যিশাইয় 10:1 - Chakma Bible

^1-2 অভিশাব্ পোড়োক্ সেই মানুচ্চুনোর্, যিগুনে অন্যেয় আইন জারি গরন্ আর মিজে দলিল বানান্ যেনে তারা নাঢা মানুচ্চুনোরে তারার্ অধিকারত্তুন্ সোরেই দি পারন্ আর মর্ অত্যেচার ওইয়্যে মানুচ্চুনোরে ন্যায়বিচের পাদে মানা গুরি পারন্ আর রানিমিলেগুনোর্ আর মা-বাপনেইয়্যেগুনোর্ জিনিস্‌ছানি লুদেই পারন্।

যিশাইয় 10:1 Iomraidhean Croise

১ রাজাবলী 21:13

সে পরেন্দি দ্বিজন বজং মানুচ্‌ এইনে নাবোতর্‌ মুজুঙোত্‌ বজিনে মানুচ্চুনোর্‌ ইদু তা বিরুদ্ধে এ সাক্ষীগান্‌ দিলাক্‌, তে গোজেন্‌ আর রাজার বিরুদ্ধে অগমানর্‌ কধা কোইয়্যে। সে পরেন্দি মানুচ্চুনে তারে শঅরর্‌ বারেন্দি নেযেইনে পাত্তর্‌ মেলাহ্ মারিনে মারে ফেলেলাক্‌।

গীতসংহিতা 58:2

নয়, তমা মনত্ আগেদে অন্যেয় গুরিবার চিন্তে; বিচেরর্ পাল্লাবোলোই পিত্‌থিমীগানত্ তুমি অত্যেচার মাবি দুয়োর্।

যাত্রা 23:3

কনঅ‌ নাদা মান্‌জ্যর্‌ বিচের্‌ গুরিবাত্তে যেইনে তে নাদা বিলিনেই‌ তার্‌ পক্ষ ন-নিবা।

যাত্রা 23:6

“কনঅ‌ নাদা মান্‌জ্যর্‌ মকদ্দমাত্‌ অন্যেয় বিচের্‌ ন-গুরিবা।”

যিশাইয় 29:21

তারা মিজে কধালোই মান্‌জ্যরে দুষি গরন্, শঅর-গেদোত্ নিদ্দুযির তপ্পেদি থেইয়্যে মানুচ্চোরে ফালত্ ফেলান্ আর মিজে সাক্ষি দিইনে নিদ্দুযিবোরে ন্যায়বিচের্ পেবাত্তে ন-দুয়োন।

যিশাইয় 3:11

হায়! পাজিগুন্! তারা উগুরে দজা এবঅ। তারা যিয়েনি গোজ্যন্ তারা সিয়েনির পাওনাগান্ পেবাক্।

যিশাইয় 3:14

লগেপ্রভু তা মানুচ্চুনো ভিদিরে বুড়ো মানুচ্চুনোরে আর নেতাগুনো বিরুদ্ধে বিচের গুরিনে কোইয়্যেদে, “তুমি মঅ আংগুর খেদ্‌তান বর্‌বাত্ গোজ্য; নাঢা মানুচ্চুনোর পযাপিরানি লুদেইনে নিজো ঘরত্ রাগেয়ো।

যিশাইয় 5:11

অভিশাব্ পোড়োক্ সে মানুচ্চুনোর্, যিগুনে মদ হেবাত্তে বেন্যে পোত্যে উদোন্ আর বোউত্ রেত্‌সম্বাগ সং বোইনে আংগুর-রস হান্, যেদক্কন্ সং সিয়েন হেইনে তারা গরম ওই ন-উদোন্।

যিশাইয় 5:18

অভিশাব্ পোড়োক্ সেই মানুচ্চুনোর্, যিগুনে ছলনার্ দুড়িলোই ভান্ন্যেয়ানরে টানি আনন্, আর পাপ জিনিস্‌ছানরে টানি আনন্ যেন গোরু গাড়ি দুড়িলোই।

যিশাইয় 5:23

যিগুনে ঘুষ্ হেইনে দুষিবোরে ইরি দুয়োন্ আর নিদ্দুজোত্তে গম্ বিচের গুরিবাত্তে অস্বিগের্ গরন্।

যিশাইয় 5:8

অভিশাব্ পোরোক্ তমার্, যিগুনে ঘর লগে ঘর আর খেদ লগে খেত্ এগত্তর্ গরর্; যেরেদি অন্যগুনোত্তে কনঅ জাগা ন-থেবঅ, আর তুমি গায় গায় দেজত্ বজত্তি গুরিবা।

যিশাইয় 59:13

সিয়েনি অলঅ, উল্লোমী আর তরে অস্বিগের্ গরানা, আমা গোজেন ইত্তুন দূরোত্ সুরি যানা, আত্যেচার আর উল্লোমীত্তে উচ্চোমি তুলি দেনা আর মনত্তুন্ মিজে কধা নিগিলেই আনিনে সিয়েনি কনা।

যিশাইয় 59:4

কনজনে গমেডালে মগদ্দমা ন-গরন্, কনজনে ঠিগ্ মজিম মগদ্দমানর উকিলগিরি ন-গরন্। তারা বাজে যুক্তি উগুরে বিশ্বেজ্ গরন আর মিজে কধা কন্; তারা পাজিগানি পেদত্ রাগান আর ভান্ন্যেয়ানি জর্ম দুয়োন।

যিরমিয় 22:13

লগেপ্রভু কোইয়্যেদে, “অভিশাব্ পোড়োক্ তার, যে মানুচ্চো তা ঘরান ভান্ন্যেই টেঙালোই বানায় আর অবিচের দিইনে তা উগুরে তলার ঘুদিগুন বানায়। অভিশাব্ পোড়োক্ তার, যে মানুচ্চো মাগানা তা দেজ মানুচ্চুনোরে খাদায় আর তারার কামর্ বেতন ন-দে।

আমোষ 2:7

ধূল্যে ঝারেদে ধোক্ক্যেন গুরি তারা নাঢাগুনোরে ঝারন্ আর পদত্তুন্ অভাবীগুনোরে ঠিলিনে সোরেই দোন্। বাবে আর পুয়োই এক্কো মিলে সমারে বেভিচের্ গরন আর এবাবোত্যেগুরি মঅ সুদ্ধো-সাংগ নাঙান্ অসর্মান গরন্।

মীখা 6:16

তুমি অম্রির রীদি-সুদোমানি পালেয়ো আর আহাব বংশর বেক্ অভ্যেস্ মজিম্ চোল্য। তুমি তারার্ সল্লা মজিম্ চোল্য। সেনত্তে মুই ভস্তর্ আঢত্ আর ঠাট্টা-মশ্‌‌কারীগুরিয়্যে গুনোর আঢত্ তমারে তুলি দিম; মঅ মানুচ্ ইজেবে তমার্ অসর্মান ভুগো পুরিবো।”

হবক্‌‌‌‌কূক 2:12

জাদ্‌তুনে কবাক্‌‌, অভিশাব্ দিই তারে, যে লো ঝোরেইনে শঅর্ বানায় আর অন্যেয় কাম্বোই আদামান্ থিদেবর্ গরে।

হবক্‌‌‌‌কূক 2:15

জাদ্‌তুনে কবাক্‌‌, অভিশাব্ দিই তারে, যে রাগ গুরিনে তা পাড়াল্যেগুনোরে দগ্ দগ্ মদ খাবায় আর মাত্তল্ গুরি ফেলায় যেনে তে তারারে লাংদা দেগে।

হবক্‌‌‌‌কূক 2:19

“জাদ্‌তুনে কবাক্‌‌, ‘অভিশাব্ দিই তারে, যে তক্তাগানরে জেদা অবাত্তে কয় বা পরাণ নেইয়্যে শিল্লোরে জাগি উদিবাত্তে কয়।’ সিগুনে কি তারে শিক্ষ্যে দি পারন? সিগুন্ দঅ সনা আর রূবো দিইনে বেড়েয়্যে; সিগুনো ভিদিরে নিজেস্ নেই।

হবক্‌‌‌‌কূক 2:6

তারা বেক্কুনে তারে ঠাট্টা-মশ্‌কারী গুরিবাক্‌‌‌‌ আর কবাক্, অভিশাব্ পোড়োক্ তার্, যে অন্যগুনো পযাপিরানি নিজোত্তে থুবোয় আর জামিনো পযাপিরালোই তাগোয়্যে অয়। আর কয়দিন এবাবোত্যে চলিবো?

হবক্‌‌‌‌কূক 2:9

জাদ্‌‌‌তুনে কবাক্‌, অভিশাব্ পোড়োক্ তার্, যে অন্যেয় গুরিনে লাভবান্ ওইনে তার্ থেবার ঘরান্ তুলে যেনে তে গমেডালে থেই পারে আর দযাত্তুন্ রোক্ষ্যে পায়।

মথি লেখ্যে গম্ হবর্ 11:21

“অভিশাব্ পেইয়্যে কোরাসীন, অভিশাব্ পেইয়্যে বৈৎসৈদা! তমা ভিদিরে যেদক্কানি আমক্ অবার্ কাম্ গরা ওইয়্যে সিয়েনি যুনি সোর আর সীদোন শঅরত্ গরা অদঅ সালে ভালোক্ দিন আগে তারা বস্তা ফাদা পিনিনে ছেই গুলিনে পাপত্তুন্ মনানি ফিরেদাক্।

মথি লেখ্যে গম্ হবর্ 23:23

ফক্কর্ ধর্ম-মাষ্টর আর ফরীশীগুন, তমাত্যে কত্তমান্ দর্‌গরেপারা! তুমি পুদিনা, মৌরি আর জিরের্ দশ ভাগর্ এক ভাগ্ গোজেনরে ঠিগ্ মজিম দি থাগঅ; মাত্তর্ ন্যায়, দোয়্যে আর বিশ্বেজ্, যিয়েনি মোশির রীতি সুদোমর্ আরঅ দরকারী বিষয় সিয়েনি তুমি বাদ্ দুয়ো। আগ ইয়েনি পালানা লগে লগে যেরেদি ইয়ানিয়ো পালানা তমার্ উচিত।

মথি লেখ্যে গম্ হবর্ 23:27

ফক্কর্ ধর্ম-মাষ্টর্ আর ফরীশীগুন, তমাত্যে কত্তমান্ দর্‌গরেপারা! তুমি চিবিদিলোই বানেয়্যে গৌর ধোক্ক্যেন্, যিয়েনর বারেদিগান্ দোল্ মাত্তর্ ভিদিরেদিগান্ মরা মান্‌জ্য আড়্-গোড়া আর নানান্ বাবোত্যে কজরালোই ভোজ্যে।

মথি লেখ্যে গম্ হবর্ 23:29

তমাত্যে কত্তমান্ দর্‌গরেপারা! তুমি ভাববাদীগুনোর গৌরুন্ নূয়ো গুরি বানঅ আর গোজেন ভক্ত মানুচ্চুনোর গৌরানি সাজঅ।

মথি লেখ্যে গম্ হবর্ 26:24

মান্‌জ্য পুয়োবো পৌইদ্যেনে পবিত্র বোইয়োত্ যেবাবোত্যেগুরি লেগা আঘে ঠিগ্ সেবাবোত্যেগুরি তে মুরি যেবঅ ঠিগ্, মাত্তর্ কি দর্‌‍গরেপারা সেই মানুচ্চো, যে মান্‌জ্য পুয়োবো লগে বেঈমানী গরে! তে মান্‌জ্যর্ জর্ম ন-অলে বরং তাত্যেই গম্ অদঅ।”

লূকে লেখ্যে গম্ হবর্ 11:52

“ধর্ম-মাষ্টরুন তমাত্যে কত্তমান দর্‌গরেপারা! তুমি জ্ঞানর্ চাবি নেযেয়ো। নিজেয়ো ভিদিরে ন-সমঅ আর যিগুনে ভিদিরে সুমিবাত্তে চেইয়োন্ তারারেয়ো সোমেবাত্তে ন-দুয়ো।”

যোহন 19:6

যীশুরে দেগিনে আজল্ ধর্মগুরুগুনে আর কামগুরিয়্যেগুনে রঅ ছাড়িনেই কলাক্, “ত্রুুশোত্ দুয়ো, তারে ত্রুুশোত্ দুয়ো।” পীলাতে মানুচ্চুনোরে কলঅ, “তুমি তারে নেযেইনে ত্রুুশোত্ দুয়ো, কিয়া মুই তার্ কনঅ দুষ্ ন-দেগঙর্।”

যোহন 9:22

তা মা-বাবে যিহূদী নেতাগুনো দরে এই বেক্‌ কধানি কলাক্, কিয়া যিহূদী নেতাগুনে আগে ঠিগ্ গোজ্যন্, কনজনে যুনি যীশুরে মশীহ বিলিনে স্বীগের্ গরন্ সালে তারে সমাজত্তুন্ নিগিলেই দিয়া অবঅ।

যিহূদা 1:11

অভিশাব্ পাদোক্ সেই মানুচ্চুনে! যিগুনে কয়িনো পধেদি যেইয়োন, লাভত্যে বিলিয়মর্ ভুল আঢত্ নিজোরে ইরি দুয়োন আর কোরহ ধোক্ক্যেন উল্লোমি গুরিনে ভস্ত ওই যেইয়োন।