হোশেয় 4:2 - Chakma Bible

² আগে বানা শমক্ ভাঙানা, মিজে কধা কনা, খুন্ গরানা, চুর্ গরানা আর বেভিচের্ গরানা। তারা আইন অমান্য গরন আর লো ঝরানা উগুরে লো ঝরান্।

হোশেয় 4:2 Iomraidhean Croise

পত্থম 4:8

ইয়েন পরেদি একদিন্যে মাদত্‌ থেবার অক্তত্‌ কয়িনে তার ভেই হেবল লগে কধা কোইয়্যে, আহ্ সেক্কে তে হেবলরে আক্রমণ গুরিনে মারে ফেলেল।

যিশাইয় 24:5

পিত্‌থিমীগানরে তা মানুচ্চুনে কজরা গুরি ফেল্যন্। তারা সুদোমানি অমান্য গোজ্যন; তারা সুদোমানি ভাঙ্যন্ আর লগেপ্রভুর উমরর্ সুদোম মজিম্ ন-চলন্।

যিশাইয় 48:1

ও যাকোবর্ বংশ, তুমি শুনো। তমারে দঅ ইস্রায়েল নাঙে ডাগা অয়, তুমি যিহূদার বংশত্তুন্ এচ্চ্য, তুমি লগেপ্রভুর নাঙে শমক্ খঅ আর ইস্রায়েলর গোজেন ইদু তবনা গুরি থাগঅ, মাত্তর্ সত্য বা গমেডালে সিয়েনি ন-গরঅ।

যিরমিয় 51:5

ইস্রায়েল আর যিহূদারে তারার গোজেন বেগত্তুন্ খেমতাবলা লগেপ্রভু ছাড়ি ন-যায়, যুনিয়ো ইস্রায়েলর সেই সুদ্ধো-সাংগ মানুচ্চোর্ মুজুঙোত্ তারার্ দেজ্‌‌চান দুষে ভরা ওইয়্যে।

যিরমিয় 6:7

কূয়ো পানি যেবাবোত্যেগুরি নিত্য নাল্ আঢে সেবাবোত্যেগুরি তে তার পাজিগানি নিত্য চালু রাগায়। সিয়েন ভিদিরে অত্যেচার আর ভস্ত অনার্ রঅ শুনো যায়; তার অসুগ কধা আর আঘাত্‌‌‌‌‌‌তানি নিত্য মঅ মুজুঙোত্ আঘে।‌‌‌

আবিলেচ্ 4:13

এ ঘটনাগান ঘোট্যেদে তা ভাববাদীগুনোর্ পাপত্তে, তা ধর্মগুরুগুনোর্ অন্যেয়ত্তে, কিত্তেই সিয়োদোই তারা গম্ মানুচ্চুনোর্ লো জোরেদাক্।

যিহিষ্কেল 7:23

“শিগোল্ ঠিগ্ গরা আঘে, কিত্যে দেজ্‌‌চান লো ঝোড়েয়্যেলোই আর শঅরান্ অত্যেচারে ভুরি যেইয়্যে।

হোশেয় 10:13

মাত্তর্ তুমি দঅ পাজিগানি লাগেয়ো, ভান্ন্যেয়র্ খেত্ কাপ্প্য আর ছলনার্ গুলোগুলি হেইয়ো। তুমি নিজোর্ বল্ আর ভালোক্কুন যোদ্ধা উগুরে নির্ভর গোজ্য;

হোশেয় 10:4

মানুচ্চুনে বোউত্ বাজে কধা কন্ আর চুক্তি গুরিবার সময় মিজে শমক্ খান। সেনত্তে চাজ্ গোজ্যে ভূইয়োত্ বিষবলা হেরপদনা ধোক্ক্যেন মামলা-মগদ্দমা গেজেই উদে।

হোশেয় 11:12

লগেপ্রভু কত্তে, “ইফ্রয়িমর মিজে কধা, ইস্রায়েলর ছলনা মঅ চেরোকিত্তে রোইয়্যে। যিহূদা গোজেনর্, অত্তাৎ সেই বিশ্বেজি সুদ্ধো-সাংগ মানুচ্চোর্ অবাধ্য ওইয়্যে।

হোশেয় 12:14

মাত্তর্ ইফ্রয়িমে লগেপ্রভুরে অমকদ অহুজি গোজ্যে; সেনত্তে তা গিরোজ্‌‌‌সো তার্ ভান্ন্যেই কামানিত্তে তারে দায়ী গুরিবো আর তে যে অগমান গোজ্যে সেই অগমানান্ তারে ফিরেই দিবো।

হোশেয় 5:2

উল্লোমীগুনে অমকদ অত্যেচার গত্তন্, মাত্তর্ মুই তারারে বেক্কুনোরে সাজা দিম।

হোশেয় 6:8

গিলিয়দ অলঅ সেই পাজি মানুচ্চুনোর্ শঅর্ যিয়েনত্ রোইয়্যে তারার্ লো বাস্যে টেঙ চাপ।

হোশেয় 6:9

ডাগেত্তুনে যেবাবোত্যে মান্‌‌‌‌‌জ্যরে উৎ পাদিনে বাজ্জেই থান্, সেবাবোত্যেগুরি উৎ পাদিনে থান্ ধর্মগুরুগুনোর দলুন্; তারা শিখিমোত্ যেবার পদথ্ মানুচ্ খুন গরন আর অমকদ অন্যেয় কাম্ গরন।

হোশেয় 7:1

যেক্কে মুই মঅ মানুচ্চুনোর্ অবস্থা ফিরেবাত্তে চাং, যেক্কে ইস্রায়েলরে গম্ গুরিবাত্তে চাং, সেক্কে ইফ্রয়িমর পাপ দেগা যায় আর শমরিয়ার অন্যেয়ানি ফগদাং অয়। তারা ছলনা গরন্, ঘরত্ চুর্ সমন্ আর বারেদি ডাগেত্তুনে লুদোন্;

হোশেয় 7:3

তারার্ পাজিগানিলোই তারা রাজারে আর মিজে কধালোই রাজার্ কামগুরিয়্যেগুনোরে হুজি গরন।

হোশেয় 7:4

তারা বেক্কুনে বেভিচারী, তারা রুটি বানেয়্যের্ জ্বালেয়্যে ফোগোন ধোক্ক্যেন; মোয়দ্যে মেগানাত্তুন্ আরাম্ভ গুরিনে সিয়েন ফুলি উদোনা সং সেই তুন্দুর আগুন মেজে দিবার দরকার ন-অয়।

মীখা 3:2

তুমি দঅ গম্ কামানিরে ঈচ্ গুরিনে ভান্ন্যেই কামানিরে গম্‌‌‌‌‌পঅ; তুমি মঅ মানুচ্চুনোর কিয়্যেনিত্তুন্ চামাড়া আর আড়ত্তুন্ য়েরানি সোরেই নেযর্;

মীখা 3:9

ও যাকোবর বংশর নেতাগুন, ইস্রায়েলর বংশর শাজন্‌গুরিয়্যেগুন, শুনো। তুমি দঅ ন্যায়বিচের্ তুচ্ছো গোজ্য আর যিয়েন উজু সিয়েন বেক্কানি বেঙা গুরি তুল্য।

মীখা 6:10

পাজি মানুচ্চুনোর্ ঘরত্ অসৎ উপায়ে পেইয়্যে ধন-সোম্বোত্তি আর ঠোগেবার মাবেদে আড়ি আঘে যিবে মুই ঘিনাং।

মীখা 7:2

দেজত্তুন্ গোজেন ভক্তগুনোরে তুলি ফেলা ওইয়্যে; গম্ মানুচ্ এক্কোয়ো নেই। লো ঝোরেবাত্তে বেক্কুনে হাফ্ দি আগন্ ; পত্তিজনে তার্ নিজো জালত্ অন্যজনরে আক্‌সোবাত্যেই চান।

সফনিয় 3:1

অভিশাব্ পোড়োক্ সেই অত্যেচারীবোর, উল্লোমীবোর্ আর অসিজি শঅরানর্!

সখরিয় 5:3

তে মরে কলঅ, “ইয়েন অলঅ সেই অভিশাব্‌পান্ যিয়েন বেক্ দেজ্‌‌‌‌‌চানিত্ ফগদাং অবঅ। তার এক কিত্তেদি লেগা মজিম্ বেক্ চুরুনোরে দূর্ গুরি দিয়্যে অবঅ আর অন্য কিত্তেদি কধা মজিম মিজে শমক্ হেইয়্যেগুনোরেয়ো দূর্ গুরি দিয়্যে অবঅ।

মথি লেখ্যে গম্ হবর্ 23:35

সেনত্তে নিদ্দুজি হেবল খুনোত্তুন্ ধুরি আরাম্ভ গুরিনে তুমি যে বরখিয়র্ পুয়ো সখরিয়রে পবিত্র জাগা আর পূজোবো সংমোধ্যে খুন্ গোজ্য, সেই সখরিয়র খুন্ সং পিত্‌থিমীত্ যিদুক্কুন্ নিদ্দুজি মানুচ্ খুন্ ওইয়োন্ তুমি সেই বেক্ লো-গানির্ দায়ী অবা।

প্রেরিত্‌ 7:52

এমন্‌ কনঅ ভাববাদী আঘে কি, যিবেরে তমা পূরোণি মানুচ্চুনে অত্যেচার্ ন-গরন্? এমন্‌ কি, যিগুনে সেই গম্ মান্‌‌জ্যর্, অত্তাৎ খ্রীষ্ট এবার্ কধাগান আগে কোইয়োন তারারেয়ো তারা মারে ফেল্ল্যন্। আর ইক্কিনে তুমি যীশুরে শত্রুগুনো আঢত্ ধুরি দিইনে তারে খুন্ গোরেইয়ো।

দ্বি’লম্বর বিররণ 5:11

কনঅ ভান্ন্যেই আজালোই তুমি তমার গোজেন লগেপ্রভুর নাঙান ন-নেযেবা। যে সেধোক্ক্যেন গুরিবো তারে লগেপ্রভু সাজা দিবো।

দ্বি’লম্বর বিররণ 5:18

সিনেলী ন-গোজ্য।

দ্বি’লম্বর বিররণ 5:19

চুর্ ন-গোজ্য।

১ থিষলনীকীয় 2:15

সেই যিহূদীগুনে প্রভু যীশুরে আর ভাববাদীগুনোরে মারে ফেল্ল্যন, আর আমা উগুরেয়ো তারা অত্যেচার্ গোজ্জ্যন্। তারা গোজেনরে বেজার্ গরন্, আর বেক্‌ মানুচ্চুনো উগুরে তারার্ শত্রু-ভাব আঘে।

ফগদাং পেইয়্যে 17:6

মুই দেগিলুং, সেই মিলেবো গোজেন মানুচ্চুনোর্ লো আর যিগুনে যীশুর্ পৌইদ্যেনে সাক্ষ্য দুয়োন সিগুনোর্ লো হেইনে মাত্তল্ ওই আঘে।