যিশাইয় 10:20 - Chakma Bible

²⁰ সেদিন্যে ইস্রায়েলর বাঁজি থেইয়্যে মানুচ্চুন্, অত্তাৎ যাকোব বংশর বাদ-বাগি মানুচ্চুন্ তারারে আঘাত্ গুরিয়্যেগুনো উগুরে আর্ বিশ্বেজ্ ন-গুরিবাক্, মাত্তর্ লগেপ্রভু উগুরে, ইস্রায়েলর সেই পবিত্র মানুচ্চো উগুরে ঘেচ্চেক্‌গুরি বিশ্বেজ্ গুরিবাক্।

যিশাইয় 10:20 Iomraidhean Croise

২ রাজাবলী 16:7

যেরেন্দি আহসে আসিরিয়ার রাজা তিগ্লৎ-পিলেষরর ইদু এ কধাগান্‌ কবাত্তে মানুচ্‌ পাধেই দিলো, “মুই তর্‌ চাগর্‌ আর তর্‌ পুয়ো। তুই এইনে অরামর রাজা আর ইস্রায়েলর রাজার আঢত্তুন্‌ মরে রোক্ষ্যে গত্তি। তারা মরে আক্রমণ গোজ্যন্‌।”

২ রাজাবলী 19:31

বাঁজি থেইয়্যে মানুচ্চুনে যিরূশালেমত্তুন্‌ এবাক্‌, আর সিয়োন্‌ মুড়োবোত্তুন্‌ এবাক্‌ রোক্ষ্যে পেইয়্যে এক দল্‌ মানুচ্‌। লগেপ্রভুর আওজে ইয়েনি অবঅ।

২ বংশধর 14:11

সেক্কে আসা তার্‌ গোজেন লগেপ্রভুরে ডাগিনে কলঅ, “ও লগেপ্রভু, তুই যেধোক্ক্যেন বোলী মানুচ্চুনোরে বল্‌ দি থাচ্‌ সেধোক্ক্যেন দঅ বল্‌নেইয়্যে মানুচ্চুনোরেয়ো বল্‌ দি পারচ্‌। সেনত্তেই ও আমা গোজেন্‌ লগেপ্রভু, আমারে বল্‌ দে, কিত্তে আমি তঅ উগুরে বিশ্বেজ্‌ গুরিই আর তর্‌ নাঙে আমি এ দাঙর্‌ সৈন্যদল বিরুদ্ধে এচ্ছ্যেই। ও লগেপ্রভু, তুয়ই আমার্‌ গোজেন, মানুচ্চুনোরে তর্‌ বিরুদ্ধে জিদিবাত্তে ন-দিস্‌।”

২ বংশধর 28:16

সে অক্তত্‌ রাজা আহসে সাহায্য চেবাত্তে আসিরিয়ার রাজা ইদু মানুচ্‌ পাদেল।

২ বংশধর 28:20

আসিরিয়ার রাজা তিগ্লৎ-পিলেষরে তাইদু এচ্ছ্যে মাত্তর্‌ তে সাহায্যর্‌ বদলে আহসরে দুঘ্ দিলো।

ইষ্রা 9:14

আমি কি আরঅ তর্ উগুমানি অমান্য গুরিনে সেই জঘন্য কাম গোজ্যে মানুচ্চুুনো সমারে বৌ বেপারে কধা কবং? সিয়েন গুরিলে দঅ তুই আমা উগুরে এমন রাগ গুরিবে যিয়েনত্যে তুমি আমারে ভস্ত গুরি ফেলেবে আর আমারে কাররে বাঁজি থেবাত্যে ন দিবে।

যিশাইয় 1:9

বেগত্তুন্ খেমতাবলা লগেপ্রভু আমাত্তে যুনি কয়েক জনরে জেদা ন-রাগেদ সালে আমা অবস্থা সদোম আর ঘমোরা শঅর ধোক্ক্যেন্ অদঅ।

যিশাইয় 11:11

সেদিন্যে তার্ বাঁজি থেইয়্যে মানুচ্চুনোরে আসিরিয়াত্তুন্, মিসর আর পথ্রোষত্তুন, কূশ, এলম, বাবিল, হমাৎ আর দ্বিব্‌পুনোত্তুন্ উদ্ধোর্ গুরি আনিবাত্তে দ্বিবার তা আঢ্‌তান বাড়েই দিবো।‌‌

যিশাইয় 11:16

মিসরত্তুন্ নিগিলি এবার্ অক্তত্ যেবাবোত্যে ইস্রায়েলীয়গুনোত্তে এক্কান্ পথ ওইয়্যে সেবাবোত্যে তার্ বাঁজি থেইয়্যে মানুচ্চুনোত্তে আসিরিয়াত্তুন্ এক্কান রাজপথ অবঅ।

যিশাইয় 37:4

আসিরিয়ার্ রাজা জেদা গোজেনরে ঠাট্টা-মশ্‌‌‌কারি গুরিবাত্তে রব্‌শাকিরে পাদেয়্যে, মাত্তর্ তর্ গোজেন লগেপ্রভু অয়ত সে কধানি শুনিনে তারে সাজা দিবো। সেনত্তে যিগুনে এজঅ বাঁজি আগন্ তারাত্তে তুই তবনা গর্।”

যিশাইয় 46:3

ও যাকোবর বংশ, ইস্রায়েলর বংশর বাঁজি থেইয়্যে মানুচ্চুন্, তুমি মঅ কধাগান শুনো। পেদত্ এবার অক্তত্তুন্ ধুরি আর জর্মর পরেত্তুন্ ধুরি মুই তমা ভারান্ বুয়োঙর্।

যিশাইয় 50:10

তমা ভিদিরে যে লগেপ্রভুরে ভোক্তি গুরিনে দরায়, যে তার চাগর কধালোই বাধ্য অয়, কনঅ পহর্ নেই বিলিনে যে আন্ধারত্ যায়, তে লগেপ্রভু উগুরে বিশ্বেজ্ গোরোক্ আর তা গোজেন উগুরে নির্ভর গোরোক্।

যিশাইয় 6:13

যুনি দেজ ভিদিরে দশভাগর্ একভাগ্ মানুচ্‌‌‌‌‌‌অ থান্, তো তারারে পুড়ি ফেলা অবঅ। মাত্তর্ এলোন গাজ্ কাবি ফেলেলেয়ো যেধোক্ক্যেন্ তা গুড়িগানি থায়, সেধোক্ক্যেন্ গুড়ি ইজেবে দেজত্ পবিত্র বীজ ধোক্ক্যেন্ কয়েক্কো মানুচ্ থেবাক্।”

যিরমিয় 3:23

ঘেচ্চেকগুরি মুড়ো-মুড়িগুনো উগুরে পূজোর রঅ রঅ ছঅ ছঅ ছলনা বাদে আর কিচ্চু নয়। ঘেচ্চেকগুরি আমা গোজেন লগেপ্রভুর ভিদিরে আগেদে ইস্রায়েলর উদ্ধোর্।

যিরমিয় 44:14

যিহূদার বাদবাগি যিদুক্কুন মানুচ্ মিসরত্ বজত্তি গুরিবাত্তে যেইয়োন তারা যিহূদা দেজত্ ফিরি এবাত্তে ধেই যেবাত্তে বা বাঁজি থেই ন-পারিবাক্, যুনিয়ো তারা সিয়েনত্ ফিরি এইনে বজত্তি গুরিবাত্তে চেবাক্; তারা ভিদিরে কয়েকজন বাদে আর কনজনে ধেইনে ফিরি এই ন-পারিবাক্।”

হোশেয় 14:3

আসিরিয়া আমারে উদ্ধোর্ গুরি ন-পারিবো; আমি যুদ্ধো ঘোড়া উগুরে নির্ভর ন-গুরিবোং। আমা নিজো আঢে বানেয়্যে মূত্তিগুনোরে আমি আর কনদিন্‌অ ন-কবং, ‘আমা দেব-দেবদা,’ কিয়া তইদু মা-বাব্ নেইয়্যেগুনে দোয়্যে পান্।”

হোশেয় 5:13

“ইফ্রয়িমে যেক্কে তা পীড়েগান দেগিলো আর যিহূদা দেগিলো তা ঘাগান্ সেক্কে ইফ্রয়িমে আসিরিয়া ইন্দি ফিরিনে সাহায্যত্তে সেই মহা রাজ ইধু মানুচ্ পাধেল। মাত্তর্ তে দঅ তারে গম্ গুরি ন-পারিবো আর তা ঘাগান্অ গম্ গুরি ন-পারিবো।

মীখা 5:3

সে সময়ান ন-এজানা সং লগেপ্রভু ইস্রায়েলানরে ছাড়িনে থেবঅ। পুয়ো-অদে পীড়েই তা পুয়ো-ছাগুন জর্ম দিবার পরেদি সেই শাজন্‌গুরিয়্যেবোর যে ভেইয়ুনে বন্দীদজাত্ আগন্ তারা ইস্রায়েলীয়গুনো লগে মিজেবাত্তে ফিরি এবাক্।

সফনিয় 3:13

ইস্রায়েলর সেই বাদবাগি মানুচ্চুনে অন্যেয় ন-গুরিবাক্; তারা মিজে কধা ন-কবাক্ বা তারার্ মুয়োত্ ছলনা ন-থেবঅ। তারা হেইনে গমেডালে ঘুম যেবাক্, কনজনে তারারে দর্‌বুগ্ ন-লাগেবাক্।”