ভিদিরে দাঙর্।”

যিশাইয় 14:29

ও পলেষ্টীয়া, যে লুদিক্কো তরে আঘাত্ গুরিদো সিবে ভাঙি যেইয়্যে বিলি তুমি কনজনে ফুত্তি ন-গোজ্য। সাপ গাদত্তুন্ নিগিলি এবঅ কেউটে সাপ, আর সেই সাপ্পোত্তুন্ নিগিলি এবঅ উড়্‌বো বিষবলা সাপ।

যিশাইয় 27:7

ইস্রায়েলর্ আঘাত গুরিয়্যেগুনোরে যেধোক্ক্যেন্ গুরি লগেপ্রভু আঘাত গোজ্যে সেধোক্ক্যেন্ গুরি তে ইস্রায়েলরে আঘাত ন-গরে; যিগুনে তারে মারে ফেল্যন্ তারা ধোক্ক্যেন্ গুরি তে তারে মারে ন-ফেলায়।

যিশাইয় 30:19

ও সিয়োনর মানুচ্চুন্, তুমি যিগুনে যিরূশালেমত্ বজত্তি গরঅ, তমাত্তুন্ আর কানা ন-পুরিবো। সাহায্যত্তে কানিলে তে হামাক্কায় তমারে দোয়্যে গুরিবো। তে শুনোনার্ লগে লগে জোব্ দিবো।

যিশাইয় 30:32

লগেপ্রভু তারা লগে যুদ্ধো গুরিবার অক্তত্ যেক্কে তার্ নেযেয়্যে লুদিক্কো তারা উগুরে আঘাত্ গুরিবো সেক্কে ঝোন্‌জোনি আর বীণা বাঁজিবো।

যিশাইয় 35:4

যিগুনোর্ রিবেঙানি দরে ভরা তারারে কঅ, “বল্‌‌বলা অ, ন-দোরেয়ো। ‌‌ তমা গোজেনে এবঅ, হেনা সুজিবাত্তে আর সাজা দিবাত্তে এবঅ; তে এইনে তমারে উদ্ধোর্ গুরিবো।”

যিশাইয় 37:22

ইয়েনত্তে তা বিরুদ্ধে লগেপ্রভু এ কধাগান কোইয়্যে, গাবুজ্যে মিলে সিয়োনে তরে ঈচ্ গুরিবো আর ঠাট্টা-মশ্‌‌কারী গুরিবো। যিরূশালেমর মানুচ্চুনে তঅ পিজেন্দিত্তুন্ মাঢাবো লাড়েবাক্।

যিশাইয় 37:6

সেক্কে যিশাইয় তারারে কলদে, “তমা গিরোজ্‌সোরে কবাদে, লগেপ্রভু কোইয়্যেদে, ‘তুই যিয়েনি শুন্ন্যচ্, অত্তাৎ আসিরিয়ার্ রাজার কামগুরিয়্যেগুনে মঅ বিরুদ্ধে যেদক্কানি অগমানর কধা কোইয়োন সিয়েনি ন-দোরেচ্।

যিশাইয় 4:3

সেদিন্যে সিয়োনত্ যিগুনে বাগি থেবাক্, অত্তাৎ যিরূশালেমত্ যিগুনে বাঁজি থেবাক্ তারারে পবিত্র বিলিনে ডাগা অবঅ। যিরূশালেমত্ বাঁজি থেবাত্তে সেই মানুচ্চুনোর্ নাঙানি লেগা আঘে।

যিশাইয় 46:13

মর্ নিদ্দোজ্‌চান মুই তমা ইদু আনঙর্; সিয়েন বেশ্ দূরোত নয় আর মর্ উদ্ধোর কামত্অ আর বেশ্ দেরি নেই। মুই সিয়োনানরে উদ্ধোর গুরিনে ইস্রায়েলরে বাঈনী গরানাগান্ দান গুরিম।”

যিশাইয় 51:13

তমারে যিবে বানেয়্যে তারে কিত্তে তুমি ভুলি যেইয়ো? তে দঅ আগাজ্‌চানরে বিজেই দিয়্যে আর পিত্‌থিমীর গড়াগান গাড়েয়্যে। যে অত্যেচারিবো ভস্ত গুরিবাত্তে লাগি আঘে তার দর্‌গরেপারা রাগ্‌‍‍কানত্তে কিত্তে তুমি পত্তিদিন যে কনঅ সময় দোরে দোরেই বজত্তি গরর্? সেই অত্যেচারি দর্‌গরেপারা রাগ্‌‍‌কান কিচ্চু নয়। ‍‍

যিশাইয় 61:3

যেন সিয়োনত্ যিগুনে আবিলেচ্ গোজ্যন তারা মাঢা উগুরে মুই ছেইয়োর বদলে দোল্ মুকুট দি পারং; যেন মুই আবিলেচর্ বদলে হুজির্ তেল আর হতাশার্ বদলে নাঙ্ গিনিবার পোজাক্ দি পারং। তারারে কুয়ো অবঅ সততার এলোন গাজ্; লগেপ্রভু সিগুন লাগেয়্যেদে যেন সিগুনোর মাধ্যমে তারে বাঈনী গরানাগান ফগদাং পায়।

যিশাইয় 7:4

তারে এ কধাগান কঅ, ‘উজিয়ার্ অ, থির্ থাক্ আর ন-দোরেচ্। ধূমো উঠ্যে সেই দ্বিবে তক্তার্ শেজ্ ভাগ্‌কান দেগিনে, অত্তাৎ রৎসীন, অরাম আর রমলিয় পুয়োবোর দর্‌গরেপারা রাগ্‌‌‌‌‌‌‌‌‌কান দেগিনে মন্‌মরা ন-ওচ্।‌‌‌‌‌‌

যিশাইয় 9:4

মিদিয়নর্ উদি যেবার্ দিন্নোত্ যেধোক্ক্যেন্ তুই গোজ্যস্, সেধোক্ক্যেন্ গুরি তুই চুর্‌‌মার্ গুরি দিবে সেই জুঙোলান্, যিয়েন তারা উগুরে গুয়োর্ ওই আঘে, সেই লুদিক্কো, যিবে তারারে আঘাত্ গরে, সেই জাদ্‌তো, যে তারা উগুরে অত্যেচার্ গরে।

মীখা 5:5

আর তে সাজা আনিবো। আসিরিয়গুনে যেক্কে আমা দেজ্‌‌‌চান আক্রমন গুরিবাক্ আর আমা তাম্বুলানি টেঙোই উরিবাক্ সেক্কে আমি তা বিরুদ্ধে সাতজন পালগরে, এন্ কি, আষ্টোজন নেতারে তুলিবোং।