হোশেয় 4:13 - Chakma Bible

¹³ মুড়ো তোগোনোত্ তারা য়েমান উৎসর্ব গরন্ আর মুড়ো উগুরে অলোন, লিব্‌‌‌নী আর এলা গাজর্ তলে যিয়েনত্ ছাবালোই আরাম দে সিয়েনত্ তারা আগর্‌বাট্টি জ্বালান। সেনত্তে তমা মিলেগুন বেশ্যে অন্ আর ফুদো বৌগুনে বেভিচের্ গরন।

হোশেয় 4:13 Iomraidhean Croise

২ রাজাবলী 17:7

ইয়েনি বেক্কানি ঘোট্যে, কিত্তে যিবে মিসরত্তুন্‌, মিসর রাজা ফরৌণর অধীনত্তুন্‌ তারারে নিগিলেই আন্যে ইস্রায়েলীয়গুনে তারার্‌ সেই গোজেন লগেপ্রভুর বিরুদ্ধে পাপ গোজ্যন্‌। তারা দেব-দেবেদার পূজো গুরিদাক্‌ আর যিদুক্কুন্‌ জাদরে লগেপ্রভু তারা মুজুঙেত্তুন্‌ ধাবেই দিয়্যে তারা ধোক্ক্যেন আদাউদো গুরিদাক্‌। ইয়েনিবাদে ইস্রায়েল রাজাগুনে যেদক্কানি সুদোম চালু গোজ্যন্‌ তারা সেধোক্ক্যেন গুরি চলিদাক্‌।

২ রাজাবলী 23:7

মরদ মন্দির-বেশ্যেগুনোর যে গুদিগুন্‌ লগেপ্রভুর ঘরত্‌ এলাক্‌ তে সিগুন্‌ ভাঙি দিলো। সিদু মিলেগুনে আশেরাত্তে কাবড় বুনিদাক্‌।

যিশাইয় 1:29

“অয়, তুমি যিদুক্কুন্ এলোন গাজরে পূজো গুরিদা সিয়েনত্তে তুমি লাজেবা, আর যিদুক্কুন্ বাগানত্ তুমি পূজো গুরিদা সিয়েনত্তে অসর্মান্ অবা।

যিশাইয় 57:5

তুমি দঅ এলোন গাজ্‌‌‌চুনো ভিদিরে, ডেলা নেইয়্যে পত্তি য়েল্ গাজ তলে কামনায় জুলি উদো; তুমি কলগে কলগে আর মুড়ো মুড়ির ফাদা জাগানিত্ তমা ঝি-পুয়োগুনোরে ডালি দুয়ো।

যিশাইয় 57:7

তুই অজল্ মুড়ো উগুরে তঅ বিচ্ছোনান্ গোজ্যস্, আর তঅ উৎসর্বর অনুষ্ঠানানত্তে তুই সিয়েনত্ উঠ্যচ্চোই।

যিরমিয় 2:20

ভালোক্ দিন আগে তুই তর্ জুঙোল্ ভাঙিনে বান্ন্যেগান ছিনি ফেল্যচ্; তুই কোইয়োচ্চ্যে, মুই তরে সেবা ন-গুরিম্। তুই পত্তি অজল্ মুড়োত্ আর ডেলা পাদায় ছিদি পোজ্যে পত্তি য়্যেল্ গাজর্ তলে বেশ্যে ধোক্ক্যেন ঘুম্ যেইয়োচ্।

যিরমিয় 3:13

তুই বানা তঅ দুষ্‌চানি মানি নেযা, তর্ গোজেন লগেপ্রভুর বিরুদ্ধে তুই উল্লোমী গোজ্যস্, ডেলাপাদা ছিদি পোজ্যে বেক্ য়েল্ গাজর্ তলে দেব-দেবেদাগুনোরে তর্ কোচ্‌‌‌পানাগান্ দান গোজ্যস্ আর মঅ কধার বাধ্য ন-অচ্।

যিরমিয় 3:6

রাজা যোশিয়োর রাজাগিরির সময়োত্ লগেপ্রভু মরে কোইয়্যেদে, “ভান্ন্যেই পধেদি যেইয়্যে ইস্রায়েলে যিয়েন গোজ্যে সিয়েন কি তুই দেখ্যচ্? তে বেক্ অজল্ মুড়োগুনো উগুরে আর ডেলাপাদা ছিদি যেইয়্যে য়েল্ গাজর্ তলে যেইনে বেশ্যেমি গোজ্য।

যিরমিয় 44:8

তুমি যিয়েনত্ বজত্তি গুরিবাত্তে এচ্চ্য সেই মিসর দেজর্ দেব-দেবেদাগুনোর মূত্তিগুনো মুজুঙোত্ আগর্‌বাট্টি জ্বালেইনে কিত্তে তুমি মর্ রাগ্‌কানরে জাগেইয়ো? তুমি দঅ নিজোরে ভস্ত গুরিবা আর পিত্‌‍‌‌থিমির বেক্ জাদর্ মানুচ্চুনে তমারে ঘিনেবাক্ আর তমা নাঙানিলোই অভিশাব্ দিবাক্।

যিহিষ্কেল 16:16

তর্ কনঅ কনঅ কাবড়্‌লোই তুই পূজোর্ অজল্ জাগায়ান সাজেইনে সিয়েনত্ তর্ বেশ্যের্ কাম চালেয়োচ্। সেবাবোত্যে কাম গরানা তর্ কনদিন্‌অ উজিত্ ন-এলঅ।

যিহিষ্কেল 16:25

দবদা পধত্ মূত্তির্ আসন বানেইনে তর্ দোলানরে তুই অগমান গোজ্যস্। যে কনজনে তঅ কায়-কুরেদি গেলে তারে তর্ কিয়্যেগান দান গুরিনে তুই তর্ ব্যভিচারর কামান বাড়েয়োচ্।

যিহিষ্কেল 6:13

ইস্রায়েলীয়গুনে তারার্ পূজোর্ চেরোকিত্তে মূত্তিগুনো ভিদিরে, বেক্ দাঙর্ দাঙর্ মুড়োগুন উগুরে, ডেলা ছিদি পোজ্যে পত্তি গাজর্ তলে আর পাদালোই ভরা পত্তি এলোন গাজর্ তলাত্, অত্তাৎ যেদক্কানি জাগাত্ তারার্ মূত্তিগুনোর নাঙে তারা তুম্বাজ্ আগর্‌বাট্টি উৎসর্ব গুরিদাক্ সেই বেক্ জাগানিত্ মুরিনে পড়ি থেবাক্। সেক্কে বাঁজি থেইয়্যে মানুচ্চুনে হবর্ পেবাক্ যে, মুয়ই লগেপ্রভু।

হোশেয় 10:8

বৈৎ-আবনর পূজোর্ অজল্ জাগায়ানি, অত্তাৎ ইস্রায়েলর পাপর জাগায়ানি ভস্ত অবঅ। কাদাগাজ্ গোজেই উদিনে তারার্ পূজোগুন ঢাগি ফেলেব। সেক্কে তারা দাঙর্ দাঙর্ পাত্তরুনোরে কবাক্, “আমারে ঢাগি ফেলঅ” আর চিগোন্ চিগোন্ মুড়োগুনোরে কবাক্, “আমা উগুরে পড়অ।”

হোশেয় 11:2

মাত্তর্ মুই ইস্রায়েলরে যেদক্ ডাগিলুং সেদক্ তে মত্তুন্ দূরোত্ সুরি গেলঅ। তা মানুচ্চুনে বাল দেবেদা ইধু য়েমান-উৎসর্ব গরা ধুরিলাক্ আর মূত্তিগুনো ইধু আগর্‌বাট্টি জ্বালা ধুরিলাক্।

হোশেয় 2:13

যেদক্ দিন সং তে বাল দেবেদাগুনোর্ নাঙে আগর্‌বাট্টি জ্বালেয়্যে আর আন্দিক্ আর গহনা-গাটি দিইনে নিজোরে সাজেইনে তা লাঙুনে ইন্দি যেইনে মরে ভুলি যেয়্যেগোই সেদক্ দিনোত্তে মুই তারে সাজা দিম। মুই লগেপ্রভু এ কধাগান কঙর্।

আমোষ 7:17

সেনত্তে লগেপ্রভু কত্তে, ‘তঅ মোক্কো শঅর ভিদিরে বেশ্যে অবঅ, আর তঅ পুয়ো-ঝিগুনে যুদ্ধোত্ মুরি যেবাক্। তঅ ভূইয়ানি মাবি মাবি অন্যরে ভাগ্ গুরি দিয়্যে অবঅ আর তুই নিজে এক্কান অসিজি দেজত্ মুরি যেবে। ইস্রায়েল মানুচ্চুন হামাক্কায় তারা দেজত্তুন্ বন্দী ওইনে অন্য দেজত্ যাহ্ পুরিবো।’ ”