হোশেয় 4:3 - Chakma Bible

³ ইয়েনত্তে দেজ্‌চানে আবিলেচ্ গরের আর যিগুনে দেজ ভিদিরে বজত্তি গত্তন্ তারা শেজ্ ওই যাদন আর য়েমান, পেগ্ আর মাছ মুরি যাদন্।

হোশেয় 4:3 Iomraidhean Croise

যিশাইয় 33:9

দেজ্‌চানে আবিলেচ্ গরের্ আর শুগেই যার্, লেবাননে লাজ্ পেইয়্যে আর শুগেই যার্, শারোণানে ধূল্যেচর-চাগালা ধোক্ক্যেন ওইয়্যে আর বাশন আর কর্মিলো বেক্ গাজ পাদানি ঝুরি পড়ের্।

যিরমিয় 12:4

আর কয়দিন দেজ্‌‍‍‌‌‌‌‌চানে আবিলেজ্ গুরিবো আর মাদ গাজ্‌‍‍‌‌‌‌‌চানি শুগুনো ওই থেবঅ? যিগুনে সিয়েনত্ বজত্তি গরন তারা ভান্ন্যেই বিলিনে য়েমানে আর পেগ্‌‍‍‌‌‌‌‌কুনে বেক্কুন ভস্ত ওই যেইয়োন। সেই মানুচ্চুনে কদন, “আমার যিয়েন অবঅ সিয়েন তে ন-দেগিবো।”

যিরমিয় 23:10

দেজ্‌‍‍‍চান বেশ্যেগুন্দোই ভুরি যেইয়্যে, অভিশাবত্তে দেজ্‌‍‍‍‍‍চানে আবিলেচ্ গরের আর ধূল্যেচর-চাগালার চড়িবার বামান্ শুগেই যেইয়্যে। মানুচ্চুনে ভান্ন্যেই পথ্‌তান ধুরিনে চলদন আর তারার খেমতাগান অন্যেয়গুরিনে বেবহার গোজ্যন।

যিরমিয় 4:25

মুই রিনি চেলুং, সিয়েনত্ কনঅ মানুচ্ নেই; আগাজর্ বেক্ পেগ্‌কুনে উড়ি যেইয়োন। ‌‍

যিরমিয় 9:10

মুড়োমুড়িগুনোত্তে মুই কানিম্ আর আবিলেচ্ গুরিম আর আবিলচ্ গুরিম ধূল্যেচর-চাগালার য়েমান চোড়েবার জাগানিত্তে। সিয়েনি ভস্ত ওই যেইয়্যে, সিয়েনত্ কনজনে যানা-এযানা ন-গরন্। য়েমান পালর ডাগনি আর শুনো ন-যায়। আগাজ পেগ্‌কুনে ধেই যেইয়োন আর এ্যামানুনে যেয়োন্দোই।‍

যিরমিয় 9:9

মুই কি ইয়েনত্তে তারারে সাজা ন-দিম? এবাবোত্যে জাদ উগুরে কি মুই নিজেই হেনা ন-সুজিম?”

যিহিষ্কেল 38:20

সেক্কে সাগরর্ মাছ, আগাজ পেখ্, ঝার য়েমান, মাদি উগুরে পত্তি বুগেদি-আঢি বেড়েয়্যে প্রাণি আর পিত্‌‌‌‌‌‌থীমির বেক্ মানুচ্চুন মঅ মুজুঙোত্ গির্‌‌‌‌‌‌গিরেবাক্। দাঙর্ দাঙর্ মুড়োগুন উল্যে যেবাক্, অজল্ মুড়োগুন দেঙ্ ভাঙি পড়িবাক্ আর বেক্ দেবালানি মাদিত্ পড়ি যেবাক্।

যোয়েল 1:18

কিবাবোত্যেগুরি গোরু-ভেড়াগুনে ফবাদন্! গোরু পালুনে ঘুরি বেড়াদন্, কিত্যেই তারার্ চরিনে হেবার জাগা নেই; ভেড়া পালুনেয়ো দুঘ্ পাদন্।

আমোষ 1:2

আমোষে কলঅ, “লগেপ্রভু সিয়োনত্তুন্ রঅ ছাড়ের্ আর যিরূশালেমত্তুন্ জোরে জোরে কধা কর্। সেনত্তে গরগ্‌‌কুনোর চড়াইদ্যে ভূইয়ানি বেক্কানি শুগেই যার্ আর কর্মিল মুড়োবো মাঢাত্ গাজপালা মুরি যার্।”

আমোষ 5:16

বেগত্তুন্ খেমতাবলা গোজেন প্রভু লগেপ্রভু কোইয়্যেদে, “শঅরর্ পত্তি খুলো জাগাত্ মানুচ্চুনে আবিলেচ্ গুরিবাক্ আর পত্তি পধে পধে হায় হায় গুরিবাক্। এন্ কি, শোক্ ফগদাংগুরিয়্যেগুনো লগে আবিলেচ্ গুরিবাত্তে চাষ্ গুরিয়্যেগুনোরে ডাগা অবঅ।

আমোষ 8:8

ইয়েনত্তে কি দেজ্‌‌‌‌‌‌চান গির্‌‌‌‌‌‌নগিরেব? সিয়েন ভিদিরে বজত্তি গুরিয়্যে বেক্কুনে কি আবিলেচ্ ন-গুরিবাক্? পুরো দেজ্‌‌‌‌‌‌চান মিসরর্ য়্যাল্ গাঙ ধোক্ক্যেন ফুলি উদিনে অশান্ত অবঅ আর সে পরেদি লামিবো।”

নহূম 1:4

তে সাগরানরে ধমক্ দিইনে শুগেই ফেলায়; বেক্ গাঙানিরে তে পানি নেইয়্যে গুরি দে। বাশন আর কর্মিলান্ শুগেই যায় আর লেবাননর্ বেক ফুলুন্ শুগেই যান।

সফনিয় 1:3

মানুচ্ আর য়েমান, আগাজ পেগ্‌কুন আর সাগরর মাছ্‌চুন মুই শেজ্ গুরি দিম। মুই পাজিগুনোর্ অধপতন ঘোদেম্। পিত্‌‌‌‌থিমীর উগুরেত্তুন্ মুই মানুচ্চুনোরে ভস্ত গুরি দিম।

সখরিয় 5:4

বেগত্তুন্ খেমতাবলা লগেপ্রভু কত্তে, ‘মুই সেই অভিশাব্‌পান্ পাদেম্ আর তা চুরুনো ঘরত্ আহ্ মঅ নাঙে মিজে শমক্ হেইয়্যেগুনোর্ ঘরত্ যেইনে সুমিবাক্ আর তারা ঘরত্ থেইনে তক্তা আর পাত্তর্ সুদ্ধো ভস্ত গুরি ফেলেবাক্।’ ”