হোশেয় 5:9 - Chakma Bible

⁹ সাজা দিবার দিনোত্ ইফ্রয়িম মানুচ্ নেইয়্যে ওইনে পড়ি থেবঅ। যিয়েন অবঅ ওক্ সিয়েন মুই ইস্রায়েলর গুট্টিগুনো ভিদিরে ফগদাং গরঙর্।

হোশেয় 5:9 Iomraidhean Croise

ইয়োব 12:14

তে ভাঙিলে আর সিয়েন্‌ বানা ন-যায়; তে কাররে জেলোত্‌ আক্‌সোই রাগেলে ছড়ান্‌ দিয়্যে ন-যায়।

যিশাইয় 37:3

তারা যিশাইয়রে কলাক্, “হিষ্কিয় কোইয়্যেদে, এচ্চ্যে দিন্নো অলঅ দুঘোর্, সাজা পেবার আর অসর্মানর দিন। আমা অবস্থা এধোক্ক্যেন ওইয়্যে যেন পুয়ো-ছাগুনে জর্ম অবার মুয়োনত্ এচ্চ্যন্ মাত্তর্ জর্ম দিবার খেমতা নেই।

যিশাইয় 46:10

মুই শেজ্ কাল পৌইদ্যেনে আগে আগে কং আর যিয়েনি এজঅ ন-অয় সিয়েনি আগে জানাং। মুই কোইয়োংগে যে, মঅ উদ্দেশ্যগান থির্ থেবঅ; মর্ বেক আওজ্‌‌চান মুই পুরেম্।

যিশাইয় 48:3

লগেপ্রভু কোইয়্যেদে, যিয়েন ওই যেইয়্যে সিয়েন মুই ভালোক্ দিন আগেদি কোইয়োং; মুই সিয়েন জানেয়োং আর মঅ মুয়োনে সিয়েনি ফগদাং গোজ্যে। সে পরেদি মুই আদিক্ক্যেন্‌গুরি সিয়েন গুরিলুং আর সিয়েনি অলঅ,

যিশাইয় 48:5

সেনত্তে বোউত্ আগেদি মুই তমারে ইয়েনি কোইয়োং আর সিয়েনি ঘুদিবার আগেদি তমা ইদু ফগদাং গোজ্যং, যেনে তুমি কোই ন-পার, আমা মূত্তিগুনে ইয়েনি গোজ্যন্, আমা খোদাই গোজ্যে মূত্তিগুনে আর ছাজিনে ঢাল্যে মূত্তিগুনে ইয়েনি উগুম দুয়োন্।

হোশেয় 5:12

ইফ্রয়িম ইধু মুই পুগো ধোক্ক্যেন ওইয়োং আর যিহূদার মানুচ্চুনো ইধু ওইয়োং ক্ষয় যেইয়্যে জিনিজো ধোক্ক্যেন।

হোশেয় 5:14

মুই ইফ্রয়িম ইধু আর যিহূদা ইধু সিংহ ধোক্ক্যেন অবঅ। মুই তারারে কট্টা কট্টা গুরি ছিনি ফেলেইনে যেইম্; মুই তারারে নেযেম, তারারে উদ্ধোর্ গুরিবাত্তে কনজন ন-থেবাক্।

হোশেয় 7:12

তারা যেক্কে যেবাক্ সেক্কে মুই তারা উগুরে মঅ জালান্ ফেলেম; আগাজ পেগ্‌‌‌‌‌‌‌‌‌কুনো ধোক্ক্যেন গুরি মুই তারারে টানিনে লামেম্। ইস্রায়েলীয়গুনো ইধু যেবাবোত্যে কুয়ো ওইয়্যে সেবাবোত্যেগুরি মুই তারারে সাজা দিম।

হোশেয় 8:8

ইস্রায়েলীয়গুনোরে গিলি ফেলা ওইয়্যে; বাজে জিনিজো ধোক্ক্যেন তারা ইক্কিনে নানান্ জাদ ভিদিরে রোইয়োন।

হোশেয় 9:7

ইস্রায়েল যেন হবর্ রাগায়, সাজার্ দিন্নো এই যেইয়্যে, ইজেব-নিকেশর্ দিন্নো এইচ্চ্যে। তারার্ পাপ জনেদি বোউত্ আর তারা গোজেনরে এদক্ ঈচ্ গরনদে যে, তারা ভাববাদীগুনোরে বেদমা আর গোজেনর আত্মায় পেইয়্যে মান্‌জ্যরে পাগল্ মনে গরন্।

আমোষ 3:7

আজলে প্রভু লগেপ্রভু তা চাগর্ ভাববাদীগুনো ইধু তার্ পরিকল্পানগান ফগদাং ন-গুরিনে কিচ্ছু ন-গরে।

আমোষ 7:17

সেনত্তে লগেপ্রভু কত্তে, ‘তঅ মোক্কো শঅর ভিদিরে বেশ্যে অবঅ, আর তঅ পুয়ো-ঝিগুনে যুদ্ধোত্ মুরি যেবাক্। তঅ ভূইয়ানি মাবি মাবি অন্যরে ভাগ্ গুরি দিয়্যে অবঅ আর তুই নিজে এক্কান অসিজি দেজত্ মুরি যেবে। ইস্রায়েল মানুচ্চুন হামাক্কায় তারা দেজত্তুন্ বন্দী ওইনে অন্য দেজত্ যাহ্ পুরিবো।’ ”

আমোষ 7:9

ইস্‌‌হাক বংশ মানুচ্চুনোর পূজোর্ অজল্ জাগায়ানি আর ইস্রায়েলর উবোসনার অন্য জাগায়ানি ভস্ত গরা অবঅ। মুই লাম্বা ছুরিলোই যারবিয়াম বংশর্ বিরুদ্ধে উদিম।”

মীখা 6:13

সেনত্তে মুই তমারে পাপত্তে অমকদগুরি সাজা দিম্ আর তমারে ভস্ত গুরিম।

সখরিয় 1:6

মাত্তর্ মুই মর্ চাগরুনোরে, অত্তাৎ ভাববাদীগুনোরে যেদক্কানি উগুম দুয়োং, মর্ সেই বেক্ কধানি আর সুদোম্ মজিম কি তমা পূরোণি মানুচ্চুনে সাজা ন-পান্? সেক্কে তারা মনানি ফিরেইনে কোইয়োন্দে যে, বেগত্তুন খেমতাবলা লগেপ্রভু তারার্ আচার-বেবহার আর অভ্যেস্ মজিম তারা উগুরে যিয়েনি গুরিবো বিলি ঠিগ্ গোজ্যে তে সিয়েনই গোজ্যে।’ ”

যোহন 16:4

মুই তমারে ইয়েনি বেক্কানি কলুং যেন সেই সময়বো এলে পরেদি তমাত্তুন্ ইদোত্ উদে যে, মুই তমারে এ কধাগান্ কোইয়োং। মুই পৌইল্যাত্তুন্ ধুরি এদক্কানি কধা তমারে ন-কং, কিয়া মুই তমা সমারে সমারে এলুং।