হোশেয় 14:2 - Chakma Bible

² তুমি লগেপ্রভু ইধু ফিরি এইনে তারে কঅ, “আমা বেক্ পাপ্‌পানি খেমা গর্ আর আমার যিয়েনি গম্ সিয়েনি মানি লঅ যেনে আমি গোরু উৎ‌সর্গ ধোক্ক্যেন গুরি আমা মুয়োদি তরে বাঈনী গুরি পারিই।

হোশেয় 14:2 Iomraidhean Croise

২ শমূয়েল 12:13

সেক্কে দায়ূদ নাথনরে কলঅ, “মুই লগেপ্রভুর বিরুদ্ধে পাপ গোজ্যং।” জোবত্‌ নাথনে কলঅ, “লগেপ্রভু তঅ পাপ্পান্‌ খেমা গুরিলো; তুই মুরি ন-যেবে।

২ শমূয়েল 24:10

মানুচ্চুনোরে গুণিবার পরেন্দি দায়ূদো বিবেগত্‌ ধুরিলো। তে লগেপ্রভুর ইদু তবনা গুরিনে কলঅ, “মুই এ কামান গুরিনে জদবদে পাপ গোজ্যং। ও লগেপ্রভু, কোজোলী গরঙর্‌, তুই তঅ চাগরবোর্‌ এ অন্যেয়ানি দূর্ গুরি দে। মুই জদবদে ভুল্‌ মান্‌জ্যর কাম্ গোজ্যং।”

ইয়োব 7:21

কিত্তে তুই মঅ দুজ্‌ছান আর মঅ পাপ্পানি খেমা ন-গরচ্‌? মত্তুন্‌ দঅ যাদিমাদি মাদিত্‌ ঘুম্‌ যাহ্ পুরিবো; তুই মরে তোগেবে, মাত্তর্‌ মুই ন-থেম্‌।”

গীতসংহিতা 119:108

ও লগেপ্রভু, মুই নিজোর আওজে যে নাঙ্ গিনিবার উৎসর্ব গরং সিয়েন তুই গুজি লঅ, আর তর্ সুদোমানি মরে শিক্ষ্যে দে।

গীতসংহিতা 50:14

গোজেন ইদু তর্ ভালেদিগানই তর্ উৎসর্ব ওক্; সেই দাঙর্‌বো ইদু তর্ বেক্ মান্যেগানি পূরোণ গুরি থেচ্।

গীতসংহিতা 51:16

য়েমান্-উৎসর্বত্তে দঅ তুই হুজি ন-অচ্, অলে মুই সিয়েন গুরিদুং; পুজ্যে-উৎসর্বত্তেয়ো তুই হুজি ন-অচ্।

গীতসংহিতা 51:17

ভাঙিপোজ্যে মনানই গোজেনর মানি লোইয়্যে উৎসর্ব; ও গোজেন, বুযিপোজ্যে (নত আহ্ নম্র) মনানিরে তুই তুচ্ছো ন-গুরিবে।

যিশাইয় 44:22

মেঘ ধোক্ক্যেন গুরি তর্ বেক অন্যেয়ানি আর বেন্যে মাঢান্ কুয়ো ধোক্ক্যেন গুরি তর্ বেক পাব্‌‍পানি মুই দূর্ গুরি দুয়োং। তুই মইদু ফিরি আয়, কিত্তে মুয়ই তরে উদ্ধোর্ গোজ্যং।” ‍‍

যিশাইয় 6:7

সেই আঙারাবো তে মঅ মুয়োনত্ বাজেইনে কলঅ, “চাহ্, ইবে তঅ মুয়োনত্ বাস্যে; তঅ ভান্ন্যেয়ানি দূর্ গরা ওইয়্যে আর তঅ পাপ্‌পানি ফুজি ফেলা ওইয়্যে।” ‌‌

যিরমিয় 3:12

তুই যেইনে এ হবরানি উত্তোরেদি মু গুরিনে ফগদাং গর্: মুই লগেপ্রভু কঙর্, ও ভান্ন্যেই পধেদি যেইয়্যে ইস্রায়েল, ফিরি আয়। মুই আর তঅ ইন্দি রাগ্ গুরিনে ন-থেম্; মুই দোয়্যেবলা, সেনত্তে জিংকানিবর্ রাগ্ মনত্ ন-রাগেম।

হোশেয় 12:7

লগেপ্রভু কত্তে, “ব্যবসায়ী ইফ্রয়িমে ঠগাইদ্যে পাল্লা বেবহার গরে; তে জোরজুলুম গত্তে গম্‌‌‌পায়।‌

হোশেয় 5:5

ইস্রায়েলর অহংকারানে তারা বিরুদ্ধে সাক্ষি দে; ইফ্রয়িম, এন্ কি, গোদা ইস্রায়েলে তারা পাপত্তে উজোত্ খার্ আর যিহূদায়ো তারা লগে উজোত্ খার্।

হোশেয় 6:6

মুই বিশ্বেজ্‌চান্ চাং, য়েমান উৎসর্ব নয়; পূজ্যে-উৎসর্বত্তুন্ বেশ্ মুই চাং যেন মানুচ্ ঘেচ্চেকগুরি গোজেনরে চিনোন্।

যোয়েল 2:17

যিগুনে লগেপ্রভুর মুজুঙোত্ সেবা-কাম গরন্ সেই ধর্মগুরুগুনে উবোসনা-ঘরর্ বারান্দা আর পুজোবোর্ সংমোধ্যে কানোদোক্। তারা কোদোক্, “ও লগেপ্রভু, তঅ মানুচ্চুনো উগুরে তুই দোয়্যে গর্। তঅ সোম্বোত্তিগানরে ঈচ্ গরেপারা ন-গুরিচ্, জাদ ভিদিরে তারার্ নাঙানি ঈচ্ গরেপারা কধা অবাত্তে ন-দিচ্। অন্য জাদ মানুচ্চুনে কিত্তে কবাক্, ‘তারার্ গোজেনে কুদু?’ ”

যোনা 2:9

মাত্তর্ মুই ভালেদির্ গীদ্ গেইনে তঅ নাঙে য়েমান উৎসর্ব গুরিম। মুই যে মানত্তান্ গোজ্যং সিয়েন পূরোণ গুরিম। উদ্ধোর গরানা লগেপ্রভুর কাম।”

সখরিয় 3:4

সেই দূত্‌তো নিজো মুজুঙোত্ থিয়্যেই থেইয়্যে অন্য দূত্‌তুনোরে কলঅ, “তার কজরা কাবড়-চুগোরানি খুলি ফেলঅ।” সে পরেদি তে যিহোশূয়রে কলঅ, “চাহ্, মুই তঅ পাপ্পানি দূর্ গুরি দুয়োং‌‌ আর মুই তরে দোল্ কাবড়-চুগোর্ উরেম।”

মথি লেখ্যে গম্ হবর্ 7:11

তুমি বজং ওইনেয়ো যুনি নিজো পুয়ো ছাগুনোরে গম্ গম্ জিনিস দিবাত্তে জান, সালে যিগুনে তমা স্বর্গর্ বাবা ইধু চান্ তে যে তারারে গম্ গম্ জিনিস দিবো ইয়েন কত্তমান্ সত্য!

লূকে লেখ্যে গম্ হবর্ 11:13

সালে তুমি বজং অলেয়ো যুনি তমা ঝি-পুয়োগুনোরে গম্ গম্ জিনিস দিবাত্তে জান, মাত্তর্ যিগুনে স্বর্গর্ বাবঅ ইধু চান্, তে যে তারারে পবিত্র আত্মাগান্ দিবো ইয়েন কত্তমান্ ঘেচ্চেক্‌গুরি নয়!”

লূকে লেখ্যে গম্ হবর্ 18:13

সেক্কে সেই খাজানা-তুলিয়্যেবো কিজু দূরোত্ থিয়্যেই এলঅ। আগাজ ইন্দি রিনি চেবার্‌‌‌‌অ তার সাহচ্‌ ন-অলঅ; তে বুগ্ চাবেরেইনে কলঅ, ও গোজেন! মুই পাপী; মরে দোয়্যে গর্।

যোহন 1:29

তার্ কেল্যে যোহনে যীশুরে তা নিজো ইন্দি এত্তে দেগিনে কলঅ, “উইয়োবু চঅ, গোজেনর্ ভেড়া ছবুয়ো, যিবে মান্‌জ্যর্ বেক্‌ পাপ্পানি দূর্ গরে।

রোমীয় 11:27

মুই যেক্কে তারার্ পাপ্‌‌পানি দূর্ গুরিম সেক্কে ইয়েনই অবঅ তারাত্তে মর্ বর্ পেইয়্যে বেবস্থা।

২ তীমথিয় 1:9

গোজেনে আমারে পাপত্তুন্ উদ্ধোর্ গোজ্জ্যে আর পবিত্র গুরি জিংকানি কাদেবাত্যে ডাক্ক্যে। আমার কনঅ কামত্যে তে সিয়েন ন-গরে, বরং তার্ উদ্দেচ্য আর দোয়্যের্ কারনে গোজ্জ্যে। জগদ্ সৃট্টি অবার আগে খ্রীষ্ট যীশুরে দিইনে তে তার্ দোয়্যে আমারে দান গোজ্জ্যে,

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

ইব্রীয় 10:4

কিয়া বলদ্ গোরু আর ছাগলর্ লো-গানি কনদিনঅ পাপ ধাবেই দি ন-পারে।

ইব্রীয় 13:15

ইয়েনত্যে খ্রীষ্টর্ মাধ্যমে এজঅ, আমি গোজেন ইধু আমিযে বাঈনী-উৎসর্ব গুরিই, অত্তাৎ গোজেনর্ মানুচ্‌ বিলিনে যিগুনে নিজোরে স্বীগের্ গরন্ তারা তারার্ মুয়োনিলোই গোজেনরে বাঈনী গোত্তোক্।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।

১ যোহন 1:7

মাত্তর্ গোজেনে যেধোক্ক্যেন পহ্‌রত আঘে আমিয়ো যুনি সেধোক্ক্যেন পহ্‌রত চলিই সালে আমা ভিদিরে উদোন্-বজন্ থায় আর তা পুয়োবো যীশুর লো-গান্দোই বেক্ পাপ্পানিত্তুন্ আমারে সিজি গরে।

১ যোহন 3:5

তুমি দঅ কোই পারঅ যে, আমা পাপ্পানি ধাবেই দিবাত্যে খ্রীষ্ট ফগদাং ওইয়্যে। খ্রীষ্ট ইধু কনঅ পাপ নেই। যিগুনে খ্রীষ্ট সমারে থান্ তারা পাপত্ পড়ি ন-থান্।