হোশেয় 6:10 - Chakma Bible

¹⁰ ইস্রায়েল ভিদিরে মুই এক্কান জঘন্য বেপার দেখ্যং। সিয়েনত্ ইফ্রয়িমে বেভিচের্ গোজ্যে আর ইস্রায়েল অসিজি ওই যেইয়্যে।

হোশেয় 6:10 Iomraidhean Croise

১ রাজাবলী 12:8

মাত্তর্‌ রহবিয়ামে বুড়ো নেতাগুনোর উপদেজ্‌ছানি গেরাজ্য ন-গুরিনে সে গাবুজ্যেগুনো সমারে সুল্লুক্‌ গুরিলো যিগুনে তা সমারে দাঙর্‌ ওইয়োন্‌ আর তারে সেবা গুরিদাক্‌।

১ রাজাবলী 15:30

ইয়েনর্‌ কারণান্‌ অলঅ, যারবিয়ামে নিজে পাপ গোজ্যে আর ইস্রায়েলরে দিইনে পাপ গোরেয়্যে আর সিয়েন্‌ গুরিনে তে ইস্রায়েলর্‌ গোজেন্‌ লগেপ্রভুরে রাগ তুলি দিয়্যে।

২ রাজাবলী 17:7

ইয়েনি বেক্কানি ঘোট্যে, কিত্তে যিবে মিসরত্তুন্‌, মিসর রাজা ফরৌণর অধীনত্তুন্‌ তারারে নিগিলেই আন্যে ইস্রায়েলীয়গুনে তারার্‌ সেই গোজেন লগেপ্রভুর বিরুদ্ধে পাপ গোজ্যন্‌। তারা দেব-দেবেদার পূজো গুরিদাক্‌ আর যিদুক্কুন্‌ জাদরে লগেপ্রভু তারা মুজুঙেত্তুন্‌ ধাবেই দিয়্যে তারা ধোক্ক্যেন আদাউদো গুরিদাক্‌। ইয়েনিবাদে ইস্রায়েল রাজাগুনে যেদক্কানি সুদোম চালু গোজ্যন্‌ তারা সেধোক্ক্যেন গুরি চলিদাক্‌।

যিরমিয় 18:13

সেনত্তে লগেপ্রভু কোইয়্যেদে, “জাদ্‌তুনো ভিদিরে তোগেই চাহ্, ইয়েনর আগেদি এবাবোত্যে কধা কনা শুন্যে? আবিদি গাবুর্ মিলে ধোক্ক্যেন ইস্রায়েলে এক্কান জঘন্য কাম্ গোজ্যে।‌‌‍

যিরমিয় 23:14

ইয়েন বাদেয়ো যিরূশালেম ভাববাদীগুনো ভিদিরে এ দর্‌গরেপারা বেপারান দেখ্যং, তারা সিনেলী গরন আর মিজে জিংকানি কাদান্। তারা অন্যেয়গুরিয়্যেগুনোর আঢ্‌তানি এমন দরমর গরন যিয়েনত্তে কনজনে সে পাজিগানিত্তুন ন-ফিরোন। তারা বেক্কুনে মইধু সদোম আর ঘমোরা মানুচ্চুনো ধোক্ক্যেন।‍‍‍‍‍‍‍‍‍‍‍‍

যিরমিয় 3:6

রাজা যোশিয়োর রাজাগিরির সময়োত্ লগেপ্রভু মরে কোইয়্যেদে, “ভান্ন্যেই পধেদি যেইয়্যে ইস্রায়েলে যিয়েন গোজ্যে সিয়েন কি তুই দেখ্যচ্? তে বেক্ অজল্ মুড়োগুনো উগুরে আর ডেলাপাদা ছিদি যেইয়্যে য়েল্ গাজর্ তলে যেইনে বেশ্যেমি গোজ্য।

যিহিষ্কেল 23:5

অহলা মর্ থাগদে সিনেলী গুরিলো। তা লাঙেগুনো উগুরে, অত্তাৎ আসিরিয়গুনো উগুরে তে জুড়্‌‌বোত্যে। ইগুনে এলাক্ য়েল্ কাবড় উজ্যে যোদ্ধা, শাজন্‌গুরিয়্যে আর সেনাপতি; বেক্কুনে দোল্ গাবুজ্যে আর ঘোড়াচালেয়্যে।

যিহিষ্কেল 23:7

বেক্ সেরা সেরা আসিরিয়গুনো ইধু তে নিজোরে বেশ্যে ইজেবে দান গোজ্যে; যিগুনোরে তে কামনা গুরিদো তারার্ বেক মূত্তিগুন দিইনে তে নিজোরে অসিজি গোজ্যে।

হোশেয় 4:11

বেভিচের্ আর নূয়ো, পুরোণ আংগুর-রসে মঅ মানুচ্চুনোর বুদ্ধিগানি বর্‌বাত গোজ্যন্।‌

হোশেয় 4:12

তারা গাজ মূত্তিগুনো ইধু সল্লা চান্ আর গাজ লুদিক্কুনে তারারে উগুম দে, কিয়া বেভিচার মনানে তারারে ভান্ন্যেই পধেদি নেযেয়্যে; তারা তারার্ গোজেন ইধু অবিশ্বেজি ওইয়োন্।

হোশেয় 4:17

ইফ্রয়িমে মূত্তিগুনো লগে মিজেয়্যেগোই; তারে সিয়েনই গুরিবাত্তে দুয়ো।

হোশেয় 5:3

মুই ইফ্রয়িম পৌইদ্যেনে বেক্কানি হবর্ পাং; ইস্রায়েল মত্তুন্ লুগেয়্যে নেই। ইফ্রয়িম ইক্কিনে বেভিচের্ গরের্; ইস্রায়েল অসিজি ওই যেইয়্যে।