যিশাইয় 1:19 - Chakma Bible

¹⁹ যুনি তুমি বাধ্য অবাত্তে রাজি অ সালে দেজর্ বেগত্তুন্ গম্ খেত্-খেত্তি তুমি হেই পেবা,

যিশাইয় 1:19 Iomraidhean Croise

যিশাইয় 25:6

বেগত্তুন্ খেমতাবলা লগেপ্রভু এ মুড়োবো উগুরে বেক্ জাদ মানুচ্চুনোত্তে গম্ গম্ হানা জিনিজোর আর পুরোণ আংগুর-রসর এক্কো দাঙর্ হানা দিবো ; সিয়েনত্ থেবদে বেগত্তুন্ গম্ য়েরাগান আর বেগত্তুন গম্ আংগুর-রসছান্।

যিশাইয় 3:10

তুমি গম্ মানুচ্চুনোরে কঅ, তারার্ ভালেদি অবঅ, কিত্তে তারা তারার্ কামর সুফল ভোগ্ গুরিবাক্।

যিশাইয় 58:14

সালে মরে নিইনে তুমি হুজিয়ে থেবা আর মুই পিত্‌থিমীর বেক্ অজল্ জাগানির অধিকারান্ তমারে দিম। ইয়েনি বাদেয়ো মুই তমা বাব্‌পো যাকোবর অধিকারান্ তমারে ভোগ গুরিবাত্তে দিম্। মুই লগেপ্রভু এ কধাগান কঙর্।‍‌‌‍‌‌”

যিশাইয় 65:13

সেনত্তে প্রভু লগেপ্রভু কোইয়্যেদে, মঅ চাগরুনে হেবাক্, মাত্তর্ তুমি পেট্ পরায় মুরিবে; মঅ চাগরুনে পানি হেবাক্, মাত্তর্ তুমি পানি তিরেস্ পেই পেই থেবা; মঅ চাগরুনে ফুত্তি গুরিবাক্, মাত্তর্ তমারে লাজ্ দিয়্যে অবঅ।

যিরমিয় 21:8

লগেপ্রভু যিরমিয়রে কলঅ, তুই মানুচ্চুনোরে কঅ, লগেপ্রভু এ কধাগান কোইয়্যেদে, চঅ, মুই তমা মুজুঙোত্ জিংকানির পথ আর মরণর পথ্‌তান রাগেয়োং।‌‍

যিরমিয় 7:3

ইস্রায়েলর গোজেন বেগত্তুন খেমতাবলা লগেপ্রভু কোইয়্যেদে, তুমি যুনি তমা আচার-বেবহার আর কামানি বদল সালে মুই তমার এ জাগানত্ বজত্তি গুরিবাত্তে দিম্।

যিরমিয় 7:5

যুনি ঘেচ্চেকগুরি তুমি তমার আচার-বেবহার আর কামানি বদল আর গমেডালে একজন আরেকজন সমারে বেবহার গরঅ,

যিরমিয় 7:7

মাত্তর্ যে দেজ্‌চান মুই তমা পুরোণি মানুচ্চুনোরে যুগ যুগ ধুরি বজত্তি গুরিবাত্তে দুয়োং ইয়েনত মুই তমারে বজত্তি গুরিবাত্তে দিম্।

যোয়েল 2:26

তুমি পেট্ ভুরি হেইনে ঈল্ অবঅ আর তুমি তমার্ গোজেন লগেপ্রভুর বাঈনী গুরিবা যিবে তমাত্তে আমক্ আমক্ অইদ্যে কাম গোজ্যে; মঅ মানুচ্চুনে আর কনদিন্‌অ ন-লাজেবাক্।

লেবীয় 25:19

সেক্কে তুমি ভূইয়োত্তুন্‌ পুরো ফসলানি পেবা আর পেট ভুরি হেইনে নিচিদেগুরি সিয়েনত্‌ বজত্তি গুরি পারিবা।

লেবীয় 26:3

যুনি তুমি মর্‌ বেক্‌ সুদোমানি মান আর মর্‌ উগুমানি পালেইনে চলঅ সালে ঠিগ্ সময়োত্‌ মুই ঝড়র্‌ বেবস্থা গুরিম। সেক্কে তমার ভূইয়ানিত্‌ বেক্‌ ফসলানি অবঅ আর গাজ-বাজর্‌অ ফল জোর্মেবাক।

লেবীয় 26:5

সেক্কে তমার্‌ গম্‌ মাড়ানা কাম্‌ চুলিবো আংগুর তুলোনা অক্ত সং আর আংগুর তুলোনা চুলিবো বীজ লাগানার্‌ অক্ত সং। তুমি সেক্কে পেট ভুরিনে হেই পেবা আরঅ দেজ ভিদিরে চিদেসজ্জা নেইয়্যে গুরি বজত্তি গুরি পারিবা।

হগয় 1:12

সেক্কে শল্টীয়েলর পুয়ো সরুব্বাবিল, যিহোষাদকর পুয়ো ধর্মগুরু যিহোশূয় আর অন্য বেক্ মানুচ্চুনে তারার্ গোজেন লগেপ্রভুর কধা মজিম আর তার পাদেয়্যে ভাববাদী হগয়র কধা মজিম কাম গুরিলাক্, কিত্যে তারা লগেপ্রভুরে দোরেলাক্।

দ্বি’লম্বর বিররণ 28:1

তমার গোজেন লগেপ্রভু উগুরে যুনি তমার পূরোপুরি বাধ্যতা থায় আর এচ্চ্যে মুই তার যেদক্কানি উগুম তমারে দুয়োঙর্‌ সিয়েনি যুনি তুমি দোলেডালে পালন গরঅ, সালে তে পিত্‌থিমীর অন্য বেক্‌ জাদ্‌তুনো উগুরে তমারে জাগা দিবো।

ইব্রীয় 5:9

এবাবোত্যে গুরি যেক্কে তে পূর্ণতাগান পেলঅ সেক্কে তার্ বাধ্যতাগান বেক্কুনোত্যে তে উমরর্ উদ্ধোরর্ পথ অলঅ।