হোশেয় 4:12 - Chakma Bible

¹² তারা গাজ মূত্তিগুনো ইধু সল্লা চান্ আর গাজ লুদিক্কুনে তারারে উগুম দে, কিয়া বেভিচার মনানে তারারে ভান্ন্যেই পধেদি নেযেয়্যে; তারা তারার্ গোজেন ইধু অবিশ্বেজি ওইয়োন্।

হোশেয় 4:12 Iomraidhean Croise

২ রাজাবলী 17:7

ইয়েনি বেক্কানি ঘোট্যে, কিত্তে যিবে মিসরত্তুন্‌, মিসর রাজা ফরৌণর অধীনত্তুন্‌ তারারে নিগিলেই আন্যে ইস্রায়েলীয়গুনে তারার্‌ সেই গোজেন লগেপ্রভুর বিরুদ্ধে পাপ গোজ্যন্‌। তারা দেব-দেবেদার পূজো গুরিদাক্‌ আর যিদুক্কুন্‌ জাদরে লগেপ্রভু তারা মুজুঙেত্তুন্‌ ধাবেই দিয়্যে তারা ধোক্ক্যেন আদাউদো গুরিদাক্‌। ইয়েনিবাদে ইস্রায়েল রাজাগুনে যেদক্কানি সুদোম চালু গোজ্যন্‌ তারা সেধোক্ক্যেন গুরি চলিদাক্‌।

গীতসংহিতা 106:39

ইয়েনি গুরিনে তারা নিজোরে ফি বলা বানেলাক্; তারার্ কামানিলোই তারা লগেপ্রভু ইদু অবিশ্বেজি অলাক্।

গীতসংহিতা 73:27

যিগুনে তত্তুন্ দূরোত্ সুরি যেইয়োন, তারা শেজ্ ওই যেবাক্; যিগুনে তঅ উগুরে অবিশ্বেজি তুই তারারে ভস্ত গুরি ফেলেবে।

যিরমিয় 10:8

তারা বেক্কুনে জ্ঞাননেইয়্যে আর ভুল্। তারার মূত্তিগুন দঅ তক্তালোই বানেয়্যে, সিগুনে কেধোক্ক্যেন গুরি শিক্ষ্যে দিবাক্?

যিরমিয় 2:27

তারা তক্তারে কন্, ‘তুই মর্ বাপ্,’ আর পাত্তর্‌বোরে কন্, ‘তুই মর্ মা।’ তারা মঅ মোক্ক্যে ন-ফিরোন, তারা পিঠ্‌‍‍ দুয়োন; তো দযা এলে তারা কন্দে, ‘তুই আয়, আমারে উদ্ধোর গর্।’ ‌

যিরমিয় 23:13

শমরিয়ার ভাববাদীগুনো ভিদিরে মুই এ জঘন্য বেপারান দেখ্যং, তারা বাল দেবেদার নাঙে ভাববাদী ইজেবে কধা কোইনে মর্ মানুচ্ ইস্রায়েলীয়গুনোরে ভান্ন্যেই পধেদি নেযেয়োন।

যিহিষ্কেল 20:32

তুমি কোই থাগঅ, তুমি জগদর্ অন্য জাদর্ মানুচ্চুনো ধোক্ক্যেন অবাত্তে চঅ যিগুনে গাজ্ আর পাত্তর পূজো গরন্। মাত্তর্ তমা মনত্ যিয়েনি আঘে সিয়েনি কনদিন্‌অ ন-অবঅ।

যিহিষ্কেল 21:21

কিত্যে বাবিল রাজা গোণেবাত্তে-পড়িবাত্তে সিদু থামেব যিয়েনত্ পথ্‌তান ভাগ ওই যেইয়্যে, অত্তাৎ দ্বিয়েন পথ যিয়েনত্ এগত্তর্ ওইয়্যে। তে সেল্ মারিবো, তা দেবেদাগুনো সমারে সল্লা গুরিবো আর কনঅ য়েমান কলিজেলোই পোরোক্ষ্যে গুরি চেবঅ।

হোশেয় 14:3

আসিরিয়া আমারে উদ্ধোর্ গুরি ন-পারিবো; আমি যুদ্ধো ঘোড়া উগুরে নির্ভর ন-গুরিবোং। আমা নিজো আঢে বানেয়্যে মূত্তিগুনোরে আমি আর কনদিন্‌অ ন-কবং, ‘আমা দেব-দেবদা,’ কিয়া তইদু মা-বাব্ নেইয়্যেগুনে দোয়্যে পান্।”

হোশেয় 5:4

তারার্ কামানিয়ে তারারে গোজেন ইন্দি ফিরি যেবাত্তে ন-দে। তারা ভিদিরে আঘে বেভিচেরর্ মন। তারা লগেপ্রভুরে সত্য গুরি হবর্ ন-পান।

হোশেয় 6:10

ইস্রায়েল ভিদিরে মুই এক্কান জঘন্য বেপার দেখ্যং। সিয়েনত্ ইফ্রয়িমে বেভিচের্ গোজ্যে আর ইস্রায়েল অসিজি ওই যেইয়্যে।

হোশেয় 9:1

ও ইস্রায়েল, অন্য জাদ্‌‌‌তুনো ধোক্ক্যেন তুই হুজির্ উৎসব ন-গুরিচ্। তুই দঅ তর্ গোজেনরে ছাড়িনে তা উগুরে অবিশ্বেজি ওইয়োচ্; পত্তি খামারত্ তুই বেশ্যের্ পাওনা পেইনে হুজি ওইয়োচ্।

লেবীয় 17:7

লগেপ্রভু উগুরে অবিশ্বেজি ওইনে ছাগল-দেবেদাগুনোর্‌ নাঙে য়েমান্‌ উৎসর্ব গুরিনে তারাত্তুন আর নিজোরে বিজি দেনা ন-চলিবো। ইয়েন্‌ এক্কান্‌ থিদেবর্ গোজ্যে সুদোম ইজেবে বংশর্‌ পর বংশ ধুরিনে তারাত্তুন্‌ পালা পুরিবো।

লেবীয় 20:5

মাত্তর্‌ সেই উৎসর্ব গুরিয়েবো আর তার্‌ পরিবারত্তুন্‌ মুই নিজেই মুয়োন ফিরেই নিম। তারে আর তা সমারে যিগুনে মঅ উগুরে অবিশ্বেজী ওইনে মোলক দেবেদা ইদু নিজোরে গোজেই দুয়োন তারারে মুই ইস্রায়েল জাদত্তুন্‌ তুলি ফেলেম।

মীখা 2:11

যুনি কনঅ মিজে কধা কোইয়্যে আর ঠোগেয়্যে এইনে কয়, ‘মুই কঙর্, তমার্ বোউত্ মদ আর আংগুর-রস অবঅ,’ মাত্তর্ তেয়ই অবঅ এ জাদ্‌তোত্তে যগাজ্যে ভাববাদী‌‌‌!”

হবক্‌‌‌‌কূক 2:19

“জাদ্‌তুনে কবাক্‌‌, ‘অভিশাব্ দিই তারে, যে তক্তাগানরে জেদা অবাত্তে কয় বা পরাণ নেইয়্যে শিল্লোরে জাগি উদিবাত্তে কয়।’ সিগুনে কি তারে শিক্ষ্যে দি পারন? সিগুন্ দঅ সনা আর রূবো দিইনে বেড়েয়্যে; সিগুনো ভিদিরে নিজেস্ নেই।

গণাণা 15:39

সেই ঝালোয়ারানি বাঁনিবা যেনে সিয়েনন্দি চোগ্‌ পুরিলে মর্‌ বেক্‌ উগুমোর্‌ কধানি তমাত্তুন্‌ মনত্‌ পড়ে আর তুমি সিয়েন্‌ মানি চলঅ। সালে তুমি মঅ উগুরে বিশ্বেজ্ ন-রাগেইনে তমার্‌ মনর্ আর চোগোর্‌ কামনা ইদু নিজোরে তুলি ন-দিবা।

দ্বি’লম্বর বিররণ 31:16

লগেপ্রভু মোশিরে কলঅ, তুই তর্‌ পুরোণি মানুচ্চুনো ইদু জিরেবাত্তে যর্‌, মাত্তর্‌ এই মানুচ্চুনে যে দেজত্‌ চোমেবাত্তে যাদন্‌ সিয়েনত্ খুব যাদিমাদি তারা মঅ উগুরে অবিশ্বেজ্ গুরিনে সিদুগোর্ দেবেদা পূজোত্‌ নিজোরে মিজেবাক্‌। তারা মরে ছাড়ি দিবাক আর মুই তারাত্যে যে সুদোমান থিদেবর্ গোজ্যং তারা সিয়েনরে ভাঙিবাক্‌।

বিচের গুরিয়্যেগুন 18:5

তারা তারে কলাক্‌, “দোয়্যে গুরিনে তুই গোজেনত্তুন্ জানি লঅ আমার যানা গম্‌ অবঅ না-কি।”