হোশেয় 8:6 - Chakma Bible

⁶ সেই গোরু ছবো ইস্রায়েল মানুচ্চুনে বানেয়োন। এক্কো কালিগরে সিবে বানেয়্যে; সিবে দঅ গোজেন নয়। শমরিয়ার সেই গোরু ছবোরে ভাঙিনে কট্টা কট্টা গরা অবঅ।

হোশেয় 8:6 Iomraidhean Croise

২ রাজাবলী 23:15

নবাটর পুয়ো যারবিয়াম যিবে ইস্রায়েলরে দিইনে পাপ গোরেয়্যে তে বৈথেলত্‌ যে ডালিপূজো আর পূজো অজল্‌ জাগানি বানেয়্যে সিয়েনি যোশিয় ভস্ত গুরি দিয়্যে। যোশিয় সে পূজো অজল্‌ জাগানি পুড়ি দিইনে গুড়ি গুরি ফেলেল আর আশেরা-খুদোবোয়ো পুড়ি দিলো।

২ রাজাবলী 23:19

শমরিয়ার শঅর্‌ আর আদাম পূজো অজল্‌ জাগানিত্‌ ইস্রায়েলর রাজাগুনে যেদক্কানি মন্দির বানেইনে লগেপ্রভুরে অহুজি বানেয়োন্‌ যোশিয় সিয়েনি ভস্ত গুরি দিলো আর সিগুনো কান্দয়ান বৈথেলর অজল্‌ জাগানি ধোক্ক্যেন গুরিলো।

২ বংশধর 13:8

ইক্কিনে দায়ূদো বংশধরুনো আঢত্‌ লগেপ্রভুর যে রেজ্যগান্‌ রোইয়্যে তুমি তা বিরুদ্ধে থিয়্যেবাত্তে চর্‌। ঘেচ্ছ্যেক্‌গুরি তুমি দাঙর্‌ একদল সৈন্যলোই আর তমা ভিদিরে রোইয়্যেদে সে সোনার গোরুছগুনোর্‌ মূত্তিগুন্‌ যিগুনে তমার্‌ দেবেদা অবাত্তে যারবিয়ামে বানেয়্যে।

২ বংশধর 31:1

পরবর্‌ বেক্কানি থুম্‌ অনার্‌ পরেন্দি সিয়েনত্‌ আঝিল্ ওইয়্যে ইস্রায়েলীয়গুনে নিগিলিনে যিহূদার শঅরানিত্‌ যেইনে পূজোর্‌ পাত্তরুন্‌, আশেরা-খুদোগুন, পূজোর্‌ অজল্‌ জাগায়ান আর ডালিপূজোগুন্‌ এক্কুবারে ভস্ত গুরি দিলাক্‌। তারা যিহূদা, বিন্যামীন, ইফ্রয়িম আর মনঃশি-গুট্টির পুরো চাগালাত্‌ একই কাম্‌ গুরিলাক্‌। ইয়েনি বেক্কানি ভস্ত গরানার পর্‌ ইস্রায়েলীয়গুনে আদামত্‌ আর শঅরত্‌ নিজোর্‌ নিজোর্‌ জাগাত্‌ ফিরি গেলাক্‌।

যিরমিয় 10:14

বেক্ মানুচ্চুন জ্ঞান নেইয়্যে আর ভুল্; পত্তি সনাবান্যে তা মূত্তিগুনোত্তে লাজ্ পায়। তার ছাজনিলোই ঢাল্যে মূত্তিগুন মিজে, সিগুনো ভিদিরে নিজেস্ নেই।

যিরমিয় 48:13

ইস্রায়েলর মানুচ্চুন যেবাবোত্যেগুরি বৈথেল উগুরে বিশ্বেজ্ গুরিনে লাজেয়োন সেবাবোত্যেগুরি মোয়াবেয়ো কমোশ পৌইদ্যেনে লাজত্ পুরিবো।

যিরমিয় 50:2

তুমি জাদ্‌‌‌‌তুনো ভিদিরে প্রচার আর ফগদাং গরঅ, বাবতাগান তুলি ধরঅ আর জানেই দুয়ো। কিচ্চু গুমুরোত্ ন-রাগেয়ো, বরং কঅ, অন্যগুনে বাবিলরে অধিকার গুরিবাক্; বেল দেবেদারে লাজত্ ফেলা অবঅ, মরোদক দেবেদাবোরে চুর্‌‌মার্ গরা অবঅ। বাবিল মূত্তিগুনোরে লাজত্ ফেলা অবঅ আর তার মূত্তিগুনোরে চুর্‌‌মার্ গরা অবঅ।

হোশেয় 10:2

তা মানুচ্চুনোর মনানি অবিশ্বেজি; সেনত্তে ইক্কিনে তারার্ দুজোর্ বুদিগুন বুয়ো পুরিবো। লগেপ্রভু তারার্ পূজোগুন ভাঙি ফেলেব আর তারার্ পূজোর্ পাত্তরুন বর্‌‌‌বাত গুরি দিবো।

হোশেয় 13:2

ইক্কিনে তা মানুচ্চুনে আরঅ বেশ্ গুরি পাপ গোজ্যন্; তারার্ রূবোগানিলোই তারা নিজোত্তে কাবিল আঢ্‌‌তোই বানেয়্যে মূত্তি, অত্তাৎ কাবিল্ আত্‌‌‌‌তোই মূত্তি বানেয়্যন; সিগুন বেক্কুন্ কালিগর কাম। এ মূত্তিগুনো পৌইদ্যেনে তারা কন্, “যিগুনে উৎসর্ব গরন্ তারা গোরু ছঅ-মূত্তিগুনোরে চুমোদোক্।”

হোশেয় 14:3

আসিরিয়া আমারে উদ্ধোর্ গুরি ন-পারিবো; আমি যুদ্ধো ঘোড়া উগুরে নির্ভর ন-গুরিবোং। আমা নিজো আঢে বানেয়্যে মূত্তিগুনোরে আমি আর কনদিন্‌অ ন-কবং, ‘আমা দেব-দেবদা,’ কিয়া তইদু মা-বাব্ নেইয়্যেগুনে দোয়্যে পান্।”

মীখা 1:7

তার্ বেক মূত্তিগুন কট্টা কট্টা গুরি ভাঙি ফেলা অবঅ; তার মন্দির-বেশ্যেগুনোর বেক কামেয়্যেগুন্ আগুন্দোই পুড়ো অবঅ; তার বেক মূত্তিগুন মুই ভস্ত গুরি ফেলেম। তে দঅ বেশ্যেগিরির পাওনা ইজেবে ইগুন পেইয়্যে সেনত্তে সিগুন আরঅ বেশ্যেগিরিত্তে বেবহার গরা অবঅ।”

হবক্‌‌‌‌কূক 2:18

আড়ুগোর্ কনঅ দাম নেই, কিত্যেই মান্‌‌‌‌‌‌জ্যে দঅ তারে খুনিনেই বানেয়োন্। ছাজিনে ঢাল্যে মূত্তির্‌অ মূল্য নেই, কিত্যে সিয়েনত্তুন্ মান্‌‌‌‌‌‌জ্যে মিজে শিক্ষ্যে পান্। যে সিবে বানায় তে কিত্তে তা আঢে বানেয়্যে জিনিস্‌‌‌‌‌‌ছো উগুরে বিশ্বেজ্ গরে? সেই মূত্তি দঅ কধা কোই ন-পারে।

প্রেরিত্‌ 17:29

সালে আমি যেক্কে গোজেনর্ পুয়ো সেক্কে গোজেনরে মান্‌জ্য আঢ্‌তোই আর চিন্তেশক্তিলোই বানেয়্যে সনা, রূবো বা পাত্তর মূত্তি মনে গরানা আমার্ উচিত্ নয়।

প্রেরিত্‌ 19:26

মাত্তর্ তুমি দেগর্ আর শুনোর্ যে, পৌল নাঙে সে মানুচ্চো আমারে এই ইফিষত্ আর কদঅ গেলে প্রায় গোদা এশিয়া রেজ্যর্ বোউত্ মান্‌জ্যরে বিশ্বেজ্ গোরেনেই তারারে ভুল্ পধেদি নেযেয়্যে। তে কয়দ্যে, আঢে বানেইয়্যে দেব-দেবীগুন কিচ্চু নয়।