হোশেয় 6:5 - Chakma Bible

⁵ সেনত্তে মঅ ভাববাদীগুনোরে দিইনে মুই তমারে কট্টা কট্টা গুরি কাপ্যং, মঅ মুয়ো কধালোই তমারে মারে ফেল্যং; মর্ বিচেরর্ রায় তমা উগুরে কারেন ধোক্ক্যেন ঝিমিলেই উঠ্যে।

হোশেয় 6:5 Iomraidhean Croise

পত্থম 18:25

ইয়েন্‌ তর্‌ পক্ষে সম্ভব নয়। গম্‌ আর ভান্ন্যেয় উগুরে এক বাবোত্যে বেবহার গুরিনে তারারে একলগে মারে ফেলানা তর্‌ পক্ষে এক্কুবারে সম্ভব নয়। গোদা পিত্‌থিমীয়ানর্‌ যিবে বিচেরর্ মালিক্‌ তে কি দোল্‌বিচের্‌ গুরি ন পারে?”

১ রাজাবলী 14:6

সেনত্তে দোরো ইদু তার্‌ টেঙ রঅবো শুনিনে অহিয় কলদে, আয়, যারবিয়ামর মোক্কো। তুই হিত্তেই এ ভান্ গরর্‌? তরে ভান্ন্যেই হবরান্‌ দিবাত্তে মরে কুয়ো ওইয়্যে।

১ রাজাবলী 17:1

গিলিয়দর তিশ্‌বী আদামর্‌ এলিয় আহাবরে কলদে, “মুই যিবের্‌ সেবা গরঙ্‌ ইস্রায়েলীয়গুনোর সে জেদা গোজেন লগেপ্রভুরে শমক্‌ গুরিনে কঙর্‌, মুই ন-কনা সং আগামিদি কয়েক্‌ বজর্‌ সং শিরোপানিয়ো ন-পুরিবো, ঝড়অ ন-পুরিবো।”

১ রাজাবলী 18:17

এলিয়রে দেগিনে আহাবে কলঅ, “ও ইস্রায়েলর কাদা, ইবে কি তুই?”

১ রাজাবলী 19:17

হসায়েলর অসিগান্‌ যিগুনে বাদ দিইনে যেবাক্‌ যেহূ তারারে মারে ফেলেব আর যেহূর ছুড়িগানরে যিগুনে বাদ দিইনে যেবাক্‌ ইলীশায় তারারে মারে ফেলেব।

২ রাজাবলী 1:16

তে রাজারে কলঅ, “লগেপ্রভু এ কধাগান কোইয়্যে, ‘পুযোর্‌ গুরিবাত্তে ইস্রায়েলত্‌ কি কনঅ গোজেন্‌ নেই, তুই ইক্রোণর দেবেদা বাল্‌-সবূবোর ইদু মানুচ্‌ পাদেয়োচ্‌? তুই এ কামান্‌ গোজ্যস্‌ বিলিনে তুই যে বিচ্ছোনানত্‌ পুরি আগচ্‌ সিয়েনত্তুন্‌ আর ন-উদিবে। তুই ঘেচ্ছেকগুরি মুরি যেবে।’”

২ বংশধর 21:12

সেক্কে যিহোরামে ভাববাদী এলিয় ইত্তুন্‌ এক্কান্‌ চিদি পেলঅ। সিয়েনত্‌ লেগা এলদে, “তর্‌ পূরোণিমানুচ্‌ দায়ূদোর গোজেন লগেপ্রভু কোইয়্যেদে, ‘তুই তর্‌ বাব্ যিহোশাফট বা যিহূদার রাজা আসার পধেদি ন-আদিজ্‌, মাত্তর্‌ ইস্রায়েল রাজাগুনোর্‌ পধেদি চোল্যজ্‌। তত্তেই আহাব বংশর মানুচ্চুনো ধোক্ক্যেন যিহূদা আর যিরূশালেম মানুচ্চুনে বানেয়্যে মূত্তি পূজিনে নিজোরে বিজি দুয়োন্‌। ইয়েনিবাদেয়ো তুই তর্‌ নিজো ভেইয়ূনোরে মারে ফেলেয়োচ্‌, যিগুনে এলাক্কে তর্‌ লো-য়েরা আর তত্তুন্‌অ বেশ্‌ গম্‌।

ইয়োব 15:30

তে আন্ধারান ছাড়ি ন-পারিবো; তে এন্‌ গাজঅ ধোক্ক্যেন্ অবঅ যিবের্‌ ডেলাগুন্‌ আগুনো জিল্লোই পুড়ি যেবাক্‌; গোজেন মুয়োর্‌ নিজেসে তে উড়ি যেবঅ।

ইয়োব 34:10

সেনত্তে ও বুদ্ধিবলা মানুচ্চুন, মঅ কধাগান শুনো। গোজেনে যে ভান্ন্যেই কাম গরে, বেগত্তুন খেমতাবলা গোজেনে যে অন্যেয় গরে সিয়েন্ দূরোত্ থোক্।

গীতসংহিতা 119:120

তঅ দরে মঅ কিয়্যেগান গির্‌গিরে উদে; তঅ সুদোমানি মুই দরাং।

গীতসংহিতা 37:6

তেয়ই তর্ ধার্মিকতাগানরে পহর্ ধোক্ক্যেন ফোট্‌‌ফোট্যে গুরিবো; তর্ ন্যায় কামানরে দিবুজ্যে রোদো ধোক্ক্যেন সাব্ গুরিবো।

যিশাইয় 11:4

মাত্তর্ নাঢা মানুচ্চুনো উগুরে গম্ বিচের্ গুরিবো, আর পিত্‌থিমীর নাঢা মানুচ্চুনো পৌইদ্যেনে গমেডালে মীমাংসা গুরিবো।‌ লুদিগো ধোক্ক্যেন্ গুরি তে মুয়ো কধালোই পিত্‌‌থিমীগানরে আঘাত্ গুরিবো, আর পাজিগুনোরে মারে ফেলেব তা মুয়ো নিজেস্‌‌ছোই।

যিশাইয় 58:1

লগেপ্রভু কত্তে, দাঙর্ দাঙর্ গুরি রঅ ছাড়অ, বেক্ বলান্দোই রঅ ছাড়অ; শিংগা রঅ ধোক্ক্যেন দাঙর্ দাঙর্ গুরি রঅ ছাড়অ। মঅ মানুচ্চুনো ইদু তারার্ অন্যেয়র্ কধানি আর যাকোবর্ বংশগুনো ইদু তারার্ পাপ কধানি জানঅ।

যিরমিয় 1:10

চাহ্, উগুরি ফেলেবাত্যে আর ভাঙি ফেলেবাত্তে, ভস্ত আর সর্বনাশ গুরিবাত্তে আর বানেবাত্তে আহ্ থিদেবর্ গুরিবাত্তে এচ্চ্যে মুই তরে জাদ উগুরে আর রেজ্যগানি উগুরে নেযেলুং।”

যিরমিয় 1:18

এচ্চ্যে মুই তরে এক্কান দরমর শঅর ধোক্ক্যেন, এক্কান লুয়ো খুদো ধোক্ক্যেন আর এক্কান পিদল দেবাল ধোক্ক্যেন গুরিলুং যেনে তুই গোদা দেজ্‌‌‌‌ছানর বিরুদ্ধে, অত্তাৎ যিহূদার রাজাগুনোর, দাঙর্ পোজিশনত্ কামগুরিয়্যেগুনোর, ধর্মগুরুগুনোর আর দেজ মানুচ্চুনোর বিরুদ্ধে থিয়্যেই পারচ্।

যিরমিয় 13:13

সালে তুই তারারে কবে, লগেপ্রভু কোইয়্যেদে, ‘যিগুনে এ দেজত্ বজত্তি গরন, অত্তাৎ দায়ূদোর সিংহাসনত্ বোস্যে বেক্ রাজাগুনোরে, ধর্মগুরুগুনোরে, ভাববাদীগুনোরে আর যিরূশালেমত্ বজত্তি গুরিয়্যে বেক্কুনোরে মুই মাত্তল্ গুরি থোম্।‌

যিরমিয় 23:29

মঅ কধানি কি আগুনো ধোক্ক্যেন নয়? যে আদুরোবোলোই পাত্তর্‌বোরে কট্টা কট্টা গুরি মঅ কধানি কি সে আদুরোবো ধোক্ক্যেন নয়?‌

যিরমিয় 5:14

সেনত্তে বেগত্তুন্ খেমতাবলা গোজেন লগেপ্রভু এ কধাগান কোইয়্যেদে, “মানুচ্চুনে এ কধানি কদন্ বিলিনে তঅ মুয়োদি মঅ কধানি আগুনো ধোক্ক্যেন গুরিম আর এ মানুচ্চুনোরে গুরিম তক্তা ধোক্ক্যেন; সে আগুনানে সিয়েনরে পুড়ি ফেলেব।”

যিহিষ্কেল 11:4

সেনত্তে ও মান্‌‌‌জ্যর পুয়োবো, তুই ইগুনো বিরুদ্ধে ভাববাদী ইজেবে কধা কঅ, অয়, ভাববাদী ইজেবে কধা কঅ।”

যিহিষ্কেল 3:9

মুই তঅ কবালান্ হীরা ধোক্ক্যেন দর, চক্‌‌‌‌মকি পাত্তরত্তুন্‌অ বেশ্ দর গুরি দিলুং। যুনিয়ো তারা এক্কো উল্লোমী জাদ্ তো তুই তারারে ন-দোরেচ্ বা তারারে দেগিনে ন-দোরেচ্।”

যিহিষ্কেল 32:18

ও মান্‌‌জ্যর পুয়োবো, মিসর মানুচ্চুনোত্তে আবিলেচ্ গর আর যিগুনে মরণ জাগাত্ লামদন্ তারা লগে তারে আর অন্য খেমতাবলা জাদর্ মানুচ্চুনোরে পিত্‌‌‌থিমীর গভীনোত্ পাধেই দে।

যিহিষ্কেল 43:3

এ দর্শনান্ দেগিনে মুই মাঢা নিগিরি পড়িলুং; মুই শঅর-ভস্ত অনার্ যে দর্শনান্ কবার গাঙ পারত্ দেগিলুং এ দর্শনান্ এলদে সিয়েন ধোক্ক্যেন্।

সফনিয় 3:5

সিয়েন সংমোধ্যে বজত্তি গুরিয়্যে লগেপ্রভু ন্যায়বলা; তে কনঅ অন্যেয় ন-গরে। পত্তিদিন বেন্যে মাদান্ তে ন্যায়বিচের্ গরে; সিয়েন গুরিবাত্তে তে ভুলি ন-যায়। মাত্তর্ অন্যেয়গুরিয়্যেগুনোর লাজ্ নেই।

প্রেরিত্‌ 7:31

ইয়েন দেগিনে মোশি আমক্ ওই গেলঅ। গমেদালে চেবাত্যে কায় কুরে গেলে পরেদি তে প্রভুর এ কধাগান শুনিলো,

রোমীয় 2:5

মাত্তর্ তঅ মনান্ দরঅ; তুই দঅ পাপত্তুন্ মনান্ ফিরেবার ন-চাজ্। সেনত্তে যেদিন্ন্যে গোজেনর্ রাগ্‌কান্ ফগদাং পেবঅ সেই দিন্নোত্তে তুই তর্ পাওনা সাজা থুবেই থর্। সেই সময়োত্ গোজেনর্ ন্যায়বিচের্ ফগদাং পেবঅ।

ইফিষীয় 6:17

মাঢাগুন্ রোক্ষ্যে গুরিবাত্যে গোজেনর্ দিয়্যে উদ্ধোর্ মাঢাত্ দিইনে পবিত্র আত্মার্ ছুরি, অত্তাৎ গোজেনর্ কধানি মানি লঅ।

ইব্রীয় 4:12

গোজেনর্ কধানি খেমতাবলা আর কামগরে আর দ্বি' কিত্ত্যেদি ধার্ আঘে এমন্‌ ছুরিত্তুন্-অ বেশ্ ধারেয়্যে। এ কধানি মান্‌জ্যর রিবেঙ-আত্মা আর আহ্‌র্-মগজ মূঢ়োত্ সং যায় আর মান্‌জ্যর রিবেঙর্ বেক্‌ আওজ্‌‌চানি আর চিদে চজ্জানি পোরোক্ষ্যে গুরি চায়।

ফগদাং পেইয়্যে 1:16

তে তার্ ডেন্ আঢেদি সাত্‌টো তারা ধুরি থোইয়্যে আর তা মুয়োত্তুন্ এক্কান ধার্ ছুরি নিগিলি এজের্ যিয়েনর্ দ্বিয়ো কিত্ত্যেদি ধার্ এলঅ। ভারী তেজে জ্বোল্‌জোল্ল্যে বেলান ধোক্ক্যেন তা মুয়ো চেঙারাগান এলঅ।

ফগদাং পেইয়্যে 2:16

সেনত্যে এ অবস্থাত্তুন্ মনান্ ফিরা। যুনি মনান্ ন-ফিরেচ্ সালে মুই সবরে তইধু এইম্ আর মঅ মুয়ো ছুরিগান্দোই তারা বিরুদ্ধে যুদ্ধো গুরিম।

ফগদাং পেইয়্যে 9:15

সেক্কে সেই চেরজন দূতোরে ইরি দিয়্যে অলঅ। এই বজরর্ এই মাস, এই দিন্নোত্ আর এ ঘন্টাবোত্যে সেই দুত্‌তুনোরে যুক্কোল্ গুরি থুয়ো ওইয়্যে যেন তারা তিন ভাগর এক ভাগ মান্‌জ্যরে মারে ফেলান।

ফগদাং পেইয়্যে 9:21

ইয়েনিবাদে খুন, যাদুবিদ্যে, বেগেয়্যে আর চুর্-ইয়েনিত্তুন্ তারা মনানি ন-ফিরেলাক্।

১ শমূয়েল 13:13

শমূয়েলে কলঅ, “তুই বেদমা ধোক্ক্যেন কাম্‌ গোজ্যস্‌। তর্‌ গোজেন লগেপ্রভু যে উগুমান তরে দিয়্যে সিয়েন তুই পালন্‌ ন-গরচ্‌। যুনি তুই সিয়েনি গুরিদে সালে ইস্রায়েল উগুরে তর্‌ রাজাগিরি তে চির জিংকানিবর্‌ থিদেবর্ গুরি দিদো।

১ শমূয়েল 15:22

সেক্কে শমূয়েলে কলদে, “লগেপ্রভুর উগুমান পালেবাত্তে তে যেদক্‌ হুজি অয়, পুজ্যে-উৎসর্ব আর য়েমান-উৎসর্বত্তে কি তে সেদক হুজি অয়? য়েমান-উৎসর্বত্তুন তাঁর উগুমান পালানা আর ভেড়াছাগল তেলত্তুন্‌ তাঁর কধানির্ বাধ্য অনা বোউত্‌ গম্‌।

১ শমূয়েল 15:32

পরেন্দি শমূয়েলে কলঅ, “অমালেকীয়গুনোর রাজাবো অগাগরে মইদু আন্।” এই কধাগান শুনিনে অগাগ তার পক্তা-মক্তা কিয়্যেগান্দোই দুলোং-দালংগুরি শমূয়েলর ইদু এলঅ। তে মনে গুরিলো মরণর যন্ত্রণাগান্ ইক্কিনে আর নেই।

১ শমূয়েল 15:33

মাত্তর্‌ শমূয়েলে কলঅ, “তর্‌ লাম্বা কিরিচ্‌ছান্দোই বোউত্‌ মিলে যেবাবোত্যে পূঅ-ছা আরা ওইয়োন, সেবাবোত্যে মিলেগুনো ভিদিরে তর্‌ মাবোয়ো পূঅ-ছা আরা অবঅ।” এই কধাগান কোইনে শমূয়েলে গিল্‌গলত্‌ লগেপ্রভুর মুজুঙোত্‌ অগাগরে কট্টা কট্টা গুরি কাবি ফেলেল।