হোশেয় 8:9 - Chakma Bible

⁹ গায় গায় ঘুরি বেড়েয়্যে ঝার্‌‌বো গাধা ধোক্ক্যেন তারা আসিরিয়া সং যেইয়োন। ইফ্রয়িমে টেঙা দিইনে লাঙেগুনোরে আন্যে।

হোশেয় 8:9 Iomraidhean Croise

২ রাজাবলী 15:19

ইয়েন পরেন্দি আসিরিয়ার রাজা পূল ইস্রায়েলান্‌ আক্রমণ গুরিলো। সেক্কে মনহেমে পূলর বলে দেজত্‌ তার্‌ রাজাগিরি ঠিগ্‌ রাগেবাত্তে তারে ঊনচোল্লিশ টন রূবো দিলো।

যিশাইয় 30:2

তারা মঅ লগে সল্লা ন-গুরিনে মিসরত্ যান; তারা সাহায্যত্তে ফরৌণর আশ্রয় চান্ আর মিসরর্ ছাবাগানত্ আশ্রয় লোই পারন্।

যিশাইয় 30:6

নেগেভ এ্যামানুনো পৌইদ্যেনে আগাম্ কধা ইয়েন: সেই দূত্‌তুনে দুঘ্ আর দুদ্দজাত্ পোজ্যে দেজ ভিদিরেদি আর সিংহ আর সিংহী, বিষ্‌বলা সাপ আর উড়্‌বো বিষ্‌বলা সাপ দেজ ভিদিরেদি যা‍‌ন্।

যিরমিয় 2:24

তুই যেন ধূল্যেচর-চাগালাত্ থেইয়্যে এক্কো ঝার্‌বো গাধী, যে অমকদ গাভীন অবাত্যেই আভা চুমি চুমি বেড়ায়। কিয়্যেদি মিজেবার গঙানত্ কন্না তারে থামেইনে রাগেই পারে? যে গাধাগুনে তারে তগাদন্ তারা বল্‌পোজ্যে ন-অবাক্; মিজেবার অক্ত অলে তারা সহজে তারে তোগেইনে পেবাক্।‍

হোশেয় 12:1

ইফ্রয়িমে বোইয়্যের্ খায়; তে গোদাদিন্নো পূগো বোইয়্যেরানরে লড়াই আর মিজে কধা আহ্ অত্যেচার বাড়ায়। তে আসিরিয়া লগে আত্ মিলেয়্যে আর মিসররে জলপাইয়র তেল পাধেয়্যে।”

হোশেয় 12:2

যিহূদার বিরুদ্ধে লগেপ্রভুর এক্কান আবিত্তি আঘে; যাকোবর আচার-বেবহার মজিম্ তে তারে সাজা দিবো আর তার্ কাম মজিম্ ফল দিবো।

হোশেয় 2:10

মুই ইক্কিনে তা লাঙেগুনো চোগো মুজুঙোত্ তার্ লাজেবার কামানি ফগদাং গুরিম; মঅ আঢত্তুন্ কনজনে তারে উদ্ধোর্ ন-গুরিবাক্।

হোশেয় 5:13

“ইফ্রয়িমে যেক্কে তা পীড়েগান দেগিলো আর যিহূদা দেগিলো তা ঘাগান্ সেক্কে ইফ্রয়িমে আসিরিয়া ইন্দি ফিরিনে সাহায্যত্তে সেই মহা রাজ ইধু মানুচ্ পাধেল। মাত্তর্ তে দঅ তারে গম্ গুরি ন-পারিবো আর তা ঘাগান্অ গম্ গুরি ন-পারিবো।

হোশেয় 7:11

ইফ্রয়িমে যেন এক্কো অঘা কোদোর্; তে এক্কুবারে বুদ্ধি নেইয়্যে। একবার তে মিসররে ডাগে আর একবার যায় আসিরিয়া ইধু।