হোশেয় 2:19 - Chakma Bible

¹⁹ ও ইস্রায়েল, মুই তঅ লগে মিজেবাত্তে উমরত্তে থিদেবর্ গুরিম; সততা, ন্যায়বিচের, অমকদ কোচ্‌পানা আর দোয়্যেগান মুই সে মিজেনাগান পাক্কা গুরিম।‌‌‌

হোশেয় 2:19 Iomraidhean Croise

গীতসংহিতা 85:10

অমকদ কোচ্‌পানা আর বিশ্বেজর এগত্তর্ ঘুদিবো; ন্যায় আর ভালেদিগানে এক্কান আরেক্কানরে চুমিবো।

যিশাইয় 1:27

গোজেনে তার দোল্ বিচের্‌‌লোই সিয়োনানরে উদ্ধোর্ গুরিবো, আর যিগুনে পাপত্তুন্ মনান্ ফিরেবাক্ তারারে উদ্ধোর্ গুরিবো তা গমান্দোই।

যিশাইয় 54:14

তুই ন্যায্যগান্দোই থিদেবর্ অবে। তত্তুন্ অত্যেচারান দূরোত্ থেবঅ; তর্ দোরেবার কিচ্চু ন-থেবঅ। অমকদ দর্‌‍‌‌বুক্কান দূরোত্ সুরি যেবঅ, সিয়েন তইদু ন-এবঅ।

যিশাইয় 54:5

তর্ গোজেনে তর্ নেক্, তা নাঙান্ বেগত্তুন্ খেমতাবলা লগেপ্রভু; ইস্রায়েলর সেই সুদ্ধো-সাংগ মানুচ্চো তর্ উদ্ধোরগুরিয়্যে। তারে বেক্ পিত্‌থিমীগানর গোজেন কুয়ো অয়।

যিশাইয় 54:6

তুই ছুড়্ কাবোজ্ দিয়্যে আর মনত্ দুঘ্ পেইয়্যে মোগো ধোক্ক্যেন ওইয়োচ্, গাবুজ্যে জিংকানিত্ দূর গুরি দিয়্যে মোগো ধোক্ক্যেন ওইয়োচ্; মাত্তর্ লগেপ্রভু আরঅ তরে ডাক্ক্যে। মুই তর্ গোজেন এ কধাগান কঙর্।

যিরমিয় 4:2

যুনি তুই সত্যলোই, ন্যায়লোই আর সততালোই ‘জেদা লগেপ্রভুর নাঙে’ শমক্ খাচ্, সালে মুই অন্য জাদ্‌তুনোরে বর্ দিম্ আর তারা মরে নিইনে বাঈনী গুরিবাক্।”‌‍‌

যিহিষ্কেল 16:8

পরেদি মুই তঅ কায়-কুরেদি যেবার অক্তত্ তন্দি রিনি চেইনে দেগিলুং, তর্ ইক্কিনে প্রেম গুরিবার সময় ওইয়্যে; সেনত্তে মঅ পোজাগর্ কিজু ভাগ্ মুই তঅ উগুরে বিজেই দিইনে তর্ লাংটা-বাংটাগান নাঢি দিলুং। মুই তইধু শমক্ হেইনে তঅ সমারে চুক্তি গুরিলুং, আর সেক্কে তুই মর্ অলে।

যিহিষ্কেল 39:29

তারা ইত্তুন্ মুই মর্ মুয়োন আর্ ফিরেই ন-রাগেম, কিত্যে ইস্রায়েলীয়গুনো উগুরে মুই মর্ আত্মাগান ঢালি দিম। মুই প্রভু লগেপ্রভু এ কধাগান কঙর্।”

হোশেয় 14:4

লগেপ্রভু কত্তে, “মুই তারারে ভান্ন্যেই পধেদি যানাত্তুন্ ফিরেই আনিম আর কনঅ শর্ত ছাড়া তারারে কোচ্‌পেম, কিত্যে মঅ রাগ্‌‌‌‌‌কান তারা উগুরেত্তুন্ সুরি যেইয়্যে।‌‌

যোয়েল 3:20

আগে ইগুনোরে মুই দুষী বিলি ধোজ্যং, মাত্তর্ ইক্কিনে তারার্ দুষ্‌‌‌‌চান মুই খেমা গুরিম। মানুচ্চুনে যিহূদাত্ উমরত্যে বজত্তি গুরিবাক্ আর যিরূশালেমত্ বজত্তি গুরিবাক্ বংশর পর বংশ ধুরি, আর মুই লগেপ্রভু সিয়োনত্ বজত্তি গুরিম।”

যোহন 3:29

যা আঢত্ ঝিবোরে দিয়্যে ওইয়্যে, তেয়ই জামেবো। জামেয় সমাজ্যেবো থিয়্যেইনে জামেয়র্ কধা শুনে আর তার্ রবুয়ো শুনিনে ভারী খুজী অয়। ঠিগ্ সেবাবোত্যেগুরি মর্ খুজীগান্ এচ্চ্যে পুরেল।

রোমীয় 7:4

ঠিগ্ সেবাবোত্যে মর্ ভেইয়ুন, যীশু খ্রীষ্টর্ মাধ্যমে মোশির্ রীদি-সুদোমর্ দাবি-দাওয়া ইধু তুমিয়ো মোজ্জ্য। সিয়েনর্ কারনে যিবেরে মরণত্তুন্ জেদা গরা ওইয়্যে তুমি সেই যীশু খ্রীষ্টর্ ওইয়ো, যেন গোজেনত্তে তমা জিংকানিয়ানি দোল্ ওই উদে।

২ করিন্হীয় 11:2

মুই তমাত্যে মঅ মনত্ গোজেনর্ দিয়্যে এক গভিন্ জ্বালায় জ্বলঙর্, কিয়া মুই বানা এক্কো জামেইয় সমারে, অত্তাৎ খ্রীষ্ট সমারে তমার্ মেলা পৌইদ্যেনে ঠিগ্ গুরি রাগেয়োং, যেন সতী মোগ্ ইজেবে তাইধু তমারে তুলি দি পারং।

ফগদাং পেইয়্যে 21:2

যেরেদি মুই সেই পবিত্র শঅরানরে, অত্তাৎ নুয়ো যিরূশালেমানরে স্বর্গ ভিদিরেত্তুন্ আর গোজেন ইত্তুন লামি এত্তে দেগিলুং। বৌরে যেধোক্ক্যেন গুরি তা জামেইবোত্যে সাজা অয়, এই শঅরানরেয়ো ঠিগ্ সেধোক্ক্যেন গুরি সাজা ওইয়্যে।