হোশেয় 14:4 - Chakma Bible

⁴ লগেপ্রভু কত্তে, “মুই তারারে ভান্ন্যেই পধেদি যানাত্তুন্ ফিরেই আনিম আর কনঅ শর্ত ছাড়া তারারে কোচ্‌পেম, কিত্যে মঅ রাগ্‌‌‌‌‌কান তারা উগুরেত্তুন্ সুরি যেইয়্যে।‌‌

হোশেয় 14:4 Iomraidhean Croise

গীতসংহিতা 10:14

মাত্তর্ ও গোজেন, দুঘ্-কট্টগানিয়ে তঅ চোগ্‌কুনোরে ফাকি দি নঅ-পারন্; তুই নিজো আঢে ইয়েনর্ বেবস্থা গর্। অসহায়ানে দঅ তঅ আঢত্ নিজোরে তুলি দে; মা-বাপ নেইয়্যেগুনোরে তুই সাহায্য গুরি থাচ্।

গীতসংহিতা 20:8

তারা তলে পোজ্যন্, তারা পড়ি যেইয়োন, মাত্তর্ আমি মাঢাবো তুলিনে থিয়্যেই আগিই।

গীতসংহিতা 78:38

তো তে দোয়্যে-মেয়্যেলোই ভরা বিলিনে তারার অন্যেয়ানি খেমা গুরিলো, তারারে ভস্ত ন-গুরিলো; তা রাগ্‌কান তে বার বার দোঙেই রাগেল, তা বেক্ রাগ্‌কান ফুলি ন-উদিলো।

যাত্রা 15:26

তে কোইয়্যেদে, “তুমি যুদি তমা গোজেন লগেপ্রভুর্‌ কধা মানিনে তা চোগেদি যিয়েন্‌ দোল্‌ সিয়েনোই গরঅ‌ আর তাঁর্‌ উগুমোত্‌ কান্‌ পাদঅ আর তাঁর্‌ দিয়্যে বেক্‌ সুদোমানি পালন্‌ গরঅ, সালে মিসরীয়গুনো উগুরে মুই যেদক্কানি পীড়ে আন্যং সিয়েনি তমা উগুরে ন-আনিম। মুই লগেপ্রভু তমারে সুগেই রাগেম্‌।”

যিশাইয় 12:1

সেদিন্যে তুই কবেদে, “ও লগেপ্রভু, মুই তরে বাঈনী গুরিম্, কিত্তে তুই মঅ উগুরে রাগ্‌কান ফগদাং গোজ্যস্;‌ মাত্তর্ ইক্কিনে তঅ রাগ্‌কান থামেয়্যে‌ আর তুই মরে বুঝোর্।

যিশাইয় 55:1

লগেপ্রভু কত্তে, “ও তিরেস্ পেইয়্যে মানুচ্চুন্, তুমি বেক্কুনে পানি কায়-কুরে এজঅ; যিবের টেঙা-পোজে নেই তেয়ো এইনে কিনি হেই যোক্। এজঅ, টেঙা ছাড়া, এনেবাদে আংগুর-রস আর দুধ কিনো।

যিশাইয় 57:18

মুই মান্‌জ্যর্ বেক্ বেবহারানি দেখ্যং, তো মুই তারারে গম্ গুরিম। মুই তারারে পরিচালনা গুরিম আর যিগুনে আবিলেচ্ গরন তারারে বুঝেম্।

যিরমিয় 14:7

ও লগেপ্রভু, আমা পাপ্পানিয়ে যুনিয়ো আমা বিরুদ্ধে সাক্ষি দে তো তঅ সুনাঙত্তে কিজু গর্। আমি ভালোক্‌বার ভান্ন্যেই পধেদি যেইয়্যেই; আমি তঅ বিরুদ্ধে পাপ গোজ্যেই।‌‌‍

যিরমিয় 17:14

ও লগেপ্রভু, মরে গম্ গর, সেক্কে মুই গম্ ওম; মরে উদ্ধোর্ গর্, সেক্কে মুই উদ্ধোর্ পেম, কিত্তে তুয়ই মর্ বাঈনী গুরিবার মানুচ্।‍

যিরমিয় 3:22

লগেপ্রভু কোইয়্যেদে, “ও ভান্ন্যেই পধেদি যেইয়্যে পুয়োছাগুন, ফিরি এজঅ; তমার্ ভান্ন্যেই পধেদি যেইয়্যে পিড়েনি মুই গম্ গুরি দিম।” সেক্কে ইস্রায়েলীয়গুনে কবাক্, “অয়, আমি তইধু এবং, কিত্তে তুয়ই আমার গোজেন লগেপ্রভু।

যিরমিয় 31:20

ইফ্রয়িম কি মর্ কোচ্‌পানার পুয়ো নয়? তে কি সেই পুয়োবো নয় যিবেরে দেগিনে মুই হুজি অং? যুনিয়ো মুই প্রায়ই তা বিরুদ্ধে কধা কোইয়োং মাত্তর্ তো মুই তারে নিত্য ইদোত্ রাগাং। সেনত্তে মঅ পরাণান তাত্তে কানের্; তাত্তে মর্ অমকদ মেয়্যে অয়। ‍‍

যিরমিয় 33:6

তো মুই ইয়েন্দোই স্বাস্থ্য আর সুস্থতা আনিম; মঅ মানুচ্চুনোরে মুই গম্ গুরিম আর সত্যর্ সুগ্-শান্দি অমকদগুরি পেবাত্তে দিম।

যিরমিয় 5:6

সেনত্তে ঝারত্তুন্ এক্কো সিংহ এইনে তারারে মারে ফেলেব। ধূল্যেচর-চাগালার এক্কো হোক্ক্যে বাঘে তারারে ভস্ত গুরিবো আর তারার্ শঅরানি ইধু এক্কো হোক্ক্যে বাঘে উঠ্ পাদি থেবঅ। যুনি কনজনে সিয়োনত্তুন নিগিলি এজন্ সালে তে কট্টা কট্টা ওই যেবঅ, কিত্তে তারার পাপ্ অমকদ বেশ্ আর তারার ভান্ন্যেই পধেদি যেবার ঘটনাগান বেশ্।

যিরমিয় 8:22

গিলিয়দত্ কি কনঅ মলম নেই? সিয়েনত্ কি কনঅ ডাক্তর্ নেই? সালে মঅ মানুচ্চুনোর কিয়্যেনি কিত্তে গম্ ন-অয়?

যিহিষ্কেল 33:14

যুনি মুই এক্কো পাজি মান্‌‌‌‌জ্যরে কং, তুই ঘেচ্চেকগুরি মুরিবে, মাত্তর্ তে পরেদি তা পাপত্তুন্ ফিরিনে ন্যায় আর ঠিগ্ কাম গরে,

যিহিষ্কেল 36:36

সেক্কে তমা চেরোকিত্তে বাঁজি থেইয়্যে জাদ্‌‌তুনে হবর্ পেবাক যে, মুই লগেপ্রভু ভাঙা জাগানি আরঅ তুল্যং আর পড়ি থেইয়্যে জাগাত্ আরঅ গাজ লাগেয়োং। মুই লগেপ্রভু এ কধাগান কোইয়োং আর মুই সিয়েনই গুরিম।’”

হোশেয় 11:7

মঅ মানুচ্চুনে মত্তুন্ ফিরি যানা থির্ গোজ্যন্। সেনত্তে তারা দাঙর্ গোজেনরে, অত্তাৎ মরে ডাগিলেয়ো মুই তারারে মোটেই সাহায্য ন-গুরিম।

হোশেয় 2:19

ও ইস্রায়েল, মুই তঅ লগে মিজেবাত্তে উমরত্তে থিদেবর্ গুরিম; সততা, ন্যায়বিচের, অমকদ কোচ্‌পানা আর দোয়্যেগান মুই সে মিজেনাগান পাক্কা গুরিম।‌‌‌

হোশেয় 6:1

আঢঅ, আমি লগেপ্রভু ইধু ফিরি যেই। তেয়ই আমারে কট্টা কট্টা গোজ্যে, তে আমারে গম্অ গুরিবো; তেয়ই আমারে আঘাত্ গোজ্যে, তে আমারে ঘাগানি বানিয়ো দিবো।

সফনিয় 3:17

তর্ গোজেন লগেপ্রভু তঅ ভিদিরে আঘে, তার রোক্ষ্যে গুরিবার খেমতা আঘে। তে তঅ পৌইদ্যেনে অমকদ হুজি অবঅ, আর তার গভীন্ কোচ্‌‌পানালোই তে অলর্ অবঅ। তে তঅ বেপারানিলোই হুজির-গান গুরিবো।”

গণাণা 25:11

“ধর্মগুরু হারোণর নাদিন্‌, অত্তাৎ ইলিয়াসরর্‌ পূঅ পীনহস ইস্রায়েলীয়গুনো উগুরেত্তুন্‌ মর্‌ রাক্কান্‌ দূর্‌ গোজ্যে। ইস্রায়েলীয়গুনো ভিদিরেত্তুন্‌ তে মর্‌ পাওনা ভোক্তিগান পৌইদ্যেনে মঅ ধোক্ক্যেন আওজী। সেনত্তেই মর্‌ পাওনা ভোক্তিগান পৌইদ্যেনে মর্‌ অমহদ আওজ্ থেলেয়ো মুই তারারে শেজ্ গুরিবাত্তে ন-দুয়োং।

গণাণা 25:4

লগেপ্রভু মোশিরে কলঅ, “তুই বেক্‌ ইস্রায়েলীয় নেতাগুনোরে ধুরিনে মারে ফেলা আর দিনো পহ্‌রত্‌ মঅ মুজুঙোত্‌ তারার্‌ কিয়্যেনি ফেলে রাগেচ্‌। সেক্কে ইস্রায়েলীয়গুনো উগুরেত্তুন্‌ মর্‌ সেই রাক্কান্‌ দূর অবঅ।”

রোমীয় 3:24

মাত্তর্ খ্রীষ্ট যীশু মান্‌জ্যরে পাপ আঢত্তুন্ উদ্ধোর্ গুরিবার্ বেবস্থা গোজ্জ্যে আর সেই উদ্ধোরর্ মাধ্যমে দোয়্যের্ দান ইজেবে বিশ্বেজিগুনোরে নিদ্দুজি বিলি মানি লুয়ো অয়।

ইফিষীয় 1:6

তে ইয়েন গোজ্জ্যেদে যেন তে তার্ কোচ্‌‌‌পানার্ পুয়োবোর্ মাধ্যমে মাগানা মহিমাভরা দোয়্যে আমারে গোজ্জ্যে সিয়েনর্ বাঈনী অয়।

২ তীমথিয় 1:9

গোজেনে আমারে পাপত্তুন্ উদ্ধোর্ গোজ্জ্যে আর পবিত্র গুরি জিংকানি কাদেবাত্যে ডাক্ক্যে। আমার কনঅ কামত্যে তে সিয়েন ন-গরে, বরং তার্ উদ্দেচ্য আর দোয়্যের্ কারনে গোজ্জ্যে। জগদ্ সৃট্টি অবার আগে খ্রীষ্ট যীশুরে দিইনে তে তার্ দোয়্যে আমারে দান গোজ্জ্যে,

তীত 3:4

মাত্তর্ যেক্কে আমার উদ্ধোর্ গুরিয়্যে গোজেনর্ দোয়্যে আর কোচ্‌পানা ফগদাং অলঅ সেক্কে তে আমারে পাপত্তুন্ উদ্ধোর্ গুরিলো।