হোশেয় 4:11 - Chakma Bible

¹¹ বেভিচের্ আর নূয়ো, পুরোণ আংগুর-রসে মঅ মানুচ্চুনোর বুদ্ধিগানি বর্‌বাত গোজ্যন্।‌

হোশেয় 4:11 Iomraidhean Croise

গম্ উপদেজ্ 20:1

যে মানুচ্চো আংগুর-রস হেইনে মাত্তল্ অয় তে ঠাট্টা-মশ্‌কারি গরে, আর যিবে মদ হায় তে অমকদ কোল্-কোজ্যে গরে; ইয়েনি হেইনে যে মাত্তল্ অয় তে জ্ঞানি নয়।

গম্ উপদেজ্ 31:4

ও লমূয়েল, রাজাগুনোর তপ্পে, অয়, রাজাগুনোর তপ্পে আংগুর-রস হানা যগাজ্যে নয়; মদ্ হেবাত্তে চানা শাজন্‌গুরিয়্যেগুনোর তপ্পে যগাজ্যে নয়।

গম্ উপদেজ্ 6:32

যে সিনেলী গরে তার বুদ্ধির অভাব আঘে; তে সিয়েনি গুরিনে নিজোরে ভস্ত গরে।

উপদেশক 7:7

জ্ঞানি মান্‌জ্যে যুনি জুলুম্ গরে সালে তে ভুল্ ওই যায়, আর ঘুষ্‌চানে রিবেঙানরে বর্‌বাত্ গরে।

যিশাইয় 28:7

মাত্তর্ ইফ্রয়িমর ধর্মগুরু আর ভাববাদীগুনে ইক্কিনে আংগুর-রস হেইনে মাত্তলে ধুরি পাগলামি গরন্ আর মদ হেইনে গোজ্যেই যান্; তারা টলদে টলদে দর্শন পান আর সে অবস্থায় রায় দুয়োন্।

যিশাইয় 5:12

তারার হানা অক্তত্ থেবদে সুরবাহার আর বীণা, আহ্ থেবদে ঝোন্‌ঝোনি, বাশি আর আংগুর-রস; মাত্তর্ লগেপ্রভুর কাম উগুরে তারার্ কনঅ মনযোগ নেই, তা আঢ কাম উগুরে কনঅ খিয়েল্ নেই।

যিরমিয় 23:13

শমরিয়ার ভাববাদীগুনো ভিদিরে মুই এ জঘন্য বেপারান দেখ্যং, তারা বাল দেবেদার নাঙে ভাববাদী ইজেবে কধা কোইনে মর্ মানুচ্ ইস্রায়েলীয়গুনোরে ভান্ন্যেই পধেদি নেযেয়োন।

হোশেয় 4:12

তারা গাজ মূত্তিগুনো ইধু সল্লা চান্ আর গাজ লুদিক্কুনে তারারে উগুম দে, কিয়া বেভিচার মনানে তারারে ভান্ন্যেই পধেদি নেযেয়্যে; তারা তারার্ গোজেন ইধু অবিশ্বেজি ওইয়োন্।

হোশেয় 5:4

তারার্ কামানিয়ে তারারে গোজেন ইন্দি ফিরি যেবাত্তে ন-দে। তারা ভিদিরে আঘে বেভিচেরর্ মন। তারা লগেপ্রভুরে সত্য গুরি হবর্ ন-পান।

হোশেয় 7:11

ইফ্রয়িমে যেন এক্কো অঘা কোদোর্; তে এক্কুবারে বুদ্ধি নেইয়্যে। একবার তে মিসররে ডাগে আর একবার যায় আসিরিয়া ইধু।

লেবীয় 10:9

তুই আর তর্‌ পুয়োগুনে আংগুর্‌-রস বা মদ হেইনে মিলন-তাম্বুলোত্‌ ন-চোমেবা, চোমেলে তুমি মুরি যেবা। বংশর্‌ পর্‌ বংশ ধুরিনে ইয়েন্‌ অবঅ তমার্‌ এক্কান্‌ উমরর্ সুদোম।

লূকে লেখ্যে গম্ হবর্ 21:34

“তুমি উজিয়ার্ থেয়ো যেন তমা মনানি ওলোমোত্ত্য, মাত্তলে ধুরিনে আর সংসারর্ চিদেলোই লুঙি ন-পড়। সিয়েন ন-অলে ফাল্ যেবাবোত্যেগুরি অদাদত্ বানা যায় সেবাবোত্যেগুরি অদাদত্ সে দিন্নো তমা উগুরে, এমন কি, পিত্‌থিমীর বেক্ মানুচ্চুনো উগুরে এইনে পুড়িবো।

১ শমূয়েল 25:36

অবীগলে যেক্কে নাবল ইদু ফিরি গেলঅ সেক্কে রাজঘরত্‌ যেবাবোত্যে চলিদো সেবাবোত্যে এক্কো হানা তা ঘরত্‌ চলের্‌। নাবলে মদ হেইনে হুজি ওই উদিলো আর পরেন্দি অমকদ মাত্তল্‌ ওই পড়িলো। সেনত্যে অবীগলে বেন্যেমাদান্ ন-অনা সং তারে কিচ্ছু ন-কলঅ।