হোশেয় 2:2 - Chakma Bible

² তমা মাবোরে গেইল্ দুয়ো, গেইল্ দুয়ো তারে, কিত্যে তে মর্ মোগ্ নয় আর মুইয়ো তার নেক্ নয়। তে তার্ চোগো টার্ মারানাত্তুন্ বেশ্যেগিরি আর তা বুগোত্তুন্ বেভিচের্ দূর গোরোক্।

হোশেয় 2:2 Iomraidhean Croise

যিশাইয় 11:12

তে জাদ্‌তুনোত্তে এক্কান বাবতা তুলিবো আর বিদেশত্ বানি থোইয়্যে ইস্রায়েলীয়গুনোরে এগত্তর্ গুরিবো; যিহূদার্ ছিদি পড়ি থেইয়্যে মানুচ্চুনোরে তে পিত্‌থিমীর চেরো কিত্তেত্তুন্ এগত্তর্ গুরিবো।‌‌

যিশাইয় 50:1

লগেপ্রভু কত্তে, “মুই যে ছুড়্ কাবোজ্‌চান দিইনে তমা মাবোরে দূর্ গুরি দুয়োং সিয়েন কুদু? মর্ লোনদিয়্যেগুনোর ভিদিরেত্তুন্ কাইদু মুই তমারে বিজি দুয়োং? তমা পাপত্তে তুমি বেজা যেইয়ো; তমা অন্যেয়ত্তে তমা মাবোরে দূর্ গরা ওইয়্যে।

যিশাইয় 58:1

লগেপ্রভু কত্তে, দাঙর্ দাঙর্ গুরি রঅ ছাড়অ, বেক্ বলান্দোই রঅ ছাড়অ; শিংগা রঅ ধোক্ক্যেন দাঙর্ দাঙর্ গুরি রঅ ছাড়অ। মঅ মানুচ্চুনো ইদু তারার্ অন্যেয়র্ কধানি আর যাকোবর্ বংশগুনো ইদু তারার্ পাপ কধানি জানঅ।

যিরমিয় 19:3

সে কধাগান অলঅ, ও যিহূদার রাজাগুন আর যিরূশালেমর মানুচ্চুন, মুই ইস্রায়েলর গোজেন বেগত্তুন্ খেমতাবলা লগেপ্রভু যে কধাগান কঙর্ সিয়েন শুনো। মুই এ জাগায়ান উগুরে এমন দজা আনিম, যিগুনে সিয়েনি শুনিবাক্ তারার পত্তিজনর কান আমক্ ওই উদিবো।

যিরমিয় 3:1

লগেপ্রভু কোইয়্যেদে, যুনি কনঅ মান্‌জ্যে তা মোক্কোরে ছাড়ি দে আর সে মিলেবো তারে ছাড়িনে অন্য মান্‌জ্যরে লয়, সালে সে মরত্তোর্ কি আরঅ সেই মিলেবো ইধু ফিরি যেবার সুদোম্ আঘে? যুনি যায় সালে সে দেজ্‌চান পুরোপুরি অসিজি ওই যেবঅ। মাত্তর্ তুই দঅ ভালোক্কুনো সমারে থেইনে বেশ্যে ধোক্ক্যেন জিংকানি কাদেয়োচ্; ইক্কিনে তুই কেধোক্ক্যেন গুরিনে মইধু ফিরি এবে?‌‌‌‌‌

যিরমিয় 3:13

তুই বানা তঅ দুষ্‌চানি মানি নেযা, তর্ গোজেন লগেপ্রভুর বিরুদ্ধে তুই উল্লোমী গোজ্যস্, ডেলাপাদা ছিদি পোজ্যে বেক্ য়েল্ গাজর্ তলে দেব-দেবেদাগুনোরে তর্ কোচ্‌‌‌পানাগান্ দান গোজ্যস্ আর মঅ কধার বাধ্য ন-অচ্।

যিরমিয় 3:18

সে অক্তত্ যিহূদার মানুচ্চুনে ইস্রায়েল মানুচ্চুনো সমারে মিলিবাক্ আর মুই যে দেজ্‌‌‌চান অধিকার ইজেবে তমা পুরোণি মানুচ্চুনোরে দুয়োং সেই দেজত্ তারা এক সমারে উত্তোরেদি দেজত্তুন্ ফিরি এবাক্।‌‌‌

যিহিষ্কেল 16:20

তর্ যিদুক্কুন ঝি-পুয়ো তুই মত্তে পেদত্ ধোজ্যস্ তারারে নিইনে তুই হানা ইজেবে মূত্তিগুনো নাঙে উৎসর্ব গোজ্যস্। তর্ সিনেলীর্ কামানি বোউত্ এলঅ।

যিহিষ্কেল 16:25

দবদা পধত্ মূত্তির্ আসন বানেইনে তর্ দোলানরে তুই অগমান গোজ্যস্। যে কনজনে তঅ কায়-কুরেদি গেলে তারে তর্ কিয়্যেগান দান গুরিনে তুই তর্ ব্যভিচারর কামান বাড়েয়োচ্।

যিহিষ্কেল 20:4

ও মান্‌জ্যর পুয়োবো, তুই কি তারারে বিচের্ গুরিবে? সালে তারার্ পুরোণি মানুচ্চুনোর জঘন্য আচার-বেবহারর কধানি তারারে জানা।

যিহিষ্কেল 23:43

সেক্কে বেভিচের্ গুরিনে বল্‌‌‌‌পোজ্যে মিলেগুনো পৌইদ্যেনে মুই কলুং, ইক্কিনে সেই মানুচ্চুনে বেশ্যে ইজেবে তারে বেবহার গোরোদোক্ আর তেয়ো তারা লগে বেভিচের্ গোরোক্।

যিহিষ্কেল 23:45

মাত্তর্ গম্ মানুচ্চুনে বেভিচের্ আর লো ঝরানার সাজা সেই মিলেগুনোরে দিবাক্, কিত্তে তারা বেভিচারিনী আর তারা আঢত্ রোইয়্যেদে লো।

হোশেয় 1:2

হোশেয়র্ মাধ্যমে পত্তমবার্ কধা কবার সময়োত্ লগেপ্রভু তারে কলঅ, “তুই যেইনে এক্কো বেশ্যে মিলেরে লঅ। তার বেশ্যেমি গরানার পুয়ো-ছাগুনোরেয়ো মানি লবে, কিত্যে এ দেজ্‌‌চান লগেপ্রভুত্তুন্ সুরি যেইনে বেগত্তুন্ জঘন্য বেশ্যের্ দুষে দুষী ওইয়্যে।”

হোশেয় 2:1

তমা ভেইয়ুনোরে তুমি কবা অম্মি (যিয়েনর্ ভেদ্‌তান্ মঅ মানুচ্) আর বোনুনোরে কবা রুহামা (যিয়েনর্ ভেদ্‌‌তান্ দোয়্যের মানুচ্)।

হোশেয় 2:5

তারার্ মাবো বেভিচের্ গোজ্যে; যে তারারে পেদত্ ধোজ্যে তে লাজ্ গরেপারা কাম্ গোজ্যে। তে কদঅ, মুই মঅ লাঙেগুনো পিজেদি যেইম্; তারা মরে হানা, পানি, পশম, মসীনা, তেল আর পানীয় দি থান্।

হোশেয় 4:5

ধর্মগুরুগুন, তুমি দিনোত্ আর রেদোত্ উজোত্ খর্ আর তমা লগে উজোত্ খাদন্ ভাববাদীগুনে। সেনত্তেই মুই তমা মাবো ইস্রায়েলরে ভস্ত গুরি দিম।

মীখা 2:13

বন্দীদজাত্তুন্ ফিরি এবাত্তে যিবে পথ খুলি দিবো তে তারার্ আগে আগে যেবঅ; তারা গেইট্ ভাঙিনে নিগিলি এবাক্। লগেপ্রভু, যিবে তারার্ রাজা, তে তারার্ আগে আগে যেবঅ।

২ করিন্হীয় 5:16

সেনত্যে ইক্কেত্তুন্ ধুরি মান্‌জ্যরে আমি আর্ তার বারেদি অবস্থাগান্ দেগিনে বিচের্ ন-গুরিই। খালিক্ খ্রীষ্টরে আমি আগেদি সেবাবোত্যেগুরি বিচের্ গোজ্জ্যেই, মাত্তর্ ইক্কিনে আর সিয়েন ন-গুরিই।