যিশাইয় 1:15 - Chakma Bible

¹⁵ তবনা গুরিবাত্তে যেক্কে তুমি আঢ্ তুলিবা সেক্কে মুই তমাত্তুন্ মঅ চোগ্‌কুনোরে ফিরেই নিম্। যুনিয়ো বা বোউত্ তবনা গরঅ মুই সিয়েনি ন-শুনিম্, কিত্তে তমা আঢ্‌তানি লোলোই ভরা।

যিশাইয় 1:15 Iomraidhean Croise

১ রাজাবলী 8:22

সে পরেন্দি শলোমনে সিয়েনত্‌ এগত্তর্‌ ওইয়্যে ইস্রায়েলীয়গুনোর মুজুঙোত্‌ লগেপ্রভুর ডালিঘর ইদু থিয়্যেইনে স্বর্গন্দি আঢ্ তুলিলো।

১ রাজাবলী 8:54

লগেপ্রভু ইদু এ তবনাগান্ আর কোজোলিগানি থুম্‌ গরানার পরেন্দি শলোমন লগেপ্রভুর ডালিপূজোবোর্‌ মুজুঙোত্তুন্‌ উদিলো; এদক্ষণ সং তে আদু পাড়িনে স্বর্গ ইন্দি আঢ্ বাড়েয়্যে এলঅ।

ইষ্রা 9:5

সে পরেদি সাজোন্যে অক্তত্ উৎসর্বর সময়োত্ মুই মন মরা ওয়্যে দুঘোত্তুন্ ফিরিলুং আর সেই ফাদি যেইয়্যে কাবড় সুমুত্তো আঢু পাদিনে মর্ গোজেন লগেপ্রভুর মুজুঙোত্ দ্বি আঢ্ বাবেই দিইনে এই তবনাগান গুরিলুং,

ইয়োব 27:20

বান পানি ধোক্ক্যেন দর্‌বুগে তারারে ধুরি ফেলেব, রেদো ঝড়ে তারারে উরেই নেযেব।

ইয়োব 35:13

তারার তবনালোই কনঅ লাভ ন-অয়, কিত্যে গোজেনে সিয়েন ন-শুনে; বেগত্তুন খেমতাবলা গোজেনে সিয়েন কনঅ মনযোগ্ ন-দে।

গীতসংহিতা 134:2

পবিত্র জাগায়ান ইন্দি আত্ তুলিনে তুমি লগেপ্রভুরে বাঈনী গরঅ।

গীতসংহিতা 55:1

ও গোজেন, মুই তবনা গুরিলে কান পাদিচ্; মুই কোজোলি গুরিলে তুই নিজোরে লুগেই ন-রাগেচ্।

গীতসংহিতা 66:18

মঅ মনত্ যুনি মুই কুজুরোমিগান পুজিদুং সালে মঅ কধাগান প্রভু ন-শুনিদো।

যাত্রা 9:29

মোশি তারে কলঅ, “শঅরত্তুন্‌ নিগিলি যেইনে মুই লগেপ্রভু ইধু আত্তানি মিলিনে তবনা গুরিম। সেক্কে আগাজ বাজঅ থামেব, শিল আর্‌ ন-পড়িবাক্। ইয়েন্দোই তুই বুঝি পারিবেদে, পিত্‌থিমীগান্‌ লগেপ্রভুর।

গম্ উপদেজ্ 1:28

“ভুল্ মানুচ্চুনে সেক্কে মরে ডাগিবাক্ মাত্তর্ মুই শমক্ ন-দিম; তারা মরে তোগেবাক্ মাত্তর্ মরে তোগেইনে ন-পেবাক্।

গম্ উপদেজ্ 6:17

বার্বো বার্বো চোগ, মিজেকধা কোইয়্যে জিলান্, গম্ মান্‌জ্যরে খুন্‌গোজ্যে যে আঢ্‌তানি,

যিশাইয় 4:4

প্রভু তা আত্মালোই আগুন্ দিইনে দোল্ বিচের গুরিনে সিয়োন মিলেগুনোর্ কজরাগানি কাজেব আর যিরূশালেমত্তুন্ লো ঝরানার্ দাগ্‌কানি দূর্ গুরি দিবো।

যিশাইয় 45:15

ও ইস্রায়েলর গোজেন আর উদ্ধোরগুরিয়্যেবো, সত্যিই তুই এমন গোজেন যিবে নিজোরে লুগেই থয়।

যিশাইয় 58:4

উবোস্ থানার্ ফলে তুমি কোল্-কোজ্যে গুরি থাগঅ আর ঘুষি মারিনে একজন আর একজনরে আঘাত্ গুরি থাগঅ। তুমি এবাবোত্যেগুরি উবোস্ থেলে আশা গুরি ন-পারিবাদে যে, মুই তমা কধানি শুনিম্।

যিশাইয় 58:7

পেট পুরেদে মানুচ্চুনোরে তমা হানাগানি ভাগ্ গুরি দুয়ো, ঘুরি বেড়েয়্যে নাঢা মান্‌জ্যরে নিজো ঘরত্ আশ্রয় দুয়ো, লাংতা-বাংতা দেগিলে তারে কাবড় উরেই দুয়ো, আর নিজো কুদুম্মোগুনোত্তুন্ মুয়োন ফিরেই ন-নুয়ো। ইয়েনি গরানা অলঅ আজল্ উবোস্‌থানা।

যিশাইয় 64:7

কনজনে তরে ন-ডাগন্ বা কোজোলি গুরিবাত্তে কনজনে তইদু ন-এজন্, কিত্তে আমা ইন্দিত্তুন্ তুই তঅ মুয়োন ফিরেই রাগেয়োচ্ আর আমা পাপত্তে আমারে ভস্ত ওই যেবাত্তে দুয়োর্।

যিশাইয় 8:17

মুই লগেপ্রভুত্তে বাজ্জেই থেম্, যিবে যাকোব-বংশগুনোত্তুন্ মুয়োন ফিরেই রাগেয়্যে; মুই তা উগুরে বিশ্বেজ্ গুরিম।

যিরমিয় 11:11

সেনত্তে মুই লগেপ্রভু কঙর্, মুই তারা উগুরে এন্ দজা আনিম যিয়েনত্তুন্ তারা ধেই ন-পারিবাক্। যুনিয়ো তারা মঅ মুজুঙোত্ কানিবাক্ তো মুই তারা কধানি ন-শুনিম।

যিরমিয় 14:12

তারা যুনিয়ো বা উবোস থান্ তো তারার কানানিগানি মুই ন-শুনিম; পুজ্যে- উৎসর্ব আর শোজ্য-উৎসর্বর অনুষ্ঠান গুরিলেয়ো মুই সিয়েনি গুজি ন-লোম। সিয়েনর বদলে যুদ্ধো, ভাদরাত্ আর পীড়ে ভানালোই মুই তারারে ভস্ত গুরিম।”

যিরমিয় 4:31

এক্কো মিলের্ পুয়ো পুদেবার পীড়েগান কানানা ধোক্ক্যেন, পোইল্যা পুয়োবো পুদোনার পীড়েগান কানানা ধোক্ক্যেন সিয়োন-ঝিবোর কানানিগান মুই শুন্যং। তে নিজেস্ টানিবাত্তে ফবার্ আর আঢ্ বাবেইনে কত্তে, “হায়! মুই অজ্ঞ্যেন ওই যাঙর্, খুনীগুনে মরে শেজ্ গুরি ফেলাদন্।”

যিহিষ্কেল 11:6

তুমি এ শঅরত্ বোউত্ মান্‌‌‌‌জ্যরে মারে ফেলেয়ো আর মরা মানুচ্চোই পথ্‌‌‌‌তানি ভোরেই ফেলেয়ো।

যিহিষ্কেল 14:3

ও মান্‌জ্যর্ পুয়োবো, এ মানুচ্চুনে তারার্ মন ভিদিরে মূত্তি থিদেবর্ গুরিনে পাপত্ পড়েদে ধোক্ক্যেন জিনিস তারা মুজুঙোত্ রাগেয়্যে। সেনত্তে মইধু যুনি তারা কনঅ কিজু পুযোর্ গরন সালে মুই তারারে জোব্ ন-দিম।

যিহিষ্কেল 39:23

আর জাদ্‌তুনে হবর্ পেবাক যে, ইস্রায়েলীয়গুনে তারার্ পাপত্তে বন্দীদজাত্ যেইয়োন, কিত্যে তারা মঅ উগুরে অবিশ্বেজি ওইয়োন্। সেনত্তে মর্ মুয়োন মুই তারাত্তুন্ ফিরেই রাগেয়োং আর শত্রুগুনো আঢত্ তারারে তুলি দুয়োং; তারা বেক্কুনে যুদ্ধোত্ মারা পোজ্যন্।

হোশেয় 5:6

তারার্ ভেড়া আর গোরু পাল নিইনে লগেপ্রভু ইধু গেলে তারা তারে ন-পান্; তারাত্তুন্ তে নিজোরে সোরেই নেযেয়্যে।

মীখা 3:4

সময় এজের্ যেক্কে তুমি লগেপ্রভু ইধু কানাকুদি গুরিবা, মাত্তর্ তে তমারে জোব্ ন-দিবো। সে অক্তত্ তে তমাত্তুন্ নিজো মুয়োন্ ফিরেই রাগেব, কিত্যে তুমি ভান্ন্যেই কাম গোজ্য।

সখরিয় 7:13

মুই ডাগিলে তারা ন-শুনোন্, সেনত্তে তারা ডাগিলে মুই বেগত্তুন্ খেমতাবলা গোজেন লগেপ্রভু ন-শুনোং।

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

মথি লেখ্যে গম্ হবর্ 6:7

যেক্কে তুমি তবনা গরঅ সেক্কে অযিহূদীগুনো ধোক্ক্যেন্ অত্ত নেইয়্যে কধা বার্ বার্ ন-কোয়্য। অযিহূদীগুনে মনে গরন, বেশ্ কধা কলে গোজেনে তারার্ তবনাগানি শুনে।

যোহন 9:31

আমি হবর্ পেই গোজেনে পাপীগুনো কধা ন-শুনে। মাত্তর্ যুনি কনঅ মানুচ্ গোজেন-ভক্ত অয় আর তার আওজ্-মজিম্ কাম্ গরে সালে গোজেনে তা কধা শুনে।

১ তীমথিয় 2:8

মুই চাং যেন বেক্‌ জাগানিত্ মরদ্‌তুনে রাগ বা কোজ্জ্যের্ মনভাব ন-রাগেইনে সাব্ মনে দ্বিয়েন আঢ্ তুলিনে তবনা গরন্।