হোশেয় 9:12 - Chakma Bible

¹² যুনি বা কনজনে পুয়ো-ছা পালান্ তো সেই পুয়ো-ছাগুনোরে মুই মারে ফেলেম; তারার্ একজনঅ ন-থেবাক্। অভিশাব্ পোড়োক্ তারার্, যেক্কেনে মুই তারাত্তুন্ যেম্বোই।

হোশেয় 9:12 Iomraidhean Croise

২ রাজাবলী 17:18

সেনত্তে ইস্রায়েলর মানুচ্চুনো উগুরে লগেপ্রভু অমকদ বেজার্‌ ওইনে তা মুজুঙোত্তুন্‌ তারারে ধাবেই দিলো। বাদবাগি এলাক্কে বানা যিহূদা-গুট্টিগুন,

২ রাজাবলী 17:23

যেরেন্দি লগেপ্রভু তার্‌ বেক্‌ চাগরুনোরে, অত্তাৎ ভাববাদীগুনোর্‌ মাধ্যমে দিয়্যে উজিয়ারর্‌ কধা মজিম তার্‌ মুজুঙোত্তুন্‌ তারারে দূর্‌ গুরি দিলো। ইয়েনত্তেই ইস্রায়েলর মানুচ্চুনোরে তারার্‌ নিজোর্‌ দেজত্তুন্‌ বন্দী গুরিনে আসিরিয়া দেজত্‌ নেযা অলঅ, আর এজঅ তারা সিদু আগন্‌।

ইয়োব 27:14

তারার ঝি-পুয়োগুন ভালোক্কুন অলেয়ো তারাত্তে ঠিগ্ ওই আঘে দর্‌গরেপারা মরণ; তারার পুয়ো-ছাগুনে কনদিন্‌অ যোগাজ্য গুরি হানা ন-পেবাগ্।

যিরমিয় 15:7

দেজর শঅর-গেদো ইধু মুই কুলোত্ গুরিনে তঅ মানুচ্চুনোরে ঝারিম। মঅ মানুচ্চুনো উগুরে মুই পুয়ো-ছা মরানার দুঘ্ আনিম আর তারারে ভস্ত গুরিম, কিত্তে নিজো পথ্‌‍তানিত্তুন তারা ন-ফিরোন্।‍

যিরমিয় 6:8

ও যিরূশালেম, উজিয়ার কধা শুন, সিয়েন ন-অলে মুই তমাত্তুন্ ফিরি যেইনে তঅ দেজ্‌‌‌‌‌চান ভস্ত আর মানুচ্ নেইয়্যে গুরিম।”

আবিলেচ্ 2:20

ও লগেপ্রভু, চাহ্, ভাবি চাহ্, তুই দঅ আর্ কারঅ উগুরে এবাবোত্যে বেবহার ন-গরচ্? মিলেগুনে কি তারার্ নিজো পুয়ো-ছাগুনোরে হেবাক্ যিগুনোরে তারা পালেয়োন? প্রভুর সুদ্ধো-সাংগ জাগানত্ কি ধর্মগুরু আর ভাববাদীগুনোরে মারে ফেলা অবঅ?

আবিলেচ্ 2:22

পরব দিনোত্ যেবাবোত্যে তুই মানুচ্চুনোরে এগত্তর্ গরচ্ সেবাবোত্যেগুরি মর্ চেরোকিত্তে তুই নানান্ বাবোত্যে অমকদ দর্ তুবেয়োচ্। লগেপ্রভুর রাগ দিনোত্ কনজনে রেহাই ন-পান্ বা বাঁজি ন-তান্; যিগুনোরে মুই পালেয়োং আর যত্তন্ গুরিদুং মর্ শত্রুগুনে তারারে ভস্ত গুরি দুয়োন্।

হোশেয় 7:13

অভিশাব্ পোড়োক্ তারার্, কিত্যে তারা মত্তুন্ ভান্ন্যেই পধেদি যেইয়োন। তারার্ সর্বনাশ ওক্, কিয়া তারা মঅ বিরুদ্ধে উল্লোমী গোজ্যন। মুই তারারে উদ্ধোর্ গুরিবাত্তে চাং মাত্তর্ তারা মঅ বিরুদ্ধে মিজে কধা কন্।

হোশেয় 9:13

ইফ্রয়িমরে মুই সোর ধোক্ক্যেন দোল্ জাগাত্ লাগেয়্যে দেখ্যং। মাত্তর্ ইফ্রয়িমে তা পুয়ো-ছাগুনোরে নিগিলেনে নেযেব তাইদু যে তারারে মারে ফেলেব।”

হোশেয় 9:16

ইফ্রয়িমে ক্ষয় ওই যার্, তা শিঙোরান্ শুগেই যেইয়্যে, সিয়েনত্ ফল ন-ধরন্। যুনি বা তা মানুচ্চুনে পুয়ো-ছার্ জন্ম দুয়োন তো মুই তারার্ কোচ্‌পেইয়্যে পুয়ো-ছাগুনোরে মারে ফেলেম।”

মালাখি 2:12

যিগুনে এবাবোত্যে কাম্ গরন তারা যুনিয়ো বা বেগত্তুন্ খেমতাবলা লগেপ্রভুর নাঙে উৎসর্বর জিনিস্‌ আনন্ তো লগেপ্রভু যাকোব বংশ ভিদিরেত্তুন্ তারারে বেক্কুনোরে শেষ্ গুরি দিবো। ‌‌‌

গণাণা 14:34

দেজ্‌চান চেই এত্তে যে চোল্লিশ দিন সময় লাক্কে তার্‌ পত্তি দিনোত্তে এক বজর্‌ গুরি বেক্কুনে চোল্লিশ বজর্‌ সং তুমি তমার্‌ অন্যেয়ত্তে দুঘ্ পেবা আর বুঝি পারিবাদে, মুই বিরুদ্ধে থেলে অবস্থাগান্‌ কেধোক্ক্যেন অয়।

গণাণা 26:65

এই ইস্রায়েলীয়গুনোর্‌ পৌইদ্যেনে লগেপ্রভু কোইয়েদে, তারা হামাক্কায়্‌ ধূল্যেচর-চাগালাত্‌ মারা যেবাক্। আর হামাক্কায় তারা ভিদিরে যিফূন্নির পূঅ কালেব আর নূনোর পূঅ যিহোশূয় বাদে আর কনজনে বাঁজি ন-এলাক্।

দ্বি’লম্বর বিররণ 28:18

তুমি অভিশাব্ পেবা যিয়েনর্ কারনে তমার গিরিত্ ঝি-পূঅ, ক্ষেদত্‌ কম ফসল আর পালর গোরু, ছাগল আর ভেড়াগুনোর কম ছঅ অবাক্।

দ্বি’লম্বর বিররণ 28:32

তমার ঝি-পূঅগুনে অন্য জাদর্‌ আদত্‌ পড়িবাক। দিনকে দিন তারার এবার্‌ পথতান্‌ চেইনে তমার চোক্কুন কান্‌ ওই যেবাক, মাত্তর্‌ কিজু গুরিবার বল্‌ তমা আদত্‌ ন-থেবঅ।

দ্বি’লম্বর বিররণ 31:17

যেদিন্যে তারা সিয়েন গুরিবাক সেদিন্যে রাগে মুই তারারে ছাড়ি দিম্‌। মুই তারাত্তুন মর্‌ মুয়োন ফিরেই নেযেম্‌ আর্‌ তারা ভস্ত ওই যেবাক। সেক্কে তারা উগুরে নানান্‌ দযা আর দুখ্‌-কট্টনি লামি এবঅ। সেদিন্যে তারা কবাক্কে, আমার গোজেন আমা সমারে নেই বিলিনেই আমা উগুরে এ বেক্‌ দজাগানি এস্যে।

দ্বি’লম্বর বিররণ 32:25

শঅরর্‌ বারেন্দি লাম্বা ছুড়ির আঘাতে তারার পূঅ-ঝিগুনে মুরি যেবাক্, আর ঘর ভিদিরে দর্‌ দর্‌ ভাব লাগিবো। তারার বেক গাবুজ্যে-গাবুরী, চিগোন পূঅ-ঝি আর বুড়োগুনে ভস্ত ওই যেবাক্।

বিচের গুরিয়্যেগুন 4:16

মাত্তর্‌‌ বারকে হরোশৎ-হগোয়িম সং তারার্‌ রথ্‌তানি আর সৈন্যদলর পিজেন্দি লোড়েই নেযেল। সীষরার বেক্‌ সৈন্যগুনোরে মারে ফেলেলাক্‌, একজনঅ বাগী ন-রলাক্‌।

১ শমূয়েল 16:14

সেক্কে লগেপ্রভুর আত্মাগান শৌলরে ছাড়িনে গেলগোই আর লগেপ্রভুর ইত্তুন্‌ এক্কান ভান্ন্যেই আত্মা এইনে তারে অমহদ দর্‌‌বুগ্ লাগা ধুরিলো।