হোশেয় 2:9 - Chakma Bible

⁹ সেনত্তে মর্ শোজ্য পাগিলে আর নূয়ো আংগুর-রস বানেলে মুই সিয়েন নেযেম। তার্ লাংটাগান ঢাগিবাত্তে মর্ সেই উলো কাবড়ান আর নাইলন্ কাবড়ান্ মুই ফিরেই নেযেম।

হোশেয় 2:9 Iomraidhean Croise

যিহিষ্কেল 16:27

সেনত্তে মুই তঅ বিরুদ্ধে মঅ আঢ্‌তানি বাবেইনে তঅ সোম্বোত্তিগানি কোমেই দুয়োং। তঅ শত্রুগুনোর, অত্তাৎ পলেষ্টীয়গুনোর মিলেগুন, যিগুনে তর্ জঘন্য খাচ্চ্যদত্তে লাজ্ পেইয়োন মুই তারা আঢত্ তরে তুলি দুয়োং।

যিহিষ্কেল 16:39

সে পরেদি মুই তরে তর্ লাঙুনো আঢত্ তুলি দিম; তারা তর্ মূত্তির আসনানি ভস্ত গুরি দিবাক্। তারা তর্ কাবড়-চুগোড়ানি খুলি ফেলেবাক্ আর তর্ দোল্ গয়নানি নেযেবাক্ আর তরে এক্কুবারে লাংটা-বাংটা গুরি থোই যেবাক্।

যিহিষ্কেল 23:26

তারা তর্ কাবড়-চুগোরানি খুলি ফেলেবাক্ আর তর্ দোল্ গহনানি নেযেবাক্।

দানিয়েল 11:13

পরেদি উত্তর রাজা পত্তম্ সৈন্যদলত্তুন্ আরঅ দাঙর্ একদল সৈন্য তুবেব; কয়েক বজর্ পরেদি তে এক্কো বিরেট্ সৈন্যদল আর বোউত্ পযাপিরা নিইনে উজেই যেবঅ।

হোশেয় 2:3

আঃ ন-অলে মুই তারে লাংটা-বাংটা গুরি দিম আর তে তার্ জর্ম দিনোত্ যেবাবোত্যে লাংটা-বাংটা এলঅ সেবাবোত্যে গুরিম। মুই তারে ধূল্যেচর-চাগালা ধোক্ক্যেন গুরিম, উগুজ্যে ভূইয়ো ধোক্ক্যেন গুরি দিম আর পানি তিরেজে তারে মারে ফেলেম।

হোশেয় 8:7

তারা দঅ বোইয়্যেরানরে কুজোন্ আর শেজদি তুট্ট্যে বোইয়্যের্ কাবন্। শোজ্য শীজোত্ কনঅ বিজি নেই; সিয়েনত্তুন মোয়দ্যে ন-অবঅ। যুনি সিগুনোত্ কিজু অয়ও সালে সিগুন বিদেশীগুনে গিলি ফেলেবাক্।

হোশেয় 9:2

ইয়েনর্ পরেদি খামার আর আংগুর মাড়েদে জাগানিয়ে মানুচ্চুনোরে হানা ন-দিবাক্; তারা নূয়ো আংগুর-রস ন-পেবাক্।

যোয়েল 2:14

কন্না হবর্ পায়, অয়ত তে আরঅ মনান্ বুদুলিবো আর বর্ দি যেবঅ, যেনে তুমি তমার্ গোজেন লগেপ্রভুর নাঙে শোজ্য আর পানীয়-উৎসর্বর্ অনুষ্ঠান গুরি পার।

সফনিয় 1:13

তারার্ ধন-সোম্বোত্তিগানি লুদো অবঅ আর তারার্ ঘরানি ভস্ত অবঅ। তারা ঘর বানেবাক্ মাত্তর্ সিয়েনিত্ বজত্তি গুরি ন-পারিবাক্; তারা আংগুর খেত্ গুরিবাক্ মাত্তর্ আংগুর-রস হেই ন-পারিবাক্।”

মালাখি 1:4

ইদোমে অয়ত কবঅ, “আমারে কট্টা কট্টা গরা অলেয়ো আমি ভস্ত ওইয়্যে জাগায়ানি আরঅ তুলিবোং।” মাত্তর্ বেগত্তুন্ খেমতাবলা লগেপ্রভু কত্তে, “তারা তুলি পারন্ মাত্তর্ মুই ভাঙি ফেলেম। তারারে কুয়ো অবঅ, ‘পাজি দেশ’ আর ‘যে জাদ্‌তো নিত্য লগেপ্রভুর রাগর্ তলে রোইয়্যে ।’

মালাখি 3:18

সেক্কে তুমি গম্ আর ভান্ন্যেয় ভিদিরে, অত্তাৎ যে মরে সেবা গরে আর যে ন-গরে তারা ভিদিরে মুই কিবাবোত্যেগুরি ফারগ্ গরং সিয়েন দেগিবা।”