যিশাইয় 1:16 - Chakma Bible

¹⁶ তুমি নিজোরে খাটি গরঅ, সিজি অ। মঅ চোগো মুজুঙোত্তুন্ তমার্ বেক্ ভান্ন্যেই কামানি দূর্ গুরি দুয়ো; সিয়েনি আর ন-গোজ্য।

যিশাইয় 1:16 Iomraidhean Croise

২ রাজাবলী 17:13

লগেপ্রভু তা বেক্‌ ভাববাদীগুনোরে আর চেইয়্যেগুনোর্‌ মাধ্যমে ইস্রায়েল আর যিহূদারে ইয়েন্‌ কোইনে উজিয়ার্‌ গুরি দিলো, “তুমি তমার্‌ ভান্ন্যেই পধত্তুন্‌ ফিরো আর বেক্‌ রীদি-সুদোমানি যিয়েনি মুই তমা পূরোণি মানুচ্চুনোরে পালেবাত্তে দুয়োং আর মর্‌ চাগরুনোরে, অত্তাৎ ভাববাদীগুনোর্‌ মাধ্যমে তমারে জানেয়োঙ্‌ তুমি সে ইজেবে মর্‌ বেক্‌ উগুমানি আর সুদোমানি পালঅ।”

গীতসংহিতা 26:6

ও লগেপ্রভু, মুই নিদ্দুযি অবস্থায় আঢ্‌‌তান্ ধোই ফেলেম আর তর্ পুজোবোর চেরোকিত্তে ঘুরি এইম্,

গীতসংহিতা 34:14

ভান্ন্যেই কামত্তুন্ দূরোত্ থাগ, গম্ কাম গরঅ; শান্তিত্তে আওজি অ আর তার্ পিজেদিগান্ ন-ছাজ্য।

গীতসংহিতা 37:27

ভান্ন্যেয়ানি ছাড়ি দুয়ো আর গম্ কাম গরঅ, সেক্কে জিংকানিবর্ বাঁজি থেবে।

গীতসংহিতা 51:2

মর্ বেক্ অন্যেয়ানি তুই ধোই ফেলা; মর্ পাপ্পানিত্তুন্ মরে সিজি গর্।

গম্ উপদেজ্ 21:3

লগেপ্রভু ইদু য়েমান-উৎসর্ব গরানাত্তুন্ ঠিগ্ আর গম্ কাম গরানা আরঅ দোল্।

গম্ উপদেজ্ 4:27

ডেনেদি বা বাঙেদি ন-ফিরিবে; ভান্ন্যেয়ত্তুন্ তঅ টেঙানি দুরোত্ রাগেচ্।

যিশাইয় 52:11

তুমি নিগিলি এজঅ, সে জাগানত্তুন্ নিগিলি এজঅ। তুমি কনঅ অসিজি পযাপিরা ন-ধোজ্য। তুমি যিগুনে লগেপ্রভুর পিলেবো বুয়োই নেযর্ তুমি সেই জাগানত্তুন্ নিগিলি এজঅ আর সিজি অ।

যিরমিয় 18:11

“সেনত্তে ইক্কিনে তুই যিহূদার মানুচ্চুনোরে আর যিরূশালেমর আদাম্মেগুনোরে কঅ, লগেপ্রভু কোইয়্যেদে, ‘চঅ, মুই তমাত্তে দজা আনিবার বেবস্থা গোজ্যং আর তমা বিরুদ্ধে এক্কান পরিকল্পনা গোজ্যং। সেনত্তে তুমি বেক্কুনে তমা ভান্ন্যেই পধত্তুন ফিরো আর তমার আদাউদো আর কামানি গম্ গর।’

যিরমিয় 25:5

তারা লগেপ্রভুর এ কধাগান কোইয়োন, তুমি পত্তিজনে ইক্কিনে তমা ভান্ন্যেই পধত্তুন আর ভান্ন্যেই কামানিত্তুন্ ফিরো, সেক্কে যে দেজ্‌চান মুই তমার্ ‌আর তমা পুরোণিমানুচ্চোরে দুয়োং সেই দেজত্ তুমি জিংকানিবর্ থেই পারিবে।

যিরমিয় 26:3

অয়ত তারা শুনিবাক্ আর পত্তিজনে তারার ভান্ন্যেই পধত্তুন ফিরি এবাক্। সালেন্ তারার ভান্ন্যেই কামানিত্তে মুই তারা উগুরে যে দজাগান্ আনিবার পরিকল্পনা গোজ্যং সিয়েন আর ন-আনিম।

যিরমিয় 35:15

মুই মর্ বেক চাগরুনোরে, অত্তাৎ ভাববাদীগুনোরে বারে বারে তমা ইধু পাদেয়োং। তারা কোইয়োন্দে, তুমি পত্তিজনে ভান্ন্যেই পধিত্তুন ফিরো আর তমা চালচলনানি গম্ গরঅ; দেব-দেবেদাগুনোরে সেবা গুরিবাত্তে তারা পিজেদি ন-যেয়ো। সালে যে দেজ্‌চান মুই তমারে আর তমা পুরোণি মানুচ্চুনোরে দুয়োং সিয়েনত্ তুমি বজত্তি গুরি পারিবা। মাত্তর্ তুমি মঅ কধালোই মনযোগ ন-দুয়ো আর ন-শুনো। ‌‍

যিরমিয় 4:14

ও যিরূশালেম, তঅ মনানত্তুন্ ভান্ন্যেয়ানি ধোই ফেলা যেনে তুই উদ্ধোর্ পাজ্। আর কয়দিন তুই ভান্ন্যেই চিন্তে মনত্ জমা রাগেবে?

আমোষ 5:15

ভান্ন্যেয়ানরে ঈচ্ গরঅ, গমানরে কোচ্‌পঅ; শঅর গেদোত্ ন্যায়বিচের্ রোক্ষ্যে গরঅ। অয়ত ইস্রয়েলর বাঁজি থেইয়্যে মানুচ্চুনো উগুরে বেগত্তুন্ খেমতাবলা গোজেন লগেপ্রভু দোয়্যে গুরিবো।

যোনা 3:8

মানুচ্ আর য়েমানে বস্তা পাদা পিনোদোক্। পত্তিজনে বেক্ বলান্দোই গোজেনরে ডাগোদোক্ আর ভান্ন্যেই পথ আর কুজুরোমীর্ কামানি ছাড়ি দেদোক্।

সখরিয় 13:1

মুই বেগত্তুন্ খেমতাবলা লগেপ্রভু কঙর্, সেদিন্যে দায়ূদো বংশর আর যিরূশালেম আদাম্মেগুনোর পাপ আর অসিজিগান ধোই ফেলেবাত্তে এক্কো পয়নালা খুলো অবঅ। সেদিন্যে দেজত্তুন্ মূত্তিগুন দূর গুরি দিয়্যে অবঅ আর তারার্ নাঙানিয়ো আর কারঅ মনত্ ন-থেবঅ। মুই দেজত্তুন্ তারার্ ভাববাদীগুনোরে দূর্ গুরি দিম আর ভান্ন্যেই আত্মাগুনোরেয়ো দূর্ গুরি দিম।

সখরিয় 7:7

যেক্কে যিরূশালেম আর তার কায়কুরে শঅরানিত্ মানুচ্ বজত্তি গত্তন্ আর সিয়েনির অবস্থাগান্ ভালেদি অর্ আর নেগেভ আহ্ পোজিমেদি তলে মুড়ো চাগালাত্ মানুচ্চুনোর্ বজত্তি এলঅ সেক্কেয়ো লগেপ্রভু এই বেক্ কধানি পুরোণি ভাববাদীগুনোর মাধ্যমে কোইয়্যে।’ ”

মথি লেখ্যে গম্ হবর্ 3:8

গম্ ওইয়্যে, তুমি যে পাপত্তুন্ মনানি ফিরেয়ো সিয়েনির্ যগাজ্যে ফল্ তমা জিংকানিত্ দেগঅ।

প্রেরিত্‌ 22:16

ইক্কিনে তুই কিত্ত্যে দেরি গরর্? উদিনে বাপ্তিষ্ম লঅ আর পাপত্তুন্ উদ্ধোর্ পেবাত্যে যীশুরে ডাগিনে তর্ বেক্ পাপ্‌পানি সাব্ গুরি ফেলা।

রোমীয় 12:9

কোচ্‌পানা ভিদিরে ভন্ডামি ন-থোক্। যিয়েন ভান্ন্যেই সিয়েন ঈচ্ গরঅ; যিয়েন গম্ সিয়েন দরমর গুরি ধুরি রাগঅ।

২ করিন্হীয় 7:1

কোচ্‌পেইয়্যে সমাজ্যেগুন, আমাত্যে এ বেক্‌ এগেমানি গরা আঘে বিলিনে এজঅ, আমি কিয়্যে আর মনর্ বেক্‌ অসিজিয়ানিত্তুন্ নিজোরে সিজি গুরিই আর গোজেন উগুরে ভক্তিগুরি দোরেইনে পুরোপুরি পবিত্রতার্ পধেদি উজেই যেই।

যাকোব 4:8

গোজেন ইধু উজেই যঅ, সালে তেয়ো তমা ইন্দি উজেই এবঅ। পাপীগুন্, তুমি নিজোরে সাব্ গরঅ। দ্বিমনা মানুচ্চুন, তমা মনানি খাটি গরঅ।

১ পিতর 2:1

ইয়েনত্যে অন্যগুনোরে ক্ষতি গুরিবার নানান্ বাবোত্যে আওজ্‌, নানান্ বাবোত্যে ছলনা, ভন্ডামি, ইংসে আর নানান্ বাবোত্যে বদ্‌নাঙর্ কধাবাত্তা তমা মন ভিদিরেত্তুন্ নিগিলেই দুয়ো।

১ পিতর 3:11

ভান্ন্যেই কামত্তুন্ তে দূরোত্ থোক্, আর গম কাম গোরোক্; সুগ-শান্দিত্যে আওজি ওইনে তে তার্ পিজেদিগান ন-ছাড়োক্।

ফগদাং পেইয়্যে 7:14

মুই তারে কলুং, “চাহ্, সিয়েন তুয়ই কোই পারচ্।” তে মরে কলঅ, “সেই অমকদ দুঘোত্তুন্ যিগুনে এচ্চ্যন ইগুনে সিগুনই। ইগুনে তারার্ কাবড়ানি ভেড়া-ছঅ লো-লোই ধোইনে ধুব্ গোজ্জ্যন।