যিশাইয় 1:7 - Chakma Bible

⁷ তমা দেজ্‌ছান ভস্ত ওইনে পড়ি রোইয়্যে, শঅরানি আগুন্দোই পুড়ি দিয়্যে ওইয়্যে। তমার্ বেক্ খেত-খেত্তিগানি তমা চোগো মুজুঙোত্ বিদেশিগুনে লুদেয়োন্; বিদেশিগুনে দেজ্‌ছান ভস্ত ওইয়্যে জাগা গুরি রাগেয়োন।

যিশাইয় 1:7 Iomraidhean Croise

২ বংশধর 28:5

সেনত্তে তার্‌ গোজেন লগেপ্রভু তারে অরামর রাজা আঢত্‌ তুলি দিলো। অরামীয়গুনে তারে ওদেই দিলাক্‌ আর তার্‌ ভালোক্কুন্‌ মান্‌জ্যরে বন্দী গুরিনে দামেস্কত্‌ নেযেল। তারেয়ো ইস্রায়েলর রাজা পেকহের আঢত্‌ তুলি দিয়্যে অলঅ। ইস্রায়েলর রাজা তার্‌ বোউত্‌ মান্‌জ্যরে মারে ফেলেল।

গীতসংহিতা 107:34

আর ফসল জর্মেয়্যে ভূইয়ানিরে গরে নুনো খলা। যিগুনে সিদু বজত্তি গরন তারার পাজিগানির কারনে তে ইয়েনি গরে।

গীতসংহিতা 107:39

অত্যেচারে, দজাত্ পুরিনে আর দুঘে আরঅ তারা জনেদি কমি যান আর তারার অবস্থাগান গম্ ন-অয়।

গীতসংহিতা 109:11

মাজন্ মানুচ্চুনে বেক্কানি নেযাদোক্; অন্য মানুচ্চুনে তারার কামর ফলুন্ লুদেই নেযাদোক্।

যিশাইয় 1:8

সিয়োন-ঝিবোরে এমন গুরিনে ফেলেই রাগা ওইয়্যে যেনে তে আংগুর খেদর্ চুগিদার-ঘর, যেন খিরে খেদর্ বাজেই-ঘর, যেন শত্রুলোই ঘিজ্যে এক্কান্ শঅর।

যিশাইয় 3:8

যিরূশালেমে উজোত্ হেইয়্যে আর যিহূদা পড়ি যেইয়্যে, কিত্তে তারার্ কধা আর কামানি লগেপ্রভুর বিরুদ্ধে; তারা গোজেন মুজুঙোত্ তা মহিমাগানরে এলাফেলা গরন্।

যিশাইয় 34:9

ইদোমর্ পানি গঙারুন্ মাত্যে তেল্‌লোই ভুরি যেবঅ, সিয়েনর্ ধূল্যেগানি অবঅ গন্ধক্‌‌‌কোই ভরা, সেনত্তে দেজর্ মাদিগান অবঅ জোল্‌জোল্যে মাত্যেতেল্।‌

যিশাইয় 49:19

“যদিয়ো তুই ভস্ত ওইয়োচ্ আর এনেবাদে পড়ি আগচ্ আর তঅ দেজ্‌‍‌চান পুজ্যে ভুইয়ো ধোক্ক্যেন আঘে তো সময় এজের্ যেক্কে তুই তঅ মানুচ্চুনোরে জাগা দি পারিবে, আর যিগুনে তরে গিলি ফেল্যন্ তারা দূর্ ওই যেবাক্।

যিশাইয় 5:17

সেক্কে ভেড়াগুনে নিজো খেদত্ যেধোক্ক্যেন্ গুরি চরন্ সেধোক্ক্যেন্ গুরি তাগোয়্যেগুনোর বেক্ ভস্ত ওইয়্যে জাগায়ানিত্ চড়িবাক্, আর বিদেশীগুনে সেই ভস্ত ওইয়্যে জাগায়ানি ভোগ্ গুরিবাক্।

যিশাইয় 5:9

বেগত্তুন্ খেমতাবলা লগেপ্রভু মুই নিজো কানেদি এ কধাগান্ শুন্যং, “ঘেচ্চেকগুরি দাঙর্ দাঙর্ ঘরানি ভস্ত ওই যেবঅ, দোল্ দোল্ বিল্ডিঙানিত্ কনঅ মানুচ্ ন-থেবাক্।

যিশাইয় 6:11

সেক্কে মুই কলুং, “ও প্রভু, আর কয়দিন?” জোবত্ তে কলঅ, “যেদকদিন্ সং শঅরানি ভস্ত ওইনে মানুচ্ নেইয়্যে ন-অন্, ঘরানি খালি ওই ন-যায় আর খেত্-খামারানি ভস্ত আর ছার্‌খার ন-অয়;

যিশাইয় 60:15

“যুনিয়ো তরে ছাড়ি দেনা বা ঈচ্ গরা ওইয়্যে,‌‌‌‌‌‌‌‌‌‌‌‌‌‌ কনজনে তমা ভিদিরেদি ন-যেদঅ, তো মুই তরে চির জিংকানিবরর্ মানুচ্ গুরিম আর বংশর পর বংশর বেক্কুনোর হুজির হবর্।

যিশাইয় 62:8

লগেপ্রভু তার ডেন্ আঢ্, তার খেমতাবলা আঢ্‌তানিলোই শমক্ হেইনে কোইয়্যেদে, “মুই আর কনদিন্অ তর্ শোজ্যগানি হানা ইজেবে শত্রুগুনোরে ন-দিম্ আর যে আংগুর-রস্‌‌‌‌চানিত্তে তুমি কাম্ গোজ্য সিয়েনি বিদেশীগুনে আর কনদিন্অ ন-হেবাক্।

যিশাইয় 64:10

তর্ সুদ্ধো-সাংগ শঅরানি ধূল্যেচর চাগালা ওই যেইয়্যে; এমন্ কি, সিয়োনর্‌‌অ সেই অবস্থা ওইয়্যে, অয়, যিরূশালেম মানুচ্ নেইয়্যে ওইয়্যে।

যিশাইয় 9:18

ঘেচ্চেক্‌গুরি পাজি কামানি আগুনো ধোক্ক্যেন্ জ্বলে, সিয়েনে কাদাঝুপ আর কাদাগাজ্ পুড়ি ফেলায়। সিয়েনে ঝারর্ বেক ঘন ঝুব্‌পুন জ্বালেই দে আর সেক্কে ধূমোগানে পাক্ হেই হেই উগুরে উদে।‌‌

যিশাইয় 9:5

যুদ্ধো গুরিবাত্তে এচ্চ্যে পত্তিজনর্ যুদ্ধোর জদা, লো-লোই ভিজে পত্তিজনর্ পোজাক্ আগুন্দোই পুড়ি দিয়্যে অবঅ।

যিরমিয় 2:15

সিংহগুনে গুজুরি উঠ্যন্; তারে দেগিনে গো গো গোজ্যন্। তা দেজ্‌ছান তারা উগুজ্জ্যে ভুইয়ো ধোক্ক্যেন গুরি রাগেয়োন; তার শঅরানি ভস্ত গরা ওইয়্যে, সিয়েনত্ মানুচ্ জন নেই।‍‍‍

যিরমিয় 4:7

এক্কো সিংহ তা ঝুব্‌‍‍পো ছাড়িনে উদি এচ্চ্যে; জাদ্‌তুনোরে ভস্ত গুরিয়্যে একজনে যাহ্ ধোজ্জ্যে। তঅ দেজ্‌চান ভস্ত গুরিবাত্তে তে তা জাগায়ান ছাড়িনে এজের্। তঅ শঅরানি মানুচ্ নেইয়্যে আর ভস্ত ওইনে পড়ি থেবঅ। ‍‍‍‍‍‍‍‍

যিরমিয় 44:6

সেনত্তে মর্ অমকদ রাগ্‌‍‌কান ঢালি দিয়্যে ওইয়্যে; সিয়েন যিহূদার শঅরত্ শঅরত্ আর যিরূশালেমর পধে পধে জুলি উঠ্যে আর সেনত্তে এচ্চ্যে সিয়েনি মানুচ্ নেইয়্যে আর ভস্ত ওই পড়ি আঘে।

যিরমিয় 6:8

ও যিরূশালেম, উজিয়ার কধা শুন, সিয়েন ন-অলে মুই তমাত্তুন্ ফিরি যেইনে তঅ দেজ্‌‌‌‌‌চান ভস্ত আর মানুচ্ নেইয়্যে গুরিম।”

যিরমিয় 7:34

মুই যিহূদার শঅরানিত্ আর যিহূদার বেক্ পধে পধে হুজি আর ফুত্তির্ রঅ আর নেগ-মোগোর মুয়োর রঅ বন্ধ গুরি দিম, কিত্তে দেজ্‌চান ভস্তর জাগা ওই যেবঅ।” ‌‌‌‍

আবিলেচ্ 5:2

আমা ভাগর্ সোম্বোত্তিগানি বিদেশীগুনো আঢত্ দিয়্যে ওইয়্যে, আর ঘরানি দিয়্যে ওইয়্যেদে নানান্ জাদর মানুচ্চুনোরে।

যিহিষ্কেল 25:4

সেনত্তে মুই পুগেদি দেজর্ মানুচ্চুনো আঢত্ তমারে তুলি দিম। তারা তমা দেজত্ তারারে তাম্বুল টাঙেইনে তমা ভিদিরে বজত্তি গুরিবাক্; তারা তমাত্তুন্ ফল আর দুধ হেবাক্।

যিহিষ্কেল 30:12

মুই নীল্ গাঙানর্ পানিগান শুগেই ফেলেম আর পাজি মানুচ্চুনো ইধু দেজ্‌‌‌‌চান বিজি দিম; বিদেশীগুনো আঢ্‌‌‌‌তোই দেজ্ আর সিয়েন ভিদিরে বেক্কানি মুই ভস্ত গুরি দিম। মুই লগেপ্রভু এ কধাগান কঙর্।

হোশেয় 7:9

বিদেশীগুনে তা বলানরে বল্‌‌‌‌‌‌‌‌পোজ্যে গুরি দুয়োন, মাত্তর্ তে সিয়েন বুঝি ন-পারের্। তা মাঢাত্ চুলানি ইন্দি-উন্দি পাক্যে, মাত্তর্ তে সিয়েনি খিয়েল্ ন-গরের্।

হোশেয় 8:7

তারা দঅ বোইয়্যেরানরে কুজোন্ আর শেজদি তুট্ট্যে বোইয়্যের্ কাবন্। শোজ্য শীজোত্ কনঅ বিজি নেই; সিয়েনত্তুন মোয়দ্যে ন-অবঅ। যুনি সিগুনোত্ কিজু অয়ও সালে সিগুন বিদেশীগুনে গিলি ফেলেবাক্।

লেবীয় 26:33

ভালোক্‌ জাদ ভিদিরে মুই তমারে ছেট্টেরাগুরি রাগেম্‌ আর লাম্বা ছুড়ি আঢত্ লোইনে তমা পিজে পিজে লোড়েম। তমার দেজর্‌ বেক্‌ ভূই, শঅর আর আদামানি ভস্ত ওইনে পড়ি থেবঅ।

লেবীয় 26:34

যেক্কে তুমি তমার্‌ শত্রুগুনোর্‌ দেজত্‌ থেবা সেক্কে ভস্ত ওইনে পড়ি থেইয়্যে তমার্‌ সেই দেজ্‌চান্‌ তার্‌ পাওনা বেক্‌ জিরেবার্‌-বজরুন্‌ ভোগ গুরিবাত্তে থেবঅ। অয়্‌, সেক্কে তমার দেজ্‌চানে জিরেন্‌ পেবঅ আর তার্‌ পাওনা জিরেবার্‌-বজরুন্‌ ভোগ গুরিবো।

মীখা 5:11

তঅ দেজর্ শঅরানি মুই ভস্ত গুরি দিম আর তর্ বেক তাম্বুলানি ভাঙি দিম।

মীখা 6:13

সেনত্তে মুই তমারে পাপত্তে অমকদগুরি সাজা দিম্ আর তমারে ভস্ত গুরিম।

দ্বি’লম্বর বিররণ 28:33

তমার ন-চিন্ন্যে জাদর্‌ মানুচ্চুনে তমার ভুইয়োর্‌ ফসলানি আর কাম্‌গোজ্যে ফলুন ভোগ গুরিবাক আর তমার পুরো জীংকানিবর্‌ তুমি বানা অত্যেচার আর ভান্ন্যেই বেবহারানি ভোগ গুরিবা।

দ্বি’লম্বর বিররণ 28:43

তমা ভিদিরে বজত্তি গোজ্যে অন্য জাদর মানুচ্চুনে তমা উগুরে উদিবাক আর তুমি লামিবা তারার তলেন্দি।

দ্বি’লম্বর বিররণ 29:23

পুরো দেজ্‌ছান নুন্দোই আর গন্ধরক্‌কোই পড়ি থেবঅ। সেক্কে কিচ্চু লাগা ন-অবঅ, কিচ্ছু ন-উদিবো আর কনঅ ঘাস বা ঝুপ্‌-ঝাড় সিয়েন উগুরে ন-থেবঅ। এ দেজর অবস্থা অবঅ সদোম, ঘমোরা, অদ্‌মা আর সবোয়িমো ধোক্ক্যেন, যিয়েন লগেপ্রভু তার অমকদ রাগে জুলি উদিনে ভস্ত গুরি দিয়্যে।