হোশেয় 9:7 - Chakma Bible

⁷ ইস্রায়েল যেন হবর্ রাগায়, সাজার্ দিন্নো এই যেইয়্যে, ইজেব-নিকেশর্ দিন্নো এইচ্চ্যে। তারার্ পাপ জনেদি বোউত্ আর তারা গোজেনরে এদক্ ঈচ্ গরনদে যে, তারা ভাববাদীগুনোরে বেদমা আর গোজেনর আত্মায় পেইয়্যে মান্‌জ্যরে পাগল্ মনে গরন্।

হোশেয় 9:7 Iomraidhean Croise

২ রাজাবলী 9:11

যেহূ নিগিলিনে যেক্কে তা সমাজ্যে সেনাপতিগুনো ইদু গেলঅ সেক্কে তারাত্তুন্‌ একজনে তারে পূযোর্‌ গুরিলো, “বেক্কানি ঠিগ্‌ আঘে দঅ? সে পাগল্লো তমা ইদু কিত্তেই এচ্ছে?” জোবত্‌ যেহূ কলঅ, “তুমি দঅ মানুচ্চোরে চিনো আর তে কেধোক্ক্যেন্‌ কধা কয় সিয়েন্‌ অ তুমি হবর্‌ পঅ।”

যিশাইয় 10:3

সাজা পেবার্ দিনুনোত্ যেক্কে দূরোত্তুন্ দজা এবঅ সেক্কে তুমি কি গুরিবা? বল্ পেবাত্তে কাইদু দাবা যেবা? তমা ধন-সোম্বোত্তিগানি কুদু থোই যেবা?

যিশাইয় 26:11

ও লগেপ্রভু, তঅ আঢ্‌‌তান তুই অজলত্ তুল্যচ্, মাত্তর্ তারা সিয়েন ন-দেগন্। তঅ মানুচ্চুনোত্তে তঅ আওজ্‌চান্ তারা দেগোদোক্ আর লাজাদোক্; আগুনানে তঅ শত্রুগুনোরে পুড়ি ফেলোক্।

যিশাইয় 34:8

ইয়েনি অবঅ, কিত্তে হেনা সুজিবার্ লগেপ্রভুর এক্কো দিন আঘে, সিয়োনর্ পক্ক ওইনে সাজা দিবার্ এক্কো সময় আঘে।

যিশাইয় 44:25

ভন্ড ভাবভাদীগুনোর্ চিহ্নোগানি মুই বিফল গুরি দুয়োং আর গণক্ক্যেগুনোরে ভুল-বেদমা বানাং। মুই জ্ঞানীগুনোর শিক্ষ্যেগানি বিফল গুরিনে সিয়েনি ভুল-বেদমাগুনোর্ শিক্ষ্যে বানাং।‌

যিরমিয় 10:15

সিগুন অপদাত্ত, ঠাট্টা-ইংসের্ জিনিস; বিচেরর অক্ত এলে সিগুন ভস্ত ওই যেবাক্।

যিরমিয় 11:23

তারার বাদবাগি কদে কনজন ন-থেবাক্, কিত্তে অনাথোত মানুচ্চুনোরে সাজা দিবার অক্তত্ মুই তারা উগুরে দজা আনিম।”

যিরমিয় 16:18

তারার পাজিগানিত্তে আর পাপ্পানিত্তে মুই তারারে দ্বিগুন ফল দিম, কিত্তে তারা মঅ দেজ্‌‍‍‍চানরে অসিজি গোজ্যন আর তারাত্তে জঘন্য মূত্তি আর পুজোলোই মর্ সেই অধিকারানরে পুরোন গোজ্যন‍।”

যিরমিয় 23:13

শমরিয়ার ভাববাদীগুনো ভিদিরে মুই এ জঘন্য বেপারান দেখ্যং, তারা বাল দেবেদার নাঙে ভাববাদী ইজেবে কধা কোইনে মর্ মানুচ্ ইস্রায়েলীয়গুনোরে ভান্ন্যেই পধেদি নেযেয়োন।

যিরমিয় 25:14

বাবিলীয়গুনে বোউত্ জাদর্ আর দাঙর্ দাঙর্ রাজার চাগর্ অবাক্; তারার বেক কামানি অনুসারে মুই তারারে ফল দিম।’ ”

যিরমিয় 29:26

তুই সফনিয়রে লেখ্যচ্, ‘লগেপ্রভু তরে যিহোয়াদার জাগানত্ ধর্মগুরু বানেয়্যে যেনে লগেপ্রভুর ঘরর্ ভারান তঅ উগুরে থায়। কনঅ পাগল যুনি ভাববাদী ধোক্ক্যেন কাম গরে সালে গাজকট্টা আর গত্তনাত্ লুয়ো চিগোল্লোই তারে তত্তুন্ থামানা উজিত্।

যিরমিয় 46:21

মিসরর্ বেতনবলা সৈন্যগুন পক্তা মক্তা গোরু ধোক্ক্যেন্। তারায়ো ফিরিনে একসমারে ধেবাক্; তারা থির্ থেইনে যুদ্ধো ন-গুরিবাক্, কিত্তে তারা উগুরে ভস্ত অবার্ দিন এজের্, তারার সাজা পেবার সময় এচ্চ্যে।

যিরমিয় 6:14

তারা মঅ মানুচ্চুনোর ঘা গানি এমন্ গুরি বানি দুয়োন যেন সিয়েন এমন কিজু নয়। তারা কন্দে, ‘শান্তি, শান্তি,’ আজলে শান্তি নেই।

যিরমিয় 8:11

তারা মঅ মানুচ্চুনোর ঘা গানি এমনগুরি বানি দুয়োন যেন সিয়েন বিশেষ কিজু নয়। তারা কন্দে ‘শান্তি, শান্তি,’ মাত্তর্ আজলে শান্তি নেই।

আবিলেচ্ 2:14

তর্ ভাববাদীগুনোর্ দর্শনানি মিজে আর বাজে; তর্ বন্দীদজাগান্ যেনে দূর্ ওই যায় সেনত্তে তারা তঅ পাপ্‌‌পানি দেগেই ন-দুয়োন্। আগাম্ কধা ইজেবে তারা যিয়েনি তমারে কোইয়োন সিয়েনি মিজে; সিয়েনি তমারে ভুল পধেদি চালেয়্যে।

যিহিষ্কেল 13:10

যেক্কে কনঅ সুগ্-শান্দি নেই সেক্কে ভাববাদীগুনে কবাক্, সুগ্-শান্দি আঘে, আর এবাবোত্যেগুরি তারা মঅ মানুচ্চুনোরে ভান্ন্যেই পধেদি নেযেয়োন। তারা যেন মানুচ্চুনোর বানেয়্যে এধোক্ক্যেন দেবাল উগুরে চিবিদি দিয়্যে যিয়েন দরমর নয়।

যিহিষ্কেল 13:3

প্রভু লগেপ্রভু কোইয়্যেদে, অভিশাব্ পোড়োক্, সেই ভোক্তিনেইয়্যে ভাববাদীগুনোর, যিগুনোর কনঅ দর্শন ন-পেইনে তারার্ মনগড়া কধা কন্।

যিহিষ্কেল 25:17

মুই তারা উগুরে জদবদে হেনা সুজিবাত্তে মর্ রাগে তারারে সাজা দিম। মুই যেক্কে তারা উগুরে হেনা সুজিম সেক্কে তারা হবর্ পেবাক, মুয়ই লগেপ্রভু।’”

যিহিষ্কেল 38:23

এবাবোত্যেগুরি ভালোক্ জাদ চোগো মুজুঙোত্ মুই নিজোরে ফগদাং গুরিম; মুই যে মহৎ আর পবিত্র সিয়েন দেগেম; সেক্কে তারা হবর্ পেবাক্, মুয়ই লগেপ্রভু।

যিহিষ্কেল 9:10

সেনত্তে মুই তারারে মেয়্যেলী চোগেদিয়ো ন-চেম্, রেহাইঅ ন-দিম; তারা যিয়েনি গোজ্যন্ সিয়েনর ফল মুই তারা উগুরে ঢালি দিম্।”

হোশেয় 14:1

ও ইস্রায়েল মানুচ্চুন, তমা গোজেন লগেপ্রভু ইধু তুমি ফিরি এজঅ। তমার পাপত্তে তুমি ফেলা যেইয়্যে ওইয়ো।

হোশেয় 5:9

সাজা দিবার দিনোত্ ইফ্রয়িম মানুচ্ নেইয়্যে ওইনে পড়ি থেবঅ। যিয়েন অবঅ ওক্ সিয়েন মুই ইস্রায়েলর গুট্টিগুনো ভিদিরে ফগদাং গরঙর্।

হোশেয় 8:13

তারা মঅ নাঙে য়েমান-উৎসর্ব গুরিনে সিগুনোর য়েরানি হান্ মাত্তর্ মুই লগেপ্রভু তারা উগুরে হুজি নয়। ইক্কিনে মুই তারার্ পাজিগানির্ কধা ইদোত্ তুলিনে পাপর্ সাজা দিম; তারা মিসরত্ ফিরি যেবাক্।

হোশেয় 9:8

ভাববাদিবো মর্ গোজেন লগে ইফ্রয়িমর চুগিদার অলেয়ো তার্ বেক্ পথ্‌তানিত্ রোইয়্যেদে ফাল্ আর তার গোজেন ঘরত্ রোইয়্যেদে তা বিরুদ্ধে শত্রুতা।

আমোষ 8:2

তে পুযোর্ গুরিলো, “আমোষ, তুই কি দেগর্?” জোবত্ মুই কলুং, “এক কাল্লোং পাগানা ফল।” সেক্কে লগেপ্রভু মরে কলঅ, “মঅ মানুচ্ ইস্রায়েলর সময় শেষ ওই যেইয়্যে; মুই আর তারারে রেহাই ন-দিম।

মীখা 2:11

যুনি কনঅ মিজে কধা কোইয়্যে আর ঠোগেয়্যে এইনে কয়, ‘মুই কঙর্, তমার্ বোউত্ মদ আর আংগুর-রস অবঅ,’ মাত্তর্ তেয়ই অবঅ এ জাদ্‌তোত্তে যগাজ্যে ভাববাদী‌‌‌!”

মীখা 7:4

তারা ভিদিরে বেগত্তুন গম্ মানুচ্চুনে কাদাঝুবো ধোক্ক্যেন, বেগত্তুন্ গম্ মানুচ্চুনে কাদা গাজর্ বেড়াত্তুন্‌অ বেশ্ বজং। তমা চুগিদারুনোর্ ফগদাং গুরিবার দিন, তমার্ সাজার দিন্নো লুম্মেগি। ইক্কিনে তমার্ বুদ্ধিনেইয়্যে অবার্ সময়।

সফনিয় 3:4

তার ভাববাদীগুনে অবাধ্য আর বেঈমান। তার ধর্মগুরুগুনে সিজিগানরে অসিজি গরন্ আর রীদি-সুদোম বিরুদ্ধে পাপ গরন্।

মার্ক 3:21

যীশুর নিজো মানুচ্চুনে এ হবরান্ শুনিনে তারে নিগিলেই নিবাত্তে এলাক্। তারা কলাক্, “তে পাগল ওই যেইয়্যে।”

লূকে লেখ্যে গম্ হবর্ 21:22

কিয়া এ দিনুন্ অবঅ সাজা পেবার্ দিন, আর ইয়োত্ পবিত্র বোইবোত্ যিয়েনি লেগা আঘে সিয়েনি পূরোণ্ অবঅ।

২ করিন্হীয় 5:13

যুনি আমি পাগল্ ওই যেই সালে সিয়েন গোজেনত্যে ওইয়্যেই, আর যুনি গম্ মনে থেই সালে সিয়েন তমাত্যে আঘিই।

ফগদাং পেইয়্যে 16:19

সেই নাঙ্-গোজ্জ্যে শঅরান তিন ভাগে ভাগ ওই গেলঅ আর নানান্ জাদর্ শঅরানি ভাঙি পড়ি গেলঅ। যেরেদি সেই নাঙ্-গোজ্জ্যে বাবিল কধা গোজেনর্ মনত্ পড়িলো, আর তে তার্ রাগে দর্‌গরেপারা মদ গলচ্চো ভোরেইনে বাবিলরে হেবাত্যে দিলো।