হোশেয় 2:21 - Chakma Bible

²¹ “মুই লগেপ্রভু কঙর্, সেদিন্যে মুই তমারে সাড়া দিম। মুই আগাজ্‌‌‌‌‌চানরে উগুম দিম; আগাজ্‌‌‌‌‌চানে পিত্‌‌‌‌‌থিমীগানরে ঝড় দিবো;

হোশেয় 2:21 Iomraidhean Croise

যিশাইয় 55:10

ঝড় আর তুষারানি আগাজত্তুন্ লামি এজে আর পিত্‌থিমীগানরে পানি দান ন-গুরিনে সিদু ফিরি ন-যায়, বরং সিয়েনত্ ফুল আর গুলোগুলি ধরায় আর যে বীজ্ ফেলায় তাত্তে শোজ্য আর যে হায় তাত্তে হানা দান গরে।‍‌‌‍‍‍‍‍‍

যিশাইয় 62:4

তারা আর্ তরে “ফেলেই যেইয়্যে” ন-কবাক্ বা তঅ দেজ নাঙান “মানুচ্ নেইয়্যে” ন-কবাক্, বরং তরে “মর্ কোচ্‌পেইয়্যে মিলেবো” কুয়ো অবঅ আর তঅ দেজ্‌চানরে “গাবুজ্যে নয়” বিলিনে কুয়ো অবঅ, কিত্তে লগেপ্রভু তরে নিইনে হুজি অবঅ আর তঅ দেজ্‌‌‌চানর মেলা অবঅ।‍‍

যিশাইয় 62:5

এক্কো গাবুজ্যে পুয়ো যেবাবোত্যে গুরি এক্কো গাবুজ্যে মিলেরে লয় সেবাবোত্যেগুরি তঅ মানুচ্চুনে তরে লবাক্; জামেইবো যেবাবোত্যেগুরি বৌবোরে নিইনে ফুত্তি গরে সেবাবোত্যেগুরি তঅ গোজেনেয়ো তরে নিইনে ফুত্তি গুরিবো।

যিশাইয় 65:24

তারা ডাগিবার আগেদি মুই সারা দিম্, তারা কধা কদে ন-কদে মুই শুনিম।

যিহিষ্কেল 36:29

তমার্ বেক অসিজিগানত্তুন্ মুই তমারে রোক্ষ্যে গুরিম। মুই তমারে বোউত্ খেত্-খেত্তি দিম আর তমা দেজত্ মুই আর ভাদরাত্ ন-পাদেম।

হোশেয় 14:7

যিগুনে তার্ ছাবাত্ বজত্তি গুরিবাক তারা বোউত্ খেত্-খেত্তি ফোলেবাক্। তারা আংগুর-লুদি ধোক্ক্যেন ফুলে-ফলে ভুরি যেবাক্ আর লেবানন আংগুর-রস ধোক্ক্যেন তারার্ সুনাঙ্ অবঅ।

যোয়েল 2:19

লগেপ্রভু তারার্ কধানির জোব্ দিইনে কবঅ, মুই তমা ইধু শোজ্য, নূয়ো আংগুর-রস আর তেল পাদাঙর্, সেক্কে তুমি ভর্‌‌‌‌পুনোং গুরিনে হুজি অবা; অন্য জাদ ইধু আর কনদিন্‌অ মুই তমারে ঈচ্ গরেপারা ন-গুরিম।

সখরিয় 13:9

এই তিন লম্বর্ ভাগ্‌‌‌‌‌‌কো মুই আগুনো ভিদিরেদি নেযেম; রূবো খাটি গরেদে ধোক্ক্যেন্ গুরি মুই তারারে খাটি গুরিম আর সনা যাচাই গরেদে ধোক্ক্যেন্ তারারে যাচাই গুরিম। তারা মরে ডাগিবাক্ আর মুই তারারে জোব্ দিম; মুই কোম্, ‘ইগুনে মঅ মানুচ্,’ আর তারা কবাক্, ‘লগেপ্রভুই আমা গোজেন।’ ”

সখরিয় 8:12

ইক্কিনে বীজিত্তুন্ গাজ্ গমেডালে বাড়ি উদিবো, আংগুরো লুদিত্ ফল ধুরিবাক্, মাদিত্ খেত্-খেত্তি জোর্মেবাক্ আর আগাজত্তুন্ শিরোপানি পুরিবো। এই জাদর্ বাঁজি থেইয়্যে মানুচ্চুনে মর্ দিয়্যে অধিকার ইজেবে ইয়েনি বেক্কানি পেবাক্।

সখরিয় 8:8

যিরূশালেমত্ বজত্তি গুরিবাত্তে মুই তারারে ফিরেই আনিম। তারা মঅ মানুচ্ অবাক্ আর মুই তারার্ গোজেন ওম্; মুই তারা উগুরে বিশ্বেজি আর ন্যায়বান থেইম্।

মালাখি 3:10

তুমি তমার্ বেক দশমাংশগুন্ ভান্ডাল-ঘরত্ আনিবা যেনে মঅ ঘরত্ হানা থায়। এ পৌইদ্যেনে তুমি মরে পোরোক্ষ্যে গুরি চঅ, মুই বেগত্তুন্ খেমতাবলা লগেপ্রভু আগাজর্ বেক দোরানি খুলিনে তমার্ দরকারত্তুন্অ বেশ্ আশিদ্‌বাদ ঢালি দৈং কি ন-দৈং।‌‌‌

মালাখি 3:11

মুই গজক্ গুরিয়্যে পুগ্‌-যুগরে মানা গুরিম যেনে তারা তমা খেত্-খেত্তিগানি হেই ন-ফেলান; ইয়েন বাদেয়ো তমা খেদত্ আংগুর লুদির্ ফলুন্ ঝুরি ন-পুড়িবাক্।

মথি লেখ্যে গম্ হবর্ 6:33

মাত্তর্ তুমি পত্তমে গোজেন রেজ্য পৌইদ্যেনে আর তা আওজ্ মজিম চলিবাত্তে মনান্ দুয়ো। সালে সেই বেক্ জিনিস্‌চানিয়ো তুমি পেবা। কেল্যেত্যে চিদে ন-গোজ্য;

রোমীয় 8:32

গোজেনে নিজোর্ পুয়োবোরেয়ো রেহাই ন-দিলো বরং আমা বেক্কুনোত্ত্যে তারে মরণর্ আঢত্ তুলি দিলো। সালে তে কি পুয়োবো সমারে আর বেক্কানিয়ো আমারে দান ন-গুরিবো?