হোশেয় 7:5 - Chakma Bible

⁵ রাজার উৎসব দিনোত্ রাজার্ কামগুরিয়্যেগুনে আংগুর-রস হেইনে উচ্চোমী ওইয়োন আর রাজা সেই ঠাট্টা-ঘিনেয়্যেগুনো লগে আত্ মিলেয়োন।

হোশেয় 7:5 Iomraidhean Croise

পত্থম 40:20

এই তিন্‌ দিনোত্‌ ফরৌণে তা তলেদি যে মানুচ্চুনে কাম্‌ গুরিদাক্‌ তারারে এক্কো হানা হাবেল। সেদিন্যে এলঅ তার্‌ জর্মদিন। ফরৌণে সেদিন্যে তার্‌ পানীয় ভাগগুরি দিয়্যেগুনোর নেতাবোরে আর রুটি বানেয়্যেগুনোর নেতাবোরে নিগিলেনে সে মানুচ্চুনো মুজুঙোত্ আনিলো।

১ রাজাবলী 13:4

বৈথেলত্‌ ডালিপূজোবোর্‌ বিরুদ্ধে গোজেনর মানুচ্চো কধা শুনিনে রাজা যারবিয়ামে ডালিপূজোবো উগুরে আঢ্ বাবেইনে কলদে, “তারে ধরঅ।” মাত্তর্‌ যে আঢ্‌তান্‌ তে মানুচ্চোর্‌ ইন্দি বাবেই দিলো সিয়েন্‌ শুগেই গেলঅ। তে আর্‌ সিয়েন্‌ কায়কুরে টানি নেযেই ন-পারিলো।

গীতসংহিতা 1:1

বর্ পেইয়্যে সেই মানুচ্চো, যে পাজিগুনোর সল্লা মজিম্ ন-আঢে, পাপীগুনোর পধেদি ন-থায়, ঠাট্টা-ঈচ্ গুরিয়্যেগুনোর্ আড্ডাত্ ন-বজে;

গীতসংহিতা 69:12

যিগুনে শঅরর্ গেদোত বোইনে তারা ভিদিরে মরে নিইনে কধা তুলোন্; মাত্তলুনে মরে নিইনে গীদ্ গান।

গম্ উপদেজ্ 13:20

জ্ঞানীগুনো সমারে যে আঢাউদো গরে তে জ্ঞানী অয়, মাত্তর্ যে মানুচ্চো কান্ড-জ্ঞান নেইয়্যেগুনোর সমাজ্যে তার ক্ষতি অয়।

গম্ উপদেজ্ 20:1

যে মানুচ্চো আংগুর-রস হেইনে মাত্তল্ অয় তে ঠাট্টা-মশ্‌কারি গরে, আর যিবে মদ হায় তে অমকদ কোল্-কোজ্যে গরে; ইয়েনি হেইনে যে মাত্তল্ অয় তে জ্ঞানি নয়।

যিশাইয় 28:1

হায়, ইফ্রয়িমর্ মাত্তলে ধোজ্যেগুনোর মুকুটো ধোক্ক্যেন্ শঅরান্, যিয়েন্দোই তারা বাড়্‌বো গরন্! হায়, ইফ্রয়িমর্ বাঈনী গোজ্যে দোল্ সেই শুগেই যেইয়্যে মালাবো, যিবে এক্কো বোল্‌‌বোল্যে কলগ মাঢা উগুরে আঘে! আংগুর-রসে সেই কলগর্ মানুচ্চুনোরে হেই ফেল্যে।

যিশাইয় 28:14

সেনত্তে ও ঠাট্টা-মশ্‌কারি গুরিয়্যেগুন্, তুমি যিগুনে যিরূশালেমত্ এ মানুচ্চুনোরে শাজন্ গুরি থাগঅ, তুমি লগেপ্রভুর কধানি শুনো।

দানিয়েল 5:23

সিয়েনর বদলে তুই নিজোরে স্বর্গর্ প্রভুর বিরুদ্ধে থিয়্যেয়োচ। গোজেন ঘরত্তুন আন্যে পিলেগুন তুই আনিবাত্যে বাজেই দুয়োচ্ আর তুই, তর্ আজল্ মানুচ্চুন, তঅ মোগ্‌‌কুনে আর যেরেদি ঘর মোগ্‌‌কুনে সিগুন্দোই আংগুর-রস হেইয়োন। তুই রূবো, সনা, পিদোল, লুয়ো, তক্তা আর পাত্তর্‌লোই বানেয়্যে যে দেবেদাগুনে ন-দেগন, ন-শুনোন্ আর ন-বুঝোন্ তারারে নাঙ্ গিনোদন। মাত্তর্ তুই গোজেনরে বাঈনী ন-গরচ্, যিবে আঢত্ আঘে তঅ জিংকানিগান আর তর্ বেক পথ্‌‌তানি।

হোশেয় 7:3

তারার্ পাজিগানিলোই তারা রাজারে আর মিজে কধালোই রাজার্ কামগুরিয়্যেগুনোরে হুজি গরন।

মথি লেখ্যে গম্ হবর্ 14:6

হেরোদ জর্মদিনোত্ হেরোদিয়ার ঝিবো তুবেয়্যে বেক্ মানুচ্চুনো মুজুঙোত্ নাজিনে হেরোদরে হুজি গুরিলো।

মার্ক 6:21

শেজদি হেরোদিয়া সুযোগ্‌কো পেলঅ। ইবে অলদে এক্কো হেরোদর জর্মদিন, যেক্কেনে তে রেজ্যর্ উগুরে কত্তাগুন, সেনাপতি আর গালীল রেজ্যর্ আজল্ নেতাগুনোত্তে এক্কো হানা দিলো।

ইফিষীয় 5:18

মাত্তল্ ন-ওইয়ো, সিয়েনে খাচ্চ্যত্ বর্‌‌‍বাদ অয়। তাত্তুন্ বরং পবিত্র আত্মার্ অধীনোত্ থাগঅ,