যিশাইয় 10:18 - Chakma Bible

¹⁸ যেবাবোত্যেগুরি এক্কো রুগি ক্ষয় ওই যায়, সেবাবোত্যেগুরি সেই আগুনানে আসিরিয়ার বেক্ গভীন ঝার্ আর বোল্-বোল্যে খেত্-খামারুন পুরোপুরি ভস্ত গুরি ফেলেব।

যিশাইয় 10:18 Iomraidhean Croise

২ রাজাবলী 19:23

তঅ মানুচ্চুন্দোই তু্‌ই প্রভুরে ঈচ্ গুরি কোইয়োচ্‌, তর্‌ বেক্‌ রথ্‌তানিলোই তুই মুড়োমুড়িগুনো তুগোত্, লেবাননর্ বেগত্তুন্‌ অজল্‌ তুক্কোত্‌ উঠ্যচ্‌। তুই তার্‌ বেগত্তুন্‌ লাম্বা এরস গাজছুন্‌ আর গম্‌ গম্‌ বেরস গাজছুন্‌ কাবি ফেল্যচ্‌। তুই তার্‌ গভীন্‌ ঝারর্‌ দোল্‌ জাগানিত্‌ যেইয়োচ্‌।

২ রাজাবলী 19:28

তুই মঅ বিরুদ্ধে রাগে ফুলি উঠ্যচ্‌ বিলি আর তঅ দেমাগ কধানি মঅ কানত্‌ এচ্ছে বিলি মুই তঅ নাগত্‌ মঅ কেবাবো লাগেম্‌ আর তঅ মুয়োনত্‌ মর্‌ লাগামান্‌ লাগেম্‌; আর যে পথ্‌তানন্দি তুই এচ্ছোস্‌ সে পথ্‌তানন্দি ফিরি যেবাত্তে মুই তরে বাধ্য গুরিম্‌।

যিশাইয় 10:16

সেনত্তে বেগত্তুন্ খেমতাবলা প্রভু লগেপ্রভু আসিরিয়ার্ বোলী যোদ্ধাগুনে উগুরে এক্কান ক্ষয়-নেযাইদ্যে রোগ্ পাধেই দিবো; তার জাক্‌জমক্কান তলে জোল্-জোল্যে জিলো ধোক্ক্যেন্ গুরি আগুন জ্বালা অবঅ।

যিশাইয় 32:19

শিলোঝড়ে ঝারর্ গাজ্‌‌চুনোরে মাদিত্ ফেলেই দিবো আর শঅরানি পুরোপুরি মাদি লগে মিজেইনে সং সং ওই যেবঅ।

যিশাইয় 37:24

তুই প্রভুরে টিট্‌‌‌কারি দিইনে আর বাড়্‌বো গুরিনে তঅ চাগরুনোরে কোই পাদেয়োচ্, তর্ বেক রথ্‌‌‌তানিলোই তুই মুড়োগুনোর্ মাঢাত্, লেবাননর্ বেগত্তুন্ অজল্ অজল্ মাঢাগুনোত্ উঠ্যস্, তার বেগত্তুন্ লাম্বা লাম্বা এরস গাজ্‌চুন আর গম্ গম্ বেরস গাজ্‌‌‌চুন্ কাবি ফেল্যস্, তার গভীন ঝারর্ দোল্ জাগায়ানত্ চোম্মোচ্,

যিশাইয় 9:18

ঘেচ্চেক্‌গুরি পাজি কামানি আগুনো ধোক্ক্যেন্ জ্বলে, সিয়েনে কাদাঝুপ আর কাদাগাজ্ পুড়ি ফেলায়। সিয়েনে ঝারর্ বেক ঘন ঝুব্‌পুন জ্বালেই দে আর সেক্কে ধূমোগানে পাক্ হেই হেই উগুরে উদে।‌‌

যিরমিয় 21:14

মাত্তর্ মুই তর্ কামর পাওনা মজিম তরে সাজা দিম। মুই তর্ ঝারানিত্ আগুন জ্বালেম; সেই আগুনানে তঅ চেরোকিত্তেদি বেক্কানি পুড়ি ফেলেব। মুই লগেপ্রভু এ কধাগান কঙর্।’ ”

সখরিয় 12:6

সেদিন্যে যিহূদার নেতাগুনোরে মুই দার্‌‌‌‌‌‌বো কুড়ো ভিদিরে জ্বোল্‌‌‌‌‌‌‌জোল্যে আঙারা ধোক্ক্যেন আর শোজ্য বনা ভিদিরে জ্বোল্‌‌‌‌‌‌‌জোল্যে বম্বা ধোক্ক্যেন গুরিম। তারা ডেনে-বাঙে কায়কুরে বেক্ জাগায়ানি গজক্ গুরিবাক্, মাত্তর্ যিরূশালেম মানুচ্চুনে আরঅ তারার নিজো জাগানত্ বজত্তি গুরিবাক্।