যিশাইয় 1:29 - Chakma Bible

²⁹ “অয়, তুমি যিদুক্কুন্ এলোন গাজরে পূজো গুরিদা সিয়েনত্তে তুমি লাজেবা, আর যিদুক্কুন্ বাগানত্ তুমি পূজো গুরিদা সিয়েনত্তে অসর্মান্ অবা।

যিশাইয় 1:29 Iomraidhean Croise

যিশাইয় 30:22

সেক্কে তুমি তমার্ রূবো আর সোনালোই বেড়েয়্যে মূত্তিগুন্ অসিজি গুরিবা; তুমি সিগুনোরে কজরা কাবড় ধোক্ক্যেন ফেলেই দিইনে কবাদে, “দূর্ অ, দূর্ অ!” ‍

যিশাইয় 31:7

কিত্তে সেদিন্যে তুমি বেক্কুনে যেদক্কানি সনা আর রূবোর্ মূত্তি বানেইনে পাপ গোজ্য সিগুন দূর্ গুরি দিবা।

যিশাইয় 42:17

মাত্তর্ যিগুনে বানেয়্যে মূত্তি উগুরে বিশ্বেজ্ গরন, যিগুনে ছাজিনে ঢাল্যে মূত্তিগুনোরে কন্, তুমি আমার দেবেদা, মুই তারারে অমকদ লাজত্ ফেলেইনে ফিরেই দিম্।

যিশাইয় 45:16

যিগুনে মূত্তি বানান্ তারা বেক্কুনে লাজত্ পড়িবাক্ আর অসর্মান অবাক্; তারা এক সমারে অগমান পেইনে যেবাক্কোই।

যিশাইয় 57:5

তুমি দঅ এলোন গাজ্‌‌‌চুনো ভিদিরে, ডেলা নেইয়্যে পত্তি য়েল্ গাজ তলে কামনায় জুলি উদো; তুমি কলগে কলগে আর মুড়ো মুড়ির ফাদা জাগানিত্ তমা ঝি-পুয়োগুনোরে ডালি দুয়ো।

যিশাইয় 65:3

সেই মানুচ্চুনে মঅ মুয়োমি ওইনে মরে নিত্য কাঙেলেত্যে গোজ্যন্; তারা বাগানত্ উৎসর্বর অনুষ্ঠান গত্তন্ আর ইটো উগুরে আগর্‌বাট্টি জ্বালাদন্।

যিশাইয় 66:17

লগেপ্রভু কত্তে, “যিগুনে শূগোর আর উন্দুরো য়েরা আর অন্য জঘন্য জিনিস হান্ আর অনুষ্ঠান-চালেয়্যেবোর্ পিজে পিজে পূজোর বাগানত্ যেবাত্তে দেবেদাগুনো নাঙে যুদো গুরি রাগান আর সিজি গরন্, তারা এক সমারে শেজ্ ওই যেবাক্।

যিরমিয় 2:20

ভালোক্ দিন আগে তুই তর্ জুঙোল্ ভাঙিনে বান্ন্যেগান ছিনি ফেল্যচ্; তুই কোইয়োচ্চ্যে, মুই তরে সেবা ন-গুরিম্। তুই পত্তি অজল্ মুড়োত্ আর ডেলা পাদায় ছিদি পোজ্যে পত্তি য়্যেল্ গাজর্ তলে বেশ্যে ধোক্ক্যেন ঘুম্ যেইয়োচ্।

যিরমিয় 3:6

রাজা যোশিয়োর রাজাগিরির সময়োত্ লগেপ্রভু মরে কোইয়্যেদে, “ভান্ন্যেই পধেদি যেইয়্যে ইস্রায়েলে যিয়েন গোজ্যে সিয়েন কি তুই দেখ্যচ্? তে বেক্ অজল্ মুড়োগুনো উগুরে আর ডেলাপাদা ছিদি যেইয়্যে য়েল্ গাজর্ তলে যেইনে বেশ্যেমি গোজ্য।

যিহিষ্কেল 16:63

মুই যেক্কে তর্ বেক অন্যেয়ানি খেমা গুরিম সেক্কে তুই সেই বেক্ অন্যেয় কামানির্ কধা ইদোত্ তুলিনে লাজেবে আর তর্ অসর্মানত্তে আর কনদিন্‌অ মুয়োন ন-খুলিবে। মুই প্রভু লগেপ্রভু এ কধাগান কঙর্।”

যিহিষ্কেল 36:31

সেক্কে তমার্ ভান্ন্যেই আচার-বেবহার আর বজং কামানির্ কধা তমাত্তুন্ ইদোত্ উদিবো আর নিজোর্ পাপ আর জঘন্য কামানিত্তে নিজে নিজোরে ঈচ্ গুরিবা।

যিহিষ্কেল 6:13

ইস্রায়েলীয়গুনে তারার্ পূজোর্ চেরোকিত্তে মূত্তিগুনো ভিদিরে, বেক্ দাঙর্ দাঙর্ মুড়োগুন উগুরে, ডেলা ছিদি পোজ্যে পত্তি গাজর্ তলে আর পাদালোই ভরা পত্তি এলোন গাজর্ তলাত্, অত্তাৎ যেদক্কানি জাগাত্ তারার্ মূত্তিগুনোর নাঙে তারা তুম্বাজ্ আগর্‌বাট্টি উৎসর্ব গুরিদাক্ সেই বেক্ জাগানিত্ মুরিনে পড়ি থেবাক্। সেক্কে বাঁজি থেইয়্যে মানুচ্চুনে হবর্ পেবাক্ যে, মুয়ই লগেপ্রভু।

হোশেয় 14:3

আসিরিয়া আমারে উদ্ধোর্ গুরি ন-পারিবো; আমি যুদ্ধো ঘোড়া উগুরে নির্ভর ন-গুরিবোং। আমা নিজো আঢে বানেয়্যে মূত্তিগুনোরে আমি আর কনদিন্‌অ ন-কবং, ‘আমা দেব-দেবদা,’ কিয়া তইদু মা-বাব্ নেইয়্যেগুনে দোয়্যে পান্।”

হোশেয় 14:8

ও ইফ্রয়িম, মূত্তিগুন লগে তর্ আর কনঅ সম্পর্ক নেই। মুয়ই তর্ তবনার্ জোব্‌‌‌‌‌পান দিম আর তর্ যত্তন্ নেযেম। মুয়ই তেল্‌‌‌‌‌তেল্যে বেরস গাজ ধোক্ক্যেন; তর্ ফলুন মত্তুন্ এজে।”

হোশেয় 4:13

মুড়ো তোগোনোত্ তারা য়েমান উৎসর্ব গরন্ আর মুড়ো উগুরে অলোন, লিব্‌‌‌নী আর এলা গাজর্ তলে যিয়েনত্ ছাবালোই আরাম দে সিয়েনত্ তারা আগর্‌বাট্টি জ্বালান। সেনত্তে তমা মিলেগুন বেশ্যে অন্ আর ফুদো বৌগুনে বেভিচের্ গরন।

হোশেয় 4:19

সাজাগানে বোইয়্যের ধোক্ক্যেন গুরি যেন তারারে উরেই নেযেব; তারার্ উৎসর্বর অনুষ্ঠানানিত্তে তারা লাজ্ পেবাক্।”

রোমীয় 6:21

পুরোণি যে বেক্‌ কামর্ কধানি চিদে গুরিনে ইক্কিনে তুমি লাজত্ পড়অ সেই কামানিত্তুন্ তমার্ কি লাভ অদঅ? সিয়েনর্ শেজ্ ফল অলঅ মরণ্।