যিশাইয় 10:21 - Chakma Bible

²¹ বাঁজি থেইয়্যে মানুচ্চুনে ফিরি এবাক্; যাকোবর্ বাদ্‌বাগি মানুচ্চুন্ খেমতাবলা গোজেন ইদু ফিরি এবাক্।

যিশাইয় 10:21 Iomraidhean Croise

ইষ্রা 1:4

গোজেনর্ যিদুক্কুন্ মানুচ্ এজঅ বাঁজি আগন তারা ‍যিয়োদোই বজত্তি গুরিদাক্ সাৎ তারা ভিদিরে যিগুনে যিরূশালেমত্ যেবাত্তে চায় তারার্ পাড়াল্যেগুনে যেনে তারার্ সনা-রূবো, জিনিসপাদি আর য়েমান দিইনে সাহায্য গরন্ আর যিরূশালেমত্ গোজেনর্ ঘরত্যে নিজের আওজে বক্‌শিজ্ দুয়োন।

যিশাইয় 19:22

লগেপ্রভু মিসরানরে আঘাত্ গুরিবো; তে তারারে আঘাত্ গুরিবো আর গম্‌অ গুরিবো। তারা লগেপ্রভু ইন্দি ফিরিবাক্, আর তে তারার কোজোলীগান্দোই রিনি চেবঅ আর তারারে গম্ গুরিবো।

যিশাইয় 37:31

যিহূদা-গুট্টির যে মানুচ্চুনে সেক্কেয়ো বাঁজি থেবাক্ তারা আর একবার ফোলেবাক্। তারা গাজ ধোক্ক্যেন্ তলেদি শিঙোর্ বোজেবাক্ আর উগুরেদি ফল ফোলেবাক্।

যিশাইয় 46:3

ও যাকোবর বংশ, ইস্রায়েলর বংশর বাঁজি থেইয়্যে মানুচ্চুন্, তুমি মঅ কধাগান শুনো। পেদত্ এবার অক্তত্তুন্ ধুরি আর জর্মর পরেত্তুন্ ধুরি মুই তমা ভারান্ বুয়োঙর্।

যিশাইয় 55:7

পাজি মানুচ্চো তা পথ্‌তান ছাড়ি দুয়োক্ আর ভান্ন্যেই মানুচ্চো তার বেক চিদে চজ্জাগানি বাদ দুয়োক্। তে লগেপ্রভু ইন্দি ফিরোক্, সেক্কে তে তা উগুরে মেয়্যে গুরিবো; আমা গোজেন ইন্দি ফিরোক্, কিত্তে তে বেক্কানি খেমা গুরিবো।

যিশাইয় 59:20

লগেপ্রভু কোইয়্যেদে, “যাকোবর্ যিগুনে পাপত্তুন মনানি ফিরেয়োন তারাত্তে উদ্ধোর গুরিয়্যেবো সিয়োনত্ এবঅ।

যিশাইয় 7:3

সেক্কে লগেপ্রভু যিশাইয়রে কলঅ, “তুই আর তঅ পুয়োবো শার-যাশূব ইন্দি নিগিলিনে কাবড় কাজেয়্যে মাদ পথ্‌‌‌‌‌‌‌তান পাড়ত্ অজল্ পুয়োর্‌‌‌‌‌‌‌বো লগে বাস্যে পানি গাদ্‌‌‌‌‌‌‌তো মুয়োনত্ যেইনে আহস লগে দেগা গর্।

যিশাইয় 9:13

মাত্তর্ যিবে তারারে আঘাত্ গোজ্যে তাইদু মানুচ্চুনে ফিরি ন-এজন্, বেগত্তুন্ খেমতাবলা লগেপ্রভুর আওজ্ মজিম ন-চলে।

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

যিরমিয় 50:20

সে অক্তত্ ইস্রায়েলর ভান্ন্যেয়র কামানি তগা অবঅ মাত্তর্ এক্কান ন-থেবঅ, যিহূদার পাব্‌‌‌‌‌পানি তগা অবঅ মাত্তর্ মাত্তর্ এক্কান্‌অ পাহ্ ন-যেবঅ, কিত্তে মুই যিগুনোরে বাঁজেই রাগেম্ তারারে মুই খেমা গুরিম।

হোশেয় 14:1

ও ইস্রায়েল মানুচ্চুন, তমা গোজেন লগেপ্রভু ইধু তুমি ফিরি এজঅ। তমার পাপত্তে তুমি ফেলা যেইয়্যে ওইয়ো।

হোশেয় 6:1

আঢঅ, আমি লগেপ্রভু ইধু ফিরি যেই। তেয়ই আমারে কট্টা কট্টা গোজ্যে, তে আমারে গম্অ গুরিবো; তেয়ই আমারে আঘাত্ গোজ্যে, তে আমারে ঘাগানি বানিয়ো দিবো।

হোশেয় 7:10

ইস্রায়েলর বার্বোগানে তা বিরুদ্ধে সাক্ষী দের্, মাত্তর্ ইয়েনি বেক্কানি অলেয়ো তে তার্ গোজেন লগেপ্রভু ইধু ন-ফিরের্, তা ইন্দি মনযোগ্‌অ ন-দের্।

হোশেয় 7:16

তারা স্বর্গ ইন্দি ন-ফিরোন্; তারা বেঙাটেরা এক্কান ধনু ধোক্ক্যেন। তারার্ নেতাগুনে তারার্ অহংকারবলা কধাবাত্তানিত্তে মুরি যেবাক্, আর সেনত্তে ইস্রায়েলীয়গুনে মিসর দেজত্ আজি-তামাজার্ মান্‌জ্য ধোক্ক্যেন অবাক্।‌‌‌‌‌‌‌‌

প্রেরিত্‌ 26:20

যিগুনে দামেস্কত্ আঘন্ পত্তমে তারা ইধু, সে পরেদি যিগুনে যিরূশালেমত্ আর গোদা যিহূদিয়া রেজ্যত্ আঘন্ তারা ইধু আহ্ অযিহূদীগুনো ইধুয়ো মুই প্রচার গোজ্জ্যং, পাপত্তুন্ মনানি ফিরেইনে গোজেন ইন্দি তারার্ ফিরেনা উচিত্, আর এমন্‌ কাম্ গরানা উচিত্ যিয়েন্দোই প্রমাণ পায় যে, তারা মনানি ফিরেয়োন্।