হোশেয় 2:11 - Chakma Bible

¹¹ মুই তার বেক্ রঙ্গ-ফুত্তির্ অনুষ্ঠান, পরব্, আঙোস্যে, জিরেবার দিন-এক কধায় তার্ বেক ঠিগ্ গোজ্যে পরব্‌‌পুন বন্ধ গুরি দিম।

হোশেয় 2:11 Iomraidhean Croise

১ রাজাবলী 12:32

যিহূদা চাগালার্‌ ভিদিরে যে পরপ্পুন্‌ অদাক্‌ সে পরব ধোক্কেন আস্‌তো মাজর্‌ পন্দর দিনোর্‌ দিন্নোত্‌ তে বৈথেলত্‌অ ইক্কো পরবর্‌ বেবস্থা গুরিলো আর নিজোর্‌ বানেয়্যে গোরু ছবোর্‌ নাঙে ডালিপূজোবো উগুরে এ্যমান্‌ উৎসর্ব গুরিলো। তে বৈথেলত্‌ পূজোর্‌ অজল্‌ জাগানিত্‌ তার্‌ বানেয়্যে মন্দিরোত্‌ ধর্মগুরুয়ো নেযেল।

যিরমিয় 16:9

কিত্তে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, মুই এ জাগানর্ মানুচ্চুনোর চোগো মুজুঙোত্ আর তারার জিংকানিত্ ফুত্তি আর হুজির রঅ আর নূয়ো বৌ-নূয়ো জামের্ মুয়োর্ কধানি বন্ধ গুরি দিম।

যিরমিয় 25:10

মুই তারা ভিদিরেত্তুন্ ফুত্তি আর হুজির্ রঅ, নেগ আর মোগোর রঅ, মিশিনোর্ রঅ আর চেরাগ পহর্ দূর্ গুরি দিম।

যিরমিয় 7:34

মুই যিহূদার শঅরানিত্ আর যিহূদার বেক্ পধে পধে হুজি আর ফুত্তির্ রঅ আর নেগ-মোগোর মুয়োর রঅ বন্ধ গুরি দিম, কিত্তে দেজ্‌চান ভস্তর জাগা ওই যেবঅ।” ‌‌‌‍

যিহিষ্কেল 26:13

মুই তর্ গান রবো থামেই দিম; বীণার বাজানাবোয়ো আর শুনো ন-যেবঅ।

হোশেয় 3:4

ঠিগ্ এবাবোত্যেগুরি ইস্রায়েলীয়গুনে ভালোক্ দিন সং রাজা, নেতা, উৎসর্বর অনুষ্ঠান, পূজোর্ পাত্তর্, এফোদ আর মূত্তি ছাড়া থেবাক্।

হোশেয় 5:7

তারা লগেপ্রভু ইধু অবিশ্বেজি ওইয়োন; তারা জার্‌‌গো পুয়োগুনোরে জর্ম দুয়োন। সেনত্তে ইক্কিনে তারার্ আঙোস্যে পরব্‌‌পুনে তারারে গিলি ফেলেব আর তারার্ খেত্‌‌তানিয়ো তারারে গিলি ফেলেব।

লেবীয় 26:20

সেক্কে তুমি অনত্তক্ কাম গুরিনে মুরিবা; তমার ভূইয়োত্‌ সেক্কে ফসলঅ ন-অবঅ, গাজ-বাজত্‌ গুলোগুলিও ন-ধুরিবাক্।

আমোষ 5:21

লগেপ্রভু কত্তে, মুই তমা পরব্‌‌‌‌পুন ঘিনাং, এলাফেলা গরং; তমা তেম্মাঙানি মুই সোজ্য গুরি ন-পারং।

আমোষ 8:3

সেদিন্যে রাজঘরত্ গান বদলে এই আবিলেচ্‌‌‌চান অবঅ, ‘বোউত্, বোউত্ মরাকিয়্যে; সিয়েনি বেক্ জাগানি ইধু লুঙি মারিনে ফেলা ওইয়্যে। জুড়ো অ।’ ”

আমোষ 8:5

তুমি কত্তে, “কক্ক্যে আঙোস্যেগান্ যেবগোই যেনে আমি শোজ্যনি বিজি পারিই? কক্ক্যে জিরেবার দিন্নো থুম্ অবঅ যেনে আমি বাজারত্ গম্ বেজি পারিই? আমি মাবেদে আড়িবো চিগোন গুরিবোং, দাম্ বাড়েবং, ঠগাইদ্যে পাল্লাবো বেবহার গুরিবোং,

নহূম 1:10

তুমি মাদি ফেগঅ ভিদিরে দলামজা ওই যেবা আর মদ হেইনে মাত্তল্ অবা; তুমি নাড়া ধোক্ক্যেন পুড়ি যেবা।