হোশেয় 8:7 - Chakma Bible

⁷ তারা দঅ বোইয়্যেরানরে কুজোন্ আর শেজদি তুট্ট্যে বোইয়্যের্ কাবন্। শোজ্য শীজোত্ কনঅ বিজি নেই; সিয়েনত্তুন মোয়দ্যে ন-অবঅ। যুনি সিগুনোত্ কিজু অয়ও সালে সিগুন বিদেশীগুনে গিলি ফেলেবাক্।

হোশেয় 8:7 Iomraidhean Croise

পত্থম 41:23

সে পরেদি সাত্তো শুগুনো, চ'বা শীজে নিগিলিলাক্। সিগুন্‌ পূগে বোইয়্যের গরমে শুগেই যেয়োন।

২ রাজাবলী 15:19

ইয়েন পরেন্দি আসিরিয়ার রাজা পূল ইস্রায়েলান্‌ আক্রমণ গুরিলো। সেক্কে মনহেমে পূলর বলে দেজত্‌ তার্‌ রাজাগিরি ঠিগ্‌ রাগেবাত্তে তারে ঊনচোল্লিশ টন রূবো দিলো।

২ রাজাবলী 15:29

ইস্রায়েলর রাজা পেকহর সময়োত্‌ আসিরিয়ার রাজা তিগ্লৎ-পিলেষর এইনে ইয়োন, আবেল-বৈৎ-মাখা, যানোহ, কেদশ, হাৎসোর, গিলিয়দ, গালীল আর নপ্তালির পুরো চাগালাগান গজক গুরিলো আর মানুচ্চুনোরে বন্দী গুরিনে আসিরিয়াত্‌ নেযেল।

ইয়োব 4:8

মুই দেখ্যং যিগুনে বজঙর্‌ চাজ্‌ গরন্‌ আর দুঘোর্‌ বীজ্‌ ফেলান্‌ তারা সেধোক্ক্যেন্ কাবন্‌।

গম্ উপদেজ্ 22:8

যে মানুচ্চো বজং বীজি ফেলায় তে দজার্ ফসল কাবিবো; তে রাগে যে অত্যেচারানি গরে সিয়েনি থামেই যেবঅ।

উপদেশক 5:16

ইয়েন্অ এক্কান্ অমদক দুঘোর্ কধা, মানুচ্ যেধোক্ক্যেন্ গুরি এজন্ সেধোক্ক্যেন্ গুরি যান্; সিয়েনর্ লাভ্‌পান কি? তে দঅ বোইয়্যেরানত্তে কাম্ গরে।

যিশাইয় 17:11

আর সেদিন্যে তুই সিগুন দাঙর্ গরর্ আহ্ বেন্যে-বেল্যে সিগুনোত্ বোল্ ধরর্, তো পিড়ে আর অমকদ দুঘো দিনোত্ কাবিবাত্তে সেধোক্ক্যেন কনঅ খেত্-খেত্তি ন-থেবঅ।

যিশাইয় 55:2

যিয়েন কনঅ হানা নয় সিয়েনত্তে কিত্তে পোজে খরচ্ গুরিবে? যিয়েন হেলে ঈল্ ন-অয় সিয়েনত্তে কিত্তে কাম্ গুরিবে? শুন্, মঅ কধাগান শুন্, যিয়েন গম্ সিয়েনই হা; সেক্কে বেগত্তুন গম্ হানাগান পেইনে তমার পরাণানে হুজি অবঅ।

যিশাইয় 66:15

চঅ, লগেপ্রভু আগুনো ভিদিরেদি এবঅ আর তা রথ্‌‌তানি টুত্যেবোইয়্যের ধোক্ক্যেন এবঅ। তা রাগ্‌কান তে দর্‌‌‌‌‌গরেপারা ফগদাং গুরিবো, আর তা গেইল্ দেনাগান আগুনো জিল্‌‌‌‌‌লোই ফগদাং অবঅ।‌

যিরমিয় 12:13

তারা লাগেয়োন গম মাত্তর্ কাব্‌‌‌পোন্দে কাদা; তারা জদবদে কাম্ গোজ্যন মাত্তর্ কিচ্চু ন-পান। লগেপ্রভুর জ্বোল্‌জোল্যে রাগর কারনে তুমি তমার খেত্‌‌‌‌খেত্তি কাবিবার লাজানাগান পঅর্।‌”

আবিলেচ্ 5:2

আমা ভাগর্ সোম্বোত্তিগানি বিদেশীগুনো আঢত্ দিয়্যে ওইয়্যে, আর ঘরানি দিয়্যে ওইয়্যেদে নানান্ জাদর মানুচ্চুনোরে।

হোশেয় 2:9

সেনত্তে মর্ শোজ্য পাগিলে আর নূয়ো আংগুর-রস বানেলে মুই সিয়েন নেযেম। তার্ লাংটাগান ঢাগিবাত্তে মর্ সেই উলো কাবড়ান আর নাইলন্ কাবড়ান্ মুই ফিরেই নেযেম।

হোশেয় 7:9

বিদেশীগুনে তা বলানরে বল্‌‌‌‌‌‌‌‌পোজ্যে গুরি দুয়োন, মাত্তর্ তে সিয়েন বুঝি ন-পারের্। তা মাঢাত্ চুলানি ইন্দি-উন্দি পাক্যে, মাত্তর্ তে সিয়েনি খিয়েল্ ন-গরের্।

হোশেয় 9:16

ইফ্রয়িমে ক্ষয় ওই যার্, তা শিঙোরান্ শুগেই যেইয়্যে, সিয়েনত্ ফল ন-ধরন্। যুনি বা তা মানুচ্চুনে পুয়ো-ছার্ জন্ম দুয়োন তো মুই তারার্ কোচ্‌পেইয়্যে পুয়ো-ছাগুনোরে মারে ফেলেম।”

নহূম 1:3

লগেপ্রভু সহজে বেজার্ ন-অয় আর তে খেমতান্দি দাঙর্; দুষীরে তে সাজা ন-দিইনে ইরি ন-দে। তা পথ্‌‌‌তান তুট্ট্যেবোইয়্যের্ আর ঝড় ভিদিরে থায়, আর মেঘ্‌‌‌কান অলঅ তার টেঙর্ ধূল্যে।

হগয় 1:6

তুমি বোউত্ লাগেয়ো, মাত্তর্ কম্ কাপ্প্য। তুমি হেই থাগঅ, মাত্তর্ কনদিন্‌অ ঈল্ ন-অয়। তুমি আংগুর-রস হেই থাগঅ, মাত্তর্ যদেষ্ট ন-পঅ। তুমি কাবর-চুগোর্ কিয়্যেনত্ দুয়ো, মাত্তর্ সিয়েনিলোই কিয়্যে উমুম্ ন-অয়। তুমি বেতন পেইনে কানা থৈল্যেত্ রাগঅ।

গালাতীয় 6:7

তুমি ভুল্ ন-গোজ্জ্য, গোজেন সমারে তামাজা ন-চলে; কিয়া যে যিয়েন লাগেব, তে সিয়েনই কাবিবো।

গালাতীয় 6:8

পাপ-খাচ্চ্যদরে হুজী গুরিবার বীজি লাগেলে সিয়েনত্তুন্ ভস্তর্ ফসল এবঅ। মাত্তর্ পবিত্র আত্মারে হুজী গুরিবার বীজি লাগেলে সিয়েনত্তুন্ উমর্‌অ জিংকানির্ ফসল এবঅ।

দ্বি’লম্বর বিররণ 28:33

তমার ন-চিন্ন্যে জাদর্‌ মানুচ্চুনে তমার ভুইয়োর্‌ ফসলানি আর কাম্‌গোজ্যে ফলুন ভোগ গুরিবাক আর তমার পুরো জীংকানিবর্‌ তুমি বানা অত্যেচার আর ভান্ন্যেই বেবহারানি ভোগ গুরিবা।