হোশেয় 2:15 - Chakma Bible

¹⁵ মুই সিদু তার আংগুর খেত্‌‌‌তান তারে ফিরেই দিম আর আখোর্ কলগ্‌‌‌কানরে আজার দোর্ বানেম। তার গাবুজ্যে জিংকানি ধোক্ক্যেন গুরি তে সিদু গীদ্ গেইনে জোব্ দিবো যেবাবোত্যেগুরি তে দিয়্যে মিসরত্তুন্ নিগিলি এবার্ দিনোত্।

হোশেয় 2:15 Iomraidhean Croise

১ রাজাবলী 16:31

নবাটর পূঅবো যারবিয়ামে যেদক্কানি পাপ গোজ্যে সিয়েনিরে তে সামান্য বেপার্‌ বিলিনে মনে গুরিদো। বানা সিয়েনি নয়, তে সীদোনীয়গুনোর রাজা ইৎবালর ঝি ঈষেবলরে লল আর বাল দেবেদার সেবা আর পূজো গরা ধুরিলো।

গীতসংহিতা 106:12

সেক্কে লগেপ্রভুর কধালোই তারা বিশ্বেজ্ গুরিলাক্ আর তার নাঙ্ গিনেদে গীদ্ গেলাক্।

গীতসংহিতা 129:1

ইস্রায়েলে হোক্, “মুই চিগোন থাগদে মান্‌জ্যে মরে বোউত্ অত্যেচার গোজ্যন্।

যিশাইয় 65:10

মর্ যে মানুচ্চুনে মর্ আওজ্ মজিম চলদন্ তারাত্তে শারোণান অবঅ ভেড়া পাল চোড়েবার জাগা আর আখোর কলগ্‌কান অবঅ য়েমান পালর্ জিরেবার-জাগা। ‍‍‍

যিশাইয় 65:21

তারা ঘর্ বানেইনে সিদু বজত্তি গুরিবাক্ আর আংগুর খেত্ গুরিনে সে ফলুন হেবাক্।

যিরমিয় 2:1

লগেপ্রভু মরে যিরূশালেমত্ যেইনে সিদুগো মানুচ্চুনো ইধু এ কধাগান কবাত্তে কলঅ: “তর্ গাবুজ্যে অক্তত্ বিশ্বেজর্ কধানি মর্ মনত্ আঘে। নূয়ো বৌ ধোক্ক্যেন তুই কেজান্ গুরি মরে কোচ্‌পেইয়োচ্ আর যে দেজত্ চাষ গরা ন-অয় সেধোক্ক্যেন ধূল্যেচর-চাগালাত্ মঅ পিজে পিজে যেইয়োচ্।

যিরমিয় 29:11

তমাত্তে মর্ পরিকল্পনাগানর্ কধাগান মুয়ই হবর্ পাং; সিয়েন তমা ভালেদিত্তে, ক্ষোতিত্বে নয়। সে পরিকল্পনাগানর ভিদিরেদি তমা ভবিচ্চদর্ আজাগান পূরোণ অবঅ।

যিরমিয় 3:4

তুই কি ইক্কিনে মরে ডাগিনে ন-কচ্, ‘ও মর্ বাবা, মর্ চিগোনকালর্ সমাজ্যেবো,

যিরমিয় 32:15

কিত্তে এ দেজত্ ঘর-বাড়ি, জাগা-জোমিন আর আংগুর খেত্ আরঅ বেজা-কিনে চলিবো। মুই ইস্রায়েলর গোজেন বেগত্তুন্ খেমতাবলা লগেপ্রভু এ কধাগান কঙর্।

আবিলেচ্ 3:21

তো মর্ আজা আঘে, কিত্তে মুই এ কধাগান ইদোত্ তুলোং;

যিহিষ্কেল 16:22

তর্ বেক জঘন্য কামানিত্ আর তর্ সিনেলীত্ তুই তর্ চিগোন অক্তর্ কধানি ইদোত্ ন-তুলোচ্ যেক্কে তুই লাংটা-বাংটা এলে আর উট্যেবুট্যে নিজো লো-গান উগুরে ছদফদর্।

যিহিষ্কেল 16:60

তো তর্ কম বয়জত্ তত্তে মুই যে সুদোমান থিদেবর্ গোজ্যং সিয়েন মুই মনে গুরিম আর তত্তেই এক্কান উমরর্ সুদোম থিদেবর্ গুরিম।

যিহিষ্কেল 16:8

পরেদি মুই তঅ কায়-কুরেদি যেবার অক্তত্ তন্দি রিনি চেইনে দেগিলুং, তর্ ইক্কিনে প্রেম গুরিবার সময় ওইয়্যে; সেনত্তে মঅ পোজাগর্ কিজু ভাগ্ মুই তঅ উগুরে বিজেই দিইনে তর্ লাংটা-বাংটাগান নাঢি দিলুং। মুই তইধু শমক্ হেইনে তঅ সমারে চুক্তি গুরিলুং, আর সেক্কে তুই মর্ অলে।

যিহিষ্কেল 28:25

“নানান্ জাদত্ ছিদি পোজ্যে ইস্রায়েলীয়গুনোরে মুই যেক্কে এগত্তর্ গুরিম সেক্কে জাদ্‌তুনো চোগো মুজুঙোত্ তারা ভিদিরে মুই নিজোর পবিত্রতাগান ফগদাং গুরিম। সেক্কে তারা নিজোর্ সেই দেজত্ বজত্তি গুরিবাক্ যে দেজচান মুই মর্ চাগর্ যাকোবরে দুয়ো‌‌‌‌‌‌‌‌‌‌‌ঙ্।

যিহিষ্কেল 28:26

সিয়েনত্ তারা ঘর-বাড়ি বানেইনে গমেডালে বজত্তি গুরিবাক্ আর আংগুর খেত্ গুরিবাক্। তারার ঠাট্টা-মশকারি গুরিয়্যে কায়কুরে জাদ্‌‌‌‌‌‌‌‌‌‌‌‌‌ বেক্কুনোরে যেক্কে মুই সাজা দিম সেক্কে তারা গমেডালে বজত্তি গুরিবাক্। সেক্কে তারা হবর্ পেবাক্, মুয়ই তারার্ গোজেন লগেপ্রভু।”

হোশেয় 11:1

লগেপ্রভু কত্তে, ইস্রায়েল চিগোন অক্তত্ মুই তারে কোচ্‌পেদুং আর মিসরত্তুন্ মর্ পুয়োবোরে ডাগি আন্যং।‌‌‌‌‌‌

হোশেয় 12:13

মিসরত্তুন্ ইস্রায়েলরে আনিবাত্তে লগেপ্রভু এক্কো ভাববাদীরে বেবহার গোজ্যে; তারে দিইনে তে তার্ দেগাশুনো গোজ্যে।

হোশেয় 12:9

মাত্তর্ ও ইফ্রয়িম, মুয়ই তর্ গোজেন লগেপ্রভু; মুই মিসর দেজত্তুন্ তরে নিগিলেই আন্যং। তর্ ঠিগ্ গোজ্যে পরব সময়ো ধোক্ক্যেন গুরি মুই আরঅ তরে তাম্বুলোত্ বজত্তি গোরেম।

হোশেয় 13:4

লগেপ্রভু কত্তে, মিসরত্তুন্ তরে নিগিলেই আনিবার সময়ত্তুন্ ধুরি মুয়ই তর্ গোজেন লগেপ্রভু। মুই বাদে তর্ আর কনঅ গোজেন নেই; মুই বাদে তর্ আর কনঅ উদ্ধোর্ গুরিয়্যে নেই।

হোশেয় 2:12

যেদক্কানি আংগুর-লুদি আর ডোমোর্ গাজ পৌইদ্যেনে তে কোইয়্যে, তার পাওনা ইজেবে তা লাঙুনে দুয়োন, সিয়েনি মুই বর্‌‌বাত্ লাগেম; সিয়েনি মুই ঝারত্ ফেলেই দিম্বোই আর য়েমানুনে সিয়েনি হেই ফেলেবাক্।

আমোষ 9:14

বন্দীদজাত্ থেইয়্যে মঅ মানুচ্ ইস্রায়েলীয়গুনোরে মুই ফিরেই আনিম; তারা ভস্ত ওই যেইয়্যে শঅরানি আরঅ বানেবাক্ আর সিয়েনিত্ বজত্তি গুরিবাক্। তারা আংগুর খেত্ গুরিনে আংগুর-রস হেবাক্; তারা বাগান গুরিনে সিয়েনর্ ফলুন হেবাক্।

সখরিয় 9:12

ও আজাগুরি থেইয়্যে বন্দীগুন, তুমি তমা ঘরত্ ফিরি যঅ; এইচ্চ্যে মুই এগেম্ গরঙর্, মুই তমারে দ্বিগুণ আশিদ্‌বাদ গুরিম।

গণাণা 21:17

সেক্কে ইস্রায়েলীয়গুনে এই গান্নো গেলাক্: “ও কূয়োবো, তুই পানিলোই ভুরি উঠ্‌। তুমি এ কূয়োবো পৌইদ্যেনে গান গরঅ।

যোহন 10:9

মুয়ই দুয়োরান্। যুনি কেঅ মঅ মাধ্যমে ভিদিরেদি সমে সালে তে উদ্ধোর্ পেবঅ। তে ভিদিরে এবঅ আর বারেদি যেবঅ আর চরত্ হেবার্ জাগা পেবঅ।

প্রেরিত্‌ 14:27

আন্তিয়খিয়াত্ লুমিনে মন্ডলীর বেক্কুনোরে তারা এক জাগাত্ থুবেলাক্ আর গোজেনে তারা মাধ্যমে যিয়েনি গোজ্জ্যে সিয়েনি বেক্কানি কলাক্। গোজেনে কেধোক্ক্যেন্ গুরি অযিহূদীগুনোরে সুযোগ গুরি দিয়্যে যাতে তারা খ্রীষ্ট উগুরে বিশ্বেজ্ গুরি পারন্ সিয়েনিয়ো কলাক্।

যিহোশূয় 7:26

আখনর কিয়্যের্‌ উগুরেন্দি তারা ভালোক্কুন্‌ পাত্তর্‌ এগত্তর্ গুরিনে এক্কো হুড়্ বানেলাক্‌। সিবে এজঅ‌ আঘে। ইয়েনর্ পরেন্দি লগেপ্রভু তা রাক্কানত্তুন্‌ ফিরিলো। ইয়েনত্তেই সে জাগায়ানরে ইয়েনর্‌ পরেত্তুন্‌ ধুরি আখোর কিজিং কুয়ো অদঅ‌।

বিচের গুরিয়্যেগুন 8:34

যিবে তারারে চেরোকিত্তে বেক্‌ শত্রুগুনোর আঢত্তুন্‌ রোক্ষ্যে গোজ্যে তারার সেই গোজেন লগেপ্রভুরে তারা পুরি ফেলেলাক্‌।