হোশেয় 7:4 - Chakma Bible

⁴ তারা বেক্কুনে বেভিচারী, তারা রুটি বানেয়্যের্ জ্বালেয়্যে ফোগোন ধোক্ক্যেন; মোয়দ্যে মেগানাত্তুন্ আরাম্ভ গুরিনে সিয়েন ফুলি উদোনা সং সেই তুন্দুর আগুন মেজে দিবার দরকার ন-অয়।

হোশেয় 7:4 Iomraidhean Croise

যিরমিয় 23:10

দেজ্‌‍‍‍চান বেশ্যেগুন্দোই ভুরি যেইয়্যে, অভিশাবত্তে দেজ্‌‍‍‍‍‍চানে আবিলেচ্ গরের আর ধূল্যেচর-চাগালার চড়িবার বামান্ শুগেই যেইয়্যে। মানুচ্চুনে ভান্ন্যেই পথ্‌তান ধুরিনে চলদন আর তারার খেমতাগান অন্যেয়গুরিনে বেবহার গোজ্যন।

যিরমিয় 9:1

হায়, মঅ মাঢাবো যুনি পানির ঝুর্‌ঝুরি অদঅ, আর মঅ চোগ্‌কো অদঅ পানির পয়নালা! সালে মঅ জাদর্ যে মানুচ্চুনোরে মারে ফেলা ওইয়্যে তারাত্তে মুই দিনে রেদে কানিদুং।‌‌‌

যিরমিয় 9:2

হায়, ধূল্যেচর-চাগালাত্ যেইয়্যেগুনোর থেবার জাগান ধোক্ক্যেন মর্ যুনি এক্কান জাগা থেদঅ! সালে মঅ মানুচ্চুনোরে ছাড়িনে মুই সিয়েনত্ যেই পারিদুং, কিত্তে তারা বেক্কুনে সিনেলী আর বেঈমানর দল।

হোশেয় 4:10

তারা হেবাক্ মাত্তর্ ঈল্ ন-অবঅ; তারা বেভিচের্ গুরিবাক্ মাত্তর্ জনেদি ন-বাড়িবাক্, কিয়া তারা মূত্তি পূজোর্ কারনে লগেপ্রভুরে ছাড়ি যেইয়োন।

হোশেয় 4:12

তারা গাজ মূত্তিগুনো ইধু সল্লা চান্ আর গাজ লুদিক্কুনে তারারে উগুম দে, কিয়া বেভিচার মনানে তারারে ভান্ন্যেই পধেদি নেযেয়্যে; তারা তারার্ গোজেন ইধু অবিশ্বেজি ওইয়োন্।

হোশেয় 4:2

আগে বানা শমক্ ভাঙানা, মিজে কধা কনা, খুন্ গরানা, চুর্ গরানা আর বেভিচের্ গরানা। তারা আইন অমান্য গরন আর লো ঝরানা উগুরে লো ঝরান্।

১ করিন্হীয় 5:6

দেমাগ্ গরানা তমাত্যে গম্ নয়। তুমি কি কোই ন-পার যে, এক্কেনাগুরি সদা এক্কান গোদা মোইদ্যের্ তালরে ফুলেই তুলে? তমা ভিদিরেত্তুন্ সেই পুরোণি সদাগানরে ফেলেই দুয়ো,

যাকোব 4:4

অবিশ্বেজি-মানুচ্চুন্! তুমি কি কোই ন-পারঅ, জগদর্ দাংগু অনা মানে গোজেনর্ শত্রু অনা? সেনত্যে যে কেঅ জগদর্ দাংগু অবার্ আওজ্ গরে তে নিজোরে গোজেনর্ শত্রু বানায়।