হোশেয় 7:3 - Chakma Bible

³ তারার্ পাজিগানিলোই তারা রাজারে আর মিজে কধালোই রাজার্ কামগুরিয়্যেগুনোরে হুজি গরন।

হোশেয় 7:3 Iomraidhean Croise

১ রাজাবলী 22:13

যে মানুচ্চো মীখায়রে ডাগি আনিবাত্তে যেইয়্যে তে তারে কলঅ, “চাহ্, অন্য ভাববাদীগুনে বেক্কুনে এককধায় রাজার ফলেদে কধানি কদন্‌। তঅ কধাগান্‌অ যেনে তারা কধা ধোক্ক্যেন্ অয়। তুই ভালেদির কধা কবে।”

১ রাজাবলী 22:6

সেনত্তে ইস্রায়েলর রাজা ভাববাদীগুনোরে ডাগিনে এগত্তর্‌ গুরিলো। তারার্‌ অলাক্কে প্রায় চেরশত্‌। তে তারারে পুযোর্‌ গুরিলো, “রামোৎ-গিলিয়দর বিরুদ্ধে কি মুই যুদ্ধো গুরিবাত্তে যেম্‌, না নঅ-যেম্‌?” তারা কলাক্‌, “যাহ্, কিত্তেই প্রভু সিয়েন্‌ রাজা আঢত্‌ তুলি দিবো।”

যিরমিয় 37:19

যিগুনে তমা ইধু এ আগাম্ কধাগান গোজ্যেন্, বাবিল রাজা তরে বা এ দেজ্‌চানরে আক্রমণ ন-গুরিবো, তমা সেই ভাববাদীগুন কুদু?

যিরমিয় 5:31

ভাববাদীগুনে মিজে কধা ফগদাং গরন্, ধর্মগুরুগুনে নিজোের্ আঢ খেমতালোই শাজন্‌ গরন, আর মঅ মানুচ্চুনে এবাবোত্যে গম্ পান। মাত্তর্ ও মর্ মানুচ্চুন, যেরেদি তুমি কি গুরিবে?”

যিরমিয় 9:2

হায়, ধূল্যেচর-চাগালাত্ যেইয়্যেগুনোর থেবার জাগান ধোক্ক্যেন মর্ যুনি এক্কান জাগা থেদঅ! সালে মঅ মানুচ্চুনোরে ছাড়িনে মুই সিয়েনত্ যেই পারিদুং, কিত্তে তারা বেক্কুনে সিনেলী আর বেঈমানর দল।

হোশেয় 10:13

মাত্তর্ তুমি দঅ পাজিগানি লাগেয়ো, ভান্ন্যেয়র্ খেত্ কাপ্প্য আর ছলনার্ গুলোগুলি হেইয়ো। তুমি নিজোর্ বল্ আর ভালোক্কুন যোদ্ধা উগুরে নির্ভর গোজ্য;

হোশেয় 11:12

লগেপ্রভু কত্তে, “ইফ্রয়িমর মিজে কধা, ইস্রায়েলর ছলনা মঅ চেরোকিত্তে রোইয়্যে। যিহূদা গোজেনর্, অত্তাৎ সেই বিশ্বেজি সুদ্ধো-সাংগ মানুচ্চোর্ অবাধ্য ওইয়্যে।

হোশেয় 4:2

আগে বানা শমক্ ভাঙানা, মিজে কধা কনা, খুন্ গরানা, চুর্ গরানা আর বেভিচের্ গরানা। তারা আইন অমান্য গরন আর লো ঝরানা উগুরে লো ঝরান্।

হোশেয় 5:11

ইফ্রয়িমে নিজোর্ আওজে বাজে জিনিজো পিজেদি যেইয়্যে বিলিনে তে অত্যেচারিত ওইয়্যে আর বিচেরত্ তারে টেঙ পাদালোই মাড়া ওইয়্যে।

হোশেয় 7:5

রাজার উৎসব দিনোত্ রাজার্ কামগুরিয়্যেগুনে আংগুর-রস হেইনে উচ্চোমী ওইয়োন আর রাজা সেই ঠাট্টা-ঘিনেয়্যেগুনো লগে আত্ মিলেয়োন।

মীখা 6:16

তুমি অম্রির রীদি-সুদোমানি পালেয়ো আর আহাব বংশর বেক্ অভ্যেস্ মজিম্ চোল্য। তুমি তারার্ সল্লা মজিম্ চোল্য। সেনত্তে মুই ভস্তর্ আঢত্ আর ঠাট্টা-মশ্‌‌কারীগুরিয়্যে গুনোর আঢত্ তমারে তুলি দিম; মঅ মানুচ্ ইজেবে তমার্ অসর্মান ভুগো পুরিবো।”

মীখা 7:3

অন্যেয় কাম্ গুরিবাত্তে তারার্ দ্বিয়েন আত্ কাবিল্। নেতাগুনে বক্‌শিজ্ দাবি গরন, বিচেরগ্‌কুনে ঘুষ হান, দাঙর্ মানুচ্চুনে যিয়েনি চান্ সিয়েনি জানেই দৈন্; তারা বেক্কুনে এক সমারে কুজুরোমী গরন্।

রোমীয় 1:32

গোজেনর্ এ বিচেরর্ কধানি তারা গমেডালে হবর্ পান্ যে, এবাবোত্যে কাম্ যিগুনে গরন্ তারা মরণর্ সাজা পেবার্ কধা। এ কধাগান্ কোই পারিনেয়ো তারা যে বানা ইয়েনি গুরি থান্ সিয়েন নয়, মাত্তর্ অন্য যিগুনে সিয়েনি গরন্ তারারেয়ো অজেই দুয়োন্।

১ যোহন 4:5

সেই ভন্ডগুন এই জগদর্; সেনত্যে তারা এই জগদর্ কধা কন্ আর জগদ্‌তানে তারা কধা শুনে।